泰特色泰國餐廳 (已結業)

啱啱食完飯，行行下見到轉角有間泰國菜餐廳樓下仲賣好多各色樣既糕點，細細舊，唔駛怕肥。我都係揀左泰菜最傳統既椰汁西米糕，以前食泰菜會送，依家買都未必有，$6個仲有粟米同芋頭，真係足料又唔太甜。

上次食完間抵食既任食下午茶，經過又見到另一間到做緊，之前唔見，應該新做。果然新做係唔同d，保持到食物質素之餘又抵食，都係$58而且星期六都人唔多，唔駛搶搶搶撞撞撞！種類雖然冇另一間咁多，但係已經好多野食同好夠食。粉面，飯類，包類，咖哩類，炸野類，小菜類，冷盤類，湯類，好齊全。最重要係汽水任飲，仲有菜蜜甘吉蜜都任飲，岩哂食完熱氣野。先黎冬陰公，足料，蝦仁，姑類，蟹柳，味道屬正常。沙律一樣足料，魚蛋扎肉夠多，好野味開胃，酸酸辣辣。炸野夠脆，海鮮餅足料。咖哩配蒜蓉包，冇得輸，包夠脆，可惜蒜蓉比較少，咖哩濃郁，就算任食都咁杰身同足料，魚柳蟹柳魷魚等等。呢個咕嚕雞球好好食，少粉去炸，成舊雞，唔肥又脆口，醬汁野味，酸酸甜甜。泰燒雞好滑，胸都唔鞋，本身有味，加埋個泰色汁野味非常，推介！豬手夠淋滑，入口即溶，可惜比較淡口。糖水好夠料，清清地作結。總括黎講，食物種類唔多，但款款都足料好食，味道佳。可惜冇海南雞。地方又好，唔迫之餘，又多人服侍收下碗碟。$58好高質，又抵食！

在團購見到d 食物相幾靚, 午餐自助餐$60 已包加一, 對$60 真係冇咩要求. 一行6人，12:30PM 去到，見到有一堆人圍住張圓枱，原來就係自助餐d 野食. 就係咁多. 小食有炸薯格薯條春卷咖喱角越式網春卷, 腸仔, 蒜蓉包，其他熱食有炒粉炒可炒飯，仲有青口，咖哩魚蛋同菜. 亦有2款湯, 中湯同冬陰公, 好唔好味好難去評論, 我只可以說一分錢 一分貨. 飲品亦可以自由拎, 有2個保溫箱, 有7喜同盒裝飲品. 仲有一款泰式糖水, 好似係綠豆蓉露, 可自己加椰漿. 幾清又唔太甜. 呢個係成個meal 最surprise, 好味. 呢個價錢, 呢D野食, 其實要食好多先可以回本. 如果你係比較大食, 又對食物冇咩要求, 可以一試. 就算唔團購, 都只係$68.

下午茶自助餐2-4點，餐廳離MTR A1出口都容易搵。要先付款$58@，方可進埸享用。選擇不多，一台睇哂，另任飲飲品，有罐裝飲品汽水，和泰国咖啡，不太甜。有唯一甜品，南瓜露；有酸辣牛排葉，豬頸肉，有酸辣湯，咖喱青口，蒜蓉包等.....總括來說，$58@連加一算好平，都易歸本。

團購買午餐自助$60，寫住原價$128，去到現場原價只係$68，学生就$58。比團購呃左！預咗好左野食，但仲比預期既更加失望！飲品：只用保温箱裝住罐裝可樂和檸檬茶，完全吾凍既！另有沖好左既咖啡，我就冇試。熱食：出得勁慢，慢到一有野食出就5秒比人搶晒。我地枱坐太遠，完全睇吾到食物枱，所以建議坐近D。咖喱魚蛋豬皮、咖喱魚、菜2款、炒飯、炒麵、(un)既咖喱牛、好少既豬手、白飯。出過一碟雞，但搶不到，試不到。只出左一碟，冇再出過了！*冇野好食！冇海南雞和油飯？*其他：唯一係甘出既炸薯角/條丶咖哩角和春卷(不好吃)、蒜蓉包(勁難食，凍左，又un，咬吾到)失望冇酸辣鳳瓜！湯:冬陰公(冇湯餸的)。冬瓜湯。甜品：南瓜西米露(OK)非常失望冇其他糕点！服務：一般，不安排舒適坐位給客人，很多人要求調位，包括我自己。建議：試都吾洗去試

呢間好耐之前食過唔差，尋日同屋企人落荃灣路德圍整野，然後見到食飯時間，咪隨便搵間餐廳食晚餐。記得呢間餐廳都幾好坐，食物都唔差，咪走上去囉。。點知：1。睇menu已覺奇怪，咁多中式小菜? 好似去左茶記咁。2。點左蝦餅，炒通菜，炒金邊粉，串燒，菠蘿炒飯，海南雞，泰式鳳爪。唔洗10分鐘，上齊d餸。。一睇就知煮定。蝦餅 ok通菜 勁咸金邊粉 極差，唔熱，唔乾，唔香，無味串燒 ok 乾左少少炒飯 無味，唔熱海南雞 ok鳳爪 ok所以應該唔會再去。。。

本身諗住黎跟老公黎上堂然後食好西 荃灣啵 緊係勁多正野食架啦 諗住先去kala買份芝士吐司 點知冇開 咁行行下見到 e?!全單七折泰國野 我呢個新手師奶重唔狗沖咩 諗都唔諗同老公上去 一心諗住泰國野個味咁濃好難會難食既 上到去七成人左右 咁我地見有折咪叫左5樣野2杯飲品豬頸肉炒河(干又唔熱 味道似街市十蚊一份果d炒河 豬頸肉少到數到出黎 老公比負皮）蝦東陰宮湯(味道唔難飲 普通味 係d蝦肉梅）西莎咖喱牛腩(個名好似係上下 牛腩份量都好多 味道就老公話大快活重好食 一d都唔泰式）泰式蒜容包四件(呢個我都要比負皮 係一d蒜味同香味牛油味都冇 面頭有幾粒莞西 但食落只有油膩味）海南雞四份一隻(冇特別 去大乜樂果d快餐會更滑更好食)凍泰式奶茶(唔係我想像果種充滿東南亞風味既奶茶 似溝左好立克定阿華田咁既味 只可以話唔難飲 但唔好太大期望）椰青(成餐最好飲最好食係佢 椰水夠香椰味夠凍 d椰肉重好嫩唔會太老 成餐唯一食晒既野)佢上菜速度係極之快 我地點完菜五分鐘已經上晒咁滯 所以我同老公應為整定既機會十分高 個湯黎果陣飲左啖係唔熱 靠佢個火煮左陣先出煙 個炒河唔係熱辣辣只係暖 似係炒定一大兜夾比你

住係綠色線既我，去荃灣吾可以話遠但又吾近！所以見得閒 入下去行下 消磨時間都幾好！荃灣好多大型既商場 一條天橋連貫住所有地方又方便又快捷 一定吾會盪失路。夜晚甘岩有👫過黎荃灣 所以即興一齊食個晚飯 最後揀左呢間泰國菜睇下個menu發現原來有折 所以我地嗌左泰式大蝦炒金邊粉 上菜既時候都吾記得左自己個菜係有大蝦 因為咩都睇吾到 同埋吾夠熱炸蝦餅 (我望到 我以為係麥樂雞 太似了 哈哈 味道不過不失)仲叫左串燒(雞及豬)同泰式炒通菜!!!!!!!!串燒既肉比較硬身 吾夠嫩滑 都有啲沙嗲醬搭夠下 個通菜就夠熱只可惜好似食緊半支油落肚甘。本人就吾食蠔既 但朋友話味道偏淡 要加辣椒醬先得最後點都要食下泰式甜品 椰汁糕 不錯好似只有甜品算合格。

荃灣一向多好西 見呢間泰菜做特價堂食散叫7折又洗吾等位就入左去試環境都幾闊落 食物選擇都吾錯我覺得小食比較出色 炸蝦餅大大碟最緊要點埋酸辣醬夠滋味一客串燒6串 可以一半半配豬同雞我認為豬肉UN左小小 相對雞肉較好食主食方面就不過不失 個炒菜實在油得誇張對於中意食烚菜既我黎講略為重口味炒金邊粉個汁酸酸甜甜都算開胃但說好的大蝦只有2小隻飲品當然要飲椰青喇可惜椰青質素比較參次朋友仔個個多椰肉 椰汁都係好清澈入口好香椰味但我個個椰子內部一點椰肉都無 但蓋邊就有小小白色椰肉椰子水望落比較啡濁 入口亦吾大椰香經理解釋椰子太老所以無椰肉有無食家知道係個說法咪呢真呢? 因為我睇吾透點解個心完全無肉 但椰蓋邊又可以有小小肉P.s 呢間服務一般般 特別係上左年紀既員工做野好old seafood

和女朋友在附近經過本身諗住搵素食 不過見唔到夏日炎炎諗起泰國 之後見到有泰國菜館就入咗上樓需要行樓梯 推開玻璃門好好冷氣 正見到好多台都喺度食緊魚，不過條魚好大條應該要幾個人先食得哂 似乎係撚手小菜叫了咕嚕蝦球 菠蘿炒飯明顯見到咕嚕蝦球過量唔算太多，不過好好食。菠蘿炒飯不過不失。如果肉鬆再多啲就好。 另外其實我仲叫咗芒果糯米飯他有得選擇全黑全白或者混合我揀咗混合。其實真係幾好 不過個底真係好硬，他比我個交叉根本冇可能吉得入。不過我以前冇食過芒果糯米飯 定係本來就係咁樣嘅？另外叫咗個青檸梳打我覺得太甜。 不過都接受到嘅。所以大約中規中矩啦 睇黎下次要多啲人一齊試吓條魚我仲見到好多人叫椰子飯。下次都應該要試試。

當日約朋友1:30,行下行下..都係等到2:00入去食個tea仲抵,平$10左右架~我叫左個海南雞飯~雖然size比lunch set應該係細d,但都好滿足飯粒分明,幾有雞油味~雞件都幾滑,相當不錯~朋友點的濕炒河顏色幾靚,酸酸甜甜,幾吸引~~環境又幾好,相當不錯~~

🌳炒椰菜苗🍴比較其他泰菜大份。泰式三層拼盤(超多汁串燒， 酸辣鳳爪，蟹棗， 肉丸，豬頸肉，春卷，蝦春卷)蟹棗特別結實。豬脛肉都好食。有別一般食開個啲唔會太乾又唔會太肥。凰爪量多，偏辣但好食。最難食係個春卷，入面加左芋頭粉絲，唔好食，不過都好難得一個拼盤只有一樣難食。🦀超好食泰式咖喱蟹。炸過既蟹肉唔會梅又多肉。仲要係實價唔係時價，啲咖喱好食到可以食好多飯🍚張單先＄500有找😋又坐得舒服，等位都抵！

落荃灣陪爸媽去街市買餸，諗住平平地又快手食個午餐。係海霸街經過見到呢度個lunch set幾抵($35-50)，就諗住食個泰色午餐。泰式船民湯河 ($35)點知一食就出事...Boat Noodles個精粹係個非常濃既牛湯裏面，但呢道既湯底得個色，淡而無味，好似清湯咁。牛肉就超級韌，𡁻唔開。星州喇沙雞絲河 ($45)一上枱，碗河粉完全唔熱...湯底又係好淡口，似溝左水，喇沙既香料同椰漿味無左蹤影。泰式乾炒牛肉河 ($35)呢個炒河炒得非常油，應該叫油炒牛河吧。個名叫泰式，但唔係好食得出有加入到泰式香料或醬汁。而且啲牛肉同船河既一樣，唔鬆軟。泰式炸蝦餅 ($88)見啲粉麵類咁差，打算比多次機會，叫個炸物諗住唔會中伏。但估唔到呢個蝦餅係最難食！$88既蝦餅，似係兩細舊切開四小件之餘，裏面既蝦肉咬落去又霉又稔，肉質好唔新鮮，搞到我地吐都吐唔切。價錢有幾平都好，食物質素是最重要吧...

一行十個人（8個大人，2個小朋友）去左呢間泰國餐廳食飯，叫左个4人套餐，再加散叫。叫左個豬肉生菜包：呢道餸小小辣，但我反而中意辣啲，啲生菜好爽口，都幾甜...泰式秘製咖哩蟹：啲汁配薄餅，真係好好食！雖然蟹麻麻地，但都值得一試！呢個肉松炒飯，叫黎比小朋友食，我都試左小小，味道幾甜，幾開胃...泰式干炒肉片河：出奇地好好味，好甜，好岩大人小朋友食..反而呢冬蔭公湯令我失望，原本以為會好辣，但呢個湯好似bb 辣咁....辣啲會好味好多...呢個拼盤不過不失，而個南瓜粟米餅吾甜..呢個菜幾好食，甜既，又爽口...值得一試..呢个海南雞：超級正，入味之餘隻雞又滑！好好食..柚子沙律：柚子無味，一般..呢隻生蝦幾爽口，帶少少甜..食到最後吾記得影甜品相，但見小朋友食晒應該好味。成晚叫左4柞啤酒，加2杯咖啡。十個人總共食左$1154，吾計2个小朋友，每個大人都係食左$145

泰特色是泰國菜餐館，名氣一定不及荃灣老字號金坊大，但不乏人流，今晚經過想食點甜的，就買了4件特式糕點回家!分別買了桂花糕，芒果糕及紅豆椰汁糕🙋 全部都是5蚊件!三種糕點中我最推介的是桂花糕，桂花糕向來是我喜歡的糕點，色澤金黃透明，超多杞子及桂花，食落清甜可口，帶有濃郁的桂花幽香🌸每件糕點大細弄得平均，以5蚊這價錢算是抵食😏紅豆椰汁糕淡淡的椰汁味，帶點鹹味😟 咬落很多紅豆粒粒，有咬口!芒果糕層次分明有兩層雙層，上層是芒果汁做成的芒果啫喱呈現透明色 ，然後下面白色的椰汁糕有西米中間有芒果蓉，味道好一般😮 芒果不甜且味道不突出，椰汁味較重但食落有少少鹹味? 好怪😕為何有椰汁的糕點都帶鹹味，不知是弄錯還是泰特色呢?