泰特色泰國餐廳 (已結業)

趕住比由 Bangkok 帶回來的芒果老友，母親節前夕也出來食飯。支客叫入座幾可愛，明碼實價，你1.5小時交到枱有 discounts, 不得他們也冇問題，感覺好好，喜歡那樣由客人自己選擇。3個人叫左8款食物，柚子沙律 d 柚子多汁好味，炸蝦餅不算肥膩也脆脆。串燒不過不失，ok. 叫左2個泰式炒菜，夠味。海南雞肉嫩。冬蔭功湯個湯夠濃，海鮮就無勿，但個人喜歡飲湯多於食料所以。喜歡啤啤的朋友，可以叫象啤，他們有细枝裝埋單800元左右，好底食。出品份量老實，價錢同出品也成正比。當然，咁價錢食材和味道當然不系優質那種。但絕對可以講系底食大排當味道泰菜。

琴日下午同朋友行街見到有間泰國餐廳，諗起平時都比較少食泰國菜，就去試試。大家都叫左唔同野食試下，而我就叫左泰式魚蛋肉碎湯河。呢個湯河睇落冇咩特別，好普通既一碗河粉，但食落發覺味道好特別，魚蛋又彈牙，肉碎亦好多，材料十足。湯底味道亦夠濃郁，而且唔太肥膩。另外，值得一提係員工服務，員工好有禮貌對待客人，而且笑容十足。加上地方較寬闊又寧靜，令人有舒適既感覺，可以慢慢享受午餐。今次我同朋友都好滿意呢間泰國餐廳既野食同員工服務，下次有機會都會再黎呢間餐廳試下更多唔同野食。

一起作戰2年的同事，要離辭了，所以我們都相約一起吃午飯，由另一位同事帶領之下，來到了泰特色泰國餐廳。餐廳大部份座位在1樓，地方也很大，環境也舒服，食物味道也不差，價錢也合理。**************************泰式香葉炒辣肉碎，份量都幾多和幾大碟，肉許入口都幾香香葉的味道，沒有附加生菜，直接伴飯而吃。菠蘿蝦仁炒飯，這是午飯套餐，所以賣相是沒有把飯放在菠蘿之內，甜甜地都幾香菠蘿的味道，這個飯也算炒得粒狀，不錯。 特色大拼盤 HKD198，蝦餅，泰式蝦春卷、炭燒豬頸肉、春卷、串燒骨和燒牛仔骨。拼盤小食都幾多款，蝦餅都幾彈牙，串燒的沙嗲醬味道也不錯。無論是蝦春卷或春卷，雖然外皮不一樣，但一樣很脆口好吃。牛仔骨感覺一般，肉還有點軔口，豬頸肉味道也是較為淡口，感覺一般。 沙嗲雞和豬半打 HKD72，無論是雞肉或是豬肉串，肉質都不錯，沙嗲醬味道也香，好吃。 酸甜蝦，酸酸地都幾開胃，送飯也不錯。蝦也彈牙，份量也不算少，好吃。 西蘭花炒蝦，西蘭花都幾新鮮，炒的都爽口不腍。蝦也是彈牙的，味道也較為清淡，也算不錯。 泰國甜園拼盤8件 HKD68，甜品不算很甜，因為每款只有一件

食物的整體評價：(甲) 味道/烹調：比起星馬的咖哩，它的口感較甜，和缺乏花奶香滑的口感；牛腩應該瘦肉中附帶一些肥肉，這樣才達到軟滑的口感。至於冬蔭功雞絲湯河，湯底達到酸辣，除了雞絲還有扎肉，夠酸辣味，只是如果雞絲和扎肉份量多一點就更好。(乙) 種類方面：可供選擇的食品很多。環境：裝修不錯，我們坐窗口旁邊，可以看見海壩街的街景；加上環境舒適。服 務：有水準，請他們拿清水時，顯得很樂意服務，不像位於同區兆和街提供同類型食品那間店鋪那般惡劣。衛生：良好。抵食：一般。

一直很喜歡食泰國菜，可惜屋企附近比較少泰國餐廳，今晚男友特登帶我來荃灣試這間的泰國菜，仲話食過翻尋味啊！泰式大蝦金邊粉($88) 以蕃茄汁調味既金邊粉好入味、而且好煙靭，味道唔錯。配料除了蝦，還有蛋、扎肉，可惜蝦的分量太少，唔夠喉啊 　蝦同金邊粉一齊炒，所以都好夠味。蟹肉炒粉絲($72)這個炒粉絲同樣沒有令我失望，鑊氣好正好好味，又唔會太咸，伴以蛋和蟹肉，口感不錯，可惜是蟹肉太少同碎，食左都唔覺，而且唔夠新鮮。炭燒豬頸肉($78) 必食之選！燒得好好，金黃色架，肉質堅係一流，又滑又鬆軟，而且好薄，唔似平時普通餐廳食開好厚的那種。值得一提是唔洗點醬料已經好好味啦！ 我最愛的椰青啊！每次食泰國菜都一定會點的，幫助清熱氣呢。這個椰青真係不得了，不但多椰青水，仲有好多香滑既椰肉。椰青水清甜好喝，椰肉椰香又重，正！ 最後是甜品時間，兩個綠色珍多糕，類似是椰汁糕再加大菜糕，雖然口感好椰味濃，但整體的味道好像怪怪的，可能是我不太喜歡吃大菜糕的緣故吧。下次想試下其他口味呢，見到樓下外賣有很多街坊排隊買，感覺好吸引。

遲左食晏，食嘅時候已經係下午餐時間。不過呢間泰特色下午餐餐牌係同午餐餐牌一樣嘅，仲要平10蚊，送野飲，係幾抵。唔知係咪因為係下午餐時段，所以冇乜人，很寧靜。餐廳好乾淨，至少摸唔倒有油漬，有潔癖嘅我好安落。入正題，個菠蘿蝦仁炒飯其實係冇菠蘿味嘅，但有菠蘿咁囉。不過除左冇菠蘿味之外，其實唔錯嘅。特別係有提子乾喺入面，其實幾好入口。蝦仁雖然係冰鮮，但感覺上係有味啲，同其他餐廳唔同。有啲肉鬆，都幾好。總括黎講，除左冇菠蘿味，其他都好好。以性價比黎講，35蚊連野飲，食物可以，份量剛好，環境唔錯，其實可以再黎啦。

好耐無食泰菜，今晚就同屋企人出荃灣擦返餐勁 本來想去金坊但见排曬長龍，就轉去角落頭間泰特色，又有88折。 明爐烏頭，魚新鮮配上泰式湯料，酸酸地，越食越開胃 辣醬炒聖子，系招牌菜，不太辣，聖子爽甜彈牙。泰式鳳爪，酸酸辣辣，不過不失。馬拉盞炒通菜，新鮮即炒，份量大，相當惹味，令人吃不停口

今次去3個人食，蝦餅一般水準，但層炸皮都唔算厚。沙嗲串得雞同豬揀，叫左3對3,雞肉比豬肉好食d, 豬肉串d醬汁麻麻。菠蘿飯好正，有菠蘿味但係唔酸。炸軟殼蟹都好正，炸得好脆但唔厚粉，只係比較咸連3色椒食就好好多。冬陰公湯都係一般水準，值得一提就係條烏頭，雖然一開始味道淡d, 但煮一陣之後濃味好多，仲有附加一碗冬陰公淨湯俾人客加落魚度繼續煮。配菜放係魚上面食先碌就唔會老曬。

好难得約左一班朋友出黎食泰國野，食左水晶晶，五個大男人叫左兩枝細泰啤(我知我地廢haha)，食左八樣野：菠蘿炒飯（幾香口，又唔會太濃味）泰式濕炒河（夠多汁，幾夠味，美中不足之處係用港式河粉而唔係泰式河粉）生菜包（冇咩特別，一般正常）燒魷魚（朋友話幾好食，但個人覺得冇咩魷魚味又唔夠咬口）泰式鳳爪沙律（夠酸夠辣，一分鐘內清左）燒豬頸肉（個人唔太好，但朋友話好食）泰式炒芥蘭（同一般garlic炒菜冇咩分別）炸軟殼蟹（好熱氣，但真係好香口）總括黎講忍間係我暫時食過好多間泰國野之中最好食一間（比起九龍城XXhttp://www.openrice.com/zh/hongkong/restaurant/九龍城-同心泰國菜館/16044?tc=sr1尖沙咀XXXhttp://www.openrice.com/zh/hongkong/restaurant/尖沙咀-新曼谷泰國菜館/69615?tc=sr1佢最好），因為佢唔會太咸太濃，符合番香港人口味，但又唔會冇曬泰式風味。最重點係叫左咁多野賣單先每人113，全單584好似，真係算係咁！分數：7分（10分滿分）

呢間餐廳太特式啦！lunch 「泰式燒肉飯」，簡直可以用一個字形容「頹」，點解係燒味的燒肉，加杯好難飲奶茶，噤就$32。本來想舒舒服服坐卡位，見卡位客走左，想轉位，侍應A話:「唔轉得」高級侍應B就話：「公司規定落左單唔轉得位」呢間公司改名改得一流！！

九月壽星女想吃泰國菜,在荃灣區來說實在易如反掌,雖知金坊質素應是較好,相對可以坐得好一點的話,數個舖位之隔的泰特色應是更好選擇。到達時間尚早,景觀最好的窗邊卡座任選,當場內沒有太多客人之時仍算寧靜,多位中泰侍應皆隨時預備為客人服務,那一刻召喚服務員絕無問題。點菜後環視餐廳一周,原來這家泰特色店面蠻大,還有一個小小貴賓房,可能是為藝人老闆及其朋友所設吧。泰式拼盤包含多款泰式香口小吃,計有春卷、蝦餅、豬頸肉及蝦卷,有興趣的都在此了。香脆春卷皮裡卷有粉絲、椰菜及木耳;2件蝦餅外酥內Q,微微蝦甜味的蝦餅蠻不錯的;豬頸肉肉質彈牙,只是味道一般;蝦卷果有一尾蝦在內,加入西芹讓炸物清新多了。 愛吃魚的壽星遷就不太吃魚的月巴朋友,酸甜炸魚比泰式魚較合我的口味,整條桂花魚起肉後連骨沾漿炸香,魚肉厚件炸得香脆,炸漿不太厚也夠香脆,不太吃魚的我也吃了不少;有著醋香的酸甜汁調得酸甜夠香,緊緊黏在魚肉上讓魚肉更美味,鮮菠蘿及車厘茄兩款甜美蔬果讓這道菜更大堆頭。鐵板蠔仔蛋如鐵板扒一樣吱吱聲的上場,如一座小水的蠔仔蛋不如潮式蠔餅般香脆,以雞蛋溝粉漿煎成的蛋餅如煎久了的芙蓉蛋,數目不算太多的蠔仔不算太肥美,幸好還夠新

又貴又唔好食又細份又唔新鮮生菜包。比勁小菜但比勁多肉，逼人嗌多碟菜包，失敗個冬陰公湯，勁小野又小湯，失敗個生蝦，好貴98蚊碟，失敗個碗勁細，隻匙羹勁大，失敗無咩特色，又唔係特別好食又唔抵，失敗中既失敗，完。

今晚忽然好想食泰國菜，就隨意進了這家泰特色，侍應都頗親切，點了一客大蝦金邊粉，非常美味，金邊粉很煙靭很有嚼勁，帶蕃茄的醬汁調味一流，兩隻大蝦鮮甜非雪蝦，再來一杯冰凍的龍眼冰消暑，飯後送一塊椰汁紅豆糕，紅豆糕很一般但免費的就不好嫌棄太多。埋單連加一$115，很滿足，這是一家會再光顧的店。

朋友岩岩去完青島返嚟話派手信，咁是但選個就腳地方食飯啦，後來選了荃灣，但我平時好少去荃灣，咁就上開飯睇下啦，搵嚟搵去都無咩岩心水，就直接行下睇下食咩好。見到海灞街有間幾新淨嘅泰菜，門面都幾靚喎，咁就試下啦。餐廳喺一樓，地方都好大，裝修得幾靚，坐位寬闊，又有幾間包房，咁我哋三人就坐喺近廁所門口嘅4人卡位，自成一角咁，幾夠清靜，卡位都好闊落。一嚟到當然要睇下有咩特式菜啦，餐牌上都好多款嘅餸菜，或者可以叫套餐，有2，4，6，12人套餐可供選擇。不過我地3人都係喜歡由自己揀。呢度菜式唔算貴，但要講有咩特色菜又好似真係冇咩特式可言喎，全部都係大路嘢。點左泰式酸辣鳳爪，肉碎生菜包，炸香酥軟殼蟹， 泰特色拼盤，飛天通菜。酸辣鳳爪好夠辣，鳳爪好食配菜都好足，好多蔥，芹菜，紅蘿蔔絲，味道唔錯，但要頂得辣先好叫。飛天通菜，餐牌有2隻辣椒標示，以為好辣啦，點知原來唔辣嘅，通菜炒得好青綠，有點麵豉醬甜甜地，又有少少辣椒，既香口而不辣。肉碎生菜包，肉碎炒得唔夠乾身，唔香，唔野味，唔吸引炸香酥軟殼蟹炸到又油淋淋，油色又黑文文，一睇就唔想食，咬落淋支支，唔香又唔酥，何謂香酥呢?拼盤有炸蝦餅，春卷，燒豬頸肉，蝦卷。豬

Was finding good Thai food in Tsuen Wan with my b and we discovered that this Thai restaurant was offering a 12% off so we decided to get in and give it a try.The restaurant was well-decored and there were lots of Thai-style decors all around.  It was also worth to mention that the air-con here was so strong that I felt cold ever under this hot-humit Summer in Hong Kong.BBQ Pork was quite good.  The pork was not over-cooked and the sauce was quite special --  it was rather like singaporean style