泰特色泰國餐廳 (已結業)

一行十個人（8個大人，2個小朋友）去左呢間泰國餐廳食飯，叫左个4人套餐，再加散叫。叫左個豬肉生菜包：呢道餸小小辣，但我反而中意辣啲，啲生菜好爽口，都幾甜...泰式秘製咖哩蟹：啲汁配薄餅，真係好好食！雖然蟹麻麻地，但都值得一試！呢個肉松炒飯，叫黎比小朋友食，我都試左小小，味道幾甜，幾開胃...泰式干炒肉片河：出奇地好好味，好甜，好岩大人小朋友食..反而呢冬蔭公湯令我失望，原本以為會好辣，但呢個湯好似bb 辣咁....辣啲會好味好多...呢個拼盤不過不失，而個南瓜粟米餅吾甜..呢個菜幾好食，甜既，又爽口...值得一試..呢个海南雞：超級正，入味之餘隻雞又滑！好好食..柚子沙律：柚子無味，一般..呢隻生蝦幾爽口，帶少少甜..食到最後吾記得影甜品相，但見小朋友食晒應該好味。成晚叫左4柞啤酒，加2杯咖啡。十個人總共食左$1154，吾計2个小朋友，每個大人都係食左$145