泰特色泰國餐廳 (已結業)

和女朋友在附近經過本身諗住搵素食 不過見唔到夏日炎炎諗起泰國 之後見到有泰國菜館就入咗上樓需要行樓梯 推開玻璃門好好冷氣 正見到好多台都喺度食緊魚，不過條魚好大條應該要幾個人先食得哂 似乎係撚手小菜叫了咕嚕蝦球 菠蘿炒飯明顯見到咕嚕蝦球過量唔算太多，不過好好食。菠蘿炒飯不過不失。如果肉鬆再多啲就好。 另外其實我仲叫咗芒果糯米飯他有得選擇全黑全白或者混合我揀咗混合。其實真係幾好 不過個底真係好硬，他比我個交叉根本冇可能吉得入。不過我以前冇食過芒果糯米飯 定係本來就係咁樣嘅？另外叫咗個青檸梳打我覺得太甜。 不過都接受到嘅。所以大約中規中矩啦 睇黎下次要多啲人一齊試吓條魚我仲見到好多人叫椰子飯。下次都應該要試試。