泰然 (長發廣場)

營業中

休息中

喺長發商場地下近排開咗一間新嘅泰國菜館叫做泰然，當日我地一行3人晚餐叫左-印度薄餅(2件)$32、泰式海南雞(半隻)配油飯$98、黃咖哩菠蘿炒花甲$98、喇沙海鮮湯米粉$78、泰式馬拉盞炒椰菜苗$68、椰汁冰$26、芒果芝士沙冰$32 加埋甜品-芒果糯米飯配雪糕$68，最後成餐3人埋單$500免加一，整體食物都算ok，唯一不足之處係現場嘅4人卡位做得太過狹窄，稍為高大少少或大隻啲既人坐落去，會有好逼夾嘅感覺。

今日同屋企人行開青衣，夜晚去到青衣長發商場食飯，見到呢間叫泰然的泰國菜餐廳環境都唔錯就簡咗係呢度食晚餐。泰然既菜色選擇多餐廳大，環境舒服，有格調!好好飲，極力推介呢度既珍多冰~列牌海南雞配油飯，份量足，海南雞肉質鮮嫩配埋油飯，好正既配搭!鮮蝦配金邊粉係我至愛既既泰國菜，份量重要多，超讚!當然唔少得要叫翻幾個蔬菜，香蒜炒芥蘭，蒜味濃，我中意!飛天炒通菜，少少辣，好入味!最後當然唔少得叫埋個甜品一齊share，呢度既芒果糯米飯配雪糕，唔止賣相靚，份量足，重好好味啊！

行經長發商場，記得有間平價泰菜，今日終於可以試下。小弟對於青咖哩同香葉肉碎飯情有獨鍾，諗住健康啲，就簡左青咖哩雜菜+蛋飯($52)，另外仲叫左碟泰式鳳爪($18)。青咖哩偏向水狀亦都比出面其他餐廳嘅無咁甜，但味道唔錯，好餸飯。雜菜有豆角、蓮藕、珍珠粟米芯、紅蘿蔔、西蘭花同泰式茄子仔，好豐富。白飯粒粒分明有咬口，但隻蛋就係白烚嘅，仲要得半隻，如果係煎蛋就更好。但整體唔錯。泰式鳳爪味道一流，鳳爪又多，配啲菜絲一齊食好正，但係啲汁就有啲杰身，不過正正係咁，啖啖都好夠味，唔太似一般出面餐廳果啲係好多汁係底。至於杯齋啡走甜就不過不失。服務方面，啲姐姐好有禮貌，態度親切。縱觀黎講有機會嘅話會再食。

泰然不其然，我想起：處之泰然。雖然不太關事，但食落都有種舒服沙定嘅感覺🤣 坐位好似多數都係闊落嘅卡位，坐得舒服嘅1 火龍果芝士沙冰 $32 　4.5/5少冰嘅話，成杯嘢飲酒基本就係perfect. 裏面嘅冰都碎得可以貼近「綿綿冰」嘅感覺，mix埋芝士，火龍果～ 三隻口味交融得幾好！btw 甜度係無得改嘅。2. 花甲明爐鍋 3.7/5雖然稱為「花甲」，但係大細上好似同「蜆仔」分別唔太大，比較細粒，所以肉都係比較細。所以有啲期望落差。但係，花甲嘅數量都幾多，食到最尾都仲有可以搵到，你話有30隻我都信，quantity 可以彌補返size 嘅。3. 蟹肉炒粉絲 $68 4.2/5炒得多幾夠鑊氣，粉絲真係乾身，蟹肉就雖然唔係好多同埋好突出到，但係杯埋三色切絲，炒粉絲本身都幾夠好食😋4. 豬頸肉通菜煲（馬拉盞）3.2/5味道可以揀少辣。但係如果可以一樣冇咁油就好，浸喺個煲底嘅菜比較油膩同埋偏鹹，最尾要搵杯水浸一浸先食到。 豬頸肉嘅數量唔係好多，肉質一般5. 芒果糯米飯配 雲呢拿雪糕對我來講，成件事都太甜，好似比起出邊嘅芒果糯米飯，更加甜。糯米飯冇咩飯香，又唔係太熱，反而就俾甜味主導咗。

青衣，於我而言，係一個好有感覺的地方，亦都充滿濃厚的感情，呢日來到長發廣場，見到多咗間泰式餐廳，好開心，睇睇吓見到D嘢又幾啱食，咁仲等咩呢？『香茅魚餅』(4件)，早排第二度食過泰式魚餅幾鍾意，所以今次再叫過，之前食嘅係餅狀嘅，今次4件就係圓嘅，應該係橢圓形至门方，一開二變八件，擺成花朵形狀，又靚又有香茅味的魚餅令人食得開胃。『印度薄餅』(2件)，我嘅原意想叫D咖喱來食，咁薄餅好啱吖，但朋友話試吓『明爐花甲鍋』來送薄餅好唔好，當然冇問題喇，明爐魚就試得多，花甲鍋就未試過，同樣有D泰國香料，肉碎，芫茜，酸酸哋，花甲大隻又鮮甜，送薄餅真係唔錯，唔係吓吓都配咖喱嘅。『蟹肉炒粉絲』係我和朋友喜歡的，絲絲蟹肉同炒得乾爽的粉絲係需要D功力嘅。『椰青』係夏天最好的飲品，我同朋友都揀咗佢。

估唔到青衣都開咗一間新嘅泰國餐廳，成個裝修都幾靚，一於就入去試吓呢一間啦。Menu好多款式揀，基本上想食嘅泰國菜都有，而且價錢都唔太貴，咁就可以試好多款唔同嘅嘢啦。來食泰國菜椰青就一定係必揀嘅，呢一個椰青好多水，好甜， $36一個真係好抵飲，呢個真係好推介。其次就係呢一個火龍果沙冰，真係用火龍果肉打出嚟嘅，好好飲好甜，呢個都好推薦大家暑假試吓。泰式海南雞飯亦都係一個必試之選，個雞都幾滑，個油飯都係黃油飯，配埋個泰式醬嚟食真係一流。我哋都叫多咗個蔬菜來試，就係呢一個豬頸肉炒芥蘭，份量都好大份，而且味道好夠。而呢一個泰式生蝦就真係一定要食啦，佢有六隻或者12隻揀，今次就叫六隻啦，個汁有兩款一隻係青色嘅醬汁，另一隻係橙色嘅醬汁，青色就不太辣，好有泰式風味，橙色就有少少辣，但係夾埋個蝦嚟食都好好食好新鮮。最後叫埋個青咖喱同埋燒完隻魷魚，份量都好大份，我哋都食到好飽咁樣離開。

探完朋友唔想行太遠，就近近地係佢樓下商場食個晚飯，竟然發現咗間唔錯嘅泰國菜門面都光鮮亮麗，似乎都係新開，睇下餐廳又唔算貴喎，入邊裝修都新淨，都坐得舒服嘅兩個人叫咗個海南雞配油飯，豬頸肉啫啫芥蘭煲，同埋泰菜唔少得嘅生蝦生蝦係以小酒杯上，一set 6 隻有兩隻味，每杯都有齊sauce 同辣椒蒜片，方便食之餘，又浸滿醬汁，好味😋海南雞肉嫩滑，油份充足，配埋個油飯係最夾嘅，而且份量都好大，兩個人食都足夠有突另外都叫咗個菜，馬拉盞好足料，辣辣地好開胃，而且上枱時都仲係熱辣辣，慢慢食都唔會凍得咁快飲品見佢咁特別有芝士奶蓋，就試咗個火龍果芝士沙冰，又真係幾fresh 喎，可以清一清口腔，芝士奶蓋如果再多啲就perfect 喇😛 （芝士控

朋友放假約我去青衣食午飯，佢話想食泰國嘢，然後佢就帶我到呢間餐廳。呢間餐廳好大，燈光光猛，牆上有幾幅好有大自然feel嘅掛畫，地方好乾淨，坐位寬闊，坐得舒服。呢度都好多選擇，價錢合理，朋友話事，叫左佢想食嘅嘢。炭燒豬頸肉：份量都唔少，睇個樣燒得唔錯，切得大小適中，唔會好大塊，食落唔算韌，香口，點埋旁邊燒汁食仲好食。焗黃咖喱麵包軟殼蟹：份量多，軟殼蟹夠大隻，炸得香脆，黃咖喱甜甜地，唔太辣，裏面仲有紅黃青椒同埋洋蔥，麵包加埋佢哋點咖喱汁一齊食，原汁原味，好味。冬陰功湯金邊粉：湯底少少辣，酸味較濃。配料有蝦，青口同埋魷魚，都幾鮮味。金邊粉都唔少，吸曬d湯汁夠晒入味，滿足晒又想食粉又想飲湯嘅願望。泰式奶茶：茶膽唔會太濃太苦澀，奶味比較重，甜度剛好，夠冰凍，啱曬咁熱天氣飲。

長發開左間新餐廳，今晚同爸爸去試下。呢間餐廳都開左一排，次次行經都見好多人等位。所以今晚特登收早少少去幫襯下。由於時間尚早，平日晚既六點幾，食客未算好多，所以唔洗等位就可入座了。餐廳入面座位數目好多，好多卡座，坐得舒適而且又光猛舒服，唔錯。睇完餐牌見好多泰國野都有得食，而且價錢相宜，難怪成日都人頭湧湧啦，因為當我地食到七點幾既時間，已經爆滿了。今次食完都明白點解咁多人幫襯了。我同爸爸由於得兩個人，所以冇叫太多野食，免得浪費。我們點了一份焗黃咖哩麵包軟殼蟹。呢款菜式好吸引，香氣撲鼻。黃咖哩勁香，香而不辣，好惹味。個賣相都好正，整個麵包磚，上面放了一隻軟殼蟹，而且仲淋滿了咖哩汁，好吸引。先講一講個麵包，麵包份量都不少，成磚麵包架，所以好飽肚。麵包經過烤焗外脆內軟，好好味，仲淋滿了咖哩汁，好惹味，因為麵包吸滿了汁，真係超好味。軟殼蟹脆脆的又有肉，味道咖錯，我地都好鍾意。不過最愛係個咖哩汁配都麵包，好吸引好好味。另外仲點了一盤小食拼盤大份量，包括有魚餅、蝦餅、串燒、香葉雞、春卷⋯⋯⋯全部都係經典既泰式小食，好惹味。味道唔錯，份量又好夠，好吸引好抵食。正。下次來再食下其他款式。

泰然係長發廣場新開嘅泰國餐廳，剛開業不久已經人氣爆燈，長期滿座！火龍果芝士沙冰 $32用上新鮮嘅紅肉火龍果，成品係耀目嘅桃紅色，沙冰打得夠細滑，芝士奶蓋味濃郁，誠意之作！星霞啤酒 $28食泰國嘢當然唔少得泰國啤啦！燒菠蘿 $32外層焦香，菠蘿勁爆多汁，而且好香甜！咖喱牛筋腩煲 $108黃咖喱勁香勁惹味，牛筋腩炆到好軟腍仲要勁入味，正！印度薄餅 $32因為個咖喱太好味，所以配返個香口嘅印度薄餅嚟索汁食，超夾！蒜蓉包 $42巨型嘅蒜蓉包條，索滿蒜蓉牛油同時烘到脆口，一樣同咖喱汁好夾！芒果糯米飯配雪糕 $68進階版嘅芒果糯米飯，多埋雪糕真係不得了！椰汁、芒果、雪糕三種不同嘅甜合體，真係甜到入心！

呢間係近期呢個商場新開的泰菜館，有新野當然要試試。環境開揚舒服，光線充足，座位闊落。🔸火山排骨 $168首先個名好特別叫火山排骨，以前去泰國旅行時成日係夜市見到，但每次都因為太飽而沒食，所以今日都幾期待呢道菜。份量非常大，排骨數量好多，而且每條都好大條，肋骨經長時間熬煮後骨肉不費力就可以輕易分離，肉質嫩滑唔會太韌。味道貼是舖滿大量青辣椒蒜，食落酸酸辣辣非常惹味。🔸椰青海鮮焗飯 $88用原個椰青裝住海鮮焗飯，唔好睇佢只有一個椰青就以為好細份量，但其實飯底裝到又飽滿又實，份量好足夠。飯底帶有椰汁食落不單有椰香仲有甜甜的味道。配合埋海鮮例如蝦仁、青口等海鮮，真係又邪惡又好味！🔸肉碎生菜包 $88肉碎肥瘦相宜，醬汁辣辣的好惹味，加上生菜和檸檬汁更顯清新，感覺比較健康的一道菜。🔸咸檸檬七喜 $26本來諗住飲清水就可，比較健康。最中途還是忍唔住追加了咸檸檬七喜，真的很冰涼很爽~整體味道和環境也不錯，不出遠門也可吃到美味的泰國菜

今天同朋友去咗青衣，我搵到一間最近開嘅泰國餐廳食晚餐。我哋七點前入座，高峰食飯時間排晒長龍。 店舖嘅服務相當好，店員都很友善，一坐低已預備一杯熱水用來清洗碗筷，衛生方便處理得很好。餐牌選擇很多，我哋點選招牌菜試試，有粉絲蝦煲、串燒半打、海南雞配油飯、馬拉盞炒通菜。同埋叫咗兩杯飲品，椰汁冰和珍多冰。粉絲蝦煲 $138蝦煲很泰國地道風味，粉絲相當入味，帶有淡淡蝦香。蝦亦爽口新鮮！ 串燒半打 $88我哋叫咗三串雞、三串豬。串燒燒得微微焦香，唔會太乾。最重要是和沙嗲醬很搭，鹹甜剛剛好。海南雞配油飯 $68雞肉很嫩滑，完全沒有雪味。雞皮很爽口，而且份量很多。另外，油飯都不錯，有飯粒口感。 馬拉盞炒通菜 $58馬拉盞炒通菜相當有鍋氣，而且保持通菜的爽度。如果怕太辣，可以先同店員溝通，選擇合適的辣度。椰汁冰 $26好濃郁！最欣賞既是他們用碎冰上，凍度十足。夏天飲最合適。 珍多冰 $26味道都是很濃郁！雖然配料很多，多冰，但味道濃度完全沒有減淡。總括而言，食品質素及店員製作相當認真。價錢味道整體相當不錯，合理。非常推薦大家去試試！

地方大。上手日本嘢未食過就轉手。佢地有落場時間。6；00先開。冇卜位。6：03 已經排咗30人係前面。有gulu拎位但暫停使用地方好大好深。安排坐卡位海鮮冬蔭公。本人食小辣。接受到。足料。但唔中我口味。偏泰式。冇就港人口味調整。金邊粉。好彈牙in un。但係煮定碗底。硬哂。要撈一輪先化得開蝦去腸。青口。蟹柳。足料朋友的船粉。豬樣好脆。湯底正。河粉穩陣牛都淋蠔仔蛋。等咗30分鐘。蠔飽清。大大粒。鮮芒果糯米飯配雪糕普通大路雲利拿。我見到以為椰汁味上有炸糯米。帶咬口。糯米飯略濕同游椰汁夠。芒果甜。果啲9唔撘8既花同草見到就燥底支持消費券青衣既朋友我會encore

最近朋友帶左我去青衣一間新開冇耐既泰國餐廳🧡都幾有驚喜～餐廳出面既裝修不錯👍感覺幾新淨‼️仲有少少泰國風情～見到鋪面都想入去試下🤣入面環境都好舒適💚有卡位坐，好適合同朋友傾計食野🥰🧡去骨海南雞配油飯 (半隻) $98份量超多，好彩我地有兩個人share😅一個人可以叫「例牌」既份量，會平少少($68)❗️油飯好香，軟硬適中粒粒分明，高質飯🥰海南雞好嫩滑多肉，值得一試ah😆🧡炭燒豬頸肉 $78豬頸肉邊有少少焦，燒得好惹味😛🔥食落口唔會乾，反而多肉汁，而且唔會韌，忍唔住係咁食🙈🧡泰式生海蝦 (6隻) $88食過咁多間泰國餐廳，今次叫既生蝦係最有特色🤩每隻生蝦都有個小杯子裝住，浸住酸酸甜甜醬汁(共有兩款醬汁，青色既會辣少少)，呢個做法令到每隻生蝦好夠味😋生蝦好新鮮，爽口多肉👍👍🧡泰式鹹魚炒椰菜苗 $68份量好足！用鹹魚炒埋一齊，味道唔會太單調😆又可以平衡到食得太多肉既肥膩感😙🧡泰式奶茶 $26好耐冇飲過泰式奶茶了～感覺正宗❤️奶茶味濃，又唔會太甜🥤兩個人呢個價錢都食得飽肚，感覺好抵食呀🤩整體而言🔖呢間餐廳都有幾多食物、飲品既選擇🍽味道不錯 仲要係街坊價好值得一試！順帶一提 服務態度都唔錯 店員幾有禮

青衣一向都被稱為美食沙漠，長發算是比較好的地方，因為有些小店，提供一些美食而又是街坊可以負擔的價錢。當我得知長發開了新餐廳便充滿期待，開業就馬上光顧。 沒想到環境非常寬敞，座位舒適又整潔，而且幾多卡位。 餐牌選擇很多，有小食、沙律、海鮮、咖哩、飯麵和蔬菜。金柚子蝦沙律 鮮甜多汁，飽滿的柚子肉配上乾蔥和爽口的鮮蝦，份量非常大而且味道非常豐富。馬拉盞炒通菜用了蒜頭、辣椒和馬拉盞去煮，沒有油膩感，通菜也很爽脆，非常惹味。明爐花甲鍋用熱窩呈上的花甲鍋用料充足，內有花甲、粉絲、草菇、香茅、芫茜等，花甲味道鮮甜，好乾淨，不會有沙，湯底酸酸辣辣，不過辣度有點高，不愛吃辣的朋友要留意。泰式菠籮海鮮炒飯 有青口、蝦、腰果、肉鬆和菠籮，材料非常豐富，青口和蝦都爽口，菠蘿入口清甜多汁，炒飯乾身香口。點了四個菜，吃到捧著肚子離開都只是$352，沒有加一，非常抵食。而且真的沒想到街坊商場有如此高質的餐廳，一定會再光顧。