泰然 (長發廣場)

營業中

休息中

睇食評見到話唔錯， 特登揸車過黎，停車場嘅停車位闊落， 繁忙時段都唔使等位冬陰功湯金邊粉味道正宗， 食完碗粉仲可以飲埋啲湯，海鮮料足， 有三隻蝦、 兩粒青口、 蘑菇粒等等....... 食嘅時候已經諗緊下次幾時會再嚟咖哩牛腩要嚟配白飯嘅唔錯選擇， 牛腩份量唔少， 仲有少許三色椒、洋蔥同薯仔， 三個人分享剛剛好豬頸肉通菜煲雖然menu上面寫住一隻辣椒，但係辣味唔太濃，通常啫啫通菜煲都比較鹹，呢一個味道剛好，仲配埋豬頸肉，當然冇燒豬頸肉咁好食，但係當多樣嘢食下係一個唔錯選擇

12月30日的晚上，不知道吃什麼，打算近近地在家附近吃晚餐。於是在OpenRice搜尋青衣有什麼好吃，搜尋到泰然的分數很高，於是5:30到長發商場。雖然過了四點，還可以order下午茶餐，但我哋選擇了吃Menu來的東西。我們點了幾個小菜，味道皆很好，只是冬陰功湯的味道一般，抵食大碟，當中的咖喱軟殼蟹麵包簡直一流，麵包脆卜卜。另外馬拉盞通菜味道亦好。當中的招牌柚有子蝦沙律大大碟，很野味，個汁好好味，值得一讚。當中加$58一杯象牌生啤，好飲👍埋單也不太貴，屋邨有這樣水準的小店值得推介，會再次幫襯😍

之前朋友講過佢屋企附近有間性價比高嘅泰國菜，不過平時甚少黎青衣，今日黎揾佢玩就可以試下啦天氣轉涼就想食下D熱辣辣又有少少辣味嘅野，冬蔭功就係一個勁好嘅選擇！想平平地就決定食個冬蔭功湯金邊粉，唔太食得辣嘅我覺得呢個辣度都幾好，有辣嘅過癮感又唔會要係咁要飲水愛酸之人覺得冬蔭功可以再酸多少少椰青海鮮焗飯基本上係泰國菜式之中我最愛嘅食物之一！無論係賣相同味道都好正！飯配上好香但又唔會死甜嘅椰漿，再夾集住椰子肉，加埋海鮮，真係perfect match!飛天豆醬炒椰菜苗，我未食過椰菜苗所以叫黎試下，係比較硬食嘅菜，要有返咁上下牙力先食到我都係鐘意食通菜多D味道而言就好夠惹味，同埋都幾辣下，估唔到佢係指全晚最辣嘅餸～辣椒膏炒花甲，花甲嘅份量都幾多，呢個價錢絕對抵食，應該3-4人share都夠食！呢味餸都有返咁上下辣度，炒海鮮就係要辣辣地先夠惹味，就連配菜都好夠味幾好食！雖然叫左椰青飯但見到椰汁冰都係覺得好吸引

今日約個朋友係住青衣 佢介紹左一間平夾抵食的屋村式泰國餐廳一試係長發商場 基本上商場同隔離個街市翻新完已經好唔同餐廳都有唔少卡位 坐得都叫做舒服叫左一個米紙卷小食另外健康叫一個炒通菜主菜叫左個金邊粉 都係街坊親民價錢甜品當然要食返芒果糯米飯啦另外叫多左杯龍眼冰share 清清甜甜 如果想更健康d可以叫少甜有六大舊的軟殼蟹米紙卷 包住的芒果係鮮甜不酸 配合埋脆口的軟殼蟹 係一個唔錯的選擇泰式炒通菜 微辣帶出少少惹味唔好睇少主食 金邊粉份量十足 食極都有麵質都唔會太淋 叫做有咬口個隻配菜份量都俾足 以街坊價錢黎講真係交足貨最後試埋甜品 糯米飯兩個人分享都唔會少配合埋雪糕 冷熱交融 唔錯 每人人均百鬆d但食到4 樣野 屋村式商場餐廳之選

平時Lunch time門口都好多人等位，今日專登12點幾避過lunch time唔使等位即刻可以入。食泰國菜必試海鮮炒金邊粉賣相好靚好足料，鮮蝦雖然唔係新鮮但都好大粒好彈牙，加埋青檸汁一流。一上到枱已經覺得好大碟，男人食都好夠飽🤣鮮蝦雞蛋碎豆乾都炒到好香，如果可以再酸少少會更好。😂蝦醬肉碎炒飯非常大碟，好多飯，炒到粒粒分明唔油膩👍🏻比起好多餐廳好食😋蝦醬味好香，一啲都唔鹹。咖喱牛筋腩咖喱汁好好食😋好香椰汁味半肥瘦牛筋腩撈飯食一流，薯仔都煮到好入味。本身想加個印度薄餅點咖喱汁，食食吓已經好夠食冇加到。我相信薄餅點呢個汁最好食😋珍多冰椰漿落得好重手😂朋友好鍾意椰漿味，佢話好香好好飲😊

牛腩份量不夠，肥肉太多，薄餅好吃，不油膩。咖喱汁味道OK豬手飯份量夠大，吃得飽，味道中規中矩，價錢便宜，可以再吃。餐廳夠大，座位舒適，整齊乾淨，店員有禮貌，出餐的速度夠快。

估唔到長發邨有間咁靚泰菜😱裝修好新好靚~ 座位都好舒服 有空間感🥳感覺好舒適 唔似屋村貨仔😎😎餓左一日 加做完運動今餐要食好味d😋 先對得住自己👿金柚子蝦沙律$88份量好多好足料 有隻大蝦🦐放在上面 大蝦🦐夠爽口 食得出好新鮮柚子加左少少辣椒同一d不知明嘅調味料食落好開胃 仲前菜真係好岩！！炭燒豬頸肉 $78好彈牙爽口 加埋醬汁微辣 香口惹味芒果芝士沙冰 $32辣辣地 飲啖芒果沙冰 真係冇得頂😁蟹肉🦀炒飯 $88 夠鑊氣 飯好乾身 粒粒分明 蟹肉🦀算太多 但都食到蟹肉🦀味清清淡淡咁 幾好馬拉盞通菜 $58好野味 配埋清清淡淡既蟹肉炒飯 正👍🏻

岩岩返黎香港冇耐，樓下既餐廳都唔同晒，今日就同阿媽試吓樓下既泰國餐廳，一解懷念泰國之情咁岩坐88號檯，lucky numberLunch 時段，都幾多人幫襯有午市套餐同下午茶套餐，價錢較抵不過tea 要2-4 點我想試試其他野食就單點點左個細既小食拼盤，有雞翼、雞串燒、蝦餅同春卷，好多款式，好鬆脆香口，一次過滿足晒，仲有甜酸醬加沙嗲醬主食就點左菠蘿海鮮炒飯，好大碟，有蝦、魷魚、青口，好足料，炒得好有獲氣仲有泰式乾炒牛河，都好大碟，好有泰國風味叫左個甜品-椰汁西米糕，好重椰香味，裏面仲有粟米同西米，好有口感飲品方面叫左椰汁冰，又係好重椰汁味，正啊同朋友兩個人食到超級飽，仲打包走，平日仲唔洗加一，呢個價錢都唔算太貴下次再encore

青衣係我經常出沒既地方，但係泰國🇹🇭菜就好少，今次黎到呢個屋村商場相當有驚喜，竟有間幾靚既泰國餐廳，入到去裝修簡潔優雅，坐位舒適，價錢都唔算貴，我見有個泰式明爐烏頭魚都係百零蚊，但出面賣緊二三百。我地叫左四個餸菜，食到好飽！月亮蝦餅$88-月亮🌙蝦餅唔係度度有，我覺得係必食，蝦餅彈牙，個邊脆脆地，另外入面加左馬蹄，除左多左份爽口之外，馬蹄可以清熱，中和返蝦餅既熱氣！泰式軟殼蟹咪紙卷$78-有菜、芒果🥭、青瓜、蘿蔔絲同外脆內軟既軟殼蟹，爽脆清新！蟹肉炒粉絲$68-呢個係我私心推介，佢炒得夠乾身，唔油，唔會黐到一舊舊，有蔬菜有蟹肉有蛋。泰式明路花甲鍋$108-熱辣辣煲住，花甲都幾多，入面仲有肉碎同粉絲，湯底係冬陰功味偏甜。

今日我老婆揸車去青衣搵朋友，去到商場有間泰國舖頭，泰國菜我和老婆都很喜歡食，就決定在這裏食午餐，進入餐廳環境寬闊，地方乾淨，而且空間感十足，座位也很舒服，店員也很有禮貌招呼我們坐低，細看餐牌，有很多選擇每一款泰國菜我都很想食，最終叫了這個海南雞飯，海南雞飯他特別的香氣是他的飯，蒸的時候放了香茅南疆，食落口帶有微微的香氣和淡淡的鹹味，不論是配搭雞肉或是米飯都很美味，已海南雞也是沒有骨的，雞肉比較肥美，雞皮滑而不厚，有啫喱狀嘅雞油，食一口雞肉，肉質細嫩有口感還點了一個泰式鳳爪，泰式鳳爪酸酸辣辣的味道，混合酸甜辣的味道令人非常開胃，無骨嘅鳳爪一放入口爽脆口感，非常好味，真的不錯這個泰式大蜆煲粉絲煲，喝一口湯底各種泰式香料都煲到出味，粉絲吸盡大蜆的鮮味及醬汁的味道粉絲比大蜆更加好食

青衣呢個地方真係好少嚟平時食泰國菜一定係去九龍城今日比我發現咗青衣有間性價比非常高嘅泰國菜今日就去試吓見到入面人流都有好多就已經知道質素唔差見到餐牌上面嘅食物種類都有好多價錢相對來講都好平地方非常闊落，樓底又夠高，坐得好舒服，燈光亦都非常充足餐牌上面有好多嘅選擇，價錢比出邊的泰國菜平，性價比真係非常高泰式生蝦$168（ 12 隻） ， 夠凍又夠新鮮，口感爽脆鮮甜，每隻蝦上面都放有辣椒加一片蒜，配埋d 醬汁，甜甜酸酸，真係好好味，每一隻蝦都用玻璃杯放住，非常之特別香蔥蒜蓉包六件$42，麵包外皮非常香口，外脆內軟非常香濃嘅蒜蓉牛油味職員一放低就聞到香噴噴又熱辣辣金柚子蝦沙律$88，份量非常充足，有三隻大蝦放在上面，又夠爽口，新鮮，柚子入面有少少辣椒🌶️洋蔥🧅輕量嘅調味料，帶有少少辣，非常惹味燒大頭蝦三隻$78，大頭蝦嘅size非常大，🦐頭仲非常多膏，食落又夠爽口彈牙啖啖肉，擁有着原汁原味嘅鮮味，擁有着海水大蝦鮮甜嘅味道，旁邊仲放有泰式嘅甜酸汁，甜甜酸酸又有辣味咁炎熱嘅天氣梗係要整返杯珍多冰$26，入面有好多綠色嘅粉條用糯米粉製作非常清甜又爽滑仲有好香嘅椰漿香甜味的確係消暑涼拌

青衣長發邨這間泰菜館，前身是一日式菜館。餐廳內的佈置清新可人，大部份座位是卡位，環境可算頗為舒適。這個小食併盆，賣相尚可，但食材品種不足，熱度亦稍欠。這個是該店推薦的菜式。所謂火山亦不是在枱前有甚麽即席耀眼泡制，詢問後之答覆是在㕑房有用火燻，令筆者有點兒失望。至於排骨則份量充足，味道亦算可口，惜肉質較粗糙，泡制過程未能鎖住肉汁。花甲鍋配料充足，調味亦佳，惜花甲太細小，且花甲肉幾乎全部離殼，用筷子挾起花甲，祇見花甲殼而花甲肉不知所跡。這個牛筋腩煲制作得宜，亦有保温設施。咖喱味道可人，食完牛筋腩再用咖喱汁伴食另再下單的蒜蓉包和印度薄餅，確是一流配搭。蒜蓉包屬即時制作，賣相好，熱度夠且味佳。印度薄餅食去部份才記得影相。此亦屬即時制作，脆口且味道亦佳。亦在下午茶時段光顧該店。青咖喱鷄併蒜蓉包，首次十分滿意，因用鷄胸肉泡制，啖啖肉而無骨，第2次光顧則稍為欠理想，原因乃用了鷄翼鷄槌等部份，吃起來失去了啖啖肉的感覺。至於青咖喱的泡制頗為得宜，咖喱汁味佳且稀濃度恰到好處。這款冬蔭功蝦肉碎炒飯雖是下午茶時段的出品，但制作頗為用心，配料多且味佳。辣度頗濃，喜辣者會欣賞，但不太吃辣的則切記不可下單。這個炒

通常食泰國菜，都會選擇去返九龍城食，但係近日喺青衣都開咗間泰國菜，睇一睇Menu發現個價錢一啲都唔貴，所以今晚就一於去試吓。時間尚早，喺附近行咗一個圈，發現入邊未夠六點都已經有好多人食緊，相信有佢一定嘅吸引力。嘢食嘅種類都幾多，而價錢相對來講都算平。三個人叫咗個雞絲炒金邊粉，一個通菜同埋一份咖喱牛腩，先講個通菜，通菜炒得好脆，蝦醬味好濃郁，但又唔會過鹹，食入口一啲都唔會覺得口渴。雞絲炒金邊粉嘅餸都幾多，成碟金邊粉嘅份量都好大份，少少酸好開胃。咖喱牛腩份量一樣咁大，除咗牛腩之外，仲有好多青紅椒做配菜，牛腩好淋，加埋薄餅一齊食一流。見好多人都食呢個香芒軟殼蟹米紙卷，我哋都忍唔住叫埋一份，芒果好甜，軟殼蟹新鮮炸起，入口好香脆，個米紙卷好薄好彈牙，寫餐飯我好鍾意食呢個前菜。去得食泰國嘢，最後不忘叫返個芒果糯米飯配雪糕，芒果香甜，糯米飯熱辣辣，配埋椰汁係面一齊食好正，又唔會太過甜，不過份量一樣好大份，兩個人食先食得晒。

今晚同個朋友慶祝生日，又唔想出去九龍區，咁啱屋企附近開咗間泰國餐廳，所以今晚就試吓，睇過Menu個價錢都好平民，座位都好舒服，未夠六點去到，都已經好多人食緊。好貼心，一埋位就已經提供左水俾你洗碗洗碟，而家最緊要乾淨呀嘛。食物上菜嘅速度真係好快，叫咗個蝦醬通菜，炒得好脆口，蝦醬好重，但係又唔會覺得鹹，配上炸蒜蓉，好開胃。之後叫咗個咖喱牛腩同埋薄餅，薄餅煎得好酥，咖喱牛腩唔辣，三個人食嘅份量都算幾多，薄餅仲可以點咖喱汁食。叫咗個小食拼盤，大份嘅，種類有八款，啱晒啲朋友可以叫多幾款食，每件小食都炸到好脆，我最欣賞嘅係佢個雞翼，好入味。係我叫咗份雞絲炒金邊粉，分量一樣咁大，金邊粉嘅材料都幾多，酸酸地好開胃。叫咗兩杯芒果沙冰，又唔酸，微甜，食完辣野中和下一流。

估唔到青衣都會有泰國嘢食，仲要新裝修，好自然就入咗去試吓。餐廳食物嘅種類超多而且價錢亦都非常之親民。餐廳入邊嘅人數都幾多下，如果想食的話可能真係要早少少去排隊或者打電話預約。睇完餐牌之後店員亦都好主動同我哋落單，仲主動介紹佢哋嘅招牌菜，服務都相當殷勤。最後我哋叫咗泰式生海蝦，金柚子蝦沙律，香芒軟殼蟹米紙卷，炭燒豬頸肉同埋火山排骨，至於飲品方面就叫咗西瓜芝士沙冰同埋火龍果芝士沙冰。泰式生海蝦嘅賣相十分之好，肉質亦都幾新鮮，食落都幾新鮮。金柚子蝦沙律同香芒軟殼蟹米紙卷作為前菜亦都非常之開胃。炭燒豬頸肉配上泰式酸辣汁味道非常之一流，加上肉質肥美非常好食。而火山排骨亦都非常之有驚喜，肉質比我想像中鮮嫩，肉嘅比例亦都相對之多。飲品亦都唔會過甜，芝士奶蓋嘅比例啱啱好。整體來講呢一餐可算非常之唔錯