泰源大排檔

營業中

休息中

Came to this 大排檔in 12pax last week for dinner. COnclusion: not as good as I had expected. Of all the food we ordered, I just wanna comment on a few items:- 豉椒炒蜆: terrible - the clams were ok to be small if the sauce wasn't so thick to the point that it was jelly-like and no 鑊氣at all- 椒鹽瀨尿蝦: ok - 瀨尿蝦were quite small though- 雞粥: good- 椒鹽豆腐: good- 乳鴿: really good - must eat; best dish in this dinner- 咕嚕肉: really good - must eat; crispy & good sauce- 椒鹽魷魚蘇: really good; must eatWe ordered A LOT of

以前讀中大時, 久唔久便同同學仔搭的士出來火炭食宵, 雖然來回的士費都成80幾蚊,都依然無減大家既興緻。自exchange返來大陪分人已畢業後,成年幾沒有再去食過。今晚返大學拎袍,順道過來同沙田雞粥聚聚舊~~^^~~今晚既目標係"椒鹽九肚魚"同沙田雞粥!!此外仲叫了個"金菇粉絲肥牛煲",還送了個"炒西蘭花"。上菜速度奇快!!而且每樣"食送"份量亦很大,兩個人吃的確有些少過多。"雞粥"都算幾棉,不過略嫌雞少了些。"肥牛煲"有少少過咸,不過質素都還可以。炒西蘭花雖然係送,但份量都唔少,亦炒得幾夠火候,不過有少少過油…對我來說最好的當然係個"椒鹽九肚魚",o岩o岩炸起時外面熱裡面軟,超級好食!而且一碟有成十幾廿隻,食完都差唔多飽左一大半~~^^~~兩個人total都係食左$140,又送1個鐘免費拍車,soo good!不過可惜火炭始終離我屋企太遠,唔可以成日來食...(T0T)

泰源....由細食到大=))火炭區算係好好食ge大排檔...好過津x同德x.....哥哥同泰源老細好好禮貌...上菜快....d野食夠獲氣....其實佢例牌會送一碟"食送"or雞粥ga =P無論你係咪第一次幫襯....haha

今次一行五人,由大埔搭的士入嚟 $86,雖然貴D但為咗食就無所謂,今次叔叔送咗細窩雞弼俾我哋,多謝晒1)豉椒炒蜆(大隻多肉)2)椒鹽豆腐(食過番尋味)3)雞弼一窩(送)4)蒜蓉白菜仔5)辣酒煮花螺(好好味,雖然要$98,但值得一試)6)乳鴿兩隻(熱辣辣,正)7)汽水5罐五人共消費: $320

29/9晚因男友o係沙田返工又知沙田乳鴿雞粥出名所以試下啦!睇過網評之後揀左呢間o係沙田火車站搭Van仔去都好方便傍邊仲有Van仔/巴士站,交通都幾方便(有Van仔返荃灣..非常方便我地)環境都係一般大排檔..當然唔要求得咁多啦大約9點左右到達...閒日唔算多人...但都5檯up..員工由搵位坐,叫"食送",埋單都好好禮貌...亦有笑容點左炸乳鴿x2椒鹽鮮魷小碢雞粥汽水x2可能見我同男友唔似本區人送多個"食送"所以要左蒜容白菜仔全部都好熱辣辣送上乳鴿好好食..唔會話好重味精點乳鴿/瀨尿蝦都有碗檸檬片+茶方便洗一洗手雞粥Ok啦..唔算話好重雞味..但至少唔會淡口入面d雞亦唔鞋口鮮魷都Ok..唔會成口粉..唔韌..亦唔重味環境雖然"拿渣"少少不過幾親民好放心咁食..無論拿起手食乳鴿~試問o係酒家食乳鴿又邊敢咁自然(差)丫個食相..哈哈!

尋晚响沙田果邊,夜晚當然去泰源幫襯喇,六點零就己經有好幾枱生意,利害<食物>1)薑葱焗膏蟹-只係$88架,隻蟹仲好多膏添,超正2)蒜蓉蒸扇貝-有6-7隻,加有粉絲响面,好味,食晒啲蒜頭都又唔會頸喝同口臭3)乳鴿-$35一隻,平靚正4)蒜蓉炒白菜-free,可選擇要瀨尿蝦5)汽水兩罐二人共消費:$180

星期六晚有車坐,去火炭都幾順路,果頭雖然有幾間大排檔,但都係食返呢間好啲,5個人叫咗個3百幾蚊既套餐1)豉椒炒蜆(啲蜆好大隻呀,正)2)椒鹽豆腐(從未食過咁好食,一啲都唔會乾)3)椒鹽瀨屎蝦(今次比較細隻,但送既)4)雞弼一窩(保持水準)5)魚炒西蘭花(一般)6)椒鹽九肚魚(OK,炸粉唔多,如果再肥美啲就仲正)7)乳鴿兩隻(好正)另汽水6罐五人共消費$368

尋日去開沙田,順便搭車入火炭大排擋,呢間大大話話都幫襯咗十幾次既大排擋,尋日竟然全場爆全,好彩搭的士啫(响沙田火車站附近有綠van到),如果唔係就..一行二人,照舊叫散餐:1)黑椒牛仔骨2)豉油蒸鱔3)椒鹽雞軟骨(味道似椒鹽瀨尿蝦多啲,所以麻麻地)4)雞粥一碗5)蒜蓉白菜仔(送既,原本係送椒監瀨尿蝦,可要求換菜)6)青島啤酒一支7)新奇士橙汁一罐埋單共$178

一行八人，要了一個６－８人套餐，＄４６８，overall 好好味。老闆送櫴尿蝦，不過好細隻。另外我地要左通菜，密汁燒膳（麻麻，本人意見－太sweet），加兩枝啤酒，埋單＄５９２，抵！

尋晚同屋企人兜風,之後有人提議到火炭食飯,跟住就0黎0左呢度食0勒.經過上一次0既經歷之後,本人堅決反對去x津所以就去隔離0既泰源由於我地4個人都唔係咁肚餓0既關係,所以就叫0左個二人餐食住先.諗住之後先再加(食送)佢有好幾個餐選擇, 我地今次點0既二人餐有:i) 乳鴿一隻ii) 椒鹽豆腐iii) 魚肚粟米羹iv) xo醬西蘭花炒三鮮(帶子, 蝦同魷魚)之後, 佢仲送多碟瀨尿蝦比我地添, 勁!唔好睇佢好似好少款,但就份量足, 4個人都夠食.而且味道本人覺得比x津更好.我地叫0左飯同粥,佢0既白粥又出奇地唔會淡茂茂,可能你會話落味精咪得囉之但係食完之後又唔會話真係好口渴, good!唯一做得唔係咁好就係個魚肚羹0的魚肚(豬皮?)煮得唔係太夠腍, 需要改善.不過最緊要0既係,食得開開心心, 唔會話你地4個人先叫個2人餐而有面色俾你睇.我相信呢樣就係呢度0既取勝地方.

前兩晚六個人食團年飯,總共叫十個,四個飯,三支汽水都係$518埋單,好抵呀^o^我叫~1) 賴尿蝦(送)2) 椒鹽白飯魚3) 豉油王乳鴿4) 招牌炸乳鴿5) 雞粥6) 豉椒炒蜆7) 潮州蠔餅8) 八珍豆腐煲9) 清湯腩10) 辣酒煮花螺我個人最鐘意係雞粥同清湯腩,真係清得又有味, 唔會係味精.

琴晚去左呢度同爸爸慶祝生日, 呢間真係超好味, 而且好抵食, 我地今次叫餐再加, 7個人食埋單都係$420, 個個飽到郁唔到, 正呀!!!絕對要推介雞粥, 不過其實你可以問下伙記可唔可以送俾你食啦, 我次次去親都有得送, 哈... 有次同男朋友兩個去食, 叫左三個, 佢都送左一窩細雞粥, 埋單$90左右, 所以一定要試下問佢有乜野送俾你地食呀! 同埋佢有蟹粥, 我亞公琴晚一個人食左六大碗, 勁呀!!! 其他d都好夠火喉!由於以前住大學宿舍既關係, 都成日o黎呢度食宵夜, 成十幾個人, 連埋搭的士返大學都係每人$50左右, 好正! 呢度有得送泊車, 不過好似係得一個鐘... 而家我冇住宿, 但都成日搭車返o黎食架..推介:雞粥/蟹粥, 燒鴿, 炒蜆, 蠔餅, 椒鹽賴尿蝦, 元貝, 魚($40一條, 好似酒樓咁好味), 椒鹽骨(冇得講, 夠火喉), 京都骨... 其實差唔多樣樣都好好味~ 哈哈...