泰源大排檔

營業中

休息中

玩完wakeboard就過黎拆餐勁嘅，去到門口一心R佢送瀨尿蝦，可惜失敗，只係送左穌炸豆卜。5個人坐低左，居然一口氣嗌左個8餸套餐再加送嘅穌炸豆卜，一共9個餸，最後就更係眼寬肚窄食唔晒啦。但都好抵食！要讚下個乳甲，juice又夠味，唔點野都好好味，肉又唔hi，食左3/4隻仲有穌炸9肚魚，唔會炸到好粉，熱辣辣入口好正，穌炸墨魚咀就麻麻地，炸完出黎唔太脆，可能翻炸卦。到菜啦，翠肉瓜同通菜都煮得太爽口，我個人中意lum身啲，由其是通菜。另外仲有牛肉粉絲煲同魚香茄子煲，不過太飽，最後外賣拎走。第2日食，都ok，係粉絲煲喊左小小。茄子煲至於送嘅炸豆卜都好好味，夠乾身唔會好多油！HappyEnding

請小巴司機指路，最近火炭大排檔的站叫我落，佢突然大嗌「玻璃屋落嗰個到喇」，我完全唔知佢叫緊我，原來火炭人都叫火炭熟食市場「玻璃屋」！行近就明，因為夏天天氣熱，大排檔開咗冷氣，掛了很多厚的透明膠布阻止冷氣流走，遠睇真係似一個燈光火通明的玻璃箱~舊同事早到先點菜，我下坐低已經有得食：蒜茸粉絲蒸蟶子──冷氣好猛，我遲到十分鐘左右，碟原先熱辣辣的蒸蟶子已經吹凍晒，筷子一夾，覺得面頭的粉絲有點乾硬化，但炸蒜好香好夠味~燒乳鴿──唔知係咪又關我遲到事，乳鴿皮咬落唔脆~蝦醬炒通菜──兩個字：好食！炸豆腐──早聽過泰源會送炒麵，隔籬枱真係送炒麵，但侍應大佬送咗碟炸豆腐畀我哋，咪睇佢外型又大又細鬼五馬六，外皮係好脆囉，裡面好嫩滑，咬落熱騰騰，係四碟餸中最出色的一味~要加餸，請侍應大佬介紹，佢sell炒蟹，但我食親蟹都整損嘴，大佬轉而sell蒸白鱔，但同行有舊同事唔食鱔，最後我哋點咗避風塘炒蝦。避風塘炒蝦──辣椒炸蒜等配料勁香勁惹味，但很遺憾，蝦肉完全唔入味，想食得有味，麻煩先啜吓蝦殼，至剝蝦肉食，或者直接夾炸蒜料落蝦肉到一齊放入口，咁就有味嘞~冷氣勁，愈食愈凍，想叫味熱的、濕的嘢食，聽見隔籬枱叫蠔仔粥，

作為一個正常香港人，一般都不會為吃大排檔而特意走到火炭，但由於星仔這個遊客今次跟父母來香港，而老人家又只愛吃中菜，所以即使適逢香港59年一遇的寒冬，我們也決定拜訪位於火炭的泰源。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊泰源位於火炭山尾街，距離火車站比較遠，但大排檔出面其實就是巴士總站。由於天氣寒冷，大排檔周圍即使拉上膠簾以擋風，但食客都不太多。畢竟當晚氣溫只有約三四度，膠簾也幫助不大，幸好食店入面還有一個用鐵皮搭出來的房間，所以我們當然也選擇坐進房間內，才感到沒那麼寒冷。由於我們一行七人，侍應就推介這個套餐($750)給我們，當中上下的餸菜可稍作調換，另外還多送我們一個豉油皇炒麵。 豉油皇炒麵(免費)粉麵份量頗多，絕沒有因為免費而減少份量，調味適中，麵條有油光而不會有過於油膩的感覺。 金牌燒乳鴿乳鴿有三隻之多，以此價錢都頗為划算。乳鴿皮入口微脆，肉質不會過鞋，整體不錯。 沙田雞粥雞粥一大窩，每人都分到一碗，雞粥煲得頗綿，雞味雖然不算非常突出，但也能到嚐到雞香味。 椒鹽山水豆腐椒鹽豆腐炸得外脆內滑，椒鹽份量適中，非常香口惹味。 京都骨雖說骨，但比較像豬扒多一

當日打算去伙食工業晚餐，不過太多人，最後就行番落大排檔食，巴士站對出有幾檔大排檔，我同朋友第一次黎食，正心大心細的時候，有個呀叔就企左出門口同我地招手.....半推半就我地就入左呢間叫泰源的大排檔......岩岩好有張細檯，岩哂~ 當日都算熱，不過入邊d冷氣都算幾充足~ 跟住執檯呀叔出場啦.......呀叔d態度呢......食呢d大排檔好似預左要俾佢X咁....早有心理準備，好彩其他伙記態度算正常~ 去大排檔重點係食物同價錢.....小菜平均$80個左右，比我食開果d貴一點，我地兩個人叫左椒鹽鮮魷鬚同蘿蔔牛腩煲，菜黎到時....發覺個煲仔同個碟唔算大，但係一check之後.....份量原來都幾多! 椒鹽鮮魷鬚好多條!!!!!! 堆到滿滿! 蘿蔔牛腩煲塞到成個煲都係! 牛腩份量都好多! 我地唔算大食，見到呢個情況....只叫了一個飯，好彩只叫一個飯，最後食到我地兩個反肚......味道呢?  椒鹽鮮魷鬚好惹味! 蘿蔔牛腩煲更加令我回味，蘿蔔入味，牛腩炆夠香又夠淋......無得頂~ 埋單$180左右，我就對呢兩道菜方面好滿意啦!

香港既大排檔買少見少，係火炭呢到就有一間泰源大排檔。大排檔既特色就係所有野全部都係即叫即整，夠火侯，有地道既特色。呢間泰源最出名既兩樣野就係炸乳鴿同埋雞粥。乳鴿即叫即炸，唔會太乾，入面仲有肉汁，熱辣辣之餘仲好好味，所以好出名，而且唔係bb鴿，都幾大隻幾抵食。另外既就係雞粥，雞粥係真材實料，入面有好多雞，所以d粥都有雞味，只係粥都已經好好味

同朋友機緣巧合黎到火炭, 又唔熟火炭有咩食.. 突然諗起成日聽到人讚既一間大排檔, 就即刻搵地址過黎食~!火車站行過黎大約15分鐘左右, 唔算難搵!行到門口已經有伙記出黎拉客, 好熱情咁招呼我地入去坐好耐無食過大排檔!! 位置唔會太舒服, 張枱係斜既~ 不過黎得食大排檔既人就一定唔會介意!有好多小炒同海鮮揀, 我地費事諗 就叫左個二人餐.. $268其實唔算平, 不過呢度咁出名, 就試下佢既手勢啦落單後好快就有野食啦先黎既係出名既雞粥, 雞好滑好有味, 特別鐘意佢既粥煲得好綿!!可惜雞味同粥味係分開既... 粥有少少淡, 要加胡椒粉一齊食炸乳鴿 .. 由細到大都係最鐘意食乳鴿 (:好鐘意佢炸既乳鴿既香脆度, 皮香肉嫩~! 有質素! 不過比較細隻~原本既西蘭花鮮魷 因為我同朋友都唔想食西蘭花, 改左用白菜炒落左唔少蒜頭, 不過唔夠鍋氣.. 一般炒蜆, 少少辣, 醬汁味道唔錯, 但好多隻蜆都痴埋一舊舊分唔開, 分得開後見到D汁一塊塊應該係炒得唔夠熱 (所以上菜速度好高)椒鹽豆腐 係免費送既! 炸得香脆又唔會乾身, 仲有好多炸蒜粒~ 好味!我地由晚上9:30食到10:30一邊食一邊有好多客人

朋友以前是讀中大的，他們想回味以前讀書的生活，所以是日他們帶我到這裡吃大排檔。好食又夠獲氣的大排檔已經愈來愈少，今次黎到真係有驚喜，我們一行四人，點了6餸加雞粥,非常豐富。菠蘿生炒骨，每塊都大大件，多肉少骨，而且肉質很淋，甜酸味適中，菠籮更是用上新鮮的，非罐頭貨。必食的椒鹽豆腐同椒鹽墨魚咀，呢度的椒鹽做得好出色，好香口，上枱熱辣辣，兩樣都炸得好香脆，不過要趁熱食，耐左會冇甘脆同冇甘好食金銀蛋浸荳苗，味道ok，帶有雞湯味及蒜味，鐘意食金銀蛋的朋友啱晒，因為有超多份量的金銀蛋，不過我略䁠有點過多豉汁炒蜆，呢個一般，d 蜆唔似新鮮即炒,d 肉好似比d 汁浸左好耐，浸到有d 梅梅地甘，似係一早炒好一大獲，有人order 再攞出黎甘蠔餅,煎得有少少燶，煎得好厚實，唔會淨係得蛋醬同粉，入面都有好多蠔，每塊好似pizza 甘大塊，建議多d人食先好點雞粥，d 粥雖然冇雞味，但粥底煲得好綿，雞亦夠滑，好味總括黎講，食物質素好，食左甘多野，埋單只需4百幾蚊，真係好抵食。

第一篇食評！下次會記得影相！今日去完馬場之後, 去左ccy做野附近食，佢推介泰源。兩個人叫左:蒜蓉元貝四隻($120): 好大粒都幾新鮮, 不過好似蒸過火少少, 少少un, 但overall 都幾好雞粥($32): 鮮甜, 大碗，推介腰果肉丁: 普通椒鹽豆腐: 送嘅,幾香囗另外叫左支啤酒，加茶芥花生每枱$6, 埋單$253，都幾抵食，服務又好。

泰源大排檔一般大排檔格局，一張張圓台圓櫈，　環境熱鬧，時不時聽到一陣陣炒菜既火爐聽音。待應尚算有禮，　多數都係有效率人仕，　點菜快，上菜亦快！食物味道質素好高。　夠鑊氣之餘每樣食物既汁醬調味都恰到好處，會感受到廚師們甘多年既深厚功力所有餸菜每碟大慨６８至８８，　物價甘貴，　呢個價錢合理雞粥，　椒鹽鮮魷，　燒乳鴿，　沙拉骨，　豉油王炒麵，椒鹽墨魚咀，　避風塘茄子推介雞粥　滑雞粥綿！雞油滲入粥，　正！椒鹽鮮魷　炸得剛好而宜鮮魷新鮮避風塘茄子　避風塘醬料令到茄子十分香口，　一咬落去充滿茄子肉香味。熱得黎又不失鬆軟，　好味！

上星期六朋友約我入去火炭食大排檔，諗住會有驚喜啦，點知都係有點失望，餸菜唔覺有大排檔鑊氣。坐低先叫個椒鹽骨，肉質好韌，味道一般。水煮牛肉，無乜辣味，只有麻同咸味。豉油皇煎蝦做得唔錯，蝦肉紮實，豉油亦好味。炒蜆就不過不失啦，但就真係唔覺有大排檔風味。

作為中大人，這裡滿載著大學時的回憶，o camp時第一次來，之後更成為宵夜勝地。是夜忽然想吃大排檔，就駕車來了。可能是平日的關係，人並不多。我們2個人卻點了很多餸呢。來到必點的是雞粥，可惜雞味與粥是分開的，結果我們自行點了半隻雞加入粥裏吃，果然味道鮮了很多!椒鹽白飯魚不過不失，炸得ok,少辣。黑椒牛柳粒就不大推介了，只有強烈的黑椒味，完全沒有牛味。點完餸後伙計還送我們椒鹽豆腐，免費的就沒有挑剔吧。總括而言，味道真的麻麻，只有舊情補償吧。

呢間大排檔因為太隔洩，所以成日話黎話黎都黎唔到，而且附近有好幾檔都幾出名.......最後男朋友都係揀呢間，呢間D雞粥好綿，雞肉又嫰，兩個人叫左一大𠒇都食得哂，呢度D蠔餅又係出名，我食過廟街個D乾爭爭又似蛋煎餅，呢間似番正宗潮洲鋪嘅蠔餅，乳鴿要趁熱吃，雖然層皮又唔係特別脆，不過熱食都好惹味嘅，其他食物不過不失啦，貪呢度有餐嗌抵食D。而且D侍應非常搞笑

這天要去沙田一田看LINE公仔展覽，於是入了沙田，當然難得入到去，要吃一點特別的食肆至夠盡興，於是由沙田地膽朋友帶我到了火炭吃特色的大排檔。我應該是第三次來火炭的大排檔幫襯，我也沒有印象吃過那一間了，我們都是隨意的選了這一家便坐下。這裡的大排檔都只是晚上的開，因為枱都是放出來放到要霸佔巴士總站位置。在火炭的幾間大排檔都有一個特色，就是有人來主動來拉客，而且會主動說送一個菜以作招來。一坐下來便先要來支啤酒，啤酒絕對夠晒冰凍的，因為在啤酒樽身都看到有冰塊的。入冬我最喜歡吃芥蘭的，貪其爽脆，所以送我們的菜我就選了蒜蓉炒芥蘭。芥蘭是趣綠的不合過老，炒的火候時間剛好，不會太腍，是恰到好處的爽脆，尤其是我最喜歡的菜莖，這是我最喜歡的口感，而葉的部份則吸收了蓉香，亦很惹味。朋友建議點八珍豆腐煲，查實在這餸來之前，我都不知道甚麼是八珍豆腐（還枉我稱自己是豆腐癡～！）。原來所謂的八珍豆腐煲，其實是油炸豆腐用叉燒、豬肉片、鮮魷、蝦仁、菜、蒜蓉等來煮成。味道較濃。用上多款食材，夠晒豐富，但同時有一個難處，就是每款食材所需要的火候和烹煮時間不一，要掌握得好是不容易。叉燒過瘦，鮮魷煮得過熟，肉片有鹹香但亦煮得過

八點幾，不太多人雞煲少辣，其實已有點辣，幸好友人留手，否則小弟可能吃不得。。。味道還挺香的，小辣得來有點香氣，雞小小一粒粒，但吸收了精華乳鴿好像較乳鴿專門店更美味，肥肥的，有點乳鴿油滴下來，熱吃真一流蒜蓉中蝦說真的，除蒜蓉外，蝦真的沒特別好吃，不夠爽身，而且很小未像友人說得那麽回味無窮椒鹽墨魚咀美味，不算太炸，椒鹽味拿捏得剛剛好友人指佐酒一流，而他卻只喝可樂蜆也是沒特別豉汁更有點兒太杰還點了雞粥，椒鹽豆腐，椒鹽九肚魚，蒜白菜雞粥還是挺不錯的，其餘都一般但專程來火炭，我就未必會再回頭了

今天慶祝細妹的生日，一家六口去了泰源度食飯。6：00pm 去到果然不用等位。我們叫了個4-6人餐，有7道菜。當中有招牌菜乳鴿及蠔餅，仲有雞粥，炒白菜，墨魚咀，椒䀋豆腐，炒蜆。之後仲送了碟椒䀋蝦併賴尿蝦比我哋。除套餐外再加多一碟炒通菜及羊腩煲。當中雞粥的粥底夠棉，羊腩煲夠味及足料。但豆腐炸得太硬。椒䀋的東西煮得太辣，要叫汽水及啤酒才可。不過總算是香港大牌檔特式。