泰太廚房

營業中

休息中

今日入咗大美督，去咗一間叫做泰太廚房嘅餐廳，聽聞係幾正嘅，咁就試試啦！餐廳有分室外同室內，又播住泰國音樂，枱面上邊仲有燈柱裝飾，氣氛都唔錯👍🏽今日又涼風陣陣就梗係坐室外啦😉好多餸都想叫，但我地得2個人，本身諗住叫四個，但見到隔籬枱啲餸好似好大碟，所以最後都係揀三個，好彩揀三個，因為真係好大份😬泰太麵包咖喱焗蟹肉（小霸王）🦀呢個係我超級推介🤩成個頭咁大嘅麵包，由職員為你剪開，一剪開即刻香氣撲鼻！！麵包超脆，咖喱啖啖蟹肉，真係食完想再食😋😋炭燒牛仔骨🐮牛仔骨份量十足，嚟到嘅時候我同朋友都呆咗，平時食嘅牛仔骨邊度有咁大架，仲要牛味香濃，一啲都唔靭，油香味重，多肉汁😋😋都係好味推介👍🏽香辣肉碎炒飯🐽呢個炒飯偏重味，好多肉碎同香葉，而且真係辣嘅，我就覺得辣得好過癮，但朋友食幾啖就食唔到啦，所以如果唔係好食得辣嘅朋友都係叫第二個飯啦😬😬芒果沙冰🥭同平時喺街飲到既好唔同，呢個真係飲得出由新鮮芒果打成，仲要面有芒果粒粒，真係有驚喜😘總括嚟講，雖然呢間泰國餐廳比平時餐廳貴啲，但絕對係物有所值，份量大，而且好食😋環境又優美，係一間值得推介嘅餐廳👍🏽

happy Friday請了下午假，忙裏偷閑一下，去大美督放一個郊野假期，也要吃得好好的，於是去到泰太廚房用膳。餐廳設有室內及室外用餐區，各具特色。餐牌設計猶如一份報紙，幸好餐枱面積夠大，擺放大大的餐牌也沒有難度。除了食物資訊，亦有提供一些有關泰國和餐廳的介紹。前菜是柚子鮮蝦沙律，雖然餐牌顯示一隻辣椒，但整個沙律入口甜度較高，相信是個老少咸宜的菜式。鮮蝦肉質彈牙爽甜，和多汁的柚子十分搭調。泰太招牌炒飯足夠二至四人享用，用料豐富，色香味俱全，加入龍蝦肉，口感更有層次。龍蝦頭內藏蝦膏，甘香一流。整個擺盤也顯心思。飲品是泰式奶茶，味道較為清淡，十分解渴。最後，餐廳送上甜品碟豆花椰汁大菜糕，賣相精緻，以蝶豆花的紫藍色做漸變主調，加入椰子片，彷彿有一種海浪的效果，也豐富了口感。

餐廳門口有大大個燒烤ＢＡＲ，現場能見到店員一直在燒乳豬，也看到有不少人叫的，果然是這裡的招牌呢！泰北鐵板羊腩（１７８元）用鐵板上，來到熱辣辣！羊腩燉煮得非常軟爛，連皮都是入口即化的狀態。整體味道偏酸辣的，多種食材的混合香味，令羊腩吃起來肥而不膩，又不羶！泰式炒飯（１２８元）逅個炒飯是偏濕潤的一個口感，加了很多芥蘭來增加口感，又有小蕃茄增加酸甜味，吃起來再帶點蛋香！而我就選了牛肉，有醃過的，所以比較嫩，份量挺多。炭燒牛仔骨（１３８元）這個炭燒味很足，吃起來帶點焦香，牛仔骨口感嫩滑有油香，配上酸辣帶點甜香的醬汁，吃起來更惹味！

一早講左夜晚食泰國菜，於是入咗大美督揀食呢間，去到門口環境唔錯，好泰國，門口仲有架Tuk Tuk ，我哋坐出邊，因為天氣唔係好熱。本身留咗半隻燒乳豬嚟到即刻有得食，皮超級脆，肉好香黑胡椒味，在泰國未食過，可以喺度試吓。另外訂咗隻椰香咖喱炒蟹，蟹有一斤多重，食得出新鮮，已經贏晒，咖喱唔辣，送蒜蓉包或者薄餅一流。另外叫咗個越南小食拼盤，同埋米紙卷，呢度食飯可以叫埋隔籬舖頭越南嘢食，款式多。食物價錢唔算平，不過有質數。順帶一提呢度幾乾淨企理，戶外地方算係做得唔錯。

見今個星期六天氣涼涼哋，走咗入大尾督食泰國菜，晏晝入咗去行吓，已經去咗呢度留枱，因為望出去對面個湖好舒服好似泰國。叫野食叫左個湯，生蝦，咖喱包，菜，炒粉。冬陰功湯，細嘅分到四碗，蝦都好大隻，好肉地。生蝦刺身，砌得好靚，透明蝦身，新鮮非常！泰國椰菜苗，比較大舊，唔易食，蒜蓉炒沒特別可以唔叫。咖喱麵包焗蟹肉，麵包脆，好多蟹肉，店員會幫你切開佢，呢個必點。蛋網炒貴勺，甜甜酸酸，唔錯。原來仲可以叫隔離越南菜「湖越」食物，我哋叫咗兩碟米紙卷試下，都好正，大大件，好清新。最後唔知點解有甜品送，都不錯，服務質素都幾好，好勤力加水。

朋友介紹之下一早預約咗呢間泰國菜，留咗室內位置，但係我哋唔記得咗訂乳豬，呢間嘢價錢偏貴，但食物質素中上。泰式小食拼盤：有蝦餅，魚餅，蟹鉗，雞翼，春卷仲有咖喱角，都好豐富。炭燒豬頸肉：喺出邊有泰國師傅炭燒，當然好惹味。海鮮沙律：呢個辣得制，如果唔食得辣落單時記得同佢講小辣。泰式乾炒牛河：呢個真係好似泰國嗰啲地踎小店炒出來嗰啲河粉，好友鑊氣好正，最後仲打包左個聽朝返工食。泰國椰菜苗：呢個偏硬身，都正正常常。可以帶多d人黎試下，野食都幾大份

難得同朋友入大美督，行幾步就到泰太廚房，原本諗住位置比較方便就試吓泰式餐廳，點知真係火都嚟，一開始入咗被告知比較多客，剩返出邊樂天位，我哋都好理解繁忙時間，但呢間嘅服務態度認真數一數二。由落單到開始就bad feeling, 我哋改咗三次，首先有人應，因為隔籬枱先我哋就俾佢先落單，點知佢落完隔離就完全唔理我哋，然後又係漫長嘅舉手環節，呢位侍應都係叫我哋等等，終於落到單，佢又要我哋落Number俾佢，啲Number佢又唔係熟晒，我哋都算。等咗20幾分鐘先嚟咗一碟餸，等得耐唔係問題，放低啲嘢望都唔望就走咗，大佬筷子叉碗呢？呢間餐廳係咪要用手食飯？遲過我哋入座嘅人都已經食緊嘢，我哋淨係望住疊嘢，點食。我哋再次舉手，佢掂行掂過，當啲客冇到，舉咗三次數都冇人應，最後我哋真係頂唔順就決定走人。作為顧客我地唔要求你地餐廳有咩服務，但最基本嘅態度你地都冇，當然等唔係問題，問題係餐具呢啲係咪最最最基本嘅，點解都咁麻煩，我地係黎食野，唔係黎受氣。希望貴餐廳檢討服務態度問題，特別係圖中男侍應！真係好冇禮貌！希望你地重視呢個問題，提供優質泰國美食同時俾顧客有更加好嘅餐廳體驗。

今日入到去大尾督食泰國菜，呢一間想試好耐，預早一日book位，要坐室外位置，雖然有點熱，但係幾好環境。先講食物，一早book咗一隻炭燒乳豬，我哋嚟到7:00，都要等到7:30先有得食，可能廚師比較忙，因為當日都幾多人，隻乳豬皮好脆，唔同中式個D，肉好林好濃胡椒味，好正！另外叫咗個咖喱，普普通通，蠔仔蛋，超多蠔仔好脆👍🏻👍🏻，另外侍應話可以叫隔離越南菜食物，我哋叫咗個越南春卷，都唔錯，不過要埋單先，最後侍應送咗個芒果糯米飯俾我哋，埋單$1400，4個人差唔多啦！

經朋友介紹嗰啲下，一星期前已經訂枱，我哋一行15人坐室內位置，預早安排將枱切成正方形方便我哋坐，室內位置有冷氣，不過室外位置有環境啲。預先訂咗一隻乳豬，佢哋會斬埋，但係我想吹蠟燭先，所以叫佢哋唔好斬。乳豬皮脆肉嫩，我哋15人食啱啱好，仲可以叫多啲其他餸，有冬陰功湯，咖喱蟹肉麵包，菜，海鮮，少少炭燒食物，上菜速度好快，啱晒好肚餓嘅我，這要講下個咖喱包，侍應幫我切開時，咖喱爆出，好creamy，滿口蟹肉落足料，最後侍應仲送咗甜品俾我哋食，個芒果糯米飯有生日牌，呢間泰國菜味道，環境，服務都唔錯，埋單$4200，真係捧住個肚走。

今日同朋友慶祝生日，合共六個人訂咗泰太廚房，去到都幾多人不過仲有位，打開餐牌超多嘢食，價錢中上，不過原來份量都幾大。頭盤嚟咗個生蝦刺身，新鮮辣汁正。之後嚟咗個生菜包，份量好多，辣味適中，非常好味。之後嚟咗個炒芥蘭，無咩特別，都係份量多，$90一碟。沙嗲串燒雞肉，呢個普普通通，不過個沙嗲醬好香花生味唔錯。之後仲叫咗個咖喱大蝦，不過我冇影相，因為個陣電話冇電，個份量超大夠哂6-8人食。最後店員見到我哋同朋友慶祝生日帶咗個蛋糕，都送咗個芒果糯米飯俾我哋食，呢度仲要唔收切餅費，不過呢度啲份量都起碼六個人起先可叫多D。

見OpenRice個個食評都咁正面，影相睇落咖喱包又好正，就試吓啦…閒日7點幾去到，諗住唔係假期，少人係正常啦…呢個想法太天真🙄叫咗咖喱蟹肉焗麵包、沙嗲串燒，本來想叫酸辣魷魚筒，但落單時介紹炭燒魷魚筒更好味，又鮮甜，咁就試吓啦！▶️咖喱包初初食個面脆嘅都唔錯，包底吸咗啲汁，淋晒😓咖哩都係普通茶餐廳質素。唔抱期望，感覺會好啲！▶️沙嗲串燒好dry，唔容易咬開。每人食一串已經想放棄…▶️炭燒魷魚筒，呢個真係最垃圾！上枱已經唔熱，食落無味，失敗到相都唔想幫佢影…千祈唔好聽佢介紹，實係賣唔出先要head sell 3樣嘢，加兩杯飲品，埋單七百

與朋友介紹吓入去大美督試吓呢間泰國菜，我已經一早訂咗枱，當日星期六我6:30去到，都已經超多人，我們三大一小坐入邊，冷氣超勁啱晒我，因為我哋去完沙灘玩當日40度真係超熱。我哋叫咗幾樣食物，有蝦醬炒飯，有青咖喱雞，小朋友話想食咖喱包，於是嗌多個咖喱，仲有個菜，蝦餅同埋湯粉。收得咁嘅價錢份量真係俾返咁上下你，好足料，隔籬枱枱都八個十個，我哋根本食唔晒啲嘢，都要打包走，炒飯有鑊氣好香，青咖喱雞都好多雞肉，個咖喱包小朋友都食咗四件，滿滿蟹肉，蝦餅彈牙無偷風減料，炒菜正常，唯獨是個湯粉麻麻哋，太多粉啦索哂水，最後係呢個冇打包，其他都非常好味。順帶一提佢而家有1$杯龍眼冰解渴一流埋單$800合唔合理，見仁見智。

今日試下呢間泰國菜真係好有驚喜，餐牌豐富，我地得兩個人食得唔多，叫左個生蝦刺身，豪華冬蔭爐魚片，一個清湯豬手煲，呢兩款我係其他泰國菜館都無見過。先講生蝦刺身，個名叫新鮮，問經理佢話全部新鮮貨，食得出爽口彈牙，非常新鮮，透明蝦身，點埋個綠色酸辣汁，實在好似泰國無緊！豪華冬蔭爐魚片：湯惹味酸辣，湯撈飯都一流，魚片無骨，份量多。清湯豬手煲，未試過，成隻豬手煲都係啖啖肉，索哂湯汁惹味非常，我地兩個麻甩佬食到超飽，份量足夠，味道近似泰國，會有下次。

今日星期六諗唔到食咩，遊車河去咗大美督泰太廚房試下，入門口見到環境幾好，我哋兩個人食唔到咁多嘢，都係要多四樣餸，有泰式蝦春卷，沙嗲串燒雞肉，仲有新鮮生蝦刺身，不過店員話得五隻，俾咗半價我哋（原本係有八隻），同埋泰國椰菜苗。先講吓蝦春卷，啖啖肉，蝦膠豐滿，其實呢五條野就已經夠飽哂😂泰國椰菜苗，無咩味，太清新，菜有D老生蝦刺身：非常新鮮爽口彈牙，酸辣汁勁正沙嗲串燒：雞肉嫩滑，沙爹汁滿滿花生第一次嚟大美督食飯有驚喜，下次會多啲人過嚟

其實呢間泰國菜我都食咗好多次，咁多年未到始終如一，尤其是咖喱炒蟹同埋炭燒乳豬，開始以來我都係必食。今次唔同屋企人去，介紹個朋友食呢間，佢哋都一致讚好。首先講吓環境一落車佢哋已經話好似去咗泰國咁，門口一部篤篤車，人山人海，最好訂咗枱先好嚟。炭燒乳豬：唔使講呢個招牌菜必食，雖然在泰國未見過但餐牌寫明是在泰國曼谷帶過嚟，又俾更多香港人試吓，皮脆肉嫩，點埋酸辣汁好惹味。椰香咖喱炒蟹：時價七百，蟹有斤幾重，新鮮多肉，又多咖喱汁，四個人都清晒仲打包汁走，一致好評。另外仲有炭燒串燒在門外炭燒，聞到都香。柚子沙律：正正常常咖喱蟹肉麵包：唔使拆蟹，淡淡蟹肉，非常美味，不過我喜歡拆蟹多D。