波士頓餐廳

營業中

休息中

本來想揀火焰牛柳餐，但見附近食客上此牛柳時，侍應淋酒後，火球高個人，便恐怕眉毛也燒掉，故改叫普通的鐵板餐。在這兒吃東西，最好的地方是不用管什麼餐桌禮儀，麵包一上，拿在手中仍熱烘烘，即中間一刀，一分為二，再塗牛油，一口咬下，很痛快，不用把麵包撕成一口份量再塗牛油。港式羅宋湯的鮮濃比很多西式的雜菜湯出色，這兒的算足料，偏甜，未夠濃郁，與皇后接近，卻未及新寧。吃鐵板餐，我必選黑椒汁，簡直又熱又辣又惹味，是曰肉眼八成熟，切下去肉色微粉紅，肉味足，份量也不賴，連薯菜吃，也夠飽，你也可揀配飯或意粉，這也是港式鐵板餐特有的。要求極高的家人分别點了黑椒汁石班牛柳及蒜蓉汁大蝦牛柳，他們也吃得暢快似的，沒有半句投訴！再跟凍或熱餐茶，超滿足。

有朋友話想食鐵板牛扒, 於是就去左呢間試下佢個火焰牛柳。先講service, D侍應黑口黑面, 語氣差。叫左個 火焰牛柳 同芝士雞球意粉,餐包硬屈屈, 雞球意粉還可以, 但唔算係好食, 可能一般茶餐廳仲好味。重頭戲黎啦~火焰牛柳 5成熟放個鐵板埋黎, 有幾條著條, 少計雜豆, 真係少得可憐, 勁似人地食淨然後拎黎!! 食慾大減切開第一塊牛柳, 少少BELOW5成熟, NEVER MIND, 入口食, 冇牛味不特止, 仲勁重酒味, 可以話蓋過一切。切埋第二塊睇下, 仲驚...塊野係生!! 拎番去焗一焗佢, 唔洗講啦~ 仲難食~果D酒令隨塊牛柳勁重苦澀味總結: 未食過咁難食的牛扒, 百幾蚊的價錢, RUBBISH的QUALITY。我唔係要OUTBACK OR RUTH'S 的QUALITY,只係要一塊入得口的牛, 真係食花園餐廳好過!!不必要的都唔好去試, 無謂浪費金錢, 虐待自己

這間老店是本人第一間食的扒房, 記得八歲的時候一家人來食牛扒, 除了換了個招牌, 現在的感覺依然無變.火焰牛扒最有特色, 用條長叉叉住舊有汁的牛柳然後用火槍一噴, 成舊牛柳著火, 然後就可以上桌, 牛柳軟, 牛味濃.皇后牛柳大概是我覺得這裡最好食的牛柳, 肉厚而鮮嫩, 咬落去啖啖汁, 每次食後都覺得回味無窮.雜扒大大份夠兩個唔大食的女仔食, 雞扒肉多而且汁甜, 田螺很鮮很好食, 羅宋湯好喝而且菜很軟很入味.

今晚(四月五日)天氣不佳，總是斷斷續續下著雨。八點多了，路過Boston ,心想多年沒幫襯，去懷舊一下也好。結果是發覺差不多所有東西都是舊的，價錢卻是latest price... 加了很多，沒法子，通貨膨脹吧，心想物有所值就可以了。價錢是中等，以座位的安排，裝潢來説算是貴，但店的位置很好，雖然是樓上鋪，但入口是街鋪，人流不錯。坐下叫了五成熟的紐西蘭西冷扒餐 (HK$113)，包一個牛油餐包、餐湯和咖啡/奶茶。餐包和餐湯都是茶餐廳貨色，乏善足陳。牛扒是連鐡板出來的 ... 唉，幾十年沒變 ... 實在看不出這塊鐵板有什麽用 .. 除了破壞味道之外。我那塊所謂五成熟的牛扒差不多有八九成熟。 而且，那位侍應二話不説，把大量醬汁倒下牛扒面和鐵板上 .... "吱 ... 吱 ... " 的聲音 ... 還冒著白煙。如果要找尋懷舊，我想就是這些吧。非常難吃的牛扒，還說是什麽紐西蘭西冷牛扒，哎呀，最近不是說不要吃大陸牛肉，還以為去一家老字號，最少能控供應源頭確保採用的食物都是新鮮可靠，現在我真的有點懷疑和擔心 ... 這是那裏來的牛扒啊！... 真的有點驚！這裏的食物比一些快餐店如大x樂之流差遠

到伊館支持林一峰前先吃飽飽，確保精力十足。接近七時，尚未需要等位。在樓下拿了籌，便上一樓去。餐廳內環境不算寬敞，桌與桌之間距離甚少，但在我的座位旁竟然細心地放了一張膠圓櫈讓顧客放袋，好。無需考慮，我馬上點了他們的招牌菜－－鐵板火焰牛柳配薯菜($134)，為的是一睹火焰劍的真面目，朋友則點了一份美式什扒($105)。最先送上的是一籃兩個的餐飽，算香軟。接著是餐湯，我的套餐貴了$18，除了有甜品，餐湯更可選龍蝦湯。龍蝦湯帶有鹹香，雖則沒有龍蝦肉，但味道不錯。普通套餐可選忌廉湯或羅宋湯，朋友喝了忌廉湯，單看外表好像沒甚麼特別，但一舀便可看到很多粟米和火腿，好。主角登場喇！先上桌的鐵板上只有薯條、蕃茄、雜豆、幼粟米。而那支始創於1966年、有專利註冊的火焰劍就在不遠處的餐車上，劍上插有兩塊牛柳、一頂蘑菇和一片黃蘿蔔。是夜高潮出現了！在迅雷不及掩耳之時，侍應已快速地把劍上的食物放到鐵板，並像施魔法般變出一團火，令我大開眼界。火很快又熄滅了，牛柳已妥貼地躺在鐵板上。侍應有效率地為我添加了黑椒汁，再一次煙霧迷漫，香氣撲鼻。視覺效果滿分的牛柳，味道亦不遜色，肉質不會像那些加鬆肉粉的肉般過份嫩，反而有嚼

今日路經灣仔同朋友仔下午茶,有幸黎到呢間百年老字號的餐廳,決定要見識下~!!喺樓下已經覺得好有古香港的味道~再行樓梯上二樓,嗯….好有6 7十年代的感覺..連地下的磚都跣得非同凡响,我粗身大細真係要步步小心..差少少要扶住D椅黎行..餐廳奇妙既地方係睇落好大,但坐位擺得好迫..~_~ 全場有4,5 個服務員,不過唔多理你.入到去有一個好似會安排坐位比你,但你又可以自己揀黎坐底左佢都唔知,之後另一個會拎水同餐牌比你慢慢睇..一睇餐牌,一般既茶餐廳下午茶款色,,再問服務員拎個主餐牌,睇下會唔會其他驚喜發現~見餐牌上有好多精選推介我都好有興趣,無奈只係tea time,唔想食得咁盡,最後叫左份飛碟下午茶,另加一份廚師推介的法式田螺薯茸..上抬啦~面對眼前既食物,唔知係咪期望越高, 失望越大..飛碟下午茶 – 吞拿魚沙律飛碟,.薄薄的面包,包住少少的餡料,真係好的色~唔洗几啖就KO 左佢,味道一般,自己屋企都整到.精選法式田螺薯茸 – 真係好失望~以為咁耐歷史的餐廳整呢D一定手到拿來,點知睇落已經唔係咁得~食落覺得田螺同薯茸兩個唔係混得太熟,各有各’精彩’, 唯一的共同點就係兩者都灯得太耐~!

一間老字号既餐廳真係越做越差無論服務員態度，食物質素都下降！先講服務員以遊魂唔洗做咁，真係要落單搵個人都有難度 食物質素，食鐵板牛排又難咬又細塊(價錢仲要過百元)，真係(為你做足100分果間)抵食兼大件又好味真係冇得比！最後重點就係我朋友生日一心帶旦糕上去諗住食完飯慶祝切旦糕，點知食完飯去餐廳雪櫃拎完旦糕出黎既時候，拆緊旦糕盒既途中，有個餐廳員工問請問有咩幫到手，我就話冇，佢見我拆出黎原來唔係佢地公司既旦糕就話唔可以起呢度切旦糕！下。。佢話我地公司有旦糕賣喎！問題係先前冇講明比客人知原來要幫襯妳地既旦糕先可以起度食呀嘛，不知所為！貴公司旦糕有幾難食就唔洗講啦，應該放左一段幾長既時間冇人買果D呢間餐廳大家會否幫襯真係要細心諗諗先。我就唔會再幫襯呢間野架喇！

　　為慶祝我和媽媽十月份的生日，姑姐請我們在這裏吃大餐，我很久之前來過這裏鋸扒，已經很久沒來了。姑姐說她年輕的時候已來過這裏了，這裏是不少中年人記憶中的拍拖勝地。　　環境方面，我來的時候尚早，剛好六點，人不是很多，侍應給我安排了一個靠窗的位置，一坐下感到蠻涼快的，可不久之後感到冷氣有點大，心想還是不要緊吧，因為我會吃火燄牛柳，可能吃著會感到熱，所以沒有更換座位。燈光柔和，環境也算安靜。屬懷舊氣氛濃烈的西餐廳。　　服務方面，也許因為我們坐的地方不容易被看見，而服務員的數目不多，等了好久才有人來理會，這是美中不足之處，　　食物方面，我點了招牌菜，火燄牛柳，要七成熟。先上來的是餐包，是用微波爐翻熱的，可是熱度不均勻，包的底部是硬的。餐湯是羅宋湯，湯很甜，料也很多，但頗嫌油膩。　　主角終於出場了，侍應把牛柳刺在一條柱上，然後抹掏出一枝火棒，並以火棒靠向牛柳，頓時香氣四溢，我知道這只是噱頭，牛柳老早已經弄熟了。　　味道方面，我要的火燄牛柳是跟薯菜的，要黑椒汁，薯條是紐紋狀的粗條，很有口感，但因為泡在黑椒汁裏，已經稔了，但卻是可以理解的。牛柳很厚，質感很豐盈，汁和肉交融，很juicy，但黑椒汁似乎

今天決定到這家老字號港式西餐廳午膳，見它的入口寫了”Since 1966”，即代表它有46年歷史。進入店內就座後，環顧四周，感到它的裝修不是懷舊，而是殘舊。地板有點濕，而走廊放了一些紅色的膠桶，收集碗碟及廚餘，感覺有點不衛生。當時心想，以歷史悠久的老店來說，食物質素應該不會太差吧。我點了日式燒汁牛扒，配羅宋湯。侍應先送上羅宋湯和餐飽，我一看湯碗，竟然有至少5處崩裂的地方，非常不衛生! 雖然羅宋湯味道濃郁，菜粒多種類及豐富，但看到這個器皿，胃口已減了一半。至於餐飽，它質地堅硬如石頭，十分難吃!再過一會，主菜到了，牛扒尚算大件，燒汁亦充足。當我拿起刀叉把它切開，感到它非常堅韌，我要用很大的氣力才能把它切成5小件，雙手都感到疲累。當我把它放入口，一如所料，它的肉質結實無比，難以咀嚼，牙齒都感到疼痛。這頓飯令我很失望。

今日同朋友來試呢度,因為呢間野都幾出名咁野食就係舊時既港式扒啦我就叫左個T骨好似要左5成.其實我諗呢類扒叫幾多成都應該唔會硬,大家都知咩原因啦.但係食落去都覺得係,已經唔太食得出牛既味道,就好似係充滿咸味既肉調味夠咸,夠SPICY.但係以呢類餐廳來講,佢呢塊野都算係咁.份量都OK...不過呢度個衛生都幾差,我比1分

之前同男友講咗好幾次, 話去樓下附近嗰間波士頓餐廳食嘢, then at last night 我地就決定走去食 supper. 男友叫咗個雜扒鐵板餐, 而我就叫咗個西冷牛扒餐. Then, 我地o既惡夢就o係咁樣開始嘞! 先講吓我件西冷扒先 (因為比較把火), 我地叫咗六成熟, while 佢整咗件 nearly well done o既俾我地… ~_~ 咁都算了, 佢嗰塊所謂西冷, 肥膏又多, 筋又多, size 又細塊, 仲要唔係好厚嗰隻添 (我覺得, 大X樂o既爵士牛扒仲好食過佢多多聲呀!!). 最搞笑的, 莫過於佢塊鐵板有幾條中型裂痕呀 (男友嗰塊鐵板都有, 不過細條D)!! 所以我倒極D黑椒汁,倒嚟倒去都好似倒唔夠咁.男友嗰份所謂雜扒, 除咗嗰塊超細牛柳係有正常味道和口感外, 其他嘢簡直係 mess! 嗰塊雪格豬扒, 連男友阿媽（煮食非常隨便的師奶）都整得好食過佢; 嗰兩隻瘦雞翼, 好似就咁用熱水 boil 熟去 and then 煎兩煎就咁放上去, 根本一D味道都無; D煙肉和雞翼一樣, 無味道的; 仲有嗰條雞肉腸, 因為係街巿嗰D廚師牌雞肉腸, 所以無可能再差得過吧!有

服務態度完全差,一入到去就大大聲同人地講"俾張飛嚟啦",一D禮貌都冇,未坐低已經好火.跟住黎包唔黎湯,等左十幾分鐘先黎,個包都硬唒態,超難食.跟住就係個扒,完全亂咁黎,都唔跟單做野,最搞笑既就係.個侍應果頭話同我跟個扒,佢問我個扒要幾成熟,果頭個扒就黎咗.好似變魔術咁,唔使五分鐘就有得食= =完全唔知點搞!!!!!!!!!!!!!!最後,佢捧杯餐茶黎果陣時,明明就黎到枱,佢仲叫我地幫佢接一接,簡直係多餘!!!!!!我真係要講句"今時今日仲邊有咁既服務態度架!"

周六午餐時間響皇后大道東「覓食」，醒起三幾歲已經久仰大名嘅波士頓，終於有機會一試。大家知道波士頓都係因為聽過有「火焰牛柳」呢樣嘢。學湯唯講句，『有咁好嘅名物，重唔去試就真係唗喇』，雖然波士頓供應嘅扒類單係牛肉已細分西冷、T骨、牛柳、肉眼等，又有豬、石班、雞、帶子等等選擇，但來到波士頓就算幾花心都好，應選嘅目標其實相當清晰，當然係「火焰牛柳」啊!上主菜之前，牛油餐包好味、忌廉湯不知所謂，一好一差扯平，反正又唔係重點。鐵板送到，板上只得少量豉油西餐常見嘅薯條同雜豆(求其散落板上就算，完全冇「擺放」嘅觀念)，牛柳呢? 原來另由待應從特製鐵串上取出，再放上鐵板。兩件牛柳約有一吋厚，由於未淋上醬汁，所以睇得出肉質新鮮細嫩。賣約百三蚊嘅鐵板餐有兩件呢個份量嘅牛柳，算得上有良心喇，自己去街市買的話都要好幾十蚊先買到。跟著就係點火「儀式」，雖然即席在食物上點火都唔算乜嘢稀奇事，甜品、雞尾酒已經將呢個把戲用到爛，但係只要一點火，始終會令週遭食客行注目禮。火焰比預期大，前前後後都有四五秒先燒完。味覺嗅覺未用得著，視覺已經搶先享用咗喇。「儀式」期間待應會走去拿取醬汁壺，等火焰熄滅之時就淋上客人自選醬汁。『咋

果日打3號風 係附近行完電腦節就諗住早早地6點零去食唔使等位 未到高峰時段 坐低無諗 同朋友一人叫一個火焰牛柳餐因為之前睇到食評話係牛柳 所以先中上去試下尼到已經暗罵 兩件加埋都唔夠個鐵板個面積 唔知之前啲師兄師姐何兩件火焰 係有著火 不過又唔係真係咁特別食落啲牛無想像中咁好 唔算差 但用唔到好去形容之前都係睇人寫食評 今次真係忍唔住開個ac寫 原因係覺得之前有啲食評講得有啲誤導個火焰牛餐116再要加1 問心講一句我食金鳳都無咁嬲 人地堅係大大件 打得鬆 70幾蚊 平呢間嘢一截呢個價 俾呢個質素 同果次食間美而簾啲感覺一樣 唔抵食如果想睇塊牛大火燒兩秒嘅 呢個價都值嘅 但如果求滿足 求好味 呢個價 一定有更好選擇

晚上到會展看演唱會，所以順道來波士頓餐廳吃晚飯﹗很久很久沒來了，慶幸它沒有被昂貴租金趕走。大大個熱辣辣餐包，吃得痛快﹗羅宋湯則明顯不及我至愛的金雀餐廳了，但也不錯的。夏威夷豬扒餐(HK$89)﹕價錢一點不貴，兩大塊厚厚的豬扒，還有refreshing的蕃茄和菠蘿，以及美味的粗身薯條，吃得我十分滋味﹗鑊仔牛柳餐(HK$114)﹕對我來說，港式西餐的牛扒絕對不比貴價扒房遜色，我就是喜歡港式的黑椒汁，港式的薯條，還有港式的配菜，哈哈﹗這個當然也沒有令我失望﹗牛扒外層被鐵板烤得非常香口，讚﹗我們一邊吃，都一邊稱許難怪波士頓餐廳多年來屹立不倒﹗唯一美中不足的，是冷氣弱了一點，我們都熱得有點呆呢 : )