波士頓餐廳

營業中

休息中

依家香港揾食都好艱難，唔知係咪d人識食同捨得食左，好多係呢度比較多笑面ge餐廳都經常性爆滿 ，甚難有位呢!!尋日妟晝lum住去開Wanchai，就食好野啦，找左多笑面 ge 金鳳茶餐廳 同 新景園咖喱小廚，點知2間都爆哂仲要有成5、6個人係外面等位，omg 咁就白費左我之前ge心機lu 我一向ge宗旨就係無理由食野要等位，好我就再行遠d去揾吃。無耐行到盧押道，記得大半年前去過波士頓餐廳，印象OK，於是再上去再光顧多一次唔通係Wanchai食野，唔洗等嘅地方係唔方好??地方: 同以前差不多，黑沉沉而係有氣氛的，但可惜在地板好污糟好冼，感覺唔好服務: 我一上到樓係無人招呼我的，離哂普!! 要我去捉住一個waiter問可以坐邊先得。好了，她求其點左我坐係一角然後就走開了，水都無杯，d待仔質數同服務唔多掂呀!!食物: 擇好了Menu上ge Set Lunch，揮左好多次手都無乜人理，唉呢間野真係唔掂!! 待仔太唔醒目了... 我點左個碟上嘅煎黑豚肉(本身係鐵板上)配薯菜，因我怕左d油煙個羅宋湯同餐包係普通料，但算ok。 到主菜啦 - 煎黑豚肉配薯菜(洋葱汁)，個賣相好似好得，我就2話不說切

呢間舖頭10多年前經常光顧既一間舖頭!但呢2年,質數不停下降~今晚情況嚴重得多~首先,我剛坐下,已聽到隔離枱既客人係度嘈原因係個客人叫左啲侍應加水,竟然有個奇女子(侍應)話：我好忙呀,你等下先啦~當時我心諗,邊有咁忙呀？但,之後我一家人想搵個侍應落單都等左超過10分鐘...當有個女侍應幫我們落單時,發生奇怪事女侍應: 你地幾多位？哥: 我地六位 (沈默左2分鐘)哥: 2個黑椒牛柳(當時指住個menu)女侍應: 動作好慢咁寫單啦, 隔一陣,要咩汁呀?哥: 2個黑椒汁女侍應: 要咩牛柳?如是者,繼續叫啦,一個肉眼扒,燒汁,7成熟....女侍應; 要咩汁......(xyz)我: 燒汁呀唔該...等佢寫完, 我再叫帶子豬扒...黑椒汁女侍應: 幾多成熟?我當時淨係下左一聲...佢就話...肉眼扒幾成熟....我果刻真係想問佢係咪發緊夢~我地六個人既order, 用左10分鐘先落完囉之後亦都係呢個女侍應幫我地預備餐具,上湯.......竟然餐飽要係我地追佢order,佢先記得拎比我地....仲有,就係啲扒出場時,竟然塊鐵板係無"乍乍"聲...呢個証明根本唔熱囉...到餐飲,六杯drink同一時

波士頓是一間開業而久的扒房，價格大眾化。昨晚試了一客火焰牛柳，在厚厚的牛柳上灑上點着火的燒酒，單是賣相已先聲奪人。味道方面，牛柳同樣沾滿酒香。至於牛柳本身，老實說，肉香並不濃郁，但肉質確是軟腍，或許是烹煮時間尚短，大概只有五六成熟吧(小弟要求七成熟)。在吃之前，輕輕把牛柳於鐵板上燒一陣子，生熟程度則剛剛好。計及價錢，質素合理。

聖誕節打算同男朋友一齊食間好小小Ge餐廳，之前打過去問，都係$200倒一個Christmas Set ，而且細細個Ge時候都食過，印象中唔錯! 於是就決定e間。 因為廿五廿六號不設訂位，所以6點9巳經到左，以為早小小黎，可以避左d多人食飯Ge時間，唔洗等。點知未到巳經見倒門口好多人，但見價錢Ok ，而且一早決定好，都選擇等。門口有成廿幾人，等20分鐘其實巳經係好快 ! 我地Order左一個Christmas Set about $180 同 一個 鐵板燒春雞餐 about $ 90 。 我飲既羅宋湯好足料 ，而且比起出面Ge西餐廳好飲得多 ! 令一個係西蘭花南瓜湯，男朋友本身唔鐘意南瓜都覺得好飲 ! Christmas Set Ge扭西蘭牛柳好嫩 而且煮得岩岩好 本身男朋友唔鐘意蕃茄都覺得佢地整得個蕃茄醬好好食 ! 配菜有幾舊紫芯蕃薯，煙煙unun，好得意 燒春雞比較遲先黎，真係燒到脆卜卜，雞翼尖既骨都可以就咁咬碎哂食倒落肚。隻雞好厚肉，以正常春雞Ge Size 黎講真係好大隻 ! 坐咐近Ge人都係咁望住 而且就算係大隻都唔會好多油，好肥咁，切G

以前水準幾穩定，但幾年無去上星期去完都幾失望點了T骨扒，瓷碟上，叫五成熟，送上來的整塊曲起來好像中式牛柳咁，經油炸過，全熟的。朋友點了燒春雞，來的是半隻炸中年雞，肉厚包你飽，不過好鞋口。其他湯／包如常，沒有特別。真的失望

小時候常去的地方波士頓, 真的令我懷念, 懷念那些煙霧迷漫的氣氛, 懷念那些太古方糖... 再次踏足這老地方, 一切都己變了, 面目全非...餐包 - 不知為何餐包面會變得很脆, 真的有點奇怪, 而附上的牛油也不夠香羅宋湯 - 湯濃料多, 很不錯龍蝦湯 - 只是一般, 味道不太濃西冷扒 - 以前常點的扒, 現在也很好味呀, 真的吃得出有牛味, 點了6成熟剛剛好, 不會有血流出來, 亦不會有過熟的感覺, 比起花園餐廳的A級牛扒好得多T骨扒 - 也是點了6成熟, T骨扒大得嚇人, 要是女仕吃一定吃不下, 而味道就不太像樣, 欠決了肉本身味道, 不值得推介甜品 - 切餅面的蛋白經火燄過, 好香滑, 而蛋糕本身應該是芒果味吧, 因為是是日精選, 所以侍應都好像不太清楚有關甜品的, 其實味道幾特別, 有別於一般芒果蛋糕, 好像在吃芒果甜筒似的2人共消費 : $222

於灣仔觀禮後，大伙兒漫無目的下，去了平時成日經過，卻又未曾幫襯過的波士頓餐廳。是日午餐兩款選擇，分別是燒黑豚肉 ($52) 及焗芝士雜菌肉醬螺絲粉 ($49)，同時也供應鐵板套餐，價錢一百蚊左右，但大家都唔想食得太貴，最後一人一個 set lunch 就算。點餐後，侍應隨即送上甜包及餐湯，包拿上手夠熱夠軟熟，夾牛油吃更佳，而湯則是粟米紅腰豆忌廉湯，質感不會「杰撻撻」，幾對胃口的。主菜燒黑豚肉，本來是跟蒜蓉汁的，但侍應上菜時已淋上了黑椒汁，也沒所謂吧。餐牌指明是「迷你鐵板」，原來份量真係好迷你，圓形鐵板可愛，而豬柳只是細細的一件，幸肉質腍軟，連著肥脂邊位，味道算幾討好，但的確唔太夠飽，而伴碟的薯條和雜豆也非常普通，薯條更是硬而不脆的，大可不理。焗芝士雜菌肉醬螺絲粉賣相就更迷你，看來也不是即焗的，肉醬還肉醬，螺絲粉還螺絲粉，前者很乾，後者軟腍腍，味道也偏淡口，整體連快餐店的質素也不如！突然想起對面馬路的榮興小廚，有點自責，點解唔去食蔥油雞呢？

上星期公司係會展展覽, 做完野肚餓, 於是就同同事行左去修頓球場個邊, 本來想食日本野, 但有同事提議去波士頓餐廳, 就去試下~之前都有聽過雜誌講佢有個火焰牛柳~好, 姑且一試~依間野原來係要自己搵位的~成班坐底左, 我就梗係要叫個火焰牛柳試下啦~無幾耐就見到WAITER 羅住布牛柳既鐵劍過黎~倒左D野係牛柳面到點火SO BEAUTIFUL, 好似表演咁~之後燒左陣先至熜火~之後JA....落蒜茸汁, WO 出晒煙, 正~!!!食落勁多肉汁, 牛又鮮嫩, 好似浴係口入面咁...正~!!!!!!

lunch 去食飯... 蒲進鋪頭其實都見有幾張吉檯，但係侍應示意我地行入d.. 咁我地就行入d... 但係之後就無人接應！我地係裡邊行左個圈都見唔到有位，又無人理。於是行返出去.anyways，講返食物！食物不過不失啦！牛柳粒有少少un，但係又未至於咬唔開，配薯菜，無味0既薯條要靠我平時唔食0既 茄汁去平均返 火腿忌廉湯，我見到waiter係火腿同忌廉湯分開倒入，唔知係咪我大驚少怪呢？不過個我都幾鐘意飲佢地個忌廉湯，杰杰地又夠濃味餐飲係holick, 加$5 定 $3。其實對於lunch都係志在填飽個肚，呢度滿足到我。

雖然無食落肚，未必算係食評，但係作為一個顧客，覺得都應該將今日既經歷寫出黎俾大家睇，希望大家下次訂檯既時候都會知道呢間餐廳既待客之道係點，畢竟以下文字都係「光顧餐廳的一個經歷」。今日同事們一行六人想去幫襯，於是訂檯食午飯，女店員接電話時表示，午市訂檯就一定要十二點四十五分前到場。於是幾個人提早出動，準時到達，點知去到，由門口第一個阿姐，到第二三四個侍應，不停咁叫我地「行入去埋邊啦」，行到入去，無檯又無位，叫我地企在路中心又等左十分鐘。等到發脾氣，問下個經理，經理串咀地話我地過左鐘，我火火地咁答佢係佢班伙記指我地入黎齋企。呢位差劣經理求其帶我地去一張「好似就快食完」既檯度，叫我地企側邊自己等位。咁叫我地訂位做乜？點知話口未完，呢張似乎食完既檯竟然仲繼續上菜，咁就好心唔好叫我地企啦！呢間餐廳，由入門口第一個人已經唔見得有禮貌，又欠缺處理客人輪候既管理方法，企到四圍都係人，地方又唔乾淨，地下油淋淋，仲要俾人耍左半個 Lunch Time，不得不將其劣行向大家匯報。大家下次訂位都未必有用，真係有心就自己去企下等位啦。

1/7 遊行完去, 時間已近8點, 仍要等約10分鐘.上到去.... 發現居然有空枱 (係未執好je, 都可以早d 帶客坐住先? 我地坐果張都係未執), 咁就開始左等等等等一餐的過程1. 等執枱都等左超過10分鐘, 最頂隱 (應該話最火)係個waiter 執其他冇客坐的枱都唔執我地果張!! 這間野好似唔同waiter 只會做單一task, 完全分好工, 而其他 waiter 又看來的確好忙做其他野....2. 10分鐘後, 終於執好枱, 換左餐紙, 但又唔黎清水, 係叫左至少3次都唔黎!!! 咁又等左10分鐘3. 黎完清水, 想落埋單啦, 果個waiter 好似唔可以落單咁, 又話要等第個??? 咁又等左10分鐘, 又催左幾次 (大佬, 比生意宦呀, 都要等咁耐?!?!)4. 好啦, 落完單, 叫左餐, 黎餐包, 但居然又唔黎湯, 又要再催左幾次, 又成10分鐘,湯先到!!5. 之後, 扒餐終於到... 我地冇叫火焰牛柳 , 只是叫了雜扒, 雞扒, 石斑等餐, 份量還可以, 而味道就不過不失啦6. 但係食左一半以上先知, 原來還有飯或意粉 (大佬上扒時居然冇人問我地!!), 我地要左

很久沒有吃咋咋聲的鐵板豉油西餐。灣仔本來還有一間不錯的金都，幾年前執了之後，44年歷史的波士頓又做獨市生意了。7時半去到，上到去一個WAITER叫我們到裡面找位子。餐廳是U型的，坐得很迫，好不容易走到裡面（還不是”最”裡面），一直沒有人帶位，生意太好了吧？裡面有位子也未執枱，地板很STICKY的樣子，本想走了，結果還是敵不過鐵板＋SOURCE的香氣，坐近門口的位子。一看餐紙（也是MENU），全部要＄80以上，比銅鑼灣的花園更貴；廚師在近門口位置即煮的晚餐（不要以為是日晚餐一定平D）更要＄138！雖然有甚麼虎蝦牛柳菠菜麵，還有甜品檸檬芝士蛋糕，很吸引～ORDER了兩個餐：美式雜扒和石斑雞扒。羅宋湯OK，但翠華和花園也有這個水準；餐包便是餐包；扒都是預先炸了的，然後放在鐵板上淋汁，因為鐵板太熱了，所有汁都蒸發了，只有乾骾又乾又硬的肉，薯條勁少，都差不多熱溶了，伴菜只有很幼的綠豆角，只可作吸油墊底之用。老公的石斑算是比較好，肉質有點彈性，不會太乾。不可以說難吃，但以波士頓的名氣和價錢，不應該這樣行吧？可能因為該區樓價迫近2萬，人都富起來了，星期二晚有9成滿，所以覺得不需要改進吧？值得一提的是

突然想剧扒又响香港區咁就諗起佢!出名菜火焰牛柳 - 正! 上枱時要經過一輪表演後先可以食 佢既肉質好淋甜 炸豬手 - 尚可, 略嫌個皮唔夠脆, 但隨"手"附上既一個酸酸地既醬汁又唔錯喎! : 燒豬肋排 - 可以不試, 好乾火焰雪糕 - 呢個又係非試不可既名菜! 我鍾意佢比出面既少一點酒味! 外層燒得脆脆, 肉層係海棉蛋糕包住朱古力雪糕! 讚! - 但小心佢地既地下係好滑小心滑倒!

好久沒有吃扒了，波士頓自小給我的印象，是据扒必到地點，以前真的好好味的，但經過上星期六晚用餐後！！相信永遠不會再光顧，因為她們的扒變質了，我order一份羊扒4成熟，老婆大人order一份豬仔骨排，一上抬嚇我一跳，原來這樣的扒不是煎的，是炸出來的，豬仔骨排不是焗出來，又是炸出來的，oh！這樣做法跟快餐店有何分別，再看看旁邊的客人，吃的午扒都是先炸過的，看扒表面顏色便知道，這樣把好好的食材浪費了，我叫4成熟，她們把我份扒攪到好像柴皮今，吃完仲有d確喉，豬仔骨排炸到出晒油無晒肉汁！唉忍不住埋單時問下個部長，點解而家d食物變成今樣，他答我因為餐廳個扒爐小，大多客了現在都是用炸出來處理快好多的，反正其它客都無炸型仲有大把人等位！聽完真的氣死我了！想不到波士頓五十幾年招牌，變成垃圾了！

想吃牛扒很久了, 又好耐冇黎過BOSTON, sunday晚上就來回味一下, 果然選擇正確!因為太耐冇黎, 都唔記得要係"boston面包店"度行上樓梯去餐廳 lol晚上6點幾, 已經差不多爆場, 很多老人家和一家大細來吃!雖人多, waiter非常好禮貌, 反應也快, 讚!菜上得很快, o岩晒勁肚餓既我地!很喜歡boston的餐包, 暖暖的, "點"湯最正!白/紅湯, 兩种都正鐵板火焰牛柳 - 個火真係好大架! 牛柳唔錯, 我叫7成熟, 有小小生左d西冷 - 呢個比牛柳好味!雜扒餐 - ....除左豬扒外, 其他唔多掂, 牛扒好差!燒春雞 - 最後上的菜, 一d都唔似"春"雞, 勁大隻雞囉! 笑死我地, 但幾好味架!焗豬扒飯 - 又係勁大份, 無可能食得晒吃到好飽既一餐, 扒既quality算唔錯啦, 每人都係$90左右