河內越式料理 (西洋菜南街)

營業中

休息中

平時都幾鍾意食越南野，行完金魚街見到附近依間餐廳都幾多人幫襯，入左去試下啦。 越式牛柳粒紅飯牛柳粒炒得幾香，咬落易入口唔韌，幾香牛味，仲有好多嘅洋蔥紅青椒。紅飯加入左蕃茄煮成，望落好紅下，食落都酸酸地好有蕃茄味。順化蕃茄蟹肉扎肉湯湯檬湯底望落係好深嘅茄紅色，飲落唔算好酸，但幾香濃惹味，另外可自行加入辣椒同桔仔。另外仲有絲絲嘅蟹肉扎肉同豆卜，同埋見到啲蕃茄蓉。檬粉幾掛湯，索哂香濃嘅湯。跟餐叫左兩款小食。越式炸蝦餅蝦彈牙，炸得幾香脆。越式豬頸肉幾有口感，燒到焦香。特飲跟餐都幾抵飲，叫左鮮芒果西米露，大大杯又有新鮮嘅芒果，就好似10蚊就加多碗糖水咁。另外叫左熱情果梳打加益力多，加埋一齊幾開胃，都可以一試。

河內越式料理見到好多人食我都想試下，叫左個生牛肉湯河， 牛肉河粉嫩柔軟，配埋湯一齊食真係好正！見到有好幾台都有點😋 仲點左個小食拼盤咩都有啲，雖然係炸物但不太油膩

依間越南餐廳我成日都幫襯，終於扚起心肝寫一寫食評，因為真係非常抵食，而且好味😆▶️魚露雞扒蛋飯 $62雞扒調味得非常之好，而且肉汁都非常嫩滑，配上蛋以及豉油混合，超級好送飯▶️蕃茄蟹肉扎肉湯檬 $68湯底好濃郁，配上真係有蟹肉，另外檬粉亦都非常彈牙，真係值得一食▶️小食拼盤 $135有成五款小食，包括炸春卷、米子包春卷、扎肉、雞翼以及蝦餅，另外唔好以為放在底的菜是擺盤，其實是比我哋包住小食入口，中和花冇咁熱氣，令到食落去更加清新😆😆🥫椰汁三色冰🥫冰鎮凍奶茶由於嗌咗兩款主菜，兩款特色飲品都是分別加$10以及$6 ，非常抵食🤭整體嚟講依間越南餐廳口味都非常之好，而且非常之抵食，平均一個人都係$100以內已經食得好飽🤗

✨順化蕃茄蟹肉扎肉湯檬 $68越式河粉食得多🤔但今次專登過黎試蕃茄湯底既蟹肉扎肉湯檬，湯底以蕃茄的酸甜為主，加上有少少蟹肉同肉碎，味道鮮甜👍🏻湯檬的米粉質感滑溜，吸收湯汁精華，配合扎肉既味道都幾夾，最後都飲哂成碗湯咁滯🤪✨越式牛柳粒紅飯 $112越式牛柳粒紅飯色香味俱全，牛柳粒嫩滑多汁，醃製入味，份量都多😁洋蔥、三色椒都炒到好軟腍多汁，紅飯有蕃茄味，而且糯而不黏😎整體口感豐富，牛柳粒既嫩滑同紅飯口感配合得恰到好處👍🏻✨法式牛油雞翼 $54法式牛油雞翼香氣撲鼻，外皮金黃酥脆，內裡嫩滑多汁😋牛油香味充分滲入雞翼中，帶出濃郁的奶香，每一啖都好滿足💯✨牛油果沙冰🥑 $36牛油果沙冰綿密滑溜，面頭都有牛油果粒🤤兩者都有牛油果濃郁奶滑既味道，帶微微甜，質感幼滑好快融化，唔係粗粒果種冰，夏天飲真係一流，消暑解渴🍹✨鮮芒果西米露🥭 +$10芒果味道好甜，幾新鮮，西米幾Q彈帶點椰汁味🤓而且芒果份量都幾多下，加10蚊就得超抵！

今日我同屋企人去咗旺角一間越南餐廳食飯。喺出邊見到餐牌啲set幾抵，就試試！ 首先，我哋試咗生牛肉湯檬。呢碗湯檬真係好正，湯底清甜，味道鮮美，牛肉切得薄薄地，好嫩滑。啲檬粉食落去好有口感，配合埋啲芽菜洋蔥都唔錯。越式豬頸肉撈檬豬頸肉煮得剛好，然後有少少喺焗過，所以好香口。之後加上嗰個酸酸甜甜嘅魚露汁，再配合埋啲青瓜蘿蔔絲，整體個撈檬都好清新，夏天食真係啱晒！安南鮮蝦米紙卷米紙包住新鮮嘅蝦、蔬菜咬落去個口感真係好爽脆。而裏面嘅大蝦係新鮮嘅，唔會有腥味。米紙口感煙煙韌韌，裏面仲有少少粉絲，吸晒啲魚露汁，非常開胃！香茅雞翼 💯另外套餐加咗香茅雞翼同埋炸蝦餅。呢個雞翼好值得嗌，雞翼經過香茅醃製，味道十分入味，外脆內嫩。炸蝦餅外面炸得金黃酥脆，裡面嘅蝦肉鮮甜。飲品方面，我哋選擇咗檸檬蜜糖薑茶同椰青。檸檬蜜糖薑茶，薑味十足，飲落去好暖心，特別適合女士飲。 而椰青就係一杯清涼，椰汁甘甜，真係好解渴解辣。 總括而言，呢間越南餐廳款式都幾多，而且套餐都幾平， 值得encore !

自從去完越南旅行之後就迷上咗越式料理，有日喺旺角行完街就同朋友入咗呢間河內越式料理，唔係繁忙時間但係裏面都full House，咁嘅市道之下做到咁多人幫襯，肯定有佢嘅本事🫡基本上你講得出嘅越南嘢佢都有，我哋叫咗三樣嘢，分別係越式河內三寶飯（豬扒、雞翼，札肉）$72、招牌越式三文治 $53、越式烤雞半隻 $118。首先上枱係三寶飯，啱晒啲有選擇困難症嘅人，可以乜嘢都試吓。雞翼好惹味，炸至顏色非常之金黃，再食啖豬扒，頓時忘卻咗要減肥😆😆至於個三文治其實係法包，裏面有扎肉同埋超多蔬菜，個包皮唔會太硬，配埋個特製嘅醬，大滿足。最後上嘅係烤雞半隻，上枱熱辣辣仲噴緊煙，雞肉好嫩滑，就算係雞胸部份都唔會好嚡，我同朋友一致認為呢個係今日mvp🫶🏻另外天時暑熱梗係要嗌返兩杯凍嘢爽吓，叫咗杯椰汁三色冰 $30，同埋鮮芒果沙冰 $36。兩樣都超級解渴。咁食法人均都只係$150，抵佢咁好生意！而且又近旺角東或者太子站，行過都可以再試佢啲Pho。

在繁華的旺角西洋菜南街，我獨自前往河內越式料理，探尋一番美食之旅。首先，我品嚐了他們的順化蕃茄蟹肉扎肉湯檬，一口湯裡蘊含著濃厚的蟹肉風味，搭配爽口的蕃茄，讓人回味無窮。這道湯的湯底清甜鮮美，每一口都帶來滿滿的滿足感，讓我彷彿置身越南的街頭小巷中。接著，我品嚐了河內越式料理的杞子龍眼茶，清香淡雅的茶香中，混合了杞子和龍眼的營養，喝下去讓人感受到一絲絲的幸福。這杯茶不僅解渴，更是一道道地的東方美食饗宴，讓我愛不釋手。河內越式料理帶給我不僅僅是美食的享受，更是一趟穿越東方風情的旅程。這裡的每一道菜都散發著濃濃的越南風味，讓我感受到不同文化的交融與美好。如果你也喜歡探索東方美食的精髓，不妨來河內越式料理一試，品味越南風味，感受東方美食的魅力！

間餐廳好旺場，入到去有氣氛食😜 越式河內三寶飯($72)有齊招牌豬扒、金黃雞翼同經典札肉嘅三寶飯物超所值，3款肉類各有千秋，份量俾得一啲都唔吝嗇🥰 特別要讚招牌豬扒調味調得好好，好夾啲豬肉肉汁同香酥口感😖西貢咖喱牛腩配法包($80)濃味之選😍 咖喱主要係香料味，唔辣，同軟腍牛腩一齊食啖啖滋味😋 蒜蓉脆包蘸咖喱咁正，如果唔係嗌咗飯一定嗌多份包食😂濱海伴香茅牛肉($74)唔多機會食濱海，<河內>呢味<濱海伴香茅牛肉>第一次食就令人愛上🤩 各種香草新鮮奉上，盡顯誠意❤️ 牛肉油脂重，特製過更加香氣滿溢，夾埋香草、蔬菜、濱海食，有肉有菜有澱粉，味道好澎湃，食落好幸福😇椰青($45)椰青清甜好飲，殼附帶好厚肉，椰青水都好滿👍🏻 椰汁珍多冰(跟餐 $10)珍多食落新鮮，冇硬掘掘，大大杯，甜蜜蜜🍯鬧市旺場越南菜，價錢公道，1 個人去，定結伴同行，一樣搵到好嘢食🥳📌河內越式料理 (西洋菜南街) 📍旺角西洋菜南街204號地舖

今日同朋友去咗旺角行街，我見有啲肚餓，而是上網搵搵，睇吓有冇好推介食，見到都好多人推介呢一間越南餐廳非常好食，見到門口已經排晒隊，好多人幫襯，就知道呢一間應該好有質素保證，服務有好嘅餐廳，估唔到一試愛上咗，非常有驚喜，食物質素真係好高，而且性價比非常高，食物分量又豐富，價錢經濟實惠，所以真係吸引咗一班唔同市民嚟食呀，真係好啱一家大細，情侶嚟食飯啦，我真係好推介佢哋嘅極品牛三寶湯河，河粉非常豐富，而且三寶又生牛肉，牛腱，仲係牛丸，湯係熱辣辣，全部即有即整，非常新鮮，而且賣相吸引，睇得出廚師好有心機呀，而且生牛肉就可以慢慢變熟㗎， 三樣都非常有牛味，而且湯非常濃郁，湯河粉浸晒樂堂，真係好好呀，而且得嘅越式豬扒包都係好有推介呀，非常足料，而且呢度仲可以叫唔同嘅特飲，有紅豆冰，綠豆冰，真係好多款式可以選擇啊，真係一定要試

路經旺角朋友想吃越南菜，見到這店有很多客人，位置是港鐵太子站B2出口，步行約4至5分鐘，交通非常方便。店內環境舒適，座位寬敞清潔整齊，服務員禮貌招呼。菜譜簡單易明，越南粉麵、越式小菜、套餐、炸物小食、飲品等，價錢合理，任客人自選配搭。生熟牛肉湯河粉$67份量十足的大碗湯河，薄切生熟牛肉鋪滿碗面，肉質嫩滑牛味濃，越式湯河夠軟滑，吸入濃香湯汁，配上青檸和紅椒粒，極為美味可口。濱海伴香茅牛肉$74擺盤精緻，食材豐富，牛肉片炒熟，味道幼嫩多汁，爽嫩彈牙的濱海米粉團，伴著鮮嫩甜脆的生菜及多款越南香草，用生菜包裹著以上食材，沾滿越南醬汁，好食到不能停口。安南鮮蝦米紙卷$54米紙晶瑩剔透清楚見到鮮蝦和卷內食材，米紙柔軟適中，入口鮮嫩爽脆，配上越南醬汁，惹味又可口。椰青$45、椰汁紅豆冰$30椰青夠新鮮又大個，汁液豐富又清甜。椰汁紅豆冰，紅豆極稔甜，甜度剛好，混入清香椰汁，解渴又舒喉。

今日比較趕時間，想快快脆食個晚飯，但食快飯又唔等於要頹食，唔想就咁食個魚蛋麵， 於是揀左越南菜， 諗住食個撈檬，涷食唔驚食得慢啦。晚飯時間，餐廳坐滿9成，好彩咁啱有位。因為太肚餓嘅原故，揀個2人餐，再點小食先。椰汁三色冰，越式青檸冰法式牛油雞翼炸粉唔會太厚，食落好香脆，少少牛油味。香茅沙嗲豬頸肉串燒牛肉豬肉串燒就見得多，豬頸肉串燒就少見啲。豬頸肉切成粒狀，肉質脂肪均勻，咬落質感幾好。沙嗲醬花生味唔大，反而帶有少少辣味，偏油，沾上豬頸肉，算唔錯。安南鮮蝦紙米卷米紙皮薄透明，看起來精緻，是清爽健康素食。生牛肉湯粉薄薄粉嫰牛肉片，鮮綠蔬菜，細長幼滑河粉，與湯汁非常夾，推薦香茅豬排撈檬豬排醃得很入味，煎得香脆，還保持肉汁，唔會太乾。撈檬淋上酸甜汁，配上蘿蔔絲和青瓜絲，有口感之餘，更是清爽，啱哂夏天開胃用。雖然餐廳客人好多，侍應做到無停手，但都可以保持禮貌友善嘅態度，值得一讚。餐廳上菜速度夠快，落單後唔使10分鐘就上菜，啱哂我啲心急嘅人,真係快靚正。

今日想食越南菜，上網見到旺角都好幾間，我揀咗最近嘅一間，比想像中好喎。我哋叫咗一碗順化蕃茄蟹肉扎肉湯濛，軟殼蟹撈檬，追加小食越式豬頸肉，地道越式炸春卷，一杯鮮芒果沙冰，一杯椰汁珍多冰。蕃茄蟹肉扎肉湯濛，香濃蕃茄味，仲有好多蟹肉，淨係飲湯都覺得好味，再加幾片扎肉，感覺好抵食。軟殼蟹撈檬，感覺軟殼蟹同撈濛好似兩回事咁，好難溶埋一齊食。軟殼蟹都香脆嘅，撈濛就冇乜味，加咗好多酸甜汁，都好似一般。豬頸肉都幾好味，有啲炭燒嘅感覺，嗰邊都脆口，中間肉質好Juicy。春卷好味，炸得好香脆，趁熱食，用生菜及薄荷葉包住，好惹味。我冇飲沙冰，見到成杯都好滿。我柸椰汁珍多冰，就唔見太突出，同平時飲既一樣。喺旺角食越南菜，我下次都會再嚟，價錢唔算好貴，選擇都有好多。😋Yummy Yummy: 8/10😋

見到門口海報都幾吸引，出面又有得停車(不過會抄牌㗎),就入咗快食左個午餐，個香茅豬扒都好食，加埋個春卷一個人食啱啱好！飲品就無咩驚喜可以skip!!見到啲法包都好似好食，要再來試下先得!!

旺角晚上十時，接近深宵時，仍有經濟晚餐營業的食店已經不多，有幸趕在河內越式料理十點半收爐前內進用膳。點了一客越式咖哩牛腩飯，很快便出餐了。咖哩香帶點微辣，伴著白米飯非常醒胃，飯粒分明軟硬適中，每粒米飯都能沾上咖哩，三扒兩撥就能將米飯吃光。碗中咖喱浸著牛腩及牛筋。牛腩質素參差，有的軟淋一口就能咬開，有的韌得咬也咬不開。伴碟豆角新鮮，仍保留一股草青味，本人怕草青味所以都放到咖哩伴著吃，也是不錯的。旁邊有位男食客也是點了牛腩，他投訴說全都是牛筋，店員禮貌地了解後，讓廚房灼了碗牛腩給他，可見餐廳態度誠懇。雖本次餐廳體驗並不完美，但好態度的餐廳也是值得推薦。

河內越式料理．越來越愛越南FOOD天氣熱起來又令人想去食越南野既然在旺角，又見到有間越南餐廳一於就與朋友一起去搵食「河內越式料理」好多選擇有套餐、有單點，價格實惠越式蝦餅撈檬蝦餅香脆可口，肉厚而特別彈牙撈檬非常清爽加入越式醬汁酸香迷人索住來食特別過癮越式香茅豬扒香茅的食物是越南餐廳必點香茅豬扒大大份切開上台主打一個熱辣辣香茅味濃郁好吃外面乾身，內裡帶肉汁好配合撈檬一起吃河內豬頸肉三文治越南曾由法國管治所以做法式麵包很有心得這份三文治的法包香脆而不硬有足份吸收的牛油香氣加入爽口的豬頸肉與生菜是好好味的作品安南鮮蝦米紙卷米紙卷都是夏天必食的越南菜式大蝦與菜菜子為主，重點2個字：清爽加一些酸甜醬更加令人胃口大開特飲不能錯過沙冰因為是真正以水果去足料「打造」芒果沙冰+ 熱情果沙冰芒果沙冰極香甜誘人我更喜歡熱情果沙冰因為帶酸香與粒粒口感適合夏天解渴清爽河內越式料理旺角西洋菜南街204號地舖