沙縣特色小吃

營業中

休息中

Lunch嘅時候總係想食湯面類🍜於是嚟咗紅磡區既沙縣特色小吃✨花生醬拌餃子$38冇諗過花生醬同餃子係咁夾超適合我呢啲熱愛花生醬嘅人士絕對係要多花生醬🥜🥜🥜✨豬頸肉麻辣紅薯粉$63豬頸肉簡直係多到離晒大嫂仲要每一件係大大塊超級厚肉再加咗好多生菜 絕對令你唔會有咁大罪惡感重點係紅薯粉夠彈牙又唔會煮得過熟🤭✨香烤全雞翼（兩隻）$35一上枱熱辣辣 仲要醃得好夠味識落好有滿足感上台擺盤隻碟仲要係心心架💙💚💛💜🩷🩵✨炸雲吞（大份）$30每一隻大大隻 餡料仲要好豐富好厚食落脆卜卜 簡直食到唔停得口😗✨土豆絲$28呢度啲嘢食真係唔識形容 簡直幾何級咁多份量多不特止 味道仲要好好

紅磡大街有間主打沙縣小食嘅餐廳，「沙縣」屬福建省，以閩菜為主，融合客家風格，食物款式包含扁肉、拌麵、蒸餃、燉湯等。招牌菜為蒸餃，原個蒸籠上，每日新鮮包製，混合韮菜，豬肉同紅蘿蔔、摺痕喺餃子中間，好似一片葉咁，手工細緻，比較少見。皮唔算好薄，而且內餡無切到好碎，帶咬口，保持口感。雲吞亦係另一大Signature，全豬肉餡，用豬上髀肉，一碗十粒，皮薄，細細粒，餡甜，幾彈牙，份量適中，作為下午茶一流。炸雲吞金黃酥脆，薄身唔油膩。主食方面推介黃燜豬腳，煮至淋身，軟爛Q 彈，骨膠原滿滿，醬香濃郁，用嚟拌飯好正。脆皮豬手比較少見，皮香脆，啖啖肉，配埋個冬菇滑肉湯，整體性價比高，值得一試。

📍沙縣特色小吃 😋👍今晚同朋友去咗沙縣特色小吃試吓，店內佈置簡約乾淨，藍色椅同木桌好有現代感，座位寬敞夠晒舒適。人流都幾多，感覺好熱鬧，服務員態度友善，幾讚！🍴🥢招牌蒸餃 ($38): 呢個蒸餃完全係即叫即蒸👍🏻皮薄得嚟Q彈，餡料滿滿豐富又有汁，咬開後菜味同肉味平衡得好正，配上醬汁，香噴噴到停唔口！份量夠晒，幾個人share都夠飽！🥟🥢酸辣粉 ($38): 酸辣粉湯底夠晒開胃，酸酸辣辣嘅味道刺激味蕾，粉條滑溜彈牙，配料有酸菜同肉碎，食落有層次感。叫左微辣，辣度適中，連唔食辣嘅朋友都啱食！🌶️🍜🥢麻辣汁拌雲吞 ($38): 雲吞皮薄得嚟有咬口，麻辣汁濃郁，帶啲花生碎同蔥花，味道好夠衝擊！餡料新鮮，食落唔會膩，係一啲想要重口味嘅人嘅至愛！🔥😍🥢豬頸肉撈米線 ($48): 豬頸肉軟滑得來帶啲嚼勁，撈麵同醬汁混埋一齊，份量比想像中多，食完真係好滿足，適合同朋友一齊分享！🥢孜然雞軟骨 ($48): 孜然味香到爆，雞軟骨煎得外脆內嫩，啖啖肉汁，逐粒逐粒食完全停唔到！辣味同香料嘅平衡做得好，食完仲有回味！🍗🌿🔎沙縣特色小吃 (紅磡)紅磡蕪湖街63號兆寶閣地下C號舖

呢間餐廳門面大大個招牌寫左餐廳名好易認，位於紅磡，呢度比較出名既係餃子同埋湯品，各款湯品都落足料而且價錢好抵，我地叫左一盅鹿茸菇排骨湯，湯品熱辣辣，飲落濃味。蒸餃子岩晒清淡口味，即日新鮮包好，涵料有芹菜，豬肉，蒸完食落無油膩感又飽肚，健康d。邪惡d既有小編比較鐘意既花生醬餃子，餃子蒸完之後再加入左花生醬，花生醬汁味配餃子比較惹味，醬汁濃郁花生香。餐廳：沙縣特色小食地點：紅磡蕪湖街63號兆寶閣地下C鋪

沙縣特色小吃今次要介紹一間餐廳喺紅磡叫「沙縣特色小吃」，呢間餐廳門口係有一級，輪椅人士如果要入去幫襯嘅話，一定要自備斜板或叫外賣！1.水煮魚片（大）（酸辣,中辣）$98（9/10）呢個水煮魚片有得揀魚片細塊定大塊，魚片都算幾多，最少起碼超過20片，魚片好嫩滑，辣度揀咗中辣，相對出面中辣都算幾辣，其他配菜有芽菜、金針菇同娃娃菜等！2.招牌蒸餃$35（7/10）呢個招牌蒸餃一籠有6隻蒸餃，餃皮比較厚，每隻蒸餃都大小不一，入面餡料都滿滿，有待改進！3.雞中翼$38（9/10）呢碟雞中翼外皮炸得好香脆，仲有加咗大量調味粉，唔會咸做得幾好味！4.白飯$10（9/10）白飯一碗，無咩分別！5.芬達$8（10/10）芬達一罐，無咩分別！6.零系可樂$8（10/10）零系可樂一罐，無咩分別！2人總共價錢$178個人口味總評分：9/10  地址：紅磡蕪湖街63號兆寶閣地下C號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#沙縣特色小吃 #紅磡 #紅磡美食 #紅磡好去處 #香港美

📍      沙縣特色小食🌍      香港紅磡蕪湖街63號兆寶閣地下C號舖📝整體評分： 9 ／１０性價比超高，價格親民，餃類特別推！✿  招牌蒸餃•超級推介，簡單天然食材同調味，散發家常小吃的溫馨。餃子皮薄而韌，餃子飽滿，餡料以豬肉、紅蘿蔔、蔥為主，蒸煮後保留肉汁，鮮甜多汁，帶出天然食材香氣清甜。

✿  爽脆高湯雲吞•雲吞皮薄而爽滑，豬肉入口鮮甜，咬下帶輕微脆感。高湯清鮮，加左紫菜、蔥花同炸蒜提升香味。一口一顆小雲吞，簡單卻美味。

✿  雞中翼 •雞中翼外脆內嫩，撒上椒鹽或五香粉，✿  老壇酸菜魚•味老壇酸菜魚以川式風味為主，選用鮮魚（如海鱸魚）搭配四川老壇酸菜，酸辣濃郁，帶風味，魚肉嫩滑，酸菜爽脆，湯底雖然偏油，但泡椒和花椒的麻辣香氣突出，加埋半生蒜點綴，勁香口~✿  花生醬乾拌麵 •濃郁花生醬，帶甜香和堅果風味，麵量好多，但係麵唔夠乾爽，有少少痴。

📍 沙縣特色小吃｛紅磡｝ 其實本身依間係出名食蒸餃同埋雲吞！但係本人真係好鍾意食酸辣粉同埋豬耳🐷所以索性就食晒兩款自己鍾意食嘅嘢下次再過嚟食蒸餃同埋雲吞🤭🤭店內環境其實都好大！而且食物質素性價比高真係有味道，完全唔係Hea住求其岀食得岀係有質素就算簡單一碗酸辣粉擺盤都已經好細心🩷✨ 酸辣粉Q彈的粉條搭配豐富的配料湯頭酸香麻辣🌶️🌶️🌶️好開胃🤤仲有配菜有兩條紅腸、腐皮、肉碎🐷就算唔加其他配料，都已經覺得好豐富🩷唔會單單只有酸辣粉🍜✨ 豬耳豬耳咬落有脆脆的口感，豬耳爽脆份量多，性價比高！仲可以揀麻辣或者酸辣🌶️🌶️🌶️我就比較鍾意食麻辣豬耳🫶🏻先麻後辣，嘅感覺真係冇得頂🤲🏻

呢間餐廳之前已經聽朋友介紹過好食，所以今晚做完運動之後，我都特登揀咗呢間嚟食一個快脆嘅餐，結果真係有驚喜，呢度店舖都好乾淨，都好有禮貌，最緊要就係嘢食都幾出色。涼菜系列首先就要咗個醬汁牛展，好夠味，而且份量都唔少，醬汁真係係靈魂嘅所在！然後到鎭店之寶就叫咗老壇酸菜湯餃同招牌蒸餃，兩個都包得好紮實，而且餡料好豐富。酸菜湯餃本身湯底已經好正，但係見到呢度竟然有營養燉盅系列，所以就叫埋鹿茸菇排骨盅，同雪梨豬肺燉盅。一個有溫補腎臟嘅作用，另外一個就係袪咳潤肺，講真夜晚返到你有得飲湯，真係覺得好幸福！

呢間沙縣小食，住黃大仙嘅朋友有機會都可能食過，自從以前喺鳳凰新村嗰邊食過之後就好似上癮一樣，成日都過去食，有一日發現佢執咗，都唔開心咗一排，之後有日有意無意咁見到蕪湖街有間個名係一樣嘅，心存僥倖咁走入去望下，一眼就會認得出以前鳳凰新村嗰陣時個老細，之後就開始經常過嚟繼續支持👍🏾👍🏾推介嘅有1. 豬手/豬腸 薯粉乾撈，豬手好香口撈薯粉好好食🤤2. 高湯雲吞仔，每次嚟都會叫3. 蒸餃好滿足咁樣又一餐喇🥰

天寒地凍總會肚餓,突然想食辣野,想起紅磡有間沙懸特色小吃那度都係QR code 落單,左諗右諗,不如試下豬大腸,但係配咩最吸辣,不如試下薯粉都好,就叫豬大腸麻辣薯粉,再加杯凍檸茶,人生一大享受.食物來到,熱辣辣,非常好食,下次再光顧宵夜恩物

好味的川味撈麵，汁料味道適中，麵質爽口，價錢優惠，份量亦適中，附近有幾家類似的店，這間最好食，牛百葉撈麵，下次會再試其他，環境乾淨，這些小店越來越越小了，要多多支持☺️

好抵食！蒸餃係好好味，但酸辣粉好淡味，我以為呢啲大陸嘢加周期元素表，點都會好香口，但佢淡到我懷疑人生。如果剩係叫蒸餃都值得食嘅。兩個人叫咗蒸餃、酸辣粉、胡椒豬肚湯、一罐可樂，埋單只係$113。

❇️周一放工，在黃埔一帶逛逛後，不自覺要去找食店準備開餐，經過蕪湖街就選了<沙縣特色小吃>。這家小店提供了多款地道小食，讓人感受並認識沙縣的風情。🌟我點了「營養炖盅米線」~$53，選了胡椒粒豬肚米線。這道米線的湯底鮮香濃郁，胡椒的香氣與豬肚的鮮味相得益彰。米線的口感滑順，吸收了湯底的精華，每一口都是滿滿的幸福感。而且，豬肚的嚼勁適中，讓整道菜更為豐富。❇️我加$6可配一罐汽水，讓整個用餐更加完美。汽水的氣泡感與米線的熱乎乎形成了強烈對比，讓人胃口大開。🌟因此，我更點了「小食雞中翼」~$38。4件雞中翼經過香料醃製，外皮金黃酥脆，咬下去的瞬間，肉質鮮嫩多汁，伴隨著微微的香辣，令人回味無窮。✨沙縣特色小吃價格親民，更重要的是食物的質素和味道都很不錯，適合放工後與朋友聚餐或獨自享用。

今天下午 ，我搭地鐵去到 何文田 站落車 ，然後走了過去蕪湖街沙縣特色小吃餐廳， 下午茶。餐廳是新裝修的 ，十分美觀， 地方大， 客人坐得舒服。看一看餐牌， 我叫了高湯豬手幼麵、拍青瓜(小辣） 和芬達。高湯豬手麵， 豬手炸得爽脆， 皮脆肉嫩，皮呈現金黃色； 幼面伴著生菜、 大豆芽、 花生等， 湯底酸辣互相調和， 既好味 ，又開胃。拍青瓜， 爽脆 ， 酸甜辣並重， 味蕾被刺激到在舌上跳舞 ，令人 食慾大增。加上凍芬達， 正是送拍青瓜的最佳飲品， 又消暑解渴。我十分享受今天的下午茶，價錢又經濟。

紅磡的沙縣小吃，店內環境溫馨而舒適，價錢平民。招牌蒸餃，皮薄餡多，頗為大隻，一口咬下，肉汁鮮香，內有紅蘿卜絲及香菜，伴隨着蒸餃的溫熱，味道鮮美。金湯牛肉米線，米線軟滑煙韌，湯汁濃郁，牛肉的鮮嫩與流心蛋的滑潤相得益彰，爽口的芽菜與生菜令整個米線更添清新。豬肝撈麪，酸辣適口，豬肝嫩滑與炸黃豆的香脆形成鮮明對比，豬肝的份量非常多，足料抵食。豬大腸，內有頗多的大豆芽及炸黃豆，炸黃豆的脆爽與大腸的軟糯相輔相成……，大腸頗為軟腍……，傳統的滋味。喜愛配翻個冰凍的忌廉汽水！ 好味！