沙縣特色小吃

營業中

休息中

最近好似越來越多雲吞店但唔係香港傳統嗰隻雲吞而係啲細細粒一碗好多粒仲要係連湯一齊食嗰一種今次呢度除左放湯食之外原來仲可以夾撈麵一齊食而且仲要係花生醬撈麵添本身想薯粉但都係麵夾啲一邊放滿超級多粒粒雲吞一邊滿滿花生醬嘅干撈麵麻香四溢麵條爽滑大大碟炸雞翼四川小麻辣撈米線雞翼即叫即炸夠新鮮脆口小食種類繁多仲有燉湯添叫左蒸餃無骨鳳爪同燉湯蒸餃同樣即叫即蒸熱辣辣一籠有六大隻皮薄又爆餡無辣無骨鳳爪個汁底好正少少酸開胃得嚟鳳爪爽脆雪梨燉豬肺湯超級足料呀想飲叫個套餐加$15就有—————————————————————🔸 雲吞撈麵 $38🔸 雞翼撈米線 $46🔸 招牌蒸餃 $35🔸 無骨鳳爪 $42🔸 雪梨燉豬肺 $38

小食我地叫左兩隻香烤雞全翼😃 同 口水雞麻辣小辣😃。先講香烤雞全翼，即叫即烤，一黎到熱lak lak，調味偏咸小甜，雞皮好香口，雞肉幾juicy，一人一隻岩岩好。而個口水雞雖然係小辣，但我覺得辣味十足，但就好好送飯，一個人食岩岩好，味道偏濃味，所以就咁食既話會覺得有D重口味! 雞肉肉質都幾實在，雞皮好薄，整得好入味!另外叫左一碗細既清湯微辣水煮魚片😗 同 金湯酸辣水煮魚米線😗。佢地既魚片都有返咁咁上下大塊，如果數量可以再多D就更好喇! 湯底唔洗講，重口味既都一定中意，就算係清湯都好夠咸香味。

今日放工，我去咗一間好抵食嘅小店，價錢真係超抵，唔洗去北上，閒日8點已經好滿座，因為勁抵食。招牌蒸餃真係蒸籠上嚟嘅，只係$38。餃子好大隻，好飽實，豬肉多汁少肥，湯啱啱好，好好味！香烤雞腿令我驚喜，烤得香口，肉質嫩滑多汁，價錢亦幾合理$28！花旗參竹絲雞盅都好特別，花旗參提味，竹絲雞更加豐富風味，湯汁夠味，令人回味無窮。鍾意酸辣嘅話，$60豬頸肉湯麵係好選擇。酸辣金湯味道鮮美，豬頸肉鬆軟量多，麵條有彈性，食落好過癮。最後花生醬拌雲吞都唔錯，雲吞拌埋花生醬，口感獨特，花生醬香濃，雲吞鮮嫩，夾埋一齊好味。想食抵又好味嘅食物，呢間小店絕對值得一試！

今日同朋友去左紅磡食嘢，真係發現到一間好特色嘅小店，呢度嘅招牌蒸餃真係一絕！哩啲蒸餃用蒸籠上，皮薄餡多，一口咬落去好多汁！而且佢哋嘅餡料都好鮮美，必試！之後又試咗香烤雞腿。雞腿烤得香脆多汁，而且佢哋嘅調味料好特別，有啲甜有啲辣，味道好平衡，好好味花旗參竹絲雞盅，呢碗雞盅真係豐富至極！雞肉加埋花旗參同竹絲，令味道更加濃郁。湯底都好鮮甜，勁清甜滋補而佢哋嘅豬頸肉湯麵好驚喜，我叫咗小辣同金湯味（酸辣），真係好正！湯底有啲辣有啲酸，味道好開胃，而豬頸肉好嫩（量爆多），加埋彈牙嘅湯麵，真係一碗很滿足的湯麵！花生醬拌雲吞。啲雲吞口感好滑滑嫩嫩，而佢哋嘅花生醬好香濃，帶有啲微微甜味，唔錯👍🏻

📌一直都唔知咩叫沙縣小食呢間喺紅磡嘅餐廳新開睇落都企理一個人唔知食咩就入咗去🧘🏻‍♀️見到蒸餃幾出名所以就想試下♡招牌蒸餃都新鮮出爐見到即刻蒸完之後拎出嚟皮唔算太薄👉但係料夠多味道唔會太鹹😂食得出係北方味道♡豬頸肉小菜有得揀要唔要麻辣同埋加芝麻醬我自己就唔鍾意太重口味 ❤️所以走辣走醬食落去反而都有啲驚喜豬頸肉份量幾多芽菜加埋北方嘅味道都幾好送飯如果鍾意食北方味道嘅都可以一試☺️

🌻「沙縣」的美食🐱其實小編完全唔知道沙縣其實喺邊度🤣但係見到呢個招牌就唔知點解走咗入嚟，點知原來好有驚喜喎，佢嘅餃子呢種包法我覺得好靚，另外仲叫咗一個撈麵同埋一個原盅燉湯米線！各種食物濃味得辣得黎又開胃，淡味的又食得出係真材實料！雖然我繼續唔知沙縣係咩地方黎，但已有深刻的印象！📍 沙縣特色小吃 (紅磡)紅磡蕪湖街63號兆寶閣地下C號舖⚡️為食貓：😻😻😻😻⚡️氣氛貓：😹😹⚡️翻食貓：😸😸😸

晚飯唔知食咩好，見到呢間鋪頭喺屋企附近，評價都唔錯，所以就去試一試兩個人叫咗三樣嘢招牌蒸餃，餃皮都算薄，係菜肉餡，味道唔係話太有特色，同普通餃子冇分別，不過35蚊有6粒都算幾抵食另外叫咗個天麻豬腦燉湯，有大量嘅豬腦，但係飲落去就唔覺得好濃，比較似係鹽水湯多啲仲叫咗個老壇酸菜魚飯，呢個就真係唔係太推薦，老壇酸菜魚胡椒味比較重，反而冇乜酸辣味，魚肉係用咗黑魚，份量都好，足完全無骨，亦都唔腥，不過湯底就唔係太好味整體嚟講係街坊小店，落去食個餃子都係可以嘅

今日去開紅磡，下午茶時間到訪位於蕪湖街的「沙縣特色小吃」，餐廳座位舒服，明亮衛生；提供餃子、雲吞、湯麵、拌麵、炸物及涼菜等，價錢合理店員非常親切有禮又殷勤，十分難得-花生醬拌餃 $38餃子包得美觀，外皮薄滑，餡料有豬肉、芹菜及胡蘿蔔粒等，新鮮爽口，配上花生醬夠滋味-香烤雞腿 $28外皮烤得香脆，雞肉緊實嫩滑，沒有過多的調味，不錯！-拍青瓜 $28加入大量蒜粒的青瓜新鮮爽脆，陳醋酸度剛好，開胃清新！-牛百葉麵 $58+$3配熱飲/凍飲點選米線，酸辣湯小辣大大碗相當抵食，牛百葉爽脆入味，米線爽滑，湯底酸辣平衡辣得過癮，更配上少量健康生菜-黃豆排骨盅 $38有健脾利濕之效湯品夠熱，湯料絕不馬虎，飲落清甜而無膩感，豬肉肉香豐富

由於之前吃得太飽, 所以經過附近就打算隨便吃一餐, 眼見餐廳幾乎坐滿人, 原來也並不代表有保証 🫣招牌蒸餃 $35蒸餃“漲卜卜”, 非常通透, 乍看之下感覺很不錯, 皮是薄的, 雖然都是豬肉, 蘿蔔, 蔥之類的餡料, 可能醃製問題, 只能說並非我喜歡的味道 😅胡椒粒豬肚盅炖麵 $53可算是我吃過最難吃的胡椒豬肚湯 😵‍💫 由於本人不吃豬肚的, 點這個最大目的就是想喝一碗熱熱的胡椒豬肚湯, 卻亳無胡椒味 😵 偶爾吃到胡椒粒才能感受到少許味道, 麵也煮得久了點, 絕對是碗不合格的胡椒豬肚湯麵 😮‍💨 難吃到忘了拍照 🥲本身不想發文, 但經過思前想後還是覺得應該要讓大家知道, 起碼我是本著自身的味覺出文 🫡

【九龍城區】【沙縣特色小吃】呢排喺 社交平台見到勁多 foodie 講呢間喺紅磡新開嘅「沙縣小吃」，攪到我心郁郁。畢竟自己返大陸嘅時候，有時為咗節省飲食成本，都會選擇「沙縣小吃」呢種平靚正快嘅餐廳。所以聞說香港開咗，就點都要去吓嘅。見到價錢牌就已經好冇 feel，係香港價嚟嘛，哈哈。必點嘅係 $35 嘅「招牌蒸餃」，有六隻，好似機器包嘅餃子，餃子皮完全冚唔實，味道亦都好一般。另外叫咗 $30 嘅「爽脆高湯雲吞」，偏大粒嘅餛飩，個餡只係肉丸咁，唔得。跟住到 $38 嘅「天麻豬腦湯」，香港係比較少地方飲到呢味安神補腦嘅豬腦湯，不過呢度一般啦。而 $25 嘅「紫菜肉丸湯」係料少而乏味，完全唔知做緊乜。反而杯 $10 嘅「凍檸茶」少冰走甜有本地茶記水準，係正常味道先。我仲叫咗 $42 嘅「脆皮豬手」，係加咗孜然粉嘅炸豬手，冇乜感覺。而 $20 嘅細份「炸雲吞」係有四隻，味道唔特別，唔算好食。一條友喺「沙縣小吃」食咗 $200 會唔會已經破咗世界紀錄？真係好貴，下次唔使預我喇唔該。。。（地址：紅磡蕪湖街63號兆寶閣地下C號舖）#1amfoodie #foodie #hkfoodie #thatf

香港都食到沙縣特色小吃了🤣招牌蒸餃 $35麻辣汁拌雲吞 $35我是餃子控😗蒸餃包得幾靚，好多餡料，可以點醋食，小雲吞就一啖一粒，加個正宗地道麻辣汁🥟🌶️花旗參竹絲雞盅 $38鹿茸菇排骨盅 $38有炖湯飲價錢又唔貴，每款湯都有唔同益處，我要咗花旗參湯益氣清熱，另外朋友要咗鹿茸菇湯滋補養生，好多湯渣，飲落足料唔油膩🍲口水雞 $45係用咗雞脾肉🍗同樣有個惹味麻辣汁，都幾辣的唔食得辣叫微辣好了😬🌶️

星期五放工通常都去紅磡食飯今日見到一間勁平特色小店價錢勁平，完全吾需要北上，可以留港消費人都算多，星期五晚8:30都坐滿8成人我見大部分人都點餃子同撈麵金湯水餃(小辣)$38有六粒，大大粒好札實豬肉多汁少肥金湯酸度適中黃燜豬腳$58豬腳好淋，好入味又大隻，好多肉仲有雲耳同黃牙白好豐富雪梨豬肺盅$38真係平到笑又大盅，湯好夠味好多豬肺性價比極高餃子拌麵$38份量好多好大份拌麵醬汁撈麵好好味真係又平又好味

同朋友一齊喺紅磡，肚餓要搵嘢食，呢頭有超級多食肆，我哋都想試吓新嘢，行過呢度，見到呢間餐廳，乾淨企理，咁就決定入去試吓🤣$30「爽脆高湯雲吞」：雲吞細細粒，一啖一粒，食得好暢快🤣$58「黃燜雞」：雞肉燜到超級腍，雞肉一咬就完全離骨，燜得好入味😋；仲有， $58 算係好大一鍋🤩$18「白灼生菜」：生菜🥬新鮮爽脆，白灼簡單好食🤣$42「孜然雞軟骨」：雞軟骨有少少脆口，加埋孜然粉好香口🤩$35「招牌蒸餃」：蒸餃🥟大大隻，食到裏邊有豬肉、香蔥、紅蘿蔔，貨真價實，味道鮮美🤣$8「無糖可樂」街坊價錢，真係非常抵食🤩

每次路過紅磡，都看到這間特色小店，之後在網上搜尋，知道原來這裏吃的是福建特色小食，今天下午便來到這裏。招牌蒸餃$35，餡料除了豬肉之外，還有韭菜，不過韭菜味道不算太濃，加上蒸餃的外皮煙煙韌韌，非常有口感，值得推薦。爽滑高湯雲吞$30，這個雲吞沒有廣東式的烤肉，只有瘦肉，不過味道都很美味。如果喜歡紫菜味道的，這個湯頭的紫菜味道十足。花旗參竹絲雞盅$38，花旗參味道適中，沒有苦澀味，只有甘香味道，加上竹絲雞的滋補，具有清熱作用。胡椒粒豬肚盅$38，胡椒香味濃郁，豬肚爽口彈牙，味道鮮味，很像潮州胡椒豬肚湯的味道。雪梨豬肺每盅$38 ，雪梨具有清潤作用，加上豬肺，是這個秋冬季節的最佳湯水之一。

原來聽另一半講沙縣小吃系內地有吾少分店，吾知喺香港呢間系咪exactly戈間餐廳？餐廳提供多款招牌餃子、雲吞，亦有香炸食物、干撈麵、薯粉。我地就一人叫咗一碗炖盅，雪梨豬肺盅有袪咳潤肺作用，清甜解膩。鹿茸排骨盅則溫補腎臟，飲完個身都暖笠笠☺️跟住就緊系試吓餐廳嘅招牌蒸餃🥟蒸餃個樣好得意，好似燕子尾咁，難怪又稱為「燕餃」。內有各種蔬菜同豬肉，吾加咁多調味反而更能帶出餃子原有鮮味👍🏼當然沾上配埋嘅紅醋更美味。花生醬拌麵🥜好有內地懷舊氣息，花生醬質感細滑，花生味濃郁，更食到一粒粒花生粗粒😆用作拌麵非常開胃。口水雞飯真有驚喜，估吾到會比成個雞髀😳🍗口水汁叫小辣所以吾會太辣，從中又能嘗到惹味滋味🔥