沙田18

營業中

休息中

本是安排去年團年飯地點，疫情下最終取消，今年放寬不需限制人數即在一個月前定位，只需按時入席即可。一行十三人安排特大廳房環境舒適，食得安心。菜單首選一:傳統北京烤填鴨三食(一食.片皮,胸肉,腿肉。二食.生菜片鴨鬆。三食.紹菜豆腐鴨骨湯。)專人席上片皮選二:堂弄玫瑰露义燒豬油撈飯。(只供廳房六人以上享用)選三:松露菌生啫龍躉班球選四:咸蛋黃魚皮蝦球選五:沙田18特色甜品拼盤(烏龍茶雪糕(需時40分鐘)腐乳芝士泡芙南瓜薑汁法式燉蛋綠茶紅豆意式芝士蛋糕焗黑芝麻湯丸酥皮批柚子桂花紅豆糕柚子朱古力貝殼蛋糕)。

🌲今日同朋友黎個聖誕午餐提早慶祝。我們book了11:30,準時到達。店員表示1:00前要交枱。我們極速決定點了酸辣蒸龍躉片，酸辣度剛剛好，很喜歡上面的酸豆角，很有口感。炒米粉很惹味，足料又不會太油。點心方面：帶子腸粉有驚喜，帶子很彈牙及很足料，腸粉及帶子比例1:1，看似平淡的腸粉，竟然咁有驚喜，一試難忘。還有上湯豆苗，正常，沒有特別。現場環境舒適，我們坐窗邊加上天氣很好，陽光普照，望出去的景觀，心曠神怡😊。整體很滿意的午餐

又越過針山又越過道風山其實都係為咗食呢一餐久違了的北京填鴨和日思夜念的堂弄叉燒與豬油撈飯 .... 餐前怎能不為這一頓作出準備！永遠「少女」的「沙田18」，風采依然，沒讓人失望！先來三款前菜，配搭及調味均為其後的「邪惡」菜式鋪路，總體清爽、香而不膩，達到打開胃納又吸引味蕾的重點！第一款前菜是驚喜的鮮紫蘇蒜醋帶子牛油果。鮮紫蘇蒜醋將帶子和牛油果恰好串連，入口細細紫蘇香，譜出中西合璧的口感與味道，一定是喜愛鑽研醬汁大廚的傑作！麻香滑溜、不黏喉的麻醬拌菠菜是第二款前菜，好吃！最後的前菜是老醋紅頭海蜇，具備酸香入味的海蜇和爽口的木耳，非常醒胃！三款前菜也令人有一吃再吃的慾望！熱身不久，便要進入首個戲肉 — 傳統北京烤填鴨！男師傅先出手，手起刀落將整隻烤鴨皮片出，在旁的我們當然是捉緊每一分秒，狂按手機與相機！隨後一位女師傅進場，原來我們預訂了 1.5 隻北京烤填鴨！師傅將北京填鴨片出兩大類，一是直接進食的凈鴨皮、第二類是捲上餅皮來吃的皮連肉！當然是趁熱先品嚐閃亮誘惑的鴨皮，輕輕灑上沙糖，口腔盡是甘香鬆化的滋味，澎湃的脂香一瞬間俘虜了味蕾！加入青瓜、大蔥、甜醬等的填鴨捲，味道與口感層次同樣豐富，別

出名片皮鴨的中菜館，幾乎每枱都會訂。烤鴨即日烤，烤完即片，上枱時仍冒煙🔥鴨分三部分上，先有最脆的胸皮配沙糖就咁食特別香脆而且鴨油香濃。另外亦會片出胸肉同腿肉，傳統片皮鴨式配青瓜大蒜包住食。這裡除咗黃麵醬(味道近似海鮮醬)會提供蒜泥，加了全部包住食又好夾好好味，喜歡蒜的朋友會非常喜歡。鴨皮油脂豐富味道較香，鴨肉味肉就唔太突出。值得一讚是包皮非常薄又煙韌不易穿，很出色！東莞特色菜中生啫白鱔很不錯，白鱔入味山椒微辣加入大量香茅，與別不同好惹味。鹹蛋黃魚皮蝦球是邪惡之最，但真係超好食呢，鹹香十足魚皮極薄極香脆，蝦球新鮮彈牙。全晚最喜愛一定是焗美國珍寶蠔，熱鍋滾滾的上枱，珍寶蠔名不虛傳，超級大隻！超級肥美，好耐冇食過咁肥咁大隻蠔。邊位脆裡面肥美超正，醬汁有乾蔥缽酒超惹味，撈飯一流。

🥰 話說 “長介母后” 識飲識食, 繼 “留家廚房” 同埋 “后園” 之後, 強烈推介沙田凱悅酒店中菜廳 “沙田18”. 今日去科學園調研, 乘機嚟食午飯.📞 講講訂枱, 電話有點難通, 屬 “預約困難店”, 結果搵 “長介老豆” 幫手.🤗 “沙田18” 格局似 “翡翠拉麵小籠包”, 當然更高級, 餐廳設有圓枱方枱, 部分用餐區望到開放式廚房, 睇住師傅搓粉. 今日被安排坐窗口位, 望內園迴旋處景.🥢 餐具走非傳統路線, 濶口碗, 冇筷子托, 我麻麻哋.🥰 今餐主攻點心: 燒賣, 春卷, 蘿蔔糕, 另加燒腩仔及例湯.🍵 是日老火湯. 燉鴿湯. 夠熱, 清甜, 不俗.🐖 脆皮燒五花腩肉. 皮硬, 唔脆鬆, 燒肉味遜色.🦀 蟹籽鮮蝦燒賣. 大大粒, 蝦肉混入豬肉, 出色.🦐 香茅鮮蝦炸春卷. 熱辣辣, 外皮香脆, 餡料充實, 薑味特出, 唔錯.🥕 肉燥蒸蘿蔔糕. 菜色設計有趣, 可惜唔夠熱, 扣分, 蘿蔔糕味道略淡, 肉燥濃味, 食落時鹹時淡.🤗 總結: 座位舒適, 景觀開揚, 以酒店中菜廳嚟講, 服務未如理想, 枱面擺位混亂無章. 論食物, 真係期望越大, 失望越大. 燒賣, 春卷OK,

片皮鴨三食好食一食片皮 二食鴨鬆包生菜 三食湯片皮分左齋肉 齋片 皮連肉fav 當然係齋皮！！！！！個皮好有厚度熱辣辣點糖食 cls 係直接溶左喺口度好幸福既感覺🥹​​​籠仔糯米蒸腩排有糯米香 幾得意​魚餅有啲咸 麻麻​除左個鴨其他無乜印象好就好在每個dish可以嗌半份可以試多啲 麻麻地or普通又唔使夾硬食​​落單有啲忟因為千辛萬苦揀好個red原來無貨再揀又係無貨其實不如revise 下個wine list....下下揀親咩都冇貨真係唔係幾掂​唔嫌遠可以試下既

預約咗星期五晚餐同男朋友預早慶祝生日，嘩真係要早一個月先Book到枱🥶有冇講到咁犀利先，啲鴨係咪真係咁好食？嗱我唔係打手，我講真話㗎🥺佢哋嘅鴨肉無味，係淡而無味😡😡😡真係「食之無味，棄之可惜！」😡😡😡我都見有其他OP朋友講佢啲鴨無味🧐原來唔係我得一個人覺得無味啊，我男朋友都覺得無味🥺我無中過COVID，我啲味覺正常㗎🤣🤣🤣我哋成餐只係嗌咗以下兩樣嘢咋👇🏼1️⃣傳統北京烤填鴨👇🏼（一食，有片胸皮，胸肉，腿肉，連青瓜，大蒜，黃麵醬，薄餅）首先唔講佢無味嘅鴨肉😒講吓佢啲好嘢先🤨佢個鴨皮係好脆卜卜，加白砂糖食係幾好食㗎👍🏼👍🏼👍🏼另外就係廚師嘅刀工係真係好好，啲鴨皮真係冇肉冇脂肪，切得非常之靚！真係要俾個讚佢👍🏼👍🏼👍🏼雖然係咁⋯⋯但係都真係搭救唔到佢無味嘅鴨肉😡😡😡我想講成個菜我只係食到黃麵醬嘅味道，同埋青瓜索索聲，肉類煙煙韌韌嘅口感😒😒😒完！2️⃣魚香茄子煲👇🏼講真話，魚香茄子煲比佢個北京烤填鴨做得更加出色，加埋兩碗白飯，我同我男朋友都讚不絕口👍🏼👍🏼👍🏼我哋已經好耐冇食過好正宗，好有鹹魚味嘅魚香茄子煲啦😍呢個菜我反而係極度推薦比大家食！唔好嘥錢食無味嘅鴨😡😡😡🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

同朋友一家相聚，由於只係得星期六方便，要早成個月前預訂。我好鍾意食片皮鴨，叫咗個片皮鴨三食，黎之前睇過好多食評，講到質素比之前差咗好多，又話有羶味，懷着戰戰兢兢嘅心情過黎試。片皮鴨片左兩碟，一碟得皮，一碟就皮加肉，餐廳建議點糖食，好彩質素唔係差，但冇咩驚喜。之後，叫咗個炒米粉，我記得炒得都幾有鑊氣，好味。另外，叫左個炆鱔煲，我對香茅味道一般般，但係鱔爽口。去到甜品，啲人話必食五糧朱古力雪糕，估唔到係幾夾，至於其他甜品，印象中不過不失。

疫情下為契妹同哥哥慶生，一眾長輩決定避開人群去遠少少入沙田，一嚐有名嘅酒店中菜「沙田18」 。「香港沙田凱悅酒店」位於大學站旁，即使由港島區出發坐地鐵都好方便。五星級家庭渡假酒店樓底極高，用餐大堂開揚通爽，空間感足。十人派對安排於廂房內進行，光線充裕，闊落舒適。雖然限聚令下要分兩張枱坐，但勝在私隱度高，有好多梳化位擺放隨身物，仲有專人招待，經理Raymond哥哥更親自跟進，酒店級服務實在周到。房間設有最低消費額，週一至四為$6,500，週五至日及公眾假期為$8,500，精明嘅XO仔當然係預訂好菜單啦！（52頁餐牌可於網頁上下載：https://www.hyatt.com/content/dam/hotel/propertysites/assets/regency/shahr/documents/en_us/dining/sha-tin-18/Sha-Tin-18-A-La-Carte-Winter-Menu.pdf）精選酒品價錢合理；如顧客有意自攜佳釀，紅酒、白酒、汽酒之開瓶費為$400/枝標準裝及$800/枝雙瓶裝。每位席上都擺有齊備嘅自用及公用餐具。所有食物由服務生於一旁代為分派，

好耐無山長水遠入嚟大學站旁酒店內的沙田18食嘢，呢一晚 book 左位，原來現在晚市也要分2個時段，只好揀5點45分早 d 開飯。而且也不能吹多一陣水，7點9就要走人。個人特別喜歡這裡的片皮鴨，分2盤上菜，第一盤是較薄較脆口的皮，沾上白沙糖，放入口咬一咬的感覺真的是不得了！暖暖的，油脂在口中爆發，直接沖擊味蕾！鴨油的香氣漫延極個口腔！一定要趁熱食，因為放涼了之後食的已沒有那麼好食了。第二盤是鴨脾肉，依照一般北京填鴨的食法食，也是很好味的。片皮鴨有三食，炒鴨鬆可以作生菜包，味道 ok，個湯也很甜，好好飲。 前菜拼盤也很不錯。有燒腩仔，义燒，烤夫，涼拌青瓜、牛油果及雲耳等。不過分左幾個碟，2大2細，賣相有點奇怪。腐竹魚湯時蔬，味道一流。蒸龍躉魚，啖啖肉，正！甜品選擇很少，也不太吸引。其中我們揀了比較少見的酥皮雷沙湯丸，口味一般。餐廳寬敞而服務不錯，雖然有限時交檯，整體感覺還是良好的。

同客去大埔沙田食飯，有乜好選擇？沙田18應該係不二之選，傅統北京烤鴨加上堂弄玫瑰露叉燒豬油撈飯，又睇得又食得。堂弄玫瑰露叉燒豬油撈飯即場整，打卡都夠開心，加上蔥油豉油，叉燒燒到燶邊，勁好食。傅統北京烤鴨，個鴨皮脆到好似薯片咁。當日仲叫左新點心，黑松露珍菌餃同禮雲籽龍躉斑肉腸粉，唔會一味食個兩樣咁悶。主菜點了野山椒香茅生啫白鱔同小蘿蔔乾馬蹄蒸素肉餅，時興食素肉同意啱時令嘅白鱔，兩個新菜式都不錯。甜品又係另一個亮點，有少少認識都知道呢度嘅甜品好出名，要留低喺Menu都汰弱留強，今日食嘅腐乳芝士泡芙,檸檬蜂蜜薑汁雪葩同杏汁雪耳木瓜雪糕有新有舊，當然仲有好多其他出色嘅甜品你可以揀。睇完想食？你去開大埔沙田效遊就係最好機會啦，星期四後開放12人之後最好就係約一大班人黎食先試得多，記得要訂堂弄玫瑰露叉燒豬油撈飯同傅統北京烤鴨。

一早聽聞呢度嘅片皮鴨出名，唔鍾意食片皮鴨我梗係要來試吓，見餐廳嘅座位唔算多，所以大家一定要提早訂位😊，呢度嘅侍應服務殷勤，可能配合附近嘅環境呢度嘅餐具都比較樸實黃橋鮑魚燒餅🫔 （$88）出面個外殼都夠鬆脆，入面會有鮑魚粒，肉碎同埋蔬菜，但係鮑魚粒個份量好少唔係好食得出，但作為小食都錯片皮鴨3食🦆 （半隻）（$568）佢會分為三個部份，包括鴨胸皮，鴨胸肉同連皮鴨肉，三個部份都可以精準切割，可見師傅工架十足🔪，會有京蔥青瓜同埋蒜蓉做配料🥒🧄鴨胸皮只係鴨胸皮一啲多餘嘅肥膏都冇👍🏻，香而不膩，超級鬆脆，建議點少少砂糖，更加能帶起鴨皮嘅鮮香，近乎入口即溶，就算擺耐左都咁香脆🤩鴨胸肉調味就比較淡，但係就反而食得出鴨嘅鮮味，肉質有彈性連皮鴨肉配埋熱騰騰嘅嬤嬤，簡直係絕配👍🏻，食到皮嘅香脆，鴨油嘅甘香，肉嘅鮮嫩❤️紹菜豆腐鴨骨湯🥬 湯呈乳白色，落足鴨架，味道幾濃😊鴨鬆生菜包🦆🥬鴨鬆炒得超級惹味，仲有大量嘅松子人同埋芽菜，清新爽脆仲可以增加口感，陳山聰包可以比較清新解膩👍🏻無花果吉士布甸羅漢果焦糖醬🍮 （$68）本來都好期待個甜品，布丁個質地係好好粗鞋🥲，喺面頭有兩片無花果乾布甸就唔係好食得出有無花果味，

Book左間房同家人食午餐，6個人最低消費$3000酒店黎講呢個價唔算貴片皮鴨起走晒肥膏係ok的，但肉片柴左少少（之前睇到好多人話好正，我個人就覺得好普通，甚至可以話係中下質素,唯一好處係無咁肥）蝦餃一般，少蝦多肥膏叉燒尚可，不過價錢唔算貴$70/碟其他點心其實同普通酒樓質素差唔多最好食係個甜品囉，花雕味幾特別嘅，同話梅幾夾總括嚟講如果想坐得舒服啲，去間靚啲裝修嘅餐廳食啲普通酒樓質素嘅菜式就可以黎試吓😂

還記得八月來襲的颱風馬鞍嗎？它令我們當晚事先約好既飯局無奈取消了，不過，美食又怎能錯過，跟朋友再夾好時間，是晚來到 沙田18，品嚐一系列時令正宗東莞菜式前菜先來 黄椒醃菜拌鮑魚，以鮑魚和大白菜，加入泰國黃椒、蘿蔔、辣椒油、鹽和蒜等醃製至少半日以上，入口酸酸甜甜的，有點韓式風味，而鮑魚則很爽彈鮮甜，很醒胃的一道前菜道滘煎釀原條鯪魚 這手工菜，先將鯪魚拆骨起肉，魚肉再加入臘味等配料，特別之處是加入原粒花生，煎香後再切件，口感非常豐富，肉質彈牙黃酒炒鮮雞，雞肉細緻嫩滑，帶點點酒香，很惹戰紅葱炒墨汁吊桶 又是另一道惹味菜式，吊桶都是脹卜卜的，用紅蒽來炒更是香口，口感彈牙爽身，令人回味餐廳與素肉供應商 「植廚 Plant SiFu」合作，推出數款新肉菜式，是晚就試了 小蘿蔔乾馬蹄蒸素肉餅，賣相幾可亂真，味道帶點菇香，優點是去了真肉餅的油膩，好此道者，值得一試鹹魚帶子薑米炒飯 , 鹹香惹味，飯粒晶瑩, 很有家的味道甜品環節, 首選 腐乳芝士泡芙，餡料以中式腐乳和西式忌廉芝士混合而成，味道香濃南瓜薑汁法式燉蛋，非常香濃的蛋香，令人陶醉椌檬蜂蜜薑汁雪葩，好夠「薑」，比利大愛, 杏汁雪耳木瓜雪糕 也是挺

每次到凱悅酒店沙田18食中菜都給我有驚喜，當然今次也不例外，來到吃個點心午餐，點選至愛的片皮鴨及堂弄玫瑰耐露叉燒，再試試新推出的小菜及點心，最後再留肚個仲會留肚食甜品，悠閒地度過一個周末，滿足。野山椒香茅生啫白鱔估唔到加入了野山椒及香茅的白鱔，大大中和了白鱔肥美的油脂，增添了陣陣的茅香，微辣的野山椒，更起了提鮮的作用，刺激了味蕾，口感豐富，令人再三回味。黑松露珍珠菌餃大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。大大隻的黑松露珍珠菌餃，一啖咬落去滿口都是珍菌粒，連滲出陣陣的黑松露香味，好滋味。禮雲籽龍蠆班肉腸粉龍蠆班肉結合腸粉超夾超味，大大件的龍蠆班肉，在軟滑的腸粉包裹住，入口全是鮮甜的龍蠆班肉，唔駛多講都知是幾好味。每次到這裏都一定要點的北京烤鴨，師傅在我們面前即片皮。皮還皮；肉還肉，先吃個鴨片，灑上砂糖同吃，先脆後酥，入口即溶化，好好味。將鴨肉及鴨片放在薄餅上，加入青瓜、蒜泥及黃麵醬，入口簡真是享受。小蘿蔔乾馬蹄蒸素肉餅呢道素肉餅真是幾可亂真，無錯，入口時會吃到小蘿