影片
更多
2011-10-01
67 瀏覽
星期二打電話去book定星期六晚飯，佢地話室內已經滿哂，問我outdoor 有冇問題,如果到時室內有人no show, 可以安排入番室內坐。我話ok, 但係我地有老人家及Baby,請盡量安排吧！Book咗7：00pm, 但我地6：45pm已經到咗，佢地最後都係安排咗我地坐outdoor，而且係最近欄杆的大單邊。因為嗰晚有強烈季候風警告訊號，老人家及Baby坐唔夠十分鐘已經頂唔順,眼見outdoor及indoor還有許多空枱,問經理可否安排其他冇咁大風的位置。最後佢安排咗我地坐咗喺outdoor一個較冇咁大風的位置。其實當我打電話book枱嘅時候都已經講咗話我有老人家同Baby,再唔係入座嘅時候你地都睇到我一抽二lun格啦，我又唔係遲到，但遍遍就安排最大單邊、大風嘅位置俾我地。其實衹要佢地細心啲，做多小小，咁大家都冇咁麻煩啦！，當晚我地點咗嘅食物有：招牌片皮鴨一隻（$448）兩吃（炒鴨鬆）+ (約$180）炸乳鴿一隻（$95）角豆星斑球 （$238）韮王炒蝦球 （$238）手拉牛肉麵一碗（$95）雞粥一碗（$125）豉油王炒麵一碟（$118）金銀蛋白菜仔（$？）片皮鴨喺咁多種order咗
Book咗7：00pm, 但我地6：45pm已經到咗，佢地最後都係安排咗我地坐outdoor，而且係最近欄杆的大單邊。因為嗰晚有強烈季候風警告訊號，老人家及Baby坐唔夠十分鐘已經頂唔順,眼見outdoor及indoor還有許多空枱,問經理可否安排其他冇咁大風的位置。最後佢安排咗我地坐咗喺outdoor一個較冇咁大風的位置。其實當我打電話book枱嘅時候都已經講咗話我有老人家同Baby,再唔係入座嘅時候你地都睇到我一抽二lun格啦，我又唔係遲到，但遍遍就安排最大單邊、大風嘅位置俾我地。其實衹要佢地細心啲，做多小小，咁大家都冇咁麻煩啦！，
當晚我地點咗嘅食物有：
招牌片皮鴨一隻（$448）
兩吃（炒鴨鬆）+ (約$180）
炸乳鴿一隻（$95）
角豆星斑球 （$238）
韮王炒蝦球 （$238）
手拉牛肉麵一碗（$95）
雞粥一碗（$125）
豉油王炒麵一碟（$118）
金銀蛋白菜仔（$？）
片皮鴨喺咁多種order咗嘅食物中較為ok的，分開三碟上1）淨皮 2）淨肉 3）皮連肉。但同北京樓比，北京樓至少高2班，我想我下次也不用駕車，專登入沙田食佢。炸乳鴿，冇味、超細隻、冇肉，可以去返龍華。最難吃的食物，就係炒星斑球，同埋爆蝦球，都唔知點解要用咁多豆豉去炒，如果係鮮嘅食材，根本唔須要咁處理，魚冇魚味，蝦冇蝦味。
全晚最令失望嘅食物 - 兩吃炒鴨鬆。當waiter 一放低碟嘢，我地已經聞到囉味，放小小入口，唔....真係炒隆咗！我地成碟原封不動打回頭，同經理講請佢換過一碟嚟。唔知佢地當晚用咗好多part-time waiter, 嗰碟新嘅炒鴨鬆，放咗喺Bar枱度食西北風食咗好耐都冇上枱。上到枱，凍哂都預咗，最令人髮指嘅係，碟嘢得返一半？！？！其實碟碟野都已經好細碟，再送上枱嘅鴨鬆仲要得番半碟！真係火都嚟埋！想唔到，話哂都叫做酒店中菜廳，仲要係招牌菜都搞成咁？有冇搞錯呀？最後都係冇辦法接受，叫經理取消咗！
總結：
- 食環境，定還是食西北風呢？
- 5星級的價錢，細細碟的感受（4大2baby埋單$1,707）
- 名過於實
張貼
