永順沙嗲牛肉專門店

營業中

休息中

［📍元朗｜永順永順沙嗲牛肉專門店］佢地既沙嗲牛肉絕對係元朗既名物就算唔係元朗人 都一定聽過佢地個名假日去到 門口已經有一條長龍 不過條隊郁得好快大概等十分鐘至十五分鐘就入到座佢地既沙嗲牛肉汁 係偏甜的湯底好明顯見到有啲花生粒係入面麵底仲可以加錢轉蟹王麵大家入到黎元朗 可以一試

即點即煮系列💟煎豬扒紅腸蟹皇麵煎豬扒大塊軟淋，紅腸有3塊，再俾一次機會蟹皇麵，可惜都係淋左少少。💟奶油多奶油多油奶夠，但多士唔夠脆。💟奶醬豬奶醬豬賣相好吸引，亦焗得夠香脆；花生醬味道略嫌唔夠濃，煉奶夠多，奶醬夠厚。

未裝修之前坐位環境雖然舊，但勝在人情味有開心，但裝修後坐位變細，伙記態度差爆，為求做生意，亂咁安排坐位，一張2人枱都要迫3個人，一張長6人沙發，都要坐3圍陌生人。真係咁大個人都未見過。差！又要受氣，又要唔舒服，寧願佢冇裝修過，改變後愈來愈差，味道啖，不似以前掛湯沙嗲汁，總之味差位差伙記差！！！！！！！！！！！！！！！！！！！！！！！！！！！！！！差！！！！！！！！！！！！！！！！！！！！！！！！！！！！！！

有意去元朗食永順嘅沙爹牛麵。店外觀靚咗好多，應該裝修過，叫咗個沙爹牛肉麵同鲜牛油西多士。沙爹牛麵同以住差不多，沙爹味幾好，牛肉就普普通通，但係鲜牛油西多士就好失望，唔知點解西多士同鲜牛油西多士有分別，西多士唔係一定有牛油咩，點解要加3元加牛油？另外西多士攞到上台，外表係似西多士，但係食落去完全“林”晒，好似水洗過嘅方包，完全唔合格，又可能佢出名係沙爹牛肉唔係西多士。今次有啲失望，我希望下次再嚟佢有進步。

永順沙嗲牛肉專門店是元朗開業35年的老字號，店家最出名便是沙嗲牛肉麵。雖然過了午飯時間，人龍依然絡繹不絕，非常受歡迎！🚇交通：近朗屏西鐵站F出口，在青朗樓對面的小巷。🏠環境：裝潢以綠色為主題，綠色的牆身配搭白色方形階磚，所以座位皆是圓枱，擺位較密，枱面積較小，會較擠迫。整體有港式茶記味道，較乾淨整潔。🤵🏻服務：人手下單，不收取加一。由於客人太多，所以一定會搭枱，這一點是無可避免。🍽️午市：主打粉麵和三文治，有套餐選擇。🐮沙嗲牛肉 $21 + 公仔麵 $10😁沙爹醬汁多而濃郁，而牛肉只是白灼，入口滑嫩，微甜鹹香😋，不過公仔麵就一般😌，不值得加錢換😔，因為不是用出前一丁麵，而是普通較軟霖。🐷炸豬扒 $15🥰外層炸粉薄而脆，肉質入口不柴，呈粉白色，還帶點肉汁🤤，做到外酥內軟🤩！👍推薦必點。

呢間野真係勁港式茶檔，食左咁多年都舖唔少䃈磚，贊助左佢裝修左兩次🤣裝修完無加價嘅。鐵膽💟熱奶茶嗯⋯無以前咁熱，同茶底無咁好飲，唔係金舌頭，講唔出茶底有咩唔同，但肯定唔同左。以前會特登去買杯奶茶外賣，而家可能未買到返屋企已經唔夠熱。💟凍檸茶反而凍檸茶質素一樣喎至於食物，蟹皇麵煮淋左，之前係煮到上枱啱啱好軟硬，屋企煮唔到，但而家呢款自己煮到喇。煎豬扒多油，雞翼味道普通，反而第一次叫米線口感味道都適中。

元朗35年老店永順經常會出現於沙嗲牛關注組，但耐何味道質素有點兩極，當然 👧🏽👦🏻 都覺得每況越下；直到上年9月進行內部裝修，重直到11月終於重開，於是再去一嘗沙嗲牛‼️每次去食早餐都總需要等一等位，裝修後鋪外內都以白和綠色作主調，地方的確比以前更光猛乾淨，裝修有點似永年 feel 🤣 而店名亦由「永順食店」變成「永順沙嗲牛肉麵專門店」沙嗲牛肉麵可配麵款選擇甚多，出前一丁、米線或福麵等，但就發現今次餐牌少了普通公仔麵選擇 👧🏽 沙嗲牛肉蟹王麵，麵質較為彈牙；可惜湯底相比以前較稀，味道都無咁濃郁。👦🏻 炒牛肉少湯多汁，今次嘅牛肉稍靭，因為叫咗多汁所以還算濃，但都較以前淡 。另外例牌必點炸豬扒，仍然都是外脆內嫩西多士多花生醬 🥜 自己添加蜜糖，十分邪惡！餐牌上價錢大致上差唔多，但感覺味道的確冇以前咁好食 🙃 水準已經無當年勇！同行朋友話老鋪一定唔可以裝修執新，一但無左舊有風味，味道都會不同了 🤣

嚟到永順緊係要試最出名嘅沙爹牛肉麵，星期日下午四點嚟到不用排隊，新裝修幾靚，但剛營業幾天樓面同事不太熟習，位置有少少窄，不過食物好味就得，嚟到永順緊係要試最出名嘅沙爹牛肉麵！😋🌟沙嗲牛肉（$21餸）、炸豬扒（$15餸）蟹王麵（$11麵底）牛肉有少少韌，有好多塊牛肉，炸豬扒好大塊好鬆軟，十分吸引，炸得啱啱好，沙嗲湯底好香濃，但冇以前咁杰，個人認為蟹王麵冇乜特別，可以唔駛加錢轉，整體都幾抵食，性價比高！🌟煉奶+鮮牛油轉豬仔包（$20）豬仔包炸到超級鬆脆，加埋大大塊鮮牛油同煉奶超邪惡😈，當然越邪惡越好食，冷熱交融呢個包俾滿分！🌟凍奶茶（$18）所有野飲都冇跟餐價，但絕對值得單點試一次，茶底濃郁、奶香醇滑，兩者比例啱啱好，建議少冰少甜，感受到茶味嘅回甘。店鋪：永順沙嗲牛肉專門店地址：元朗元朗安寧路2號冠煌樓地下F號舖推薦指數：4/5

午餐特登去食永順因為朋友介紹話啲沙嗲麵好好食。遠遠已經見到條人龍排緊隊嘅時候就覺得好期待。主菜沙嗲牛肉通或沙嗲蟹𤣩麵碗麵算係大碗，淨係睇個樣已經有滿滿嘅沙嗲汁同埋好多塊牛肉。沙嗲汁入口香濃又滑，咸到適中好惹味好滿足。真心好好食。聽聞蟹黃面係佢嘅王牌，所以我三個朋友都嗌咗蟹黃麵，但係我就嗌咗通粉，因為我貪佢不通粉嘅時候可以飲埋啲沙嗲汁。西多Store個樣好靚仔脹卜卜金黃色上面一樣有嚿牛油，然後侍應會另外俾個糖漿你俾你加你自己想要嘅量咁樣都幾好。西多入邊係有花生醬，好惹味。炸豬扒我哋見隔籬枱嗌咗炸豬扒同埋都係出名嘅食物之一，我哋都試左。佢塊豬扒好大塊，大個塊面，嚟到枱面熱辣辣我哋切嘅時候仲係好脆身，食落去係入口即溶會有種經驗嘅效果因為佢只係好平直程係物超所值。凍奶茶熱奶茶奶茶口感順滑冇臭嘅奶味因為本人好怕啲又臭奶味嘅奶茶。亦都冇水同水奶奶嘅感覺。都係好推薦。

有日行過呢頭，醒起自己原來都好一段日子冇食過沙牛麵了，既然行過路過就唔好錯過喇。尋找記憶中的味道😁沙嗲湯底仍然很濃郁😋😋牛有幾塊，嫩滑的。蟹王麵配沙嗲牛好正，彈牙啲，索唒啲汁🤩炸豬扒都好大份，我覺得今次個炸粉味淡咗少少。已經好飽喇，下次可以返嚟試吓佢啲流心芝士蛋系列嘅三文治。記憶中係好好味😍。

今日入開大西北，朋友帶咗去食間沙嗲牛出名嘅茶記。餐牌大部分都係散叫，然後啲餸再加錢。叫咗一碗炒牛肉煎豬扒福麵，另一碗沙嗲牛肉咸牛肉炒蛋蟹王麵。整體嘅餸都算高質，炒牛肉竟然好有鑊氣，豬扒都大大塊(但明顯有用鬆肉粉那過)，沙嗲牛肉都大大塊，濃濃嘅沙嗲汁撈埋個湯好正。蟹王麵我第一次聽第一次食，佢同其他即食麵又真係唔同啲好食啲，如果黎到食真係要加錢轉食呢個麵。其實4,50蚊一碗又唔係貴，咁啱經過又或住附近都可以黎食下，當日好好彩唔洗排隊直入，但keep住都坐滿人。

昨天和朋友下午在元朗行完山，朋友推介了永順沙嗲牛肉麵，話一定要試下！入到去，發覺餐廳內部的位置比較逼，通道比較窄坐低之後，我們當然每人叫了一碗招牌沙嗲牛肉麵，麵底有得揀出前一丁或者蟹皇麵我揀左出前一丁，同行兩位友人就揀左蟹皇麵我試哂兩款之後，個人比較鐘意出前一丁的質地，口感比較彈牙沙嗲牛肉公仔麵的味道算不錯，但就未算係好驚艷沙嗲湯底的味道夠濃，而出前一丁口感彈牙，唔會話好淋最有驚喜的係佢的炸豬扒，一睇賣相已經知好味首先佢係即炸的，熱辣辣，最難得的佢冇好厚的炸粉，而個豬扒係炸得啱啱好，外面脆，而入面仲係keep 倒豬扒的肉汁，如果下次經過我會再encore我地仲叫左個芝士流心蛋三文治，中間夾煎豬扒，同樣地，個煎豬扒唔會煎過龍，仲keep 倒豬扒的肉汁，加埋流心蛋同熱溶芝士，好味

其實想嚟永順食好耐，有嗰朋友會特登由大埔過嚟食，可想而知佢嘅吸引力🧲 我今日終於嚟到🥰 聽說沙嗲牛肉蟹王麵係呢度嘅主打，炸豬扒大大份，性價比高‼️ 的確真係好好食，有好濃郁嘅沙嗲湯底，同新鮮多份量嘅牛肉真係不得了😎 同佢嗰蟹王麵好夾好好食😋 我本身係想嗌通粉，但佢哋話一定要試蟹王麵，的確唔錯👍🏻 都只係$31，真係好平🥰西多士🍞只係需要$17‼️大大塊嘅大豬扒塊只係$15‼️ 可以放題咁嗌😎 有機會真係要試下，好難有咁濃郁嘅湯底🥰

裝修完幾個月，之後滿心期待，終於開返裝完收嗰啲座位數目仲少咗，又冇咗隔離個舖位啲枱仲細過以前，嘢食都唔夠位擺照舊嗌返出名嘅沙爹牛肉麵，同炒牛肉加沙嗲汁發現嗰啲沙嗲汁稀左好多食落更加係同以前個味已經差好遠一啲都唔濃就算過咗咁耐冇食，我都食唔曬嗰個麵除咗個沙爹牛肉麵唔係好掂之外，我嗌咗個碎牛炒蛋冶個包好凍唔係好新鮮，好似擺咗好耐咁然後入面啲蛋都係唔好食，炒到好老又薄啲夥記要用新system落單亦都慢咗好多

沙爹牛肉公仔麵是我摯愛現在養成了習慣 去到哪裡都習慣性找一找評價好的沙爹牛肉麵餐廳這次來元朗探朋友 順便來大名鼎鼎的永順茶餐廳朝聖疫情時來過一次 但是看著街頭排到街尾的人龍有些卻步這來發現已經重新裝修看起來乾淨整潔一進去還是比較擁擠 圓台比較多 過道也狹窄招呼一般要自己找位子 服務員都很忙碌 落單要快 吃東西要快收拾檯面也一樣好快沙爹牛肉麵 必點 湯底濃郁 花生味好重 甜甜地好啱我口味 麵軟硬適中 加小小辣椒油 真係好正二热奶茶 奶茶香濃 夠茶味亡猪扒 即炸豬排熱辣辣夠晒香脆 不過炸粉稍微後了一點西多士 好味到冇得輸