永順沙嗲牛肉專門店

營業中

休息中

今，日專程第一次去元朗試佢嘅永順沙爹牛肉公仔蟹王麵，好好味，個湯好惹味好濃嘅沙嗲味亦都唔會太漏，飲落去好濃鬱嘅沙嗲味，紅腸唔係求求其煎到有少少窿好香，蟹王麵口感非常好配沙爹牛肉好夾好好味😋😋😋

今日去咗一間好出名嘅小店 — 元朗嘅永順。我朋友好耐之前就推薦咗，所以趁住今日放工得閒，就約咗兩個好朋友一齊去試吓。永順嘅招牌菜有芝士流心蛋雞扒多士、沙爹牛麵，同埋奶茶，我哋一定要點嚟試下。仲有，我哋叫咗炸菜肉絲米同什錦米加沙爹汁，再加兩杯凍檸茶。👍頭先上咗枱嘅係兩杯檸茶同茶走。我朋友超級愛飲奶茶，每日都要飲一兩杯先至開心。佢試咗呢杯奶茶之後，讚不絕口，話茶味夠香濃，又滑，佢話呢杯奶茶排得上佢飲過嘅前幾名。芝士流心蛋雞扒多士，雞扒味道剛好，唔會太鹹，蛋真係做到流心，加埋少少芝士嘅香味，烤到金黃色，食落去口感豐富得嚟😋。沙爹牛麵一碗滿滿，沙爹嘅香味撲鼻，牛肉唔會太老，份量又足，食完一碗可以飽足成日。其實除咗奶茶做得好之外，連檸茶都幾好飲，茶味夠，又唔會苦。原來永順唔耐之前裝修過，所以店舖好乾淨，又舒服。店員都好友善。今次食得真係好滿意，我哋已經約好下次放假再嚟試下其他嘅食品。😂

永順稱得上是其中一個元朗名物 裝修後第一次光顧 在星期日的中午時間都是大排長龍 不過都不需要排好耐就入得👍🏻🐮 沙嗲牛肉出前一丁 $31仍然保持到一貫水準 沙嗲牛肉汁不是太稀的那種 有點濃身 配合湯麵剛剛好 沙嗲汁能夠掛麵 食的時候淡淡都是沙嗲味👍🏻 牛肉份量不少 肉質不錯🐷 炸豬扒蟹黃麵 $27豬扒有分煎和炸兩種 今天選擇炸豬扒 不會很乾身和柴 咬落去還有少少肉汁 推薦！另外三文治都受歡迎但今天沒有吃 大家都可以試下另外還點了奶茶紅豆冰 $20 紅豆幾淋同奶茶都夾

由個名會想像，d芝士同半熟既蛋會溶埋一齊然後黐落啲蛋度，分唔開，好濃好juicy點知見到全熟既煎蛋，完全將3樣嘢分開如果係咁，就唔值呢個價錢。烘底冇脆既感覺，不過可能外賣關係佢沙爹牛，好食好多！普通三文治$31炒牛肉+$3烘底+$2

第一次食，排左大約半嗰鐘，但都值得。沙嗲牛肉味道濃郁，又不太甜，豬扒好香口外脆內軟，每份$15，價錢都ok，雞翼正常水準，4隻細嘅雞翼$30，價錢就較貴。雖然價錢比一般茶餐廳貴，但食物有水準，下次會再去幫襯。

特登嚟元朗試吓傳說中都好味出名嘅沙嗲牛肉麵。午餐時間約排了15-20分鐘隊。「沙嗲牛肉蟹王麵 」湯底：佢嘅沙嗲醬係花生醬加沙茶醬，又帶點甜味，唔辣。唔算係最濃稠嘅質地，但係味道都夠濃郁。牛肉：係傳統茶餐廳嗰種牛肉嘅質感，但係整得都嫩滑，唔會有梳打粉味。通常我食茶餐廳沙嗲牛肉麵都唔會想食嗰啲牛肉，但係呢間餐廳嘅牛肉，係會食晒嘅。麵條：蟹黃麵要加+$4。似係唸唸地嘅公仔麵嘅質地。其實唔明點解要叫蟹王麵？都冇蟹黃嘅味道。不過anyway，同個沙嗲牛肉麵都夾嘅。整體係好味。🤔「沙嗲牛肉福麵」我覺得福面冇蟹王麵咁夾。因為福麵本身有味，加埋個湯底都幾鹹吓。下次可能都係就咁要出前一丁算啦。🤔「炸豬扒」見好多枱都點咗炸豬扒，心諗係咪需要試㗎？食後覺得冇咩特別，唔係話特別出色。我個人覺得唔使特別試。另外佢啲豬扒呈現粉紅色，硬係令我覺得唔知佢炸得熟未？「芝士流心蛋炒牛肉三文治」呢個三文治好好味。食唔到芝士嘅味道，不過都唔緊要。佢嘅流心蛋滑滑地夾埋炒牛肉，整體又入味，又有嫩滑嘅口感，再配以脆脆嘅烘底麵包，整體係滿意好味！呢間對比九龍城嘅方榮記，或者係牛頭角嘅榮記沙嗲牛肉麵，味道係更加接近平時茶餐廳早餐嗰種味

今日去左元朗覓食，平時見到好多人排隊，唔知係咪因為落雨所以人龍不見了🌧️🌧️，所以諗都冇諗就即刻入左去。沙嗲牛肉雪菜肉絲福面，沙嗲味重，個人覺得味道似沙茶醬，湯底係濃，食到最尾，味道相對重口味。另一碗係沙嗲牛肉雞扒蟹王麵，蟹王面相對福麵較淋，令麵更掛汁。仲叫了火腿奄列，雞蛋🍳煎到好香口，包住大量火腿，味道正常，沒有特別。味道：3/5賣相 ：3/5環境：4/5（店內有廁所提供🚽)服務：4/5★® 價位- $：4/5

📍永順沙嗲牛肉專門店永順係其中一間係元朗非常出名食沙嗲牛麵既餐廳🐮緊係要試試啦‼️😋🍜沙嗲牛肉福麵 （$29）呢間餐廳既沙嗲牛肉味好濃👍🏻牛肉係用鮮牛肉沙嗲醬有好濃既花生香味再加埋公仔麵一齊食索曬d沙嗲汁‼️正‼️‼️🐷炸豬扒 （麵餐加$15）永順除左沙牛麵出名第二樣一定係炸豬扒💯豬扒新鮮炸起好香脆🔥醃肉醃得好入味😋🍞咸牛肉蛋治+烘底 （$23）咸牛肉蛋治同平時茶記食既味道一樣中規中矩✅🍞西多士 （$17）西多士熱辣辣好香口🔥加埋牛油糖漿食真係無得輸🤤🤤🤤🍹奶茶紅豆冰 （$20）見到咁特別有奶茶紅豆冰就試下奶茶味正常但茶味可以再濃d就更好👍🏻紅豆唔係好冧知種仲食到一粒粒有咬口🫘整體來講永順既沙牛麵的確幾出色💯值得一試👍🏻

呢間嘢開咗好耐，但自從裝修之後都冇乜點食，今次嚟到門口見到有車位就即刻衝入去食，喺門口等咗一陣間位就走入去搭枱，咁我就叫咗個炒牛肉麵加沙嗲汁，再加咗份雞扒，今個餐嚟到啦，食落去汁係冇之前咁濃，但係都好食嘅，牛肉好香口，意外驚喜係雞扒裏面煎得好脆好好食，入邊好嫩口，咁總括嚟講都比之前進步咗，同埋環境都好咗，樓面嘅態度同之前都一樣幾好，價錢都比較親民，值得推介大家一試，下次會食返沙嗲牛肉，因為睇到人哋食係比較濃。

三點幾嚟到 等咗15分鐘就有位裝修後嘅永順 第一次嚟望落係光猛同乾淨咗 但啲枱一樣係咁逼 無舒服咗😂除咗麵 原來仲有飯食沙嗲牛肉麵 $29 🍜蟹王麵 +$4令人掛住嘅沙嗲湯底🥹沙嗲湯底偏杰身 味道真係好香好濃郁 帶少少辣 好惹味就咁飲都好飲🥰初嚐蟹王麵 麵質又真係幾彈牙 但唔知點解 好似有陣味咁🫣下次應該會揀返出前一丁同埋……個麵真係好細個🥲好似食幾啖就無晒咁 下次會加嗌加底咸牛蛋治 $21(烘底 +$3)麵包烘得好香好脆 味道就正常茶餐廳質素啦😬如果層蛋再厚啲 就更加好嚕點一點個沙嗲湯 都唔錯價格都算實惠

店員指定坐邊搭枱冇問題，但坐低叫嘢後原耒同枱埋單走咗，就叫我哋轉去同另一枱搭，唔啦茶餐廳個個食完都走啦，隔離枱轉頭走咗冇人耒，叫攞两杯水，只俾一杯車過来走咗，沙嗲得個甜冇香，牛肉落大量鬆肉粉，唔該俾辣椒，串嘴辣油定辣醬，答辣醬吖，但两樣隊埋耒，咁做咩問？雖然我冇，但唔好話人點解唔留港振興經濟啦

一向人來人往嘅 #元朗大馬路，人流喺復活節假期明顯減少… 不過仍然不減 #為食貓 四出搵食嘅雅興🤭 呢日#小秘書 就跟 #導遊鈞 嚟到「永順沙嗲牛肉專門店」朝聖😚 經過幾條橫行小巷，終於到達📍 遠遠已經見到等食嘅人龍😅 為表我哋對 #沙嗲牛肉 🐮 嘅誠意♥️ 唔理出面天氣有幾熱… 一於照排😅 特哋喺門口等咗15分鐘左右，終於排到我哋😃 餐廳地方唔算太大，周圍都逼逼夾，今時今日真係難得一見😅 一場嚟到，硬係要試吓佢哋馳名嘅 #沙嗲牛肉 同 #炸豬扒 啦🤤 我揀咗 #通粉 底，配埋濃濃嘅 #沙嗲湯，確係有另一番風味🤤 不過 #牛肉 嘅質素未見特別出色，#炸豬扒 係好大件嘅，不過就無咩味道😚 反而佢哋嘅 #炸雞翼 做得相當唔錯，不過以份量嚟比，#炸豬扒 一定無得輸🤩 最後配埋杯 #凍檸茶 消消暑😎 正呀喂！📍 永順沙嗲牛肉專門店 (元朗)元朗安寧路2號冠煌樓地下F號舖

今次同同事跑入元朗工作，經另一同事再三提起，我決定俾多次機會呢間餐廳（我今次係第二次食）第一次黎係周未，要排隊，今次平日黎又係要排隊，上次係元朗朋友推薦我地黎食，仲話隔離檔的糯米糍又係好出名，又係好多人排隊☹️，不過佢星期日唔開，今次佢有營業，我就同我同事一人一邊排隊。排左廿幾分鐘到，沙嗲麵就到，原本唔齊人唔俾入，可能我同事太可愛，就俾佢入，我排左半個鐘到排到糯米糍。我同事叫左沙嗲牛肉公仔麵，佢comment係沒有名氣中的好食，汁太稀，同我上一次感受一樣，不過我上次仲有叫塊豬扒，今次我見枱枱都有叫，印象中，味係唔錯，不過柴d至於我，今次食同事推薦的芝士流心沙嗲牛肉冶，我覺得好好食！推薦一試！兩個人可以一碗麵一份三文治咁叫👍🏻至於糯米糍，我就只能說，佢係即做，但不是非排不可。

永順未裝修之前都食過好幾次，覺得啲嘢幾好食👍，尤其係豬扒，煎得好香、好好味😋，但係今次裝修後第一次去食，環境衛生好咗，同樣都係要搭枱，今日叫左沙嗲牛肉麵，豬扒加雞翼一份，豬扒竟然變咗係用包左粉皮去炸，完全係失色咗，完全唔係以往嘅煎香口味😵‍💫奇怪就係我完全睇唔到餐牌有冇分炸豬扒或者煎豬扒？🧐😰沙嗲牛肉麵同雞翼一樣係保持到水準….好食😋希望豬扒可以去反以前香既口味就好啦 🙏🙏🙏❤️

又去咗元朗覓食，今次就試試沙嗲牛專門店 - 「永順」，個日仲要落雨☔️但依然有好多人冒住雨排隊，所以令我更加期待😍等咗大概15 分鐘就入得去，餐廳入面為咗善用所有空間，所以枱同枱嘅空間都比較狹窄，但因為我哋4 個人所以就唔洗搭枱👭🏻👬🏻沙嗲牛肉出前一丁(加$2)配煎豬扒 $46叫得自己做沙嗲專門店，真係名不虛傳，碗沙嗲牛麵香到呢，未食已經流哂口水🤤佢啲沙嗲汁多到遮住哂啲牛肉🤣啲牛肉索哂啲汁，好入味同勁淋，一啲都唔韌，而且份量超多，食極都仲有👀連個湯底都唔係普通嘅湯底，係沙嗲湯底，基本上你每一啖都係濃郁嘅沙嗲🤭不過個出前一丁麵我就嫌佢煮得有啲淋，如果彈牙啲會更完美🫶🏻.佢一碗麵最少要嗌2 樣餸，所以我就叫多咗塊煎豬扒，豬扒煎得好淋，同醃得好入味，豬扒好大塊，而且唔會好多筋或肥膏，真係全部都係肉🫣一個女仔一定食唔哂，咁大份都唔洗$50 真係好抵食，就算大食啲嘅男仔都會夠飽🤓奶油豬 $20好耐冇食過邪惡之物 - 奶油豬啦😳🙈我哋有4個人，落單嘅時候店員問我哋要唔要切成四舊，好細心，佢一塊豬仔包好大塊，而且啲牛油搽到滿哂，幾乎見唔到有白色嘅面包，烘到好脆，加埋煉奶，好甜好好食😋西多士 $17然後