永順沙嗲牛肉專門店

營業中

休息中

依間元朗老店嘅沙嗲牛肉好出名，到食飯時間就非常多人，少不免要同人搭枱，座位同枱面都比較迫，所以大家食完就會走。講返食物方面，依度嘅湯麵係逐樣餸嗌，由$8至到$21，再加埋$8起嘅麵底，價錢其實幾親民，可以平有平食、貴有貴食，麵底都有幾款揀，比較多人講嘅係蟹王麵，今次叫咗碗沙嗲牛肉通粉，湯面幾乎畀沙嗲汁遮住，沙嗲味非常香濃，本身都驚會唔會太鹹，但係食落又唔會覺得好鹹，起碼唔需要不停飲水，牛肉嘅件數感覺都算多，而且肉質都OK，明白點解會有咁多人介紹。