永發茶餐廳

營業中

休息中

一個人就梗係食唔到佢個醉雞煲啦食過就知料係多架，紅棗海量咁掛住佢的秘製豉油，點雞堅正咪食佢lunch限定囉雞米實在佢的雞一時時，今日係係係，滑架～豉油係靈魂，唔太辣加甜豉油一人前，剛剛好一個人原來都可以盡興

中午時間回上水探望外婆，買個外賣回外婆家慢慢食。小時候經常來永發餐廳食醉雞火鍋，非常懷念嗰個味道。中午時間冇火鍋食，就食個鮮雞湯飯啦。一向都用最新鮮嘅雞件，數得出都有八件，雞肉用花雕醃料醃過，唔使點豉油都好好食。重點係個雞湯，有四五條生菜，仲有冬菜，送白飯真係一流。重點其實係個豉油， 餐廳自己自製呢個辣椒豉油，正正就是晚市嘅醉雞火鍋配嘅辣椒豉油。充滿兒時回憶。加兩蚊飲杯凍檸茶，真係爽。下次搵機會要夜晚食醉雞火鍋。

呢頭附近有好多間餐廳， 但我地永遠只會黎呢間食。✨鮮雞湯河+鮮牛肉呢間茶記最出名係食雞湯飯， 今次order 左河粉， 雞湯味濃，雞肉一定要沾佢地既辣椒豉油一齊食先最正。.🏠 永發茶餐廳🛤️ 上水馬會道160號地下📍 港鐵上水站A4出口，步行約8分鐘-----

路過有位唔洗等，是但即興打邊邊。我似乎真係堅唔舒服，唔舒服無胃口，食剩好多。放工開始胃灼熱、胃痛、肚瀉、頭痛、骨痛，是晚休戰養病。其實永發雞煲出品平平，但何解有大量美少女捧場既？眾多靚女出出入入，使到我好難專心打邊爐喎！某次未夠 11 點就無晒番茄湯，嬸嬸話下次晨早訂定，唔洗麻。明明色香味用料質素都麻麻地，不知為何食客們排長龍都要願意繼續等既？不過價錢真係十分實惠經濟抵食，唯一可取之處，我諗不到其他咯。嬸嬸叔叔們都好親切有禮，某次安格斯肥牛賣晒，叔叔專登換上美國肥牛給我，不過我真的沒有興趣。替我退回吧，不好意思啊。嬸嬸經常收掉我的餐牌，嬸嬸強調已太多食物不要再點！睇下有什麼食材供應都得架麻？其實我想叫埋宵夜，烚熟外賣帶返屋企。既然您唔比我睇，慳返！青島啤酒，無日本啤就飲住先，除了他就只得藍妹無選擇。藍妹啤酒，味道正常不苦，用行貨正版難得難得。辣椒豉油，勁多辣椒真開心，厚厚熟油浮面，食到嘴仔勁油潤立立令，潤脣膏都可以慳返。要求勁多辣椒，必須要有必死的決心！爽完後副作用強勁，菊花火之淨化！竹笙雞鍋細，肥嘟嘟冰鮮雞，雞件清淡，先滾後焗，慢慢浸熟。大滾關細火，最後熄火，耐心浸熟，嫩彈滑雞肉煉成

依間係食藥膳醉雞煲，裏面加咗好多紅棗當歸等藥材，所以好補吓，老實講越食越甜係正常！因為有咁多紅棗當然會甜！兩個嘅晚餐,叫咗細雞、雲吞拼魚腐、腐竹拼豆腐卜、肥牛！雲吞好食魚腐都好食、腐竹同豆腐都很正常、肥牛就太肥了！可以的話真係有啲想退咗佢😆、個湯底其實好好食、雞好滑！個辣椒豉油就冇以前咁好，太辣，以前佢嘅辣椒豉油辣味剛剛好，唔知點解今次會咁辣😫兩個人都食唔晒,最後將腐竹同埋豆卜打包!呢款雞煲好養生，感覺冇咁熱氣!連埋兩杯嘢飲，買單都只係三百幾蚊，其實好抵因為住得近有時候唔知食咩好都會幫襯呢一間餐廳，但從來未食過佢嘅午市所以唔知好唔好食！雞煲我係推介的👍🏻埋單時要check清楚有陣時會收多咗錢！今次收多咗我一包紙巾！不過我冇去追究！當俾小費😊

罷工來個簡單奔廚，舒緩一下情緒，平衡一下負能量。終於爬到落街食早餐，原來已經晏晝點半，太多白酒太多紅酒。早午餐一剔過，慳時慳錢慳返餐！餐牌寫住睪丸麵？經常睇錯，原來係墨丸麵。黑椒雜扒飯炒底，炒底竟然落勁蔥！硬食三四啖，不停吐出生蔥，太濃烈食唔到呢！蔥花多過蛋，我食唔到蔥架，好心做壞事，靚就真係好靚。飯粒炒得乾爽嚥韌飽滿但無蛋味無蛋香，完全被蔥蓋過所有。幾個大媽新返工嗎？懵下懵下枱號唔知、外賣唔知，淨係比碟炒底，水吧等住個炒底出雜扒，水吧追先知道，攤到雜扒變到微暖。牛扒豬扒碎上？兩款𢲡到勁腍勁咸，味道一模一樣，合埋眼食真係分唔開。微暖油膩午餐肉，可否煎得乾身香脆熱辣辣呢？香腸硬實微暖油淋淋，可否都炸到外脆內嫩熱辣辣呢？荷包蛋整碟最好食，蛋漿撈飯無得頂！慘在要邊食邊吐掉蔥花，最終放棄不吃了。兩位長髮妹妹笑面迎人招乎周到，感覺溫暖。聽到眾多食客叫雞喎，招牌菜？有機會試試。鮮雞湯飯，終於有款出品我十分滿意，真係好得！差點連隻碗都比我吞埋落肚，最衰有少少飯焦。見肥姐趕緊去煲飯，明顯地剛剛食到煲底。鮮雞湯香甜濃郁，滑雞嫩滑鬆軟多汁無肥膏。沾上辣椒豉油更香更惹味更醒胃，損骨好滋味。魚香茄子炆伊麵，加

到底琴晚做咩膠泥？斷膠晒片無膠晒錢，剩得幾雞野係身，銀行要行好很遠喎。百鳥歸巢，白酒、生啤、威士忌、清酒、紅酒、黑啤、IPA Samuel Adams，點都要爬落街食食早餐，好很醉！Hangover 操唔到拳，醉醒左再算。成朝無落雨，食完早餐就落狗屎，無帶遮玩我咩。發夢有幾隻狗狗係都要黏實我訓，扭來扭去搞到我醒左，有咩預言呢？爬起身黃昏的早餐中傅來愕號，收到分手訊息，心情及食慾跌到谷底，分手總要峇里後。見到隔離嘆緊即食麵，搞到我都想食。早前有位四眼哥哥叫福麵，餐牌無寫既？眼見工作氣氛和諧，散發正能量！最怕去到餐廳個個黑口黑臉怨氣衝天，負能量爆燈，食都食得唔舒服！您的待遇如何，您的面口也必如何。頭盔口水佬坐低把口唔停，擘大喉嚨同職員們吹水，到我食完早餐埋單都無停過，您係勁既！隔離個師拉大大聲講野句句粗口，刺耳到不得了！我忘記帶耳筒撞，比我靜靜地安心食個早餐得唔得？我去左邊個星球呀？永發提供地獄伊麵、人間丁麵、天堂福麵。姐姐們服務一流兼熱情，有點受寵若驚難為情啊！其他全部都係阿豬媽，樓面水吧廚房收銀洗碗。凍檸樂，回魂曲。熱奶茶，茶味偏甘苦，鞋鞋地的奶茶，凍左就更粗糙突出。熱齋啡走甜，水汪汪

喺粉嶺上水兜左好耐唔知食咩，本身打算食隔離間雞面，但突然想起好耐之前有朋友講過呢間d雞煲幾好味，於是打算試試。叫左藥膳醉雞煲，嚟到發現成煲都係紅棗同龍眼肉。虛不受補嘅我即刻驚驚地，食親都會病，一係喉嚨發炎，一係牙痛，一係生菲茲。點知今次都唔例外，第二日即刻生兩粒菲茲。😂😂翻黎主題，d鷄好滑，不過唔好sap太耐，否則幾滑嘅鷄都會變鞋sap sap，朋友話佢地點鷄嘅豉油先係精髓，🌶辣椒豉油，賣飛佛！少少甜又真係幾好味！顯得d鷄更鮮，更加突出左食材嘅味道，湯底因為有龍眼肉同紅棗會越煲越甜。兩個人叫左一隻鷄同一份鵝腸，好飽！

—上水係咪出名食雞?! 好幾間出名嘅都以醉雞招徠但係食完一係個身好大浸味 一係醉咗好鬼眼瞓所以都prefer嚟呢到食清湯雞版本鮮雞湯米($43)有次聽到隔離枱嗌走胸?! 原來有得咁樣要求雖然試過雞胸唔嚡 但翼/脾位理所當然地比較嫩滑食雞蘸嗰個辣豉油都係重點之一 甜中帶辣湯底有撒上冬菜 更加惹味 亦會搭上生菜 自我感覺較均衡😋8/10😋——————————————————————永發茶餐廳上水馬會道160號地下

平日好少去上水呢個地方今日有朋友生日佢就話帶我去食一啲好特別嘅火鍋一去到呢個地方法覺人山人海大佬呀大熱天時打邊爐但係都可以入到去呢個餐廳嘅時候我先至知道佢唔係一間普通嘅茶餐廳一間食醉雞專門店我見到人人都係食醉雞煲我就知道呢間鋪頭唔簡單先講佢個湯底充滿酒香味啲雞件大大件鐘有好香嘅酒香味之後我就二話不說將所有計到晒落個煲到然後等佢滾起之後熄火再焗一陣咁樣去啲雞就夠晒滑再加埋辣椒甜豉油真係食完一隻雞有一再加埋辣椒甜豉油真係食完一隻雞又一隻雞

這間鋪大概食了有十幾二十次，由舊店只有五張枱左右的小店，到現在搬到上下兩層，有十幾張枱的店，但是有愈來愈差的感覺。每次必點醉雞鍋，每個火鍋都會送一份生菜，兩個人可以選半只雞，三人以上就要一隻，然後加點其他的火鍋配料，每次都食到好飽！先說醉雞鍋，這個是由好多藥材煮的湯底，有好多紅棗、一點圓肉、黨參和淮山等......之前在舊店可能枱比較少，有足夠的時間把藥材的味道煮出黎才上枱，但是搬了新店沒多久就發現湯底上枱時是未煮好，放食物進去會食到酸味，湯底味道好淡，食不到濃濃的甜甜的藥膳醉雞湯底的味道！所以現在我們會在湯底上枱後再煮一段時間，才放食物，這樣就可以吃到之前的味道！.雞肉是冰鮮的，肉不會太軟，算不錯。雲吞必點，是自家包的，材料是香菇木耳豬肉餡，味道好好吃！其他的火鍋料就是丸、腸仔、豆腐卜等.....沒什麼特別！.價錢相當抵食，人均150左右就可以吃到好豐富！

今晚突然好想食雞煲 諗起上水最出名莫過於永發嘅藥膳雞煲仲要開到深夜3點，真係不二之選今次朋友介紹左一個食法：水煲後熄火焗10分鐘！結果d雞肉真係又嫩又滑岩岩好同埋雞肉好重酒味好鮮，臨尾d酒揮發哂成煲湯就咁飲好補仲有嗌左魚豆腐，老闆話同魚腐嘅分別係炸同無炸嘅分別，口感唔錯，彈牙得來又唔會太膩、之後更係唔少得食煲必須嘅午餐肉，雖然我食唔出係咩牌子，但係間舖勝在唔計成本，大大塊厚切咁上，正阿、最後嗌埋先牛（鮮牛肉），最後食都係佢，有技巧咁淥一淥，唔太生，配埋個辣豉油，ok嘅。為番每碟50蚊到，價錢同品質都相互相成。

同朋友講起藥膳朋友即介紹呢間紅棗花雕雞煲,話好啱手腳容易冰冷嘅女士然後當晚即刻去食兩個人叫左半隻雞再加其他料(私心推介:魚腐)個煲一到有d嚇親紅棗多到唔洗錢咁香味濃郁,忍唔住要飲兩啖先*建議滾後放少少雞,等雞熟後先連湯飲(一開始即刻飲會有少少苦,等佢滾多幾滾d花雕揮發之後就好甜)紅棗嘅甜味,唔係好假嘅死甜飲飲吓會飲左大半煲如果要食牛,最好中後段先放,唔係個湯會濁左最後,呢個晚市只做邊爐,炒粉麵唔做ga！同埋環境嗰d就真係普通茶記,正常無咩問題,服務茶記之中幾好,但如果高要求嘅只能說茶記唔係你杯茶

當日放學特登去飲凍奶茶。奶茶太濃濃到好似咖啡一樣。飲落有少少頭暈。尤其是對我哋女仔嚟講，成個人好唔舒服。變咗陰公豬。黑椒雞扒飯雞扒唔熟，同侍應生講仲俾佢鬧。覺得有少少抑鬱。因為一間餐廳就算野唔好食。服務都要好。

每逢冬天，都係打邊爐嘅好日子！呢度嘅藥膳醉雞鍋最出名，次次都因為佢而黎，每次黎都差唔多檯檯都嗌呢個藥膳醉雞鍋食！岩曬而家天氣可以暖暖胃！呢度啲材料都好夠新鮮同足料，價錢可能比出面任食邊爐可能會貴少少，但根據返呢度嘅質素比較，絕對係物有所值，性價比高嫁！有大量紅棗圓肉等等嘅材料，個湯愈滾愈甜，愈食愈好食！最尾一定要叫公仔麵黎食，撈埋啲湯一齊食真係超正嫁！呢度啲裝修簡單，地方都唔算太逼，都尚算可以坐得自在啲打邊爐！