影片
更多
2020-10-20
491 瀏覽
罷工來個簡單奔廚，舒緩一下情緒，平衡一下負能量。終於爬到落街食早餐，原來已經晏晝點半，太多白酒太多紅酒。早午餐一剔過，慳時慳錢慳返餐！餐牌寫住睪丸麵？經常睇錯，原來係墨丸麵。黑椒雜扒飯炒底，炒底竟然落勁蔥！硬食三四啖，不停吐出生蔥，太濃烈食唔到呢！蔥花多過蛋，我食唔到蔥架，好心做壞事，靚就真係好靚。飯粒炒得乾爽嚥韌飽滿但無蛋味無蛋香，完全被蔥蓋過所有。幾個大媽新返工嗎？懵下懵下枱號唔知、外賣唔知，淨係比碟炒底，水吧等住個炒底出雜扒，水吧追先知道，攤到雜扒變到微暖。牛扒豬扒碎上？兩款𢲡到勁腍勁咸，味道一模一樣，合埋眼食真係分唔開。微暖油膩午餐肉，可否煎得乾身香脆熱辣辣呢？香腸硬實微暖油淋淋，可否都炸到外脆內嫩熱辣辣呢？荷包蛋整碟最好食，蛋漿撈飯無得頂！慘在要邊食邊吐掉蔥花，最終放棄不吃了。兩位長髮妹妹笑面迎人招乎周到，感覺溫暖。聽到眾多食客叫雞喎，招牌菜？有機會試試。鮮雞湯飯，終於有款出品我十分滿意，真係好得！差點連隻碗都比我吞埋落肚，最衰有少少飯焦。見肥姐趕緊去煲飯，明顯地剛剛食到煲底。鮮雞湯香甜濃郁，滑雞嫩滑鬆軟多汁無肥膏。沾上辣椒豉油更香更惹味更醒胃，損骨好滋味。魚香茄子炆伊麵，加
黑椒雜扒飯炒底，炒底竟然落勁蔥！硬食三四啖，不停吐出生蔥，太濃烈食唔到呢！蔥花多過蛋，我食唔到蔥架，好心做壞事，靚就真係好靚。飯粒炒得乾爽嚥韌飽滿但無蛋味無蛋香，完全被蔥蓋過所有。
幾個大媽新返工嗎？懵下懵下枱號唔知、外賣唔知，淨係比碟炒底，水吧等住個炒底出雜扒，水吧追先知道，攤到雜扒變到微暖。牛扒豬扒碎上？兩款𢲡到勁腍勁咸，味道一模一樣，合埋眼食真係分唔開。微暖油膩午餐肉，可否煎得乾身香脆熱辣辣呢？香腸硬實微暖油淋淋，可否都炸到外脆內嫩熱辣辣呢？
荷包蛋整碟最好食，蛋漿撈飯無得頂！慘在要邊食邊吐掉蔥花，最終放棄不吃了。兩位長髮妹妹笑面迎人招乎周到，感覺溫暖。聽到眾多食客叫雞喎，招牌菜？有機會試試。
鮮雞湯飯，終於有款出品我十分滿意，真係好得！差點連隻碗都比我吞埋落肚，最衰有少少飯焦。見肥姐趕緊去煲飯，明顯地剛剛食到煲底。鮮雞湯香甜濃郁，滑雞嫩滑鬆軟多汁無肥膏。沾上辣椒豉油更香更惹味更醒胃，損骨好滋味。
魚香茄子炆伊麵，加凍齋啡只需 $42蚊，平到我唔敢相信！量份重手免強食晒，飽飽飽。奈何油了一點點，食完有少少反胃。味道調配得宜，伊麵滿分無從挑剔，香濃嚥韌滑彈，等得耐都值！我討厭芽菜架，點解要放芽菜？好采芽菜味還未污染全部伊麵，只有極少部份有微弱芽菜腥味！茄子爽爽結實，我愛軟棉多汁的。大埔鹿鳴居最高質，沙隴也不錯，上水馬仔記、新天地都食得過。
時菜肉片炒河，罕有地用唐生菜，有趣有趣。河粉帶著強烈紙皮味及布味，用布包住？用紙皮墊住？炒得完整健全無散筲筲碎濕濕，甜甜蠔油味濃十足紅燒汁。整體不錯，鑊氣勁一點會更正。超級抵食平到笑，$40 蚊有找仲有凍齋啡飲。
涼瓜鮮雞飯，份量十足，雞多瓜多飽飽！苦瓜甘味突出，嚥韌輕爽微汁。有骨雞件未能跟涼瓜撈飯直接同時入口，唯有咬啖雞肉才跟涼瓜撈飯會合吧！雞嫩可口帶著惹味豉汁，美妙。
咖哩鮮雞飯炒底，兩舊背脊骨杉杉無肉食，一舊雞胸鞋烚烚，一舊雞髀肉合格，一隻雞翼尖，完。懷念早前涼瓜鮮雞飯，多雞多瓜喎。炒飯高質乾爽嚥韌有鑊氣有蛋香，咖哩油基本茶記普通中的普通。汁還汁雞還雞，雞無肉食，當自己食緊淨咖哩撈炒飯個心會好過一點。
豉椒排骨飯炒底，排骨千年醃，骨肉已經變成瘀啡色，味道咸濁不鮮不甜，幸好還有肉味。紅椒青椒夠熟夠熱，爽脆鮮甜水潤比排骨更好食！豉椒汁隱若有點澀味，絕對不是因為我未刷牙！炒飯頂級非凡，有鑊氣有蛋香有油香，落味可口吸引。唔食唔食還需食，最終搭肉搭椒全部清掉，最衰個炒飯太美味啦！
乾燒伊麵全走，乾宵依面走蔥走芽菜走韮黃無得頂！迅間送上，師傅只用幾分鐘就已經完成，鑊氣野蠻噴著煙！顏色亮麗吸引，炒功深厚每條平均地沾滿醬汁。演繹就濕一點點，味道就濃一點點，伊麵質感一流嚥韌彈牙，優質一流熱辣辣！估不到給我大伊麵，不是湯的細伊麵，份量夠我飽飽滿足。我喜愛的長長長麵條，完整不短不散碎長啜長有，食得暢快一氣呵成使我心花怒放。
粟米斑腩飯炒底，以我認知依堆係斑塊，唔係斑腩呢！我要真正的斑腩。不過見餐牌只有斑腩，即係只會供應依款？粟米斑腩跟炒飯底分開上，使炒飯保持乾爽，喜歡少汁少汁可自我調較非常貼心。頂級黃金炒飯高質，師傅功力深厚鑊氣撲面香噴噴。
先來一小啖斑塊，用鐵羹切下，奇怪的手感傳來，立刻直接塞入，好得好掂好好食，直頭高質美味過絕大部份餐廳炸魚薯條！新鮮即炸無偷懶，薄薄炸漿鬆脆無限，包著濕潤嫩肉滴著魚汁，咸鮮魚甜無得頂，絕對的色香味俱全！年少時做快餐廳所有斑腩都係炸定放雪櫃，有單才翻炸馬虎出貨就算。濃稠甜甜粟米忌廉汁抱著脆嫩斑塊躺在飽滿嚥韌蛋炒飯大大啖釀到嘴裡，好食到想講粗口呀！
黑椒雞絲炒烏冬，份量堅太大兜，兩三包即食烏冬！強烈黑椒味，真係辣喎！香噴噴熱烘烘乾炒清爽均勻，每條染成亮麗光澤啡黑色，完整無缺長長彈彈靚烏冬，夾著蒜味濃郁滑滑鬆軟雞扒條，啜得暢快飽飽滿足。
窩蛋免治牛肉飯炒底，忘記叫走蔥嚇死我喇！好采嬸嬸主動話幫我換過碟走蔥再炒多次，感激涕涕，多謝多謝。雖然不是黃金炒飯，只得丁零蛋碎，不過師傅炒功深厚，香噴噴帶野蠻霸道的鑊氣，撈起汁來份外興奮。明月照溝渠？明月照醬油先正確。厚薄均勻黏黏，豉油味突出，濃濃味道要趁熱食，越凍越咸呢！半飯半汁就剛剛好，我衝動地一滴不漏全部淋晒撈飯，啖啖勁多汁有點偏咸咯。豉油汁撈炒飯！肉碎少得可憐，大海撈針之感，無咩肉食有少少雜豆。窩蛋免治牛肉飯？唔係茄汁肉醬的嗎？因為主角係窩蛋？頭幾啖有滑滑蛋汁最好食。
回鍋肉炒出前一丁，什麼牌子回鍋肉？竹筍爽嫩噴汁水潤，不過略咸一丁點。豬肉比較少，乾乾香辣鬆化。師傅炒功堅得有料到，顏色絕對均勻每條麵都染成亮麗淺啡色，明顯不是淨用回鍋肉炒，有加色加味，豉油皇底。炒得乾爽彈牙，鑊氣強而有力，味道頗重，除香辣外還有濃厚生抽老抽味道，好食就好食，但不時要飲啖可樂醒醒味蕾。
肉醬意粉，依家豬肉真係好貴，肉醬意粉？肉碎意粉？好鬼甜好鬼陰沉的罐頭茄汁味，兒童餐感覺。意粉入口熱熱滑滑，趙落粉粉黏黏，拖著大量勁甜茄汁連丁點肉醉及鮮茄粒跣入，唔難食既。最後都剩下大量茄汁，我記得係肉醬意粉，唔係茄汁燴意喎。
煎蛋叉燒飯，竟然無豆腐火腩飯，無得浪漫就唯有黯然銷魂飯。叉燒強差人意鞋硬瘦柴，微波爐叮叮味道，瘀啡顏色，沾埋甜豉油炒飯連煎蛋，整體唔難食但一次收皮。何解全熟蛋不是荷包蛋？蛋汁都無滴點去撈飯。勝在熱到燙嘴，油油滑滑撈飯蠻可口。轉眼分開幾年，夢中再見，驚醒！
生炒牛肉飯，越簡單越顯得師傅功力，油鹽雞蛋碎牛白飯！鮮氣鑊氣霸氣暴走，油香蛋香肉香飯香，肉跟飯均嚥韌飽滿新鮮出爐滾熱辣，唔覺意清得一粒飯都無剩！
黑椒雜扒飯炒底
109 瀏覽
0 讚好
0 留言
黑椒雜扒飯炒底
72 瀏覽
0 讚好
0 留言
黑椒雜扒飯炒底
37 瀏覽
0 讚好
0 留言
鮮雞湯飯
36 瀏覽
0 讚好
0 留言
鮮雞湯飯
22 瀏覽
0 讚好
0 留言
魚香茄子炆伊麵
15 瀏覽
0 讚好
0 留言
魚香茄子炆伊麵
18 瀏覽
0 讚好
0 留言
時菜肉片炒河
14 瀏覽
0 讚好
0 留言
涼瓜鮮雞飯
24 瀏覽
0 讚好
0 留言
咖哩鮮雞飯炒底
20 瀏覽
0 讚好
0 留言
咖哩鮮雞飯炒底
21 瀏覽
0 讚好
0 留言
豉椒排骨飯炒底
16 瀏覽
0 讚好
0 留言
豉椒排骨飯炒底
18 瀏覽
0 讚好
0 留言
乾燒伊麵全走
19 瀏覽
0 讚好
0 留言
乾燒伊麵全走
21 瀏覽
0 讚好
0 留言
粟米斑腩飯炒底
26 瀏覽
0 讚好
0 留言
粟米斑腩飯炒底
28 瀏覽
0 讚好
0 留言
黑椒雞絲炒烏冬
31 瀏覽
0 讚好
0 留言
炒飯底
18 瀏覽
0 讚好
0 留言
窩蛋免治牛肉飯
49 瀏覽
0 讚好
0 留言
窩蛋免治牛肉飯
21 瀏覽
0 讚好
0 留言
回鍋肉炒出前一丁
34 瀏覽
0 讚好
0 留言
回鍋肉炒出前一丁
19 瀏覽
0 讚好
0 留言
肉醬意粉
26 瀏覽
0 讚好
0 留言
肉醬意粉
22 瀏覽
0 讚好
0 留言
煎蛋叉燒飯
15 瀏覽
0 讚好
0 留言
煎蛋叉燒飯
14 瀏覽
0 讚好
0 留言
生炒牛肉飯
13 瀏覽
0 讚好
0 留言
張貼
