永發茶餐廳

同職員落單 "雞走胸+肥牛" ，然後黎淨胸，同職員反映。佢答唔關我事，我落走胸，我淨係負責落單，佢唔係負責煮。其實呢間樓面職員態度惡劣都唔係第一次，兩星期前，佢落錯嘢飲就話係客人問題，成張落單紙掉喺枱面叫我地自己落。仲有佢呢間餐廳係唔會換白色膠枱布，但仲有上手d辣椒豉油。😂香港餐廳點解無生意，全賴有您。想一肚氣就黎挑戰下🙄🙃…查看更多

#北區小店非科技湯底雞煲上水北區藥膳雞煱，日間是茶餐廳，晚間是主打藥膳雞煲秘製藥膳湯底另有清湯底再加上兩款size的雞選擇，可以另外再加錢配花雕加濃藥膳酒味，2人每次必定叫肥牛肉及大雞有秘製豉油，店內凍飲啤酒汽水非常冰凍，亦都有奶茶咖啡，我帶酒過去沒有收開瓶費自己比較喜歡坐樓上冷氣夠凍，樓下就少少熱，正常星期五六六點左左右右都八成滿座留意返店內自修現金，或是支付寶其他支付系統不接受每個月都會再來，因為香港好難得有咁惹味嘅足料藥膳雞煲👍👍🐔…查看更多

以前喺上水做嘢都經常去呢間茶餐廳，呢間茶餐廳好搞笑，好似全部員工都有親戚關係，餐廳最出名係雞，夜晚雞煲火鍋，日間就雞飯雞米粉，但其實佢有好多嘢食，咁多年嚟我都只食炒粉麵飯，原因係佢用料足，唔會好似有啲餐廳炒飯真係得飯。今日路過，我要食雞米，最後我叫咗雞河粉，河粉正常應該係交貨嚟，雞份量好多有7件，幾乎每部分都有好均勻，雞滑好食有雞味，湯底清清地好飲，辣椒豉油又係必要，辣得嚟香甜，每樣嘢都比普通好食高一點點，並沒有驚為天人嘅味道，就係有值得一試嘅平凡。…查看更多

熱辣辣的新鮮蕃茄及洋蔥，意粉仲要炒過，豬扒打得很鬆，出餐時還飄出陣陣香煙，十分美味$48連凍檸茶，在星期天的下午，這價錢有這品質的食物，真是十分推介。還有這餐廳的鮮雞湯米也十分吸引🤩…查看更多

今日上水天氣好熱🥵，但我都要行去食。一入到去好彩冷氣非常充足，大熱天時最怕就係冷氣唔夠。平時我都係晚上食藥膳打邊爐，今日聽同事講有間食lunch,好食又抵食😋今日我叫左招牌雞湯河+熱奶茶 賣單只係$48招牌雞湯河-雞又嫩滑，雞河又清甜，天氣甘熱我都飲曬啲湯，最欣賞就係自家製辣椒豉油，鐘意食辣一定要試。😜奶茶黎講，不過不失，而家食河粉包埋奶茶，賣單只係$48，在上水好難食到，又有水準👍🏻下次我都會再去食🤭…查看更多

上水名物永發藥膳醉雞鍋🙊住附近既都識👦🏻👩🏻🧑🏻👨🏻👵🏻🧓🏻已經食過好多次醉雞煲,配料十足,又香又好味雞件大件 啖啖肉😋😋真係抵我九龍都專登到訪食幾次仲有自家調製辣椒豉油，係精粹‼️‼️性價比又高,如果中意濃d花雕酒可以加$10/杯疫情果陣無堂食,, 我都有買過返屋企,外賣質素都唔差,重要係亦都有自家調製辣椒豉油,屋企食仲可以自己再加花雕酒同冰糖😝注意⚠️晚上6點開始先有醉雞鍋,,…查看更多

周六晚上八點，4位不需等位已經可以直入。對比疫情前，已經少了很多人流。以前不光是食物好食，也是光顧人情味，現在完全已沒有了。門口位置因近著打開的大門太熱，便問店員有沒有其他位置，店員表示樓上有位。到上了樓上，一位操普通話店員，強把坐位空間只預二人坐的枱給了我們4人，坐下後是枱貼著身口，背貼著後面的食客。現場仍有3~4張空枱較寬敞，也有房間4人枱，但這位店員除了堅持不給換枱，亦同時遷怒於食客帶來麻煩。雞煲質素亦沒有以前好，醉雞煲酒味欠奉，需要額外加酒才夠味。配料亦是普通質素，從前是食湯底的精髓，現在各樣水準也下降。食物再好食，態度如止差劣，都不會再光顧。…查看更多

天氣驟降突然好想食熱騰騰的食物, 例如雞煲、邊爐、燒肉, 烤魚之類。 當搵緊食邊間餐廳之際🤔突然醒起新界上水有一間醉雞煲十分出名尤其餐廳秘製的辣椒豉油更是一絕😋。 餐廳在北區可算是一間老字號, 早上七點至下午四點半跟其他茶餐廳一樣提供早午下午茶餐選擇, 但過後時段是主打雞煲邊爐為主。餐廳設有兩層裝潢設計跟舊式冰室差不多, 樓上的座位較逼及相對熱鬧。 🐔馳名醉雞鍋🫗🍲一入座時店員已相當有效率立刻遞上藥膳鍋底及雞件和生菜。 每份雞煲會奉送一份生菜, 如果嫌雞煲花雕味不足可加錢購買多一杯酒。雞份量有大細之分如三個人以下建議選擇細份量就足夠了, 因為雞件切得都幾大件仲好厚肉的👍🏻。鍋底的紅棗份量十足滾起時濃濃的紅棗味感覺似煲緊紅棗水反而失去了部分花雕酒味😅。（水滾時是落雞件的好時機）等大約十五至二十分鐘再滾時就可以進食。 雞件肉質相當嫩滑及新鮮完全沒有冰鮮雪味道, 再沾上餐廳秘製的辣椒豉油更是能令味道提昇到另一層次👍🏻。 不過有一點我覺得美中不足的地方是餐廳的邊爐配料較少及沒有特色, 但勝在價錢親民是一個聚會的好地方。…查看更多

永發出名雞煲就街之巷聞，反而想試下其他小炒又出唔出色😝 見到其他食客都有叫炒飯底，梗係唔執輸叫返一個炒飯底😋⭐椒鹽豬扒飯+炒底椒鹽豬扒份量好多，肉質又夠淋炒得香之餘仲要夠晒鑊氣👍🏻配炒飯底簡直一流，飯炒得乾身同粒粒分明，又香口食起上黎更加正⭐辣椒豉油🌶️自家製辣椒豉油，先係主角😂成碗都係辣椒，辣得黎又有鮮味，鐘意食辣既一定會愛上😍⭐凍奶茶間間茶餐廳沖出黎既奶茶都會唔同味，而茶底係好重要❗ 呢杯奶茶茶底夠香又沖得好滑，飲落去甜度仲要岩岩好👍🏻📍永發茶餐廳(上水)上水馬會道160號地舖…查看更多

全香港最正嘅辣豉油。1715左右到店，坐低前問咗服務員仲有冇雞米，同下午茶，好彩仲有，因為見佢哋已經鋪晒枱準備晚市，已經有一段時間沒有過來，雞今次有啲失準，份量呢舊大大份，最正就個辣豉油，會食上癮。期待下次。 豬扒炒公仔麵 雞米 鮮茄豬扒飯 …查看更多

來到上水必食！ 佢嘅雞煲係我食過數一數二出色嘅雞煲特別係佢嘅藥膳醉雞湯底！ 必點！ 感覺好養生食物絕對稱得上高質！ 可以配不同我火鍋配料例如肥牛/生根 不用調味料都能食得出食材高質仲要上水雞飯好好食 個湯有夠味配埋佢獨特調味料一流仲要雞份量好多 仲要只係$50 😭😭😭令人想一試再試…查看更多

想食醉雞 一唸就一定係呢間永發雞煲！食過咁多間醉雞 都係覺得呢間係最好味😋所以都會特登入上水食！今次兩個人 叫左細雞，照舊都會附送一碟生菜🥬。呢到最好味既食法一定係水滾落雞，再水滾熄火，焗10分鐘就食雞先😋😋。啲雞係肥美嫩滑🤭🤭🤭超正，再點埋呢到既辣甜豉油，一流！呢到既辣甜豉油亦都係吸引到我黎食既原因，有別於其他店舖既調味。👅👅食晒所有雞之後，我會飲一碗湯先，因為呢到湯底酒味都幾出，加上海量紅棗龍眼，有鮮甜味，講起都好想再去食👍🏻👍🏻。之後再點水魷魚鵝腸雲吞，雖然其他配料質量好普通，但雞加湯底已經蓋過其他配料😋😋。所以下次都係叫大雞食👅👅。總括而言，黎上水一定要試呢間雞煲，儘管環境同服務都一般，但雞真係吸引到再次回頭🤭🤭…查看更多

【北區】【永發茶餐廳】一向我都被冠以「茶記 Foodie」嘅稱號，不過其實大家細心一睇，都見到已經有唔少非茶記嘅 post 出現咗。而今次大家劈頭第一吓見到又係「茶餐廳」就選擇直接 skip 咗佢嘅話，咁就可能會 miss 咗啲潛在啱食嘅嘢喎。咁我講到咁，今次就梗係唔係嚟茶記食常餐咁簡單。夜晚嚟到，見呢度都爆晒，枱枱都喺度嘆緊一鍋嘢，原來呢度個個都係嚟打邊爐。朋友夾我嚟，係食呢間餐廳嘅「馳名醉雞鍋」，我哋叫咗 $220 嘅「大雞」，送碟「生菜」 。咁啲雞都幾好，大 size 嚟講都幾多肉。個湯都幾重醉雞味，雖然同自己食過嘅最濃版本有一段距離，但係呢個其實已經相當唔錯。我哋仲叫咗碟 $128 嘅「美國安格斯肩胛肥牛」，得幾片，不過質素唔錯，唔會話好唔抵咁。其他火鍋配料方面，每樣嘢都有自己價錢，不過原來可以雙拼，有啲款 $50，有啲款 $60，我哋叫咗兩次都係 $60 嘅。分別係「自家雲吞拼魚皮餃」同埋「水魷魚拼鵝腸」，個雲呑同鵝腸都幾好，其他兩款都正常唔差。佢哋始終係茶餐廳，可以用 $19 叫茶記嘢飲，我哋各叫咗一杯「凍檸茶」，飲住茶記飲品打邊爐都好特別。之後仲用各 $16 叫咗「可樂」兩罐同「可樂 Zero」，咁樣夾夾埋埋就 $554，原來冇加一喎，咁就抵食咗，好似打咗折咁。。。（地址：上水馬會道160號地下）…查看更多

老店藥膳醉雞煲-永發茶餐廳📍上水馬會道今次介紹大家食藥膳醉雞煲我哋兩個人就叫咗- 半隻醉雞🐓- 一份肥牛🐂- 一份午餐肉🐖拼魚皮餃🐟- 送咗一碟菜🥬- 叫咗一支新力青啤🍺醉雞鍋裏面嘅藥膳非常足料🍲大家都睇到相片啦仲可以飲埋啲藥膳雞湯🫕醉雞🐓新鮮兩個人食再叫多一兩個喜歡嘅配料已經好夠食我哋都比較大食😹普通人其實可能半隻雞已經足夠因為你仲可以飲埋佢啲湯🫕再配返一支新力青人間享受啤酒之中呢我就最鍾意飲新力青🍻實在覺得佢清甜 而不會頭痛適合平時少飲酒嘅人其實我都係一個愛酒之人間唔中 淺嘗囉😸呢到對的黎講 係一個充滿 回憶 和 愛的地方佢唔係一個高級嘅地方或者有情調嘅地方佢卻係我同佢初次約會嘅地點如果有愛 佢帶你去邊度都會係美好回憶情感滿分💯係愛呀❤️❤️❤️❤️❤️❤️❤️❤️❤️…查看更多

平時都在這間餐廳吃新鮮滑雞飯或者新鮮或滑雞米線，但今日興之所至，一班同事來這裏打邊爐，點了最出名的醉雞煲。醉雞煲勁多紅棗，侍應在我們面前倒了大量肇慶酒。 等湯底滾起後，我們把滑雞倒入鍋裏面， 由於我們平時午餐都吃這裏的滑雞，所以今餐的滑雞沒有令我們失望。 點滑雞煲會附送生菜一碟。比起滑雞，我更喜歡這裏的辣椒豉油，不只有辣，亦有麻油調味，香而且辣。其他火鍋配料例如牛柏葉，墨魚滑，竹笙，鮮牛，肥牛，烏冬，鵝腸等都是正常發揮。…查看更多