永樂餃子店

營業中

休息中

曾經成日幫襯外賣，餃子店老闆都好好態度，但原來員工落錯單餃子店老闆就態度惡劣重鬧返客轉頭。今日lunch堂食，同枱友人本身嗌海鮮餃（貴過其他餃）點知嚟咗雙拼，一同老闆反映佢第一個反應係話賣晒海鮮餃所以轉咗俾我朋友🤯。（首先好明顯係落錯單但老闆唔認，其次賣晒唔同我講就轉隻平啲嘅俾我可以咁做生意㗎咩？！）之後落單個員工又死口唔認落錯重話返我哋轉頭，老闆突然大大聲鬧我同我朋友「咁你哋想點呀！」😦落錯單重惡人先告狀原來所謂嘅💛良心小店係咁嘅。我忍唔住問下咁而家可以點。正常餐廳落錯單都會講聲對唔住然後提供解決方法，點知老闆繼續大大聲指住我朋友鬧：「咁你都食咗啦！」我問老闆唔食又點知嚟錯，佢竟然轉身大大聲話「咁我點知你想點！我好忙㗎。」老闆鬧咗我同我朋友幾次問我哋想點，首先唔明點解餐廳落錯單唔係餐廳提供解決方案要個客諗，唔通我講咩你都接受？平時出街食飯餐廳落錯單都會換返啱，但老闆竟然話到明已經食咗唔會補返啱果隻餃，咁即係得返退錢可以揀，咁點解重要狂鬧我哋。😡計返原來只係爭果幾蚊，老闆最後退返幾蚊，唔明點解我哋要因為餐廳自己落錯單俾人鬧，打工仔連食個飯都要受餐廳氣🤬🤬真係慘過食十舊屎。我同我朋友都😦

Lunch 好想食餃子，就去左上環的永樂餃子店，lunch時間唔洗排隊，嗌左5隻鮮肉白菜餃拼麵。麵係正正常常的，湯底無咩特別，係無味精的，食完無話狂飲水，好口渴咁。不過個人不喜歡餃子🥟餃子味道有點奇怪，唔太好吃。個人認為餃子皮不太厚，但肉餡味道些少奇怪，佢唔係唔鮮或都有臭味，食落有啲似杏仁霜味!?（個人不喜歡食杏仁霜的）好奇係用左咩調味😂😂餃子店價格係中上環區相對便宜，餃子口味就不太適合我了。

未去過咁差的地方, 而且，實際情況係完全相反1) 服務極差, 態度惡劣，趕客趕客趕客!!!! 非繁忙時間未坐滿情況下，也在你坐下後，在等待黑面服務員落單， 服務員 黑面強行要你調位2) 花膠湯淡而無味，完全冇味道3) 餃子size算大,  餃子皮也非常的大，皮又硬又厚，而且多出很多皮總結，附近大把地方選擇，為什麼要去一間又唔好食, 又要受氣的店舖食，真係冇下次，backlisted，無野食都唔會再去食

眾所週知 中上環食飯真係好貴🥲🥲 食個茶記都可以六十幾七十蚊🫠 糧尾既時候有時真係好想搵啲平平地又飽肚既野食🫣自從遇到永樂之後 我同同事們間唔中就去食～👻✨羊肉餃💲 57 （淨餃8隻）本身以為8隻餃子可能唔夠飽 但係永樂啲餃子真係好大隻！😚 再加上餃子皮老實講都真係幾厚下🥲 所以男同事們可能都夠飽🤔 雖然無影到羊肉餃 但係私心最推就係佢😋 因為永樂啲餃子皮厚 所以最出名既鮮肉紫菜餃等等都比較淡味 對我黎講全部差唔多味😹 （不過點豆瓣醬就會好味好多～🦭）但係羊肉餃咩都唔點 個味都好出 但係又唔會有羊騷味～😚 永樂湯餃湯底有花膠淮山豬骨湯同重慶酸辣湯揀🫶🏻 我就無試過酸辣湯喇 但係花膠淮山豬骨湯真係好正！據稱無味精既湯底超鮮甜 我每次都會飲曬成碗㗎🥹 其實比起餃子 我更加係因為個湯底而不斷幫襯😋永樂部分餃子5隻餃+麵淨係要45蚊 中上環返工又糧尾既大家不妨一試啊😚

呢間上環禧利街既餃子店其實小編路經多次但一直未有特別想去嘗試，直至有次朋友話佢呢間啲餃子🥟好大隻好好味，個湯仲要係可以飲因為用花膠滙山豬骨湯煲架🤩【 雙拼餃子：鮮肉粟米餃 拼 鮮肉紫菜餃 】$52每隻餃子真係熱辣辣大大隻，鮮肉粟米餃粟米好甜，好好咬口！而個鮮肉紫菜餃既紫菜真係好香好出色！個湯都好甜！應該都唔少骨膠原❤️小編心諗早點試過就一早享受到呢個美食，畀佢門口唔吸引既圖片呃左我😂應該一早就要食佢啦咁好味！

無意中經過上環見到一間餃子小店，覺得好吸引就入咗去🤣🤣今次叫咗兩個淨餃子~分別係鮮肉紫菜餃子同羊肉餃子🥟鮮肉紫菜餃子感覺普通，之前食過另一間嘅紫菜粟米鮮肉好食啲~下次未必會再叫 🌟羊肉餃子 超級推薦，好特別之餘味道好出 但唔會有羊臊味👍🏻👍🏻好食嘅程度係之後買咗一打生羊肉餃子返屋企俾爸爸🤣🤣🤣另外不得不提佢哋個湯底，完全冇味精 感覺好好好舒服👍🏻👍🏻配豆瓣醬同醋 啱晒唔同人口味🥟🥟

記得以前在上環返工，最快樂的事就是每天找貼地美食。轉眼間已經過了多個年頭，而我仍然喜歡貼地美食。「永樂餃子店」是我仍然念念不忘的其中一間小店，不靠打手，不作宣傳，只靠口碑，可想而知其實力。今天巧遇上老闆和他傾左幾句，得知他如何保持食物品質和不開分店的原因。一間人情品濃的小店，相當值得我們支持的。花膠淮山豬骨湯底雙拼餃子$52鮮肉雲耳椰菜餃雞肉冬菇木耳餃我先喝一口標榜無味精「花膠淮山豬骨湯底」比以前淡口左，但仍喝到鮮味。餃子是厚皮類，不易穿；大大隻彎月形，食八隻肯定夠飽。鮮肉餃味道較濃；鷄肉餃味道柔和，同樣也有肉汁，肉的比例多，各有千秋。我極速將餃子和湯也吃光，老闆也過來給我一個讚。

周末遠征上環！諗住見到咩就食咩，但竟然好多鋪頭都冇開🥹又唔想食茶記😮‍💨見到呢個餃子店乾乾淨淨🙈二話不說即刻入去醫肚先🛎 $50 鮮肉紫菜餃（淨餃8隻）紫菜餃比較少見，而且係店員大力推薦我地就叫黎試下🙈真係冇失望👍🏻紫菜味好香豬肉同紫菜唔會搶味，幾夾！餃子每隻都好足料脹卜卜而且係新鮮包，終於唔係食平時屋企煮個啲雪藏餃，好感動😭🛎 $45 雞肉冬菇木耳餃（配米線）揀左呢款餃因為我中意木耳個口感令湯餃淋得黎又有啲爽脆👍🏻想讚下個湯底 - 花膠淮山豬骨湯❤️我飲曬成碗都唔口渴（見最後張圖）真係冇味精🤤清甜得黎又唔會太淡仲要有啲骨膠原既感覺，女士們要試試佢😳🛎 $23 酸辣土豆絲唔太辣～酸味為主，亦酸得適中好開胃，而且邊飲湯邊食呢個土豆絲都會令我越飲越多🤣🌐 環境/服務店員非常熱情推介，亦都好誠實😂（佢叫我唔洗試酸辣湯）周末下午去係冇咩人，可即入～如果去開上環唔知食咩就試下佢啦😚

餃子有很多不同餡料可以選擇，如果唔知點㨂好，只需加$2就可以要雙併水餃，啱晒想多試唔同口味的人。無論是5隻餃子配麵或8隻淨餃子，價錢都是一樣（羊肉餃或海鮮餃例外）餃子每粒都漲卜卜，餃子皮都偏向厚身，餡料好多好豐富。鮮肉紫茶餃：紫菜味好香濃，味道好香口，而且口感好特別鮮肉咖喱薯仔餃：香口，意想不到的夠味鮮肉韮菜餃：韮菜略為唔夠香，可能炒嘅時間唔夠大讚的是湯底，花膠准山豬骨湯，鮮甜入味，飲完完全唔口渴，連飲品都不用點。難怪我見其他食客都將湯全部飲晒！

睇完 openrice comment 第一次幫襯，目標明確，為咗個豬骨湯及紫菜餃而來。個人喜歡吃韮菜餃，店員推介下，試埋紫菜餃，點了個雙拼韮菜加紫菜，另外要多杯豆漿。先讚賞下杯豆漿幾夠濃，又唔太甜。餃子大大隻，餃子皮係偏厚有嚼頭，不是薄皮類型，十分軟滑。韮菜餃餡料豐富，菜肉比例均勻，調味剛好不太咸。而店員重點推介嘅紫菜餃，坊間少見，食落真係幾特別，味道偏甜，如果本身鐘意食紫菜真心值得一試。最後要講下個花膠淮山豬骨湯，真材實料，飲晒全個湯先走。讚賞下店舖堂食無使用即棄餐具，十分愛地球。

呢間永樂餃子店嘅Menu同荃灣餃子屋嘅十分相似，連湯底都一樣係花膠淮山豬骨湯同酸辣湯。我叫左：鮮肉紫菜餃+雞肉木耳冬菇餃 (淨餃雙併，$50)餃子好大隻，仲大隻過個湯殼😂餡料算多，塊皮幾滑但都幾厚。花膠淮山豬骨湯 (6/10)： 飲到湯底有少少鮮甜，相信真係無落味精，但唔算話好好飲，如果再濃郁啲同甜啲就更好鮮肉紫菜餃 (6/10)：咬開紫菜味好香，入面仲有爽甜嘅椰菜，菜嘅比例比肉多，但就冇肉汁雞肉木耳冬菇餃(6.5/10)：呢款嘅雞肉餃嘅味道比紫菜餃濃啲，有一絲絲嘅木耳，但食唔到冬菇，可能切得太碎一路食嘅時候難免同餃子屋比較，呢間整體口味較清淡，食完覺得有啲寡同埋口淡淡咁，如果某一餐想食得清清地嘅話，呢間餐廳係幾適合。

3/5Nice little dumpling shop. I don’t usually like thick wrappers but theirs wrappers is nicely firm, smooth and chewy. Filling flavours is not bad and the soup broth as well.

鮮肉韭菜餃小編覺得係最好食😋餃子包得配料好實淨～食落啖啖肉之餘韭菜味香👍味道適中好夾鮮肉香菇粟米餃一咬好香菇味～粒粒粟米好香甜～好食😋鮮肉香辣餃辣味有小小特別～好辣又唔係～但配落鮮肉度唔係好夾羊肉餃食落唔算好重羶味～羊肉餃都可以一試😃(唔係好羶炸不過食唔到羊唔好試)😂好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:小編都唔只食過一次～特別要讚佢個湯底～好香濃順口～唔似味精湯好好飲～同餃子真係好夾💯

又到中午放飯時間，今天走到了上環的永樂餃子店，門面是一個經典的中菜式招牌，紅底金字非常大氣😄 內在裝修都用了紅色做主導🟥例如仿紅磚的牆紙和膠椅，變回一家比較家常貼地的餃子小店，不過這裏實是一家良心小店💛為社區亦不遺餘力，店員態度親切 作為一家餃子專門店，他提供了十多款餃子📜絕對能滿足不同喜好需要的食客，湯底可以選擇無味精的花膠淮山豬骨湯或重慶酸辣湯😋 我選了較新穎的鮮肉芝士餃配湯麵外賣🧀麵底較為軟身但頗掛湯🍜豬骨湯湯頭清甜有膠質，不會重鹹，餃子有拉絲效果，鮮肉調味適中🥟

琴日fat boy去咗上環試吓永樂餃子店😋雖然間舖睇落好平民，但佢d餃子真係整得好好食👍🏾絕對係我心目中全港最好食餃子list嘅其中一間⭐️鮮肉韭菜餃5隻 + 重慶酸辣米線 $50 鍾意食厚皮嘅朋友絕對要嚟試吓☺️佢個餃皮整得好厚、好實同好滑，好有口感😍😍再加埋入面勁嘅多韭菜，同埋醃到好香嘅豬肉，一啖一啖咬落去，真係食唔停口，好滿足👍🏾至於個酸辣米線就失色咗少少，唔係想像中嘅味道，下次可以淨係叫8粒餃就得🫶🏾⭐️ 鮮肉紫菜餃8隻 （花膠淮山豬骨湯）$50朋友就叫咗紫菜餃，呢個餃都好正💕紫菜有好多，鋪滿咗成隻餃，而且咸咸哋，好入味😻特別一提，呢隻紫菜唔係日式style，而係有d似中式嘅菜乾😝至於個湯就中規中矩，我鍾意餃掂嘅狀元湯多d