永樂餃子店 (已結業)

睇完 openrice comment 第一次幫襯，目標明確，為咗個豬骨湯及紫菜餃而來。個人喜歡吃韮菜餃，店員推介下，試埋紫菜餃，點了個雙拼韮菜加紫菜，另外要多杯豆漿。先讚賞下杯豆漿幾夠濃，又唔太甜。餃子大大隻，餃子皮係偏厚有嚼頭，不是薄皮類型，十分軟滑。韮菜餃餡料豐富，菜肉比例均勻，調味剛好不太咸。而店員重點推介嘅紫菜餃，坊間少見，食落真係幾特別，味道偏甜，如果本身鐘意食紫菜真心值得一試。最後要講下個花膠淮山豬骨湯，真材實料，飲晒全個湯先走。讚賞下店舖堂食無使用即棄餐具，十分愛地球。