永樂餃子店

營業中

休息中

有冇鍾意食厚皮餃子嘅朋友呢？如果你係推薦你試下上環呢間良心餃子店，佢嘅花膠淮山豬骨湯都幾岀名。Lunch time有唔少人幫襯，但提提大家盡量堂食，小店嘅做法係先岀堂食再做外賣，買過兩次都等左超過廿分鐘，仲見過有客話等左超過半個鐘入去理論，但堂食就好快上菜，希望店家改善吓啲安排。🍽鮮肉香菇粟米餃(5隻)配米線 ($43)🍽鮮肉芹菜餃(8隻) ($48)餃子餡多大大隻，餃皮厚但煙韌，粉感唔重。細食嘅朋友可以叫5隻配米線或上海麵。豬肉調味偏重手，所以唔點醋都夠味，個餡有粟米會甜啲口感豐富啲，朋友話芹菜好香口，我之前試過韮菜都OK。花膠淮山豬骨湯更岀色清甜滋補，食辣嘅朋友可以揀重慶酸辣湯。餐牌：

因為良心小店 💛 我真係忍住俾咗好多次機會. 喺上環返工，見佢係💛小店，所以頹頹哋成日都幫襯佢。佢啲湯好味架，不過好似得啲湯好味…啲餃子皮十級厚，都食得入口嘅。啲炸厚餃子，一定要你炸8隻，食到4隻真係油到再食唔落。啲土豆絲，雞翼都ookk啦。.但令人食到嬲嘅唔係食物。經歷一:試過由13:00叫外賣，等到13:40🤷🏽‍♀️ 我懷疑係我等到忍耐上限去噪佢，佢先補返我張單.經歷二:一行入去，個呀姐用身體語言叫我唔好入，又唔講嘢，我呆左幾秒，自己搵位坐。佢隻手fing向門口用鄉音大聲講:「呢度食嘢要掃安心用行」我話冇。佢隻手fing向門口叫我填紙，而我完全見唔到佢啲紙🤷🏽‍♀️…之後填完佢又唔帶位，我自己搵位坐又唔啱佢心水，又用佢隻手fing向門口叫我搵第二個位.啲嘢唔好食，我都可以當自己頹食一餐，但啲服務真係好差！

喺上環返工，早2個字電話落單，行到食店俾咗錢之後，收錢嗰個阿叔叫我出去門口等一陣，等咗幾個字覺得唔對路，就返入去問我碗米線得未，然後店員好快咁拎袋外賣，仲話已經擺咗喺入面好耐，阿叔喺店員背後閃出仲講句sorli。嗰吓我即刻著咗，我唔知碗米線喺我俾錢嗰陣ready 未，但好肯定淨係識得收我錢，然後柚我喺門口罰企。食晏得一個鐘先要電話落單慳返d時間，拎到返公司快呑完又到lunch break 尾聲，你叫我日後仲好唔好幫襯你？如果阿叔做唔嚟樓面，不如調佢去唔駛對外嘅崗位，亂晒籠，受苦的只係食客。

第一次寫食評，好想為呢間小店打打氣！喺上環搵食，俾我喺巷仔入面搵到呢間小店。驚喜萬分！餃子嘅口味除咗傳統嘅款式之外，都有一啲非傳統嘅味道。試過佢哋嘅紫菜餃，三色椒，咖喱薯仔餃同埋雞肉木耳，款款都各有特式，各具滋味！個人特別鐘意三色椒，但如果想試下fusion 啲，咖喱薯仔都係好選擇~但佢嘅湯先係重點，非常清甜，飲落去都覺得好滋潤。碗湯好飲到一個地步係會想額外叫多碗淨飲！如果喜歡飲湯嘅朋友真係要留意啊！老闆份人好好傾，小店人情味嚟講真係買少見少。值得大家好好保護同支持！

I have passed by this dumpling shop for more than hundred times for other restaurants and this was my first ever visit! And I believe I have missed something good for too long🥺 They are said to have the best dumpling on the HK Island. Despite having another personal favourite, they do serve some really good dumplings, perhaps best in the neighbourhood！They are famous for their soup base 花膠淮山豬骨湯 𝐅𝐢𝐬𝐡 𝐌𝐚𝐰, 𝐂𝐡𝐢𝐧𝐞𝐬𝐞 𝐘𝐚𝐦 𝐚𝐧𝐝 𝐏𝐨𝐫𝐤 𝐁𝐨𝐧𝐞 𝐒𝐨𝐮𝐩. Of course you can’t expect premium fish maw for this price b

今天在上環覓食，行到孖沙街，見到有餃子店變二話不說入去。餐廳鋪面裝修簡單平實，見到餐牌主要買手作餃子，湯頭亦係沒有味精的花膠淮山豬骨湯😍😍餃子方面，嗌咗鮮肉雲耳椰菜餃 （5隻配麵 $43），粒粒脹卜卜，豬肉新鮮，椰菜爽口，唯獨是雲耳可以再多啲。本身想嗌粟米三色椒餃子，不過話今日冇貨喎，咁唯有下次再嚟食過啦🥺🥺值得一讚嘅係湯底，不但冇味精，仲好濃郁，絕對飲到有花膠同新鮮豬筒骨味道，好過住家媽媽湯🤣🤣

上環雖是傳統老區，可是近幾年卻變成了咖啡店天堂😇，大大小小各有特色的咖啡店☕️絕對不難找這次跟男友來上環區拍拖找東西吃，但星期日晚上🌃還在營業的不多，故選擇到一家網評不錯的餃子🥟店吃餃子～鮮肉雲耳椰菜餃 $48（淨餃）配 花膠淮山豬骨湯由於不是太肚餓的關係就點淨餃好了，一碗淨餃有8️⃣隻，以為不會吃得太飽，事實卻是相反😑店家的餃子外型算是獨特，呈長條形，每隻都算大隻飽滿，餡料也多肉汁也不少🐽豬肉調味得宜，雲耳爽脆椰菜鮮甜🥬 菜跟肉的比例很好，口感豐富😌 而餃子皮頗厚，屬北方餃子款式，煙韌有咬口，非常飽肚而店家的花膠淮山🍖豬骨湯應該算是signature 了，網上評價🗣是一面倒大讚👍🏻實而不華的賣相，擁有與外表完全相反🙅🏻‍♀️的濃郁味道，每一口都是濃厚綿稠，豐腴質感，完全感受到店家細心❤️熬製，一次過可以嚐到香濃的豬骨🦴味、花膠跟淮山的味道，半點味精也沒有，反之只有甘甜順口的感覺！非常好喝😚，配餃子吃非常好！就算吃飽也要喝光整碗湯🥣才算完滿羊肉餃子 $43（＋上海麵或米線）配 重慶酸辣湯豆漿 $8男友喜歡💕吃羊肉，店家有賣這個羊肉餃子正合他心意，再配上重慶酸辣湯跟上海麵作為晚餐🥢選配麵的話餃子就

呢日去咗上環睇醫生，睇完已經成差唔多3點啦，好肚餓，所以即刻上網睇吓附近有咩食，見到有間餃子店好近所以去睇吓。到咗店舖見唔多人，立即入去😂我哋叫咗2碗淨鮮肉韮菜餃同一碗鮮肉雲耳椰菜餃配米線，全部都係花膠淮山豬骨湯。d餃好大隻同埋d肉同料好多，好好味😋。d湯好香濃，好好味，唔覺得係味精，因為飲咗之後唔會口渴，我哋飲哂😂佢哋d餃子係新鮮包，見到佢哋即時現場包，所以唔怕唔新鮮同埋係拎貨返拎。之後見到隔離枱上咗碟炸餃子，見到好吸引，望落去好卜卜脆，原來可以加錢轉炸餃，下次要試吓😋

武漢肺炎搞到D 食肆好難捱, 真係要多D 出去食, 幫D 小店撐住呀~今次行到嚟上環, 又諗起呢間永樂餃子店, 點解諗起佢? 因為佢個湯好飲囉~ 花膠淮山豬骨湯喎, 咁多骨膠原, 飲完都即刻靚咗啦~我都係照舊叫外賣, 買返去慢慢嘆~ 我今次叫咗海鮮餃, 淨餃有8 隻, 大大隻, 一定夠飽~ order 完響門口等一陣就有得拎, 老細仲特登拎出嚟俾我, 係咁講要我等, 唔好意思, 仲話豆瓣醬都放埋響入面.... 我心諗, 我都唔係等咗好耐之嘛, 我鋪機都仲未打完, 佢真係好有禮貌~ 小店就係呢樣好, 做街坊生意多, 有人情味d~返到去都仲熱辣辣, 真係pack 得好好, 我咁拎法, 一d 都冇倒瀉, 仲可以原汁原味咁飲晒d 湯~ 正呀!! 佢個海鮮餃一咬開就已經好香口, 有好香既芹菜味, 有蝦肉, 超大隻, 好食又抵食~  下次再試埋佢其他既餃先~

放Lunch時間既上環超級多人 😅如果想比較Light的話 我會選擇食餃子🥟因為唔同餡料配搭唔會悶 呢間餃子都幾受歡迎 💕但說實話 味道十分一般🌝 唯一優點係比一般大隻 一定夠飽 🤣但同類型比較好食既餃子實在不少 🙊⭐️ 鮮肉白菜餃 🥬餃子口感有個大問題‼️ 肉同菜癡埋一舊 食落似肉餅 🙃感覺唔夠新鮮 調味太重手 🧂餃子皮太厚 有點難咬開😦⭐️ 雞肉冬菇木耳餃 🐔餡料有冬菇同木耳 🍄 口感較爽口有新鮮感 雞肉口味比較淡 💛 順帶一提 湯底係以淮山花膠豬骨湯 🍖雖然唔係好食到藥材味 但湯頭都好濃郁 食完唔會太口渴👍🏻⭐️ 鮮肉香菇粟米餃 🥩份量好飽滿好多粟米🌽 但係同樣有口感太實既問題 😓粟米有點生 整體上唔係好夾

之前去好幾間餃子店食水餃一係無湯，一係無味滾水做湯👍🏻呢間用🐷豬骨淮山花膠湯配餃👍🏻👍🏻我叫左雙拼 🐑羊肉餃+🦐海鮮餃 （size 比平時既大小小，皮大較厚🐑：個味似醬爆丸內面既肉醬，不過不失，但唔係想像既羊肉🦐: 每隻餃都一半蝦，鮮甜好味，夾有芹菜碎，芹菜味重，唔好芹菜既就簡第樣🌶醬料方面個辣醬幾好食 偏咸香辣度小辣，岩點🐑餃總體唔錯 。不過，個皮真係比較厚實，可能為左可以煎？

今天風雨交加超適合來碗湯餃，剛好想起來這間口碑不錯的永樂餃子店，就搭了一站地鐵過來打卡💛店員超級nice，我看餐牌以為不可以雙拼，不過店員很耐心跟我講解說點淨餃（八隻）可以選兩種口味，我就選了很想嘗試的羊肉餃和play safe的鮮肉芹菜餃，湯底就默認？的花膠淮山豬骨湯～餃子上來先聞到的是豬骨湯的鮮味×淡淡藥材香，喝起來很清爽～餃子按水餃的size皮很大😂😂大概是我在香港吃到的皮最厚最大的水餃了？造型也很灑脫，屬於“捏上就完事了”😂😂內餡算中等大小，羊肉我以為是全羊肉不過還是有一點椰菜在裡面，調味有醬香，吃起來不油膩；鮮肉芹菜菜肉比一半一半，咸淡剛好，正正常常，一碗連湯帶餃吃下去很舒服～羊肉餃 6.5/9鮮肉芹菜餃 6.5/9OVERALL 7.0/9講真我蠻喜歡餃子皮的口感的，但是真的有點大😂0.5加給親切又快手的店員阿叔～

武漢肺炎千其唔好出嚟住，等我繼續可以食多幾餐安樂茶飯先吖。。。。 求求你吖。。。 我今次就響上環見到呢間小店，係食餃子嘅， 雖然武漢肺炎呢排冇乜出嚟咬人，我都係買外賣返屋企食得安樂d..... 行去呢間餃子小店嘅時候，我都上openrice睇吓佢個menu有咩好食， 見佢大大隻字寫住絶無味精， 即刻想試吓佢係咪咁巴閉我叫咗鮮肉芹菜餃，淨餃， 佢係用花膠淮山豬骨湯，諗起都好想食， 我再加多個酸辣土豆絲， 呢餐一定好飽。 呢日熱到爆，我等緊外賣嘅時候，老細好好人咁叫我入去坐住等，話出面好熱。。。 良心小店即係良心小店，真係有人情味過人。 我買完返到屋企都要20 分鐘， 竟然d湯一滴都冇漏出嚟，仲熱辣辣，証明老細真係好細心，個蓋cum得好好。 我一開個蓋，d花膠湯嘅香味湧出嚟，真係冇揀錯， 一飲就係好濃嘅花膠湯， 真係好好味，我成碗飲晒，一滴不留. 佢d餃子都好好食，超大隻，入面超多餡，好香芹菜味，好好食 淨餃一碗有8 隻， 我仲飲晒d湯，加埋個土豆絲，真係超級飽.呢間小店抵食又好食， 真心推介呀！！！

因為我自己既食量比較大，所以好少可會食餃子，因為好似得一層皮少少肉，完全唔知食乜，直至食到呢間……嗌左一個韮菜豬肉餃麵，香菇粟米豬肉餃麵（無影相），三隻炸雞翼，一杯豆漿；每樣食既都要等，因為真係即整，夠熱夠誠意！餃子既size更加誇張，個函真係大舊又實到呢…真才實料到🙈而且味道都夠香有肉味，酸辣湯同清湯都各有特色，難怪其他人都話每次都會飲哂d湯😋p.s.老細好好，每次都會問食客係咪第一次黎，會建議最佳食法，又會提d食物岩岩整起小心熱，好好人☺️

近來係上環返工,雖然唔太咬到野,但都忍唔住開地圖睇下附近有咩食,附近食粥果間冇良心,唔食得,哩間永樂餃子店都近,而且之前見到d group 友有介紹過,絕對食得過.因為好多餃子都溝左豬仔,冇食豬肉以黎已經好少食餃子,我直接入鋪問佢地邊款餃子冇豬肉,成熟d 既店員話雞肉,海鮮同羊肉餃子都食得,嘩,開心到邊開工邊諗食邊款,最後決定羊肉餃子同雞肉餃子雙拼,$57(連分湯)由於佢個湯係花膠淮山豬骨湯,聽到超正但唔飲得,我就請佢幫我分湯,返去淨試味,經過半個鐘有多既車程,終於返到屋企,包裝好完整,打開個碗蓋,d 湯既香味飄出黎,真係好香花膠湯味,試少少,香濃如老火湯.不得了,再打開另一碗,餃子已經痴埋一齊,將湯倒入餃子碗,之後用筷子輕輕整鬆返d 餃子,再倒走湯,拿拿聲試食,因為分唔到邊隻係邊種餃,是旦夾起一隻夾開佢睇睇,係羊肉餃,但...點解咁多大蔥????傷心左,我唔食蔥,就咁咬d 餃,都幾重臭蔥味,立即點埋醋同豆板醬(佢有跟埋比我呀),可以遮到d 蔥味.醋仲令羊肉味更突出,之後試黎試去都搵唔到雞肉餃,乾脆全部打開曬佢地XDD雞肉餃比較實淨,要整細舊D我先食到,冇羊肉咁濃味,唔洗點醋同豆板醬都