永樂園餐廳

營業中

休息中

路過中環，順道光顧吃餐午飯由於是吃中午飯，所以沒有叫這裏最出名的熱狗，只叫了一個碟頭飯的套餐餐湯是忌廉湯，相當濃郁，味道則尚可叫了一碟吉列豬扒腸仔飯，吉列豬扒炸得幾香口，順是有水準的餐飲叫了一杯凍檸荼，沒有特別......埋單計數，一個午餐要四十大圓雖然位處中環，但以這樣的食物質素，略貴

傳說中的無敵熱狗, 終於有機會試到. 買了孖腸熱狗一個.一吃之下.醬汁好掂熱狗腸, 一d 都唔得..."軟淋淋",亳無口感或嚼勁..寧願自己買包雞肉腸在家自製熱狗.幸好不用排隊!

5-11-2008食過一次呢度的熱狗, 覺得個醬幾掂 (詳見 http://www.openrice.com/restaurant/commentdetail.htm?commentid=1861870), 今日拉了未0黎過的朋友0黎食. 外賣店咁少位, 唔坐了, 今次「捐」了落地庫, 堂食一個 tea.叫了「狗醬多」(ie 熱狗醬多士) + 熱奶茶 ($23)... 可能要求了奶茶「少奶」, 所以茶味比「正常」版香, 係幾好飲, 不過飲飲0下竟然發現奶茶內有粒疑似麵包糠/碎的濕濕黏黏物體, lur 都 lur 唔切. 好噁心呀!狗醬多亦好食 -- d 醬味道酸酸甜甜, 帶點牛油的香同滑, 實在好掂! d 包就烘得唔夠脆, 叫「狗醬包」會比較貼切, 美中不足.朋友就要了熱狗 + 凍奶茶的下午茶餐 ($25), 一路食一路讚隻熱狗好好食, 哈哈.環境殘殘0地又帶點懷舊, 衛生麻麻, 不過「柄」埋0係地牢食「蛇王」tea, 都幾舒服的.下次0黎試乜新0野好呢?

在中環上班有好一陣子,常常都不知道到那裏開飯永樂園成日聴同事提起,居然一直都吾知有賣熱狗的本人一直喜愛熱狗,無奈走遍全香港都未食過有熱狗能和在加拿大食到的相比見這家店的熱狗好似幾出名,今日下午茶就買左2個双腸黎試下老實講,同我糸加拿大食的熱狗完全是2回事,就不要拿來比了講番只熱狗,條腸糸真糸好罐頭腸,味道就更加不用説了個秘製醬也算不得上好味,只能説幾有特色初頭看相満以為是cheese,食落去先知糸沙律醬　不過個包真糸外脆内軟,算糸平凡中的一点驚喜　叫2個双腸,対一個大男人來説也只能当下午茶大家也不要太大期望,抱着去試試的心態就好

1Dec2007 1815臨去公司聖誔扒地前，到這裡食隻熱狗。熱狗最難整得好的部份，唔係醬汁，唔係條腸，而係個飽，唔似得沙爹串燒個汁整得好基本達標，這裡個包又係大到冇朋友，唔得鬆軟，個沙律醬又唔係好突出，加上7蚊之下還有對手宜記，名氣加簡單都係5蚊，一味靠班老食客，怎能延續到下一代呢？

難得在上班前有一點空閒時間，亳不猶豫便過來這裡嚐一下早餐。這店的"大廳"，是為於地庫之中，由地面下去要經過一條窄窄的小樓梯。因為已經過了上班時間，所以店內只有三數個客人而已。拿起餐牌看一下，原來早餐的選擇不多之餘，食物也比其他茶記來的小一點。這裡的<<沙爹牛肉通粉>>，湯底是用沙爹牛肉的汁混入原來的上湯之中煮成的。如同新香園般，整個湯底也帶著沙爹醬的香味，氣味上已先聲奪人了。 不過，也只是氣味上的事情而已，因為吃下去時的沙爹真係淡而薄如果多放一倍的醬汁下去煮的話，那將會是另一回事了。 牛肉方面不過不失，口感和味道大致上也做得不錯，也沒有食過後立即口喝的情況出現。這裡的<<奶茶>>用上捷榮出品，對於我來說這個品牌絕不是我的"那杯茶，還是自家製的才有該店的個性o麻~ 另外，要了一份我想沒甚麼客人會要的食物<<熱狗醬多士>>，看著那份量十足的醬料在多士之內，真的感到有點汗顏。 不過，味道上真的不算錯耶，因為多士脆口加上醬汁濃厚，兩種完全不同的味道加起來，這個"化學作用"倒也算是頗有趣的。吃完這次後

時間安排食完公利 , 勝香園 , 終點站是永樂園 ! 小弟叫了一個孖腸熱狗王外賣 , 見入面真是很多外賣送上公司 , 果然很好生意 ..... 小弟個包一分鐘買票連取包 , 很快 ! 行出外面即食 , 第一啖 D 醬果然幾 ok , 不過條腸都是很細 , 個包唔係太熱 ..... 都唔係想像中太好味 ..... 一般 ! 吃過就算 , 下次不用掛住 ..... 呵呵 !

幾年前入行果陣幫同事買熱狗果陣8蚊.舊年加價變左9蚊依家要10蚊如果唔係有贊助(老細請),要自己比錢都未必會食照舊要排隊,仲要我前面果單外賣叫左九十隻.......以為要等好耐.不過見到熱狗亞叔同埋亞姐.飛快嘅速度,一個烤腸仔荼熱狗醬,一個烘面包,入盒.十分鐘唔使就搞掂哂,出街勁快,觀賞性極高.係公司等食嘅同事係唔會知食落口同以往一樣,正,熱狗醬加埋烘過嘅面包同埋兩條腸仔.一流....不過係貴左d.

雞扒包一個字正~比起佢出名熱狗緊好食~雞扒多汁,唔太乾,點解佢咁出名,因為d醬特別,幾好食不過係中環朋友想叫下午茶,叫佢送外賣的話,提一提你地起碼要早1個鐘頭叫,因為實在太多生意做唔切.*(通常我都會早個半鐘前叫)經過真係要試一試下同收銀講要單腸,雙腸就可以~ *(簡稱熱狗要幾多腸)

星期五中午放食飯，跟同事兩人去了永樂園。我要了份午餐，同事要了碟濕沙牛肉河粉。同事食咗三分之一碟河粉之後，見到碟內有隻手指尾般大小的 "小強"！於是我們立即叫伙記嚟，個伙記冇道歉，只係好平淡咁話，一是幫我哋取消、一是換過碟俾我哋…！我跟同事討論咗一陣要不要報食環署，不過由於要返工，於是就咁叫伙記取消…返到公司，結果都打電話去咗食環署記錄在案！不過冇拎走啲食物檢驗，唔知投訴會否有用？以往都覺得永樂園啲食品都 okay，但衛生咁差…我諗都唔會再去…

今日bb帶我黎呢度食熱狗, 因為佢細個成日食架, 仲覺得好好食~所以要我一定要試下, 我地叫左個孖腸熱狗, 細細個都要10蚊, 幾貴囉!!不過一咬又真係好好味, 我幾鍾意隻腸, 好似罐頭腸仔果隻味, d醬就係bb既推介, 因為真係好味~~ 我都唔知果d叫咩醬, 不過而家諗起就有d想返去食多一個!!

之前同事介紹過~ 今次有機會一試 ($20- 單腸熱狗+凍奶茶)熱狗王個飽面碎碎地, 秘製醬的確幾好咪, 但係條腸仔係罐頭腸又細條..!!

六月廿四日(星期二)同老公因為七點去做gym所以早d食個tea先走~黎左呢度,雖然呢度出名既係hot dog!但係我地兩個都唔係餓,所以食其他野我食奶醬多,老公食沙嗲牛肉烏冬!個多士好內,仲內過烏冬!一般啦,麵包唔係厚多士!只係一般個種,兩塊夾埋!老公個沙嗲牛肉就好食喇!

每次去完金華食叉燒飯，都會順路落離整返個孖腸熱狗王。基本上每離一次加一次價喎，最初離果一兩次系$7，之後$8，上次來$9，今次已經是$10了。價格升了，但質素企定定的。有點愈來愈不抵食的感覺。雖然系咁，但佢個熱狗個醬真系好正，每次都會叫佢多醬。而且次次食完都想買多隻。雖然通賬加價可能正常，但始終都系笑唔出。唔知下次來系會唔會已經系$11

之前不知道lunch進去想買雞扒包,遇到前幾位食家所講的情況,我想收銀阿姐工作不太開心~因對熱狗興趣不大,故上次放棄了!這次下午差不多6點,要了一個雞扒包熱奶茶(下午茶),突然有事要做,到有空檔時包已經不再熱,聞名已久的醬汁,有點像中學時小食部的味道,回憶總是美味的...^^雞扒是連皮的,間中有少少油滲出黎,我喜歡!差點想整個吞!一直說要減肥,但是偏偏不肥不食,減肥這個任務......還是留到下一輩子吧!