永樂園餐廳

營業中

休息中

究竟一個簡單的港式熱狗，點解會整到咁出名架呢，今日引唔住喇，見行開中環，一於周圍搵永樂園決心試試雙腸熱狗皇($10)，手上沒有確實地址，走了幾條街原來正是在佐記的巷仔內，細心看了門前的報章介紹，連千嬅都讚好呢，哈哈! 由於已經夜市，沒有太多客人，即點即有，一行出永樂園，即恨恨地試了一口，熱狗其實真是相當『普通』，一個長飽，沙律醬，兩條腸，就是這樣，原來都可以成為不普通的小食，飽內的沙律汁非常美味，令人胃口大增，一口接一口，愈食愈快! 熱狗內的腸仔入口即溶，絕不比汁醬遜色，一直食一直食，未轉出大街我已經將整個熱狗吞噬，真想回頭買多個....唯一小小遺憾是腸仔太短太幼了，可以長一點嗎? (但真是太美味了!)

聽朋友講有間港式熱狗好好食, 所以慕名而來一試我黎的時候係中午時候, 有2條主要人龍, 一條係主要排隊外賣碟頭飯, 20幾元一個, 係中環咁的價錢絕對超值, 下次要試一試另一條係買熱狗, 先去counter 買飛 (無錯, 係買飛食熱狗, 唔係睇戲, d 飛仲要同以前舊戲飛好似, 要劃一下), 之後睇住佢整雙腸熱狗 ($9.5), 拿到手時, 因為佢先將麵包烤熱, 所以係好暖手的 (真係"熱"狗, 好多時去d 三文治店, 個包係凍的), 香腸唔知用咩牌子, 但係的確剛好fit 入個包, 再加上佢自己整的醬, 雖然唔知係用咩整, 但係個味道係我食其他款式的hot dog 無的, 所以先叫港式size細細隻, 如果係 tea time, 一隻剛剛夠,

這次來了名聞遐邇的永樂園, 真正懷舊的老香港平民茶餐廳, 發現顧客中有不少靚女!話說回來, 叫了馳名熱狗王($9), 五香肉丁炒丁麪, 凍檸茶($50+$2). 熱狗其實腸仔不大, 但勝在麪包熱烘烘的, 最精采是沙律醬, 令整個熱狗變得惹味, 有畫龍點晴之效! 炒丁麪油多肥膩, 分量極大, 也夠味(但出前一丁我還是最愛傳統湯麪)! 凍檸茶不大杯, 也不夠翠華的消暑, 稍遜一籌.

這裡有令人想成日吃的熱狗,才不夠$10的双腸狗,味道好好麵包熱+腸仔+sauce好味,正但此店好似 closed on sunday&public holiday, 令我好少机会吃到,也就因此令我成日想去吃!!

想外賣份豬扒治，阿姐話無，那麽雞扒包呢，她繼續‘喇’起塊面說午市無得賣架。唉，有時看到她這個樣子，不期然會自問兼自我提醒爲什麽不寬容一點呢？活着不是必然的！過得咁辛苦，為乜？！不要說是為別人，與其不能（想）不做，令自己做得開心一點，不是更好嗎？算罷。沒有就沒有，要個雙腸熱狗來醫肚。熱狗醬仍然好棒！甜而微酸，油香軟滑，好creamy。這個醬的吸引力，除了是調味了得之外，還要歸功於烘熱了的麵包和香腸，是因爲那個溫度，才能醖釀出這樣令人神往，扣得住人味蕾的味道。外賣熱狗價錢 update:單腸：$7.5雙腸：$9.5

懷著興奮的心情一試熱狗王。原來此處之熱狗只有腸仔加秘制醬汁, 略為失望！！腸仔都算特別,並不是一般罐頭腸,但只算ok！！一試無妨！！！

細個果時媽咪買燒肉拜神，我一定食燒味佬搭果條「豬脷」；去襯外父大人屋企食飯，如果外母大人一問想食乜，我就一定話「鴨舌」；當外母大人煲呢個「豬脷老火湯」果時，我諗有半條脷都係比我食晒；又當大顆兒去沙田沙角村果間「金沙角」又或者黃大仙「詠黎園」食飯，就一定會叫一碟「椒鹽鴨舌」。所以唔理係「舌」定係「脷」，我都絕不放過。早前陪啤梨去中環睇牙醫，去得中環，每次都會盡量去食我最鍾意食嘅「牛脷飯」。仲記得當年在中環返工，如果冇帶飯就多數會去「永樂園」買「牛脷飯」食。點解會由怡和大廈走到去昭隆街買飯食，我已經唔太記得。記憶中好似係有個同事介紹我去「永樂園」買飯，但佢唔係介紹我食「牛脷飯」，而係果度好出名嘅「熱狗」。當我係去到果時，睇下掛在牆上面個大餐牌，比我發現「牛脷飯」三隻字。從此之後，「永樂園」在我心中就係「牛脷飯」嘅代表。當年「永樂園」未重新裝修之前，外賣飯盒係用「錫紙盒」，同一般快餐店好唔同。亦由於係用錫紙盒嘅關係，個盒底會好熱，每次同啤梨一齊買「外買」，之後一定唔可以用隻手攞住黎食，如果放在大肶上食又會好熱，所以一定要搵定野黎隔住，我諗而家呢類型嘅飯盒已經絕左種都未定。而除左去「永樂園」食

之前睇一粒鐘真人蘇見阿蘇食熱狗食得咁開心，成日心思思想去試，不過次次星期日去到都摸門釘。今次終於試到，點了一隻單腸熱狗($9)，一隻雙腸熱狗($10)，一杯熱奶茶($14)同一杯凍奶茶($17)，嘩，凍奶茶賣$17都幾高級，熱狗之所以出名係因為D秘製熱狗醬，本人試完覺得同mayonnaise 分別唔大，不過價錢尚算合理。

上星期在去紅磡之前，在出發去剪頭髮時先去了永樂園買了一隻雙腸熱狗"打底"。此熱狗出名之處是它的醬汁和麵包，麵包是即烘的，所以包皮一定脆口。腸仔是用歐洲入口的鹽水雞水腸。沙律醬汁則是混入蛋黃的自家製醬汁，所以風味只此一家。它跟美式的大熱狗是截然不同的食物，永樂園的是港式，所以如果要美式的相提並論，對任何一方也是不公平，始終各有各特色~

包夠熱但腸太短且冇味冇口感汁都可以總括而言根本稱不上熱狗王，只係用$9.5 很難找到類似熱狗作比較。若很花費多點 應該食到更好味熱狗....

今早, 由老家出發, 由畢打街行返公司, 早餐地點大有改變. 結果, 來到這裡買飛仔, 食包.本人不太愛熱狗, 幾馳名都好, 我都不終情於它. $21, 雞扒包. 雞扒即叫即炸, 又唔係乾, 加上其似是特制的沙律醬. 好香. 以前亦食過其魚柳包, 都係個醬出色而好食. 中午落過樓下一次, 但人多, 多得水洩不通, 根本只有食完閃既感覺.杯絲襪奶茶, 無得彈!!

主人與奴隸獸是首次幫襯『永樂園』，雖然此食店的熱狗王名聞遐邇，但每次途經亦引不起我們的興趣。今次想一試的原因，是受食店門外一座小型香腸『吉』罐頭山所觸發，一罐大約可容納120條香腸，有十多罐。因此計一計數，就知道『永樂園』的熱狗腸用量果然犀利，即時激起我們想試的興趣，買了一件雙腸熱狗王（HK$9.5）。熱狗包烘得熱熱的，外脆內軟。熱狗腸的味道則甚為普通。至於熱狗醬的味道甜甜酸酸，並不特別，但當然比一般食店所用的茄汁或奇妙醬好。總體來說，價錢大眾化，味道OK，偶然經過食番件，亦未嘗不可。

這熱狗好食就係好食在那醬，腸只是配角，醬才是主角呀，所以大家再別要對這熱狗的腸諸多批評了。祕製醬汁，甜中帶酸，冶味開胃。七蚊有五蚊都係為了這個醬。飽亦外脆內軟，而腸仔用的是外來貨，當然不會特別出眾，但總算不過不失的。

試了雙腸熱狗~包和腸都不太突出,包硬但腸軟,放在一起口感不俗,那個汁濃味但又未至於超好味,極其量說它特別,但談不上很好味~不明白為何是熱狗大王,只是自己讚自己吧~

久仰大命, 終於試左, 食飯時間, 無人排隊, 好快就買到, 因為只係試下味,所以只係要單腸, 但要多醬, 真係好多醬, 啲醬幾好味, 但係略為甜左少少, 酸少少會開胃啲, 如咪就會好漏. 個醬係靈魂, 個包都唔可以忽視, 燙到又熱又脆, 真係好好味, 第一次食到熱狗啲人係會咁認真對待個包. 絕對會再食