永樂園餐廳

營業中

休息中

係附近做野都半年,都無食過呢間,有同事話佢之前獨個兒試過OK,咁就一行5人黎試下.會雞扒飯/意粉, 吉列豬扒飯/意粉..我地5個人都係叫呢兩樣,無試另外的兩樣(每日快餐有4款).跟湯及野飲$38蚊,比想像中貴,但中環區都合理啦.點知黎到5杯水,有三杯有黑色野,搵一杯出黎洗餐具都難!!我叫既吉列豬扒,連吉列都已經"淋"哂,入面唔駛講,塊豬扒油浸咁既款,又唔算薄但又唔算厚,勉強夠送半碟飯,淨返半碟要靠汁.但我地發覺兩種扒飯既汁都係一樣...一樣唔掂!!叫既湯有中湯,同事反映味精極重. 我地飲忌廉湯,好水,又淡.最慘係服務態度奇差,楂住人地碟飲係度用手指篤來篤去...真係激死.依家又唔係吉雞,吉豬,一眼就睇到邊碟係豬,邊碟係雞.駛乜咁煩講來講去,慌佢D口水唔跌落去咁.衛生都要講一講就係真係好污槽,養到D烏蠅鬼咁大隻,環境真係好逼,真係好似唔駛俾錢咁...係咪屈蛇屈蛇咁屈D客坐低...搞到自己好似變左非法入境者屈係個船底度咁...我地算好5個人霸到一張檯,唔駛同人搭檯,如果搭檯一定食得仲辛苦!!最後可以讚既係我地5個人各自各俾自己個份,佢都肯逐個找,而無出聲話我地麻煩.有D地方通常都係要我地自

雖然未試過堂食，但外賣就不少。至愛佢既熱狗王 (單腸) $8。個醬正到連蔡生都讚過佢。有好似 pickles、牛油、沙律醬的 combination 溝出來的。不過就好細個，好唔夠喉咁 另外佢既下午茶時間至到 7:30pm，是晚外賣要了沙爹牛肉烏冬加埋龍鳳大檸樂。沙爹湯雖然油，但佢 d 牛肉勁淋！呢個襯烏冬或通粉都正。另外，雖然 menu 無龍鳳大檸樂，但只要 order 就有，佢仲幫我攪散左咸檸先，變左我無得揀少 d 咸添，不過就慳左 d 力。咁樣食法都係 $35，係中環呢個價錢都算抵啦，係個落單阿哥語氣豪氣左少少。

據聞呢度既熱狗好出名,所以小妹專登泥試下...叫左雙腸熱狗($10)個包外脆內軟,但條腸好幼沙律醬味道酸酸甜甜,幾開胃,係同出面果d有分別既,但又未至於好好味囉~佢只係靠醬汁取勝,十蚊隻我覺得貴左d啦~

因為工作關係要帶相機去中環拍攝，於是就想到找些「值得拍」的地方吃飯。同行的是男生，總不會走去食Robuchon，於是就平民化一點，選擇了有名的老式茶餐廳～永樂園。七時去到，在門口影幾張相，再走入去。進入地庫，第一時間發現，完全收不到電話，這真的很大件事，如果朋友有急事打來怎算？更加不知道那些來蛇王的中環上班族怎辦。不理那麼多了，就叫了鎮店之寶，傳說中的「雙腸熱狗王」及「熱奶茶」。餐廳內人不多，看到牆上的餐牌，要一個飯麵要五十元，很好吃的嗎？這個價錢去太興新世代也可以了。侍應的反應快，手勢也很熟練，肯定是在這裡打滾多年才累積得到的，完全地代表了上一代的勤快。先來的是奶茶，是預想得到的滑，而感覺上好像是奶是故意落多而變得更滑，對在下來說是不錯的配合，不過$14一杯，比起熱狗還貴，好像翠華也是差不多吧？再來是主角熱狗，$11反而比較合理，解構一下。麵包是以烘多士的方式烘，又熱又脆，感覺很好。醬汁似是沙律醬再加芥末？少少酸少少甜，是混得不錯的，味道特別，可以說是熱狗的靈魂。而主角腸仔，真的很微妙，絕不是平時吃到的味道，而在下肯定多年前是吃過這一種味道的，到底是什麼腸？還真記不起。上網找資料，說

因為佢大大隻字寮住熱狗王, 甘在下午茶時段去. 收$23的熱狗王+飲品. 一上台, 真係比佢嚇親, 條腸好細, 都唔明WHY佢叫熱狗王. 講味道真係無味道好以說, 太多黃色的sauce,腸仔無咩特別. 不過個包真係哄過既.感覺名過其實, 食個腸仔包會包d.

唱此曲的人，已經暫時不存在。你快樂嗎，也不再存在?不用怕，有一個仲勁的打救，佢叫永樂。爛gag講完，講番正經野。去中環，未食過永樂，又或者勝香園，又或者玉葉，真係枉稱係中環做過。永樂雙腸熱狗$10，明顯地醬汁才是主角，酸酸甜甜的。脆腸和熱包只是大配角。硬要比，佢係比丹麥高一班，但係係唔係hk港式hot dog no.1，又好似俾多佢。不過話時話，食完又真係比食美心/奇華包快樂一點。奶茶就幾有水準啦，話哂係老式茶餐廳，係有番咁上下。

諗住當晚夜o的去幫襯九記, 所以放工之後食少少o野先. 女友提議永樂園買熱狗食.$8一隻熱狗算係平, 仲要嚮中環咁旺o既地區食, 抵到爛.一啖咬落去, 麵包有o的脆脆o地, 可能係烘過o既關係, 好正. 條腸就瘦o左o的, 唔似出面第2間餐廳食到o個o的. 最出色o既就係隻熱狗o的醬, 又唔酸又帶少少o既甜味, 黃黃o地色o既, 應該係佢o地自己調製出o黎. 冇任何生菜蕃茄之類o既配菜, 反而鐘意.

　今日咁岩去開中環，上OPENRICE知道呢間「永樂園」ｄ熱狗好出名下，小弟當然要把握機會試一試啦　鋪面同鋪裡裝修都好懷舊，叫左個雙腸熱狗王，佢有一個熱狗區專門整熱狗　睇到阿姐將一個個飽放入烘烤機，一個個飽就咁變成香脆脆之後阿姐將一ｄ黃色醬作為熱狗醬，夾多兩條腸，一個雙腸熱狗王就咁做成　食落去個飽因為烘過，飽皮好香脆；而香腸亦非一般餐廳的腸仔，畀起一般餐廳好食少少，但又唔係咁十分好食。　黃色醬亦都不過不失，有少少酸酸地幾惹味，總括黎講不過不失，係好食但又唔係好似OPENRICE講到咁好食。不過下之經過，都會再一試

晞晴喺情人節嗰日, 同魔鬼魚魚男朋友去食咗好多好多好嘢其中... 魔鬼魚魚男朋友極力推介永樂園!~初時, 晞晴都唔信呢度有好嘢食...見佢門面唔係咁討好...晞晴諗... 都唔會有好嘢食啩...點知...真係唔好睇佢門面淨係得個門口原來佢有分上層同下層晞晴同魔鬼魚魚男朋友就落咗下面嘅一層嚟永樂園食咩嘢好???魔鬼魚魚話梗係佢哋最最最出名嘅熱狗啦!吓? 熱狗??? 晞晴諗嚟諗去都唔明, 一隻熱狗, 究竟有幾好食???咁晞晴睇咗陣餐牌, 就叫咗個魚柳三文治!~過咗冇幾耐, 熱狗同魚柳三文治就登場啦!~ 晞晴一睇隻熱狗!~ 原來.. 原來隻熱狗...係雙腸嚟喔!~ 好!~ 等晞晴逐一解構吓呢隻熱狗先!~ 飽皮 - 佢個飽飽係烘過 表面脆脆, 裡面暖暖 感覺好得意 沙律醬 - 佢哋嘅沙律醬仲係特別處理過 唔似市面嘅沙律醬好酸酸咁 腸腸 - 兩條啱啱煎好嘅腸腸... 仲煎得好香香!~ 當飽飽+沙律醬+腸

見到很多人說熱狗內的腸不是重點,只是普通的腸,但我覺得那條腸已經足以成為賣點! lunch time 點了一隻雙腸狗,一咬進口,首先感受到焗得脆脆地的包,然後便是那酸酸地很開胃的醬汁,但奇怪地為什麼吃不到腸仔? 再咬一啖,同樣的感覺,但打開個包,發現條腸係少左part的,才發現原來係條腸"入口即溶",所以我感覺唔到咬左條腸!! 神奇~~^^美中不足是腸仔太短,如果長de 就更好~lunch time 只幫襯了一隻狗,原本想試埋奶茶,但又無熱狗餐,杯奶茶仲貴過隻狗,結果都係放棄~

人在中環的時候，常常來食午餐，因為炒丁是我的favourite，另外熱狗也是下午茶之選。有天在中環晚餐之前，抵受不住誘惑，不怕肥地叫了個雙腸熱狗。焗烘了的面包，脆皮得來又鬆軟。主角卻不是熱狗腸，是神奇醬汁，酸得來帶甜，既開胃，又減輕膩的感覺。 簡簡單單的熱狗，也可以很好味。

2.2.09 音樂會前的quick dinner於cityhall看完rehearsal後有一小時dinner時間，由cityhall行到這裡雖然遠，但也值得，因為現在少來中環，既然身在中環又要吃quick dinner就最好吃這兒的熱狗七時多，未收，即入見雙腸熱狗比單腸只不過多$2，就要了個雙腸熱狗($10)條腸依然好幼(所以更要吃雙腸)，但剛剛grill的，很熱！sauce是我喜歡的，包微脆，真的想個包大小小，有sauce就已經好味喇朋友吃了個單腸後又買多個單腸，可想而之size真的其實是...不過味道都不錯

今天經過中環整嘢~ 途經永樂園,知道佢既熱狗王好出名所以帶我既HONEY嚟食呀~雙腸熱狗王$10 貴左丫個包既皮~好脆... 其實係佢既醬係最好味~有機會會再嚟試....

筆者一向對熱狗無乜特別喜好, 所以雖然係中環返左九年工都未試過呢間, 某日心血來潮想試下, 就買左一隻雙腸熱狗王做早餐, 一試之下, 呢度既熱狗比較岩筆者既合味其他地方既熱狗, 不是飽太硬, 就是腸仔皮太難咬, 永樂園既熱狗, 合我口味既原因有以下地方:- 醬汁: 茄汁芥辣我都食, 不過呢度既類似沙律醬汁更feel到飽同腸既味, 而且佢既醬汁絕對好味- 熱狗飽: 有部機一直烘住, 一叫即有都仲保持到皮少脆而飽軟, 就算筆者拎到返公司先食都仲可以- 腸仔: 其實唔一定要大條仔先好食, 有時d熱狗係脆皮腸, 加上上面超多醬汁, 食起上黎會幾麻煩, 佢呢度就拎住行街食都好方便或者外國有其他熱狗更好食, 不過港式熱狗來說筆者覺得很不錯了其實永樂園lunch筆者都食過好多次, lunch真係無乜特別... 暫時推介只有熱狗

次之前次經過都在星期日，沒有開門，始終吃不到，今次終於第一次幫襯，來一客傳說中的美味熱狗，d醬汁果然特別，似係牛油，但原來唔係，味道甜甜地，帶少少酸，幾開胃，可惜隻熱狗d腸只係普通貨色，個包也只是普通麵包一個，而且只係暖，唔係新鮮滾熱辣，成個包本來無甚特別，只係靠醬汁取勝。不過價錢尚算相宜，雖然加了價，都只係賣$8一個，都算價廉味美嘅！