影片
更多
2008-11-06
20 瀏覽
5-11-2008食過一次呢度的熱狗, 覺得個醬幾掂 (詳見 http://www.openrice.com/restaurant/commentdetail.htm?commentid=1861870), 今日拉了未0黎過的朋友0黎食. 外賣店咁少位, 唔坐了, 今次「捐」了落地庫, 堂食一個 tea.叫了「狗醬多」(ie 熱狗醬多士) + 熱奶茶 ($23)... 可能要求了奶茶「少奶」, 所以茶味比「正常」版香, 係幾好飲, 不過飲飲0下竟然發現奶茶內有粒疑似麵包糠/碎的濕濕黏黏物體, lur 都 lur 唔切. 好噁心呀!狗醬多亦好食 -- d 醬味道酸酸甜甜, 帶點牛油的香同滑, 實在好掂! d 包就烘得唔夠脆, 叫「狗醬包」會比較貼切, 美中不足.朋友就要了熱狗 + 凍奶茶的下午茶餐 ($25), 一路食一路讚隻熱狗好好食, 哈哈.環境殘殘0地又帶點懷舊, 衛生麻麻, 不過「柄」埋0係地牢食「蛇王」tea, 都幾舒服的.下次0黎試乜新0野好呢?
食過一次呢度的熱狗, 覺得個醬幾掂 (詳見 http://www.openrice.com/restaurant/commentdetail.htm?commentid=1861870), 今日拉了未0黎過的朋友0黎食. 外賣店咁少位, 唔坐了, 今次「捐」了落地庫, 堂食一個 tea.
叫了「狗醬多」(ie 熱狗醬多士) + 熱奶茶 ($23)... 可能要求了奶茶「少奶」, 所以茶味比「正常」版香, 係幾好飲, 不過飲飲0下竟然發現奶茶內有粒疑似麵包糠/碎的濕濕黏黏物體, lur 都 lur 唔切. 好噁心呀!
狗醬多亦好食 -- d 醬味道酸酸甜甜, 帶點牛油的香同滑, 實在好掂! d 包就烘得唔夠脆, 叫「狗醬包」會比較貼切, 美中不足.
朋友就要了熱狗 + 凍奶茶的下午茶餐 ($25), 一路食一路讚隻熱狗好好食, 哈哈.
環境殘殘0地又帶點懷舊, 衛生麻麻, 不過「柄」埋0係地牢食「蛇王」tea, 都幾舒服的.
下次0黎試乜新0野好呢?
張貼
