水門雞飯 (蟾宮大廈)

營業中

休息中

應該好多人都食過佢地既雞飯，講真呢個價錢真係冇咩投訴。銅鑼灣店晚上一樣多人飯，都未計不停有外賣單。餐廳唔係賣豪裝，而係典型泰式 - 簡簡單單。水門雞飯 $54五十幾蚊既雞飯賣相靚仔，份量夠做，仲有重胡椒味嘅湯，同埋一大碟醬汁。雞肉冇骨，醬汁絕對夾到，油飯幾香，整體真係有番當地食果種似層相識既感覺。鳳尾蝦泰式金邊粉 $75炒金邊粉各種配料齊備，其中鳳尾蝦幾有誠意。金邊粉口感煙韌，有嚼勁，本身已帶辣味，所以旁邊辣粉可以不理。馬拉盞西蘭花炒魷魚鬚 $68馬拉盞多數炒通菜，但原來西蘭花更吸汁。魷魚鬚唔係小貓三四隻，有誠意。烤麵包 $1616蚊烤麵包睇價錢以為頹野，其實好正。麵包烤得香口，然後比個咖哩汁你，勁好食，千祈唔好錯過。凍泰式奶茶 $22有飲開泰式奶茶都知特別甜，呢杯反而冇咁甜，溶冰後更好飲。

想食泰國野，平平地嚟水門雞過口癮。以前去泰國好鍾意去食果兩間唔同顏色嘅海南雞飯同串燒，好有回憶。今日入到去，都係光猛簡單嘅白色裝修，不過天氣就舒服好多。QR code自助落單，嗌咗個三寶雞，有雞腎、雞肉同炸雞，會配兩隻汁同一碗湯等你冇咁乾。份量大過泰國食，雞都唔鞋嘅，炸雞肉同炸粉都冇分離，配醬汁食都好開胃。再嗌咗自選冬蔭公湯豬肉丸生牛肉金邊粉呢個價錢真係超值，好大碗，連牛肉都有4大塊…$60唔洗再嗌咗2個小食，呀媽好鍾意食嘅雞腳，同脆豬肉。雞腳正常發揮，純粹我媽喜歡🤣🤣都入味嘅，脆豬肉好大碟，又脆加上啲汁好惹味🤩一啲都唔覺油膩🤭最後唔少得甜品，芒果糯米飯，芒果唔當造，唔算好甜，但配埋好甜嘅椰汁糯米飯就啱啱好！成餐$250有找…今時今日邊道搵，好抵食！！！

成日經過都見到呢間水門雞大排長龍，今日有啲時間，我同個friend又去排埋一份先😆😆喺門口排隊，已經睇定一陣要叫啲乜嘢食😆😆門口啲玻璃貼晒Menu，方便大家可以諗定先😄😄咁必叫嘅就一定係水門雞飯啦，加咗$10 ，要轉雞髀肉，一場嚟到排隊，緊係要食最滑嘅雞髀啦😋😋水門雞飯會跟一碗冬瓜湯，清甜嘅冬瓜湯，好味！雞俾肉勁滑呀😍好好食呀😍點埋佢個汁，好開胃，個飯係好香嘅香茅味，我同朋友平時都食好少飯，而家個飯俾我哋食晒😆跟住叫左一份有3串嘅串燒雞，雞肉醃料足，入哂味，燒得啱啱好，夠juice! 會配埋個沙嗲醬同醋青瓜洋蔥😋跟住梗係唔少得嘅燒豬頸肉啦，好夠燒烤味😍配埋個少少辣嘅泰式醬汁，好match ar😋跟住叫埋佢哋嘅芒果沙冰，同埋菊花茶芒果沙冰OK嘅，菊花茶就同超市盒裝嘅無分別😄整體黎講，係銅鑼灣地區算係性價比好高嘅推介！

第一次氣到Openrice點評，如果來不及幹嘛開外賣自取！外賣平台11:40落單，12點半還未有！明明寫著11:57取餐，站門外等足半個鐘！伙計都不睬！外賣自取慎點！

呢間主打泰式風味嘅海南雞店係Tt我至愛之一 價錢親民又好味呢！-🍲水門雞三寶飯（$64）三寶有炸雞、海南雞同雞雜炸雞皮脆香口海南雞雞肉嫩滑，雞皮富彈性兩款煮法都好好味😋而雞雜就有雞腎、雞腸口感好爽！配搭香而不油膩嘅油飯，超正呢！食完飯飲埋附送嘅湯胡椒味強烈，刺激過癮呀🍜冬蔭功雞湯粉（$58）雞肉同麵嘅份量都幾多肉質軟嫩有雞香味而麵底揀咗金邊粉吸湯力強勁酸辣惹味呀💕🥭芒果糯米飯（$58)芒果香甜多汁超級多肉🤤配上煙韌嘅椰汁糯米飯充滿泰式風情呢🇹🇭🧋泰式奶茶（$22）呢度嘅泰式奶茶好好味👍🏻入口口感順滑茶味濃郁餘韻悠長喔💕🥤美祿（$22）飲得出落咗好多美祿去沖味道好濃郁超讚呀💯

餐廳裝修好有置身於泰國嘅感覺，連餐牌都有泰文，座位方面有梳化位、窗口位、吧枱，自己一個人嚟食都唔洗怕要搭枱，可以慢慢食😊📌食物方面除咗招牌水門雞飯，仲有泰式船粉、串燒、沙律、甜品，用QR code自助落單，又有埋圖片參考🔺水門雞飯($54)雞肉份量好足，加$10轉雞髀肉，肉質好嫩滑，完全唔鞋👍🏻配埋醬汁食一流💯雞油飯唔會太濕，好香雞油味🤤每個飯都會送上一碗冬瓜雞湯♨️好重胡椒味，飲落有少少辣➡️Lamlam脷指數 😋😋😋😋😋 (5/5)🔺泰式炒通菜($54)通菜可以揀少鹽、少油、走蒜，啱哂想出街食飯但怕油膩嘅人👍🏻亦都可以辣度(大/中/少/走辣)，份量算多，好夠火候，炒得爽脆😊➡️Lamlam脷指數 😋😋😋😋😋 (5/5)🔺和牛串燒($20)好香嘅和牛味，燒得剛剛好☺️➡️Lamlam脷指數 😋😋😋😋 (4/5)🔻芒果沙冰 ($26)好濃嘅芒果香味，完全唔酸🤩➡️Lamlam脷指數 😋😋😋😋😋 (5/5)➡️整體評價: 味道同泰國食到嘅差唔多，一入到餐廳見到裝修就覺得好似去咗泰國咁🥰上菜速度好快，即使人多，侍應嘅服務態度都好好😊➡️ Encore指數 ⭐️⭐️⭐️⭐️ (4/5)

之前喺元朗食過呢間水門雞飯，但係元朗而家嗰間冇咗。尋日喺銅鑼灣見到有呢間水門雞飯。就去咗呢度食個lunch. 店鋪入面都係同其他水門雞飯嘅舖頭差唔多裝修。入到去好似去咗泰國食水門雞飯咁😆如果好耐冇去泰國嘅話，可以去呢度食嘢感受一下！我12點幾去食，唔使排隊入去就有位。但係到咗一點幾嘅時候，見到出面已經排晒隊。今次我叫咗水門雞飯，轉雞髀肉。我個人鍾意食雞髀肉多啲。雞肉同雞皮都好滑。好好味！👍特別係個醬汁，加埋一齊食送飯，更加好味😋佢個飲品好大杯。我叫咗泰式奶茶，甜味適中。不過可惜呢度冇套餐。飲品要另外叫。感覺就冇咁抵食。水門雞飯$54，泰式奶茶$22。如果佢有套餐，又或者下午茶餐咁就好啦！可以更加吸引多啲人去食。

水門雞飯係泰國其中一間地道連鎖店，主打用白雞肉嘅水門雞飯，係香港開咗分店之後唔使專程去到泰國都食到，梗係要試吓😍！餐牌嘅菜式同泰國總店大同小異，裝修都係跟返泰國，原汁原味🫢試咗幾款招牌菜，其中唔少得招牌水門雞飯，雞肉全部都係雞胸肉，啖啖肉之餘非常嫩滑，飯底用咗油飯，飯粒濕潤唔會過硬，而且有啖咪雞油味，非常開胃。水門雞飯會跟一碗冬瓜湯，個湯略嫌鹹鹹地，但中和返雞飯嘅油膩，配搭上嚟又啱啱好。除咗水門雞飯，我仲試咗六星鮮蟹肉炒飯。呢個炒飯超級豪華，裡面有大量嘅鮮蟹肉，每一啖都有豐富嘅海鮮味道。炒飯煮得香口，加埋啲蔬菜同蛋絲，口感更加豐富。原隻燒魷魚都好高質，燒得啱啱好，肉感嫩滑，佢地嘅調味都好到位，非常爽口。食泰國野當然唔少得泰式奶茶，過江龍嘅泰式奶茶真係超正，茶味濃郁，奶香十足，飲落去甜度岩岩好。總括而言，水門雞飯嘅水準拍得住泰國總店，未去到泰國旅行住都可以嚟過下口癮😍水門雞飯📍銅鑼灣希慎道2-4號蟾宮大廈地下9號舖

下午在銅鑼灣行街，想吃雞飯。⭐️泰式炒通菜這道菜可以選擇少鹽少油，這對於注重飲食平衡和健康的人來說是一個不錯的選擇。而且很爽脆，很不錯。⭐️水門雞飯我也嫩滑的轉雞髀肉，搭配著白胡椒湯，這道菜味道鮮美。雞肉非常嫩滑，口感細膩，絕對能讓人一試難忘。白胡椒湯的味道與雞肉相得益彰，為整個菜品增添了一層獨特的風味。⭐️串燒我點了豬肉串燒和特別的和牛串燒。豬肉串燒烤得恰到好處，外皮酥脆，內部多汁。而和牛串燒肉質鮮嫩，肉味更濃郁。⭐️蘋果雪梨水它具有清新的水果香氣，口感順滑。

海南雞飯最緊要就係隻雞夠滑，同埋啲飯要夠香同粒粒分明。呢度嘅雞飯算係不過不失。雖然已經叫咗雞髀，但係都未算最滑，而啲飯就有少少濕濕地。唔係特別鍾意食雞飯嘅，可以試下其他嘢。相反，佢啲麵食反而唔錯。泰式牛腩金邊粉幾好味，可能我本人鍾情呢啲泰式嘅味精湯底，而啲牛腩都炆得幾霖。另一款係魚片冬陰功。呢度嘅冬陰功公係偏向清湯底，冇咁油膩，不過味道就冇咁濃郁。最後我哋仲叫咗個芒果糯米飯做甜品。芒果當造，所以幾甜，分量足夠。有點美中不足嘅係啲糯米飯未算好煙韌。但整體嚟講都幾好食。如果下次有機會等我同大家介紹下，一間喺灣仔好好食嘅芒果糯米飯。

水門雞飯差唔多係我飯堂咁滯，因為佢喺銅鑼灣來講價錢算唔貴，同埋我覺得間餐廳好有泰國風情🇹🇭個雞飯就係好似我地平時喺泰國food court食嘅雞飯一樣，正常發揮，不過不失，唔係特別好食，但係放得入口有餘。當然價錢係唔可以同泰國比啦，泰國我諗50泰銖可以食到，呢度要$54港紙💰除咗雞飯之外，水門雞飯最吸引我嘅係佢嘅飲品，有我最鍾意嘅泰式奶茶同埋龍眼冰，佢調出嚟嘅味道都同泰國好相似。另外，間餐廳一路播住泰文歌，令我覺得自己身處泰國一樣，係加分嘅地方。

對於一年要去幾次泰國旅行嘅我，每次一返到香港都會勁掛住水門啲雞飯，今次趁住去睇戲前那那聲去銅鑼灣嘅「水門雞飯」止下口隱先😆水門雞飯轉雞胸+雞雜滿滿一大碟嘅雞胸鋪滿油飯上面，份量仲比泰國食更加多添呀，雞肉皮薄肉嫩，一點都唔肥膩，點上甜辣嘅秘製醬汁簡直一流👍🏻跟飯仲配有一碗胡椒冬瓜湯，入口感受到微辣嘅胡椒香味同冬瓜嘅清甜，簡直就好似返咗泰國一樣😆泰式豬手飯豬手燉得又淋又入味，泰式滷水醬汁味道香濃，滑溜嘅豬皮加上瘦肉口感豐富，一啲都唔柴，入口充滿骨膠原，而且一啲都唔會覺得油膩🐷金牌胡椒豬雜粉湯底加入肉碎好香胡椒味辣辣地，仲加入炸豬皮同薄脆，非常香口惹味，豬雜有豬粉腸同豬潤，生熟程度啱啱好唔會老，最鍾意豬粉腸粉粉嘅口感，食落軟靭彈牙，而且一啲都冇羶味雞肉、豬肉串燒串燒亦做得非常出色，雞肉燒得焦香金味，肉質嫩滑，豬肉大大粒有咬口亦唔會太乾，點上沙嗲醬，正宗嘅泰國味道👍🏻龍眼冰味道唔會太甜，入面仲有龍眼肉洛神花茶味味酸酸甜甜好解渴📍水門雞飯 (銅鑼灣)銅鑼灣希慎道2-4號蟾宮大廈地下9號舖人均消費：$50-100食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐️

幾年前去泰國曼谷旅行，其中一個景點就係去食水門雞飯。果時第一次食，覺得同海南雞飯個感覺好唔同，唔錯唔錯。近年就打入香港，分店仲要唔止一間，方便左好多。幾間分店我都食過，食得最多就係銅鑼灣店。今次終於的起心肝寫篇食評講下。我叫左個牛肉湯船河，一個椰青。太太叫左個水門雞飯加雞雜。牛肉湯船河，牛肉湯好甜好入味，係泰國船河既味道。水門雞飯有雞味，點左醬超好食。椰青好清甜。要讚下員工既服務態度，由等候入座，坐低，叫野食，到上菜，埋單都好好禮貌，值得一讚。

繼續響銅鑼灣幫完朋友手做嘢，一如以往都係唔想午飯時間出去同人迫，今次就有啲新意試吓啲泰國菜，跟住就搵咗呢一間水門雞飯。直接叫咗一個二人套餐。一個就係佢哋話人氣之選嘅水門雞飯，另外一個係鳳尾蝦炒金邊粉，仲有一份原隻燒魷魚，最後仲有兩杯秋日推介蘋果雪梨水。水門雞飯本身已經起咗骨，所以開頭網絡以為分量比較少，識落之後發覺其實都係足夠嘅，加埋佢個汁味道都幾好。至於個鳳尾蝦炒金邊粉都有泰國嘅味道嘅，金邊粉食落都幾咬口，味道亦都唔錯，但係個人覺得如果好似泰國咁加番啲砂糖落去味道會更加好。原隻燒魷魚比想像中大隻，本身燒完出嚟個味道都已經幾濃，加埋佢比嘅醬汁味道都好好，估唔到嘅係燒魷魚燒完出嚟一啲都唔韌，好容易就咬得開，相信對消化能力比較弱嘅人嚟講係好消息。蘋果雪梨水都飲得吓，的而且確好過就咁飲杯凍檸茶嘅。

午飯時間嚟到銅鑼灣就係到食埋午餐才走吧😄水門雞飯分店多，但自己就第一次食，所以樣樣都想試😅佢哋啲雞係每日自家新鮮製造的👏水門半隻雞～冇骨雞肉好滑，連雞胸都唔鞋，還保持到一定的嫩滑程度👍再配埋個小小辣又酸甜的醬汁牛肉湯牛丸生牛肉湯米～牛肉湯底清甜，牛肉鮮嫩肥瘦均勻，牛丸彈牙，仲有吸滿湯汁的炸豬皮和炸腐皮👍和牛串燒～新品推介👍冇得輸$20就食到，超嫩滑，多汁韭菜花～幼嫩而且超多炸蒜，好香口😋