水門雞飯 (蟾宮大廈)

營業中

休息中

應該好多人都食過佢地既雞飯，講真呢個價錢真係冇咩投訴。銅鑼灣店晚上一樣多人飯，都未計不停有外賣單。餐廳唔係賣豪裝，而係典型泰式 - 簡簡單單。水門雞飯 $54五十幾蚊既雞飯賣相靚仔，份量夠做，仲有重胡椒味嘅湯，同埋一大碟醬汁。雞肉冇骨，醬汁絕對夾到，油飯幾香，整體真係有番當地食果種似層相識既感覺。鳳尾蝦泰式金邊粉 $75炒金邊粉各種配料齊備，其中鳳尾蝦幾有誠意。金邊粉口感煙韌，有嚼勁，本身已帶辣味，所以旁邊辣粉可以不理。馬拉盞西蘭花炒魷魚鬚 $68馬拉盞多數炒通菜，但原來西蘭花更吸汁。魷魚鬚唔係小貓三四隻，有誠意。烤麵包 $1616蚊烤麵包睇價錢以為頹野，其實好正。麵包烤得香口，然後比個咖哩汁你，勁好食，千祈唔好錯過。凍泰式奶茶 $22有飲開泰式奶茶都知特別甜，呢杯反而冇咁甜，溶冰後更好飲。