水戶日本料理

營業中

休息中

本身離開呢頭，喺附近想搵間好啲嘅餐廳同同事食飯，係得呢間好啲，唔知點解OpenRice搵嚟搵去都係一啲好一般嘅茶餐廳原來粉嶺中心呢個商場好多靚仔餐廳！行過嚟呢間日本餐廳嘅時候見到一間西餐廳都幾高級幾靚仔嘅裝修但係性價比好高， lunch set都係$100以來非常設備平民化！所以本來以為價錢咁平質素都唔係特別好，點知呢間餐廳嘅刺身都幾高質！同我喺中環尖沙咀食開嘅都唔會話差天共地好驚喜好滿足！不過好多嘢都未必有供應，正常啦！午餐有熟食有魚生定食，仲可以加倍小食或者小丸子！或者加配刺身，唔啱又有不值嘅可以散嗌都唔會話太貴！刺身定食有兩隻牡丹蝦兩篇三文魚油甘魚，同埋嗰啲我冇睇到，在家啲前菜沙律麵豉湯，細細一碗飯，都幾豐富㗎性價比非常高！住粉嶺嘅居民有口福了我就嗌咗魚生飯，要求左唔要魚腩位置，最後有途中所見到嘅雨傘，見到個赤身好靚仔好鍾意，另外三文魚同埋油甘魚厚賜都好新鮮好好味！而且佢個八爪魚刺身都係厚賜，出面通常好蠱惑切得好薄，不過呢度絕對唔會！非常有誠意等參加陪左四片帶子，一片係好薄嘅都係預料之內不過新鮮仲加咗赤背同埋又係牡丹蝦，本來想加甜蝦不過佢冇貨😫仲有來之前一直已經好想食嘅金目鯛，因

呢間水戶日本料理在粉嶺中心的位置相對偏僻, 遠離其他食肆舖位, 响C座自成一角。生意算唔錯, 6點幾入去都七成full。畢竟呢區的選擇唔多。嘢食選擇豐富, 可惜的是佢既丼飯唔係套餐, 如果可以加錢upgrade之類會更加好。我嗌咗個三文魚親子丼, 三文魚籽份量不少, 亦夠新鮮。三文魚只有5片，份量有點小，另有玉子和少量蟹柳絲。三文魚尚算厚切肥美。滑蛋豬扒丼賣相一般，豬扒食落有啲酒味？肉質唔錯，軟硬適中，表面略被蛋汁浸軟，唔係行鬆脆路線。牛油果軟殼蟹卷（＄94）呢個份量黎講少貴，味道不過不失。食完有衝動食壽司郎，類似既野27蚊碟。日式炒野菜($60) 反而幾好食, 有芽菜、洋葱、椰菜、木魚絲，甘筍絲，菇。幾有鑊氣，相當入味。總結是次光顧係同屋企長輩，冇嗌太多生嘢，整體黎講係合符預期，CP值合理，如住附近可以一試，專程黎食就大可不必。

作為粉嶺數一數二嘅日本餐廳，第一次去食佢嘅晚餐，嗌咗一個10件壽司set，軟殼蟹牛油果卷，牛舌串，同埋海膽軍艦。.講真，$188+1 10件壽司性價比唔算太高，因為壽司比出面嗰啲餐廳較為細件，亦都唔係話特別好食。不過又唔可以話佢難食，其實已經算唔錯，只不過如果舊飯可以大返少少咁就最好。同樣$5X嘅海膽軍艦賣相一般般，當然味道都一般般.牛舌串（唔記得咗幾多錢）同埋軟殼蟹牛油果卷（$8X，好似係）就叫做比較好食，牛舌調味唔錯，有出面燒烤嘅水準。期待下次再嚟食啲燒烤嘅嘢。下次會再嗌呢兩樣嘢

叫左個滑蛋吉裂豬扒飯，平時睇日劇見人識得多，我係香港第一次食。整體嚟講豬扒炸得好香脆，雖然淋上咗牆汁，但唔影響豬扒嘅鬆脆，配搭香滑嘅滑蛋，整體好開胃好餸飯。另外叫咗一份刺身都好好食。

久唔久都會到水戶食日本野，今日安排坐卡位，甫坐下發現牆身有點凹凸不平，有些油漆灰掉落，感覺有點污糟，免得灰塵吹起飄揚，影響食物，所以調位。再調位發現牆身都有两處修補過，可能餐廳遲下需要維修一下了。三文魚腩刺身2客，共有10片，而且都切很厚，咬下雖然不是十分肥美，但肉厚、很新鮮又有口感，好味，值回票價。和風牛肉飯，我BB至愛，大碗飽肚惹味！牛油果軟殼蟹卷，有6件，我最愛的牛油果配上軟殼蟹，是無敵的拍檔，平實簡單的味道，正！燒鱿魚筒，又是我BB至愛。魷魚大小適中，燒得剛剛好，口感淋，不會韌。配埋醬汁，又是惹味之選，不能錯過！燒廣島蠔，口味比較平庸，可以不試！水戶的菜式都算多元化，整體食品都算新鮮好味。但個人覺得環境上需要改進一下，有問題的牆壁要執執維修一下。疫情嚴重，餐枱上的膠檔是否應該高一點，最少減少飛沫傳播，現在的膠檔基本上形同虛設，人坐下來，頭已完全高過膠檔，而枱與枱之間的距離又近，令人擔心！

晚上要參與聚會，又不太肚餓，又想食日式食物，看到水戶日本料理，就入去看看。好在吧枱仲有位，服務員有禮，問ok嗎，當然冇問題啦。吧枱坐位也舒適，沒有給人壓迫感，又可以看廚師手藝，一舉兩得。服務員勤快要水俾水，要筷子俾筷子。👍👍👍選擇食物時，真的有點困難，因為不餓又想東想西，令人眼花撩亂……點了開心的三文魚燒餅：餅底大份，嘩！都估唔到，看見餅面木魚跳舞，真開心。餅內有三文魚肉碎片果然吸引。一口兩口就吃完。 再加一客燒三文魚頭：嘩嘩嘩！48蚊就有魚頭及兩塊魚肉，超開心。魚肉好滑，質感好味。正因屬貓科動物，食魚冇難度。 下次要叫埋朋友來，可以食多一點。

聽人講粉嶺中心有一間日本野幾好評價一向都唔錯之前都一直想去食終於等到晚市開返堂食好啦咁就食下啦門外嘅等待人數其實唔少 但我刻意避開黎影姐叫左都幾多野食 就盡量長話短說啦辣味螺肉 $38 👍🏾👍🏾👍🏾食多幾粒就會覺得有少少辣個螺肉都尚算彈牙嘅但佢本身個汁冇乜味而且雪藏感有啲重唔同平時喺出面食嘅感覺天婦羅蝦卷 $72 👍🏾👍🏾👍🏾👍🏾👍🏾呢個係意外疐比想像中好食個蝦炸得好脆同個心係熱個飯又唔會太dry 同個口感係好嘅唐揚一口雞 $38 👍🏾👍🏾👍🏾👍🏾炸雞應該係自己醃過嘅因為佢個薑汁味都重同一般出面食嘅都係唔同味但係都幾Juicy 其實都幾好味豬軟骨拉麵 $66 👍🏾👍🏾如果係諗住食傳統拉麵咁呢一個拉麵就會令你失望啦佢個豬骨湯底唔算濃 就一定冇得同啲拉麵專門店去比較㗎喇而且拉麵呢就係接近水掛麵嗰種唔係一蘭嗰種咁幼 但又冇味千嗰隻咁粗不過豬軟骨係好食嘅煮得夠林 啲軟骨都好似漿咁海鮮燒餅 $48 👍🏾👍🏾佢係大版燒嗰種沙律醬 燒汁 木魚 本身就係唔輸嘅配搭 所以味道都係好嘅遺憾嘅係 個粉漿感太重麵粉個比例太多 食落好漿口都好濟鰻魚飯 $82 👍🏾👍🏾👍🏾飯係預期嘅珍珠米( ´▽｀) 飯嘅口感偏

係粉嶺 日本嘢嘅選擇 少之又少諗住平平哋 試吓這店嘅午市套餐就知佢地嘅質素如何點知星期六日係冇㗎🙂🙃只可以散叫 menu上嘅食品。水戶魚生丼 $108上枱嘅時候就覺得 一般同埋 食完都唔會有飽嘅感覺玉子 冇咩味其他魚生 正常嘢同我喺百佳 買刺身/壽司拼盤個感覺差唔多牛肉壽喜燒 $72湯底甜 內裏有粉絲豆腐 菜 冬菇性價比高過魚生丼份量同價錢成正比睇過佢哋午市套餐如果係相同質素同份量 價錢合理正價+10% 性價比真係好低出面會有更多更好嘅選擇

雖然店舖細細間，但係經常好多人排隊，因為價錢經濟味道好好👍每次來都會點炸蝦卷同牛肉壽喜燒，兩款做得同樣出色，壽司亦都新鮮即製、美味😋雞泡魚干鮮味香口、不錯😋

雖然附近有不少日本菜,但這家小店仍然經常有人龍等候。除了因為座位比較少,原來食物質素亦不錯。個人不太喜好三文魚,但為了三文魚子,就點了三文魚親子丼。三文魚厚切,而且油份分佈平均,吃起來亦有濃濃油香味。而三文魚子份量非常充足,鹹香鮮味。只是白飯份量比較少,吃到後來三文魚子沒有白飯可配了…另外點了一個雞肉拉麵,雞肉也是海量的,麵都吃光了,還有一堆雞肉。雞肉醃料味道很好,即使放在湯裏也吃得出雞肉有預先醃製。湯頭很濃,但又不會太鹹。炸蝦壽司上面的飛魚子真的好多!而且炸蝦新鮮炸好,即使包在飯裏,仍然吃得出炸粉的香脆。總括而言,各個菜式的味道質素都很不錯,價格合理,店內環境舒適,餐檯之間不會過份擠擁。唯一不足的就是冷氣太大了吧?

每次中午經過鋪頭門口都有唔少人係度等緊入座，一直想試都未有機會，尤其9月後粉嶺中心有唔少學生食客。今日見門前人數唔多決定一試，雖然前面等3張枱，但都等左20多分鐘，入到鋪內的感覺係環境幾精緻，好好坐。待應人數好充足，至於食物就不過不失，唔算有驚喜，但價錢同環境還可以，叫左一個壽司午餐，飯握得唔錯，拎起好結實唔會散埋一舊，以我食左咁耐壽司經驗，握得幾靚，魚生鮮味果d就中規中距，始終6，70蚊，唯一我覺得需要改進的係壽司餐入面有舊蟹柳壽司，寧願改做甜蛋壽司好過，在上水至粉嶺都唔多店舖比較出色的情況之下，呢間鋪都可以食下

粉嶺火車站附近日本餐廳選擇較少，水戶是較有水準的一間，鋪頭不大，今次坐卡位，比較舒適。刺身{三文魚、三文魚腩、八爪魚}：一客五片，價格合理，尤其三文魚腩很鮮味南瓜蕃薯天婦羅：味道普通，乾爽香脆，可以不試加洲卷：材料豐富，簡單又好味吉豬烏冬：手打烏冬，口感滑溜，豬扒份量大，雖然唔夠juicy ，但不會乾柴。串燒（牛肉、香菇、粟米）：3串都沒有燒焦，香菇比較咸，牛肉質素不錯，粟米香甜算抵食水戶相信是區內其中一間質素較好的日本餐廳。

一直唔知原來粉中有間咁嘅日本野，今日第一次試，叫咗佢地魚生飯嘅lunch set，最普通嗰隻粒粒雜錦魚生飯成個set就48蚊，外賣竟然加4蚊，埋單52一個兜計一蚊，細兜就兩個計一蚊講真覺得外賣咁樣計法有d貴，唔知佢d熱食外賣又點計，我見有個人買都係一個發泡膠盒走得，可能係咖喱飯嗰d野D野食以52蚊嘅魚生飯來講唔差嘅，有一隻蝦，粒粒魚生係八爪魚同三文魚居多，間中一兩粒其他魚，冇食到有吞拿魚，飯側面仲有d日本醃薑成個set有一個麵豉湯、一個沙律、三粒醃青瓜、一個魚生飯沙律幾新鮮，ok雖然個魚生飯d料係ok足嘅，但我食第一啖魚生就食到一條硬硬地唔知骨定筋老實講就麻麻，52黎講ok啦，見到張單寫埋堂食仲會收加一，所以食堂食定外賣都係咁

我同朋友突然間想食日本嘢 , 咁啱我同佢都係住北區 , 又唔想去得遠 , 我就搵到一間喺粉嶺中心嘅日本餐廳 , 位置相當唔顯眼 , 今晚去到已經係八點鐘 , 還好人唔算太多 , 我哋嗌咗個拉麵同壽司 , 仲有天婦羅同茄子, 先講個拉麵 , 味道都係正常, 當然唔可以同專賣拉麵嘅店舖比, 我同朋友覺得喜出望外係佢哋嘅壽司 , 食材方面都幾新鮮 , 不過價錢都唔算平 , 帶子就要36蚊兩件 , 不過同朋友咁耐冇見, 食好少少冇所謂, 茄子同天婦羅嘅份量就一般 , 質素還可以 , 最後買單每人二百幾蚊 , 一定唔算平 , 不過地點就方便我地北區人。

🍔食物質素：👍🏻👍🏻👍🏻👍🏻   💵價錢性價：👍🏻👍🏻👍🏻    📸打卡指數：👍🏻👍🏻👍🏻        🪑環境衛生： 👍🏻👍🏻👍🏻👍🏻     🤵🏻店員服務：👍🏻👍🏻👍🏻👍🏻其實今次係第二黎，上次叫左牛肉壽喜鍋( $70 ) 👍: 基本有肉有菜有茹又有蒟蒻絲，非常豐富，壽喜鍋醬湯底就更顯香醇海膽炒飯( $78 ) 👍 : 海膽好足，炒得好香又唔會破壞海膽新鮮fai.lok都覺得好有驚喜，係粉嶺上水好少日本餐廳有呢個水準所以今次就同屋企人黎試埋個刺身如果無點刺身，只叫拉面或炒飯類，其實係非常抵食所以價錢如何都要視乎你點的食物竹。刺身盛  ( $298 ) 👍竹。刺身盛有三文魚3片, 藍鰭吞拿魚中腩3片, 深海池魚3片, 劍魚腩3片, 墨魚3片, 甜蝦3片中拖羅入口即溶最好食，池魚爽口，三文魚就用厚身形容最貼切最有驚喜反而係個墨魚，彈口得黎有啲黏口汁燒魷魚筒 ( $78 )燒得幾香，但佢個汁唔係一般燒魷魚筒啲蜜汁燒汁個味好少食到，未必個個接受牛油果軟殼蟹卷  ( $64 ) 👍軟殼蟹卷最好食就係包左飯都保持到軟殼蟹脆口，佢做得到一共有6件，飽肚必選牛肉拉麵 ( $62 )其實佢應該叫肥牛