民華餐廳

營業中

休息中

每次唔想震開冰箱就想食返碗暖辣嘅早餐，「民華餐廳」真係成為我 go-to 嘅地方！佢就喺柴灣興華廣場 1 樓，雖然唔係好華麗，但每一個角落都散發住親切街坊 vibe。最正係佢嘅價錢好平！約 HK$40–50 就有通粉＋炒蛋＋多士＋飲品，超抵又夠飽，而且份量唔少，性價比爆燈。推介嘅湯底開胃微辣，牛肉片軟腍入味；炒蛋又滑又香，夾埋牛油多士一齊送進嘴裏，每口都係幸福感。講得出名嘅仲有佢嘅，炸到金黃脆口卜卜，抹住牛油同煉奶，平價到令人心痛都要再叫多份！另外佢哋嘅點心選擇亦唔少得，例如餡料豐富，皮糯入味、料足香菇、臘腸同雞肉都用心；糯米飯香氣撲鼻，好有家庭味。餐廳嘅服務亦真係暖到心，阿姐主動安排位、倒茶細心，連帶幾位街坊熟客都係一早開波入喥，氣氛友善得嚇人。唯一小提醒就係用餐時間會有小小人多同排隊，但番經驗話你知，早啲到絕對可以搵到靚位。整體嚟講，「民華餐廳」係嗰種平凡中藏住幸福嘅地方：平、好食、有感情，不論早餐、午餐都超級 recommend ！

一直以為柴灣係美食沙漠🏜️估唔到可以食到咁好食嘅碟頭飯😳👍今次已經係第三次食，第一次食招牌叉蛋飯個賣相有啲頹，所以冇影相，但味道同今次都係咁正。啲飯粒粒分明但唔亁又唔會太濕，叉燒見佢咁瘦以為會乾同靭，但同飯一樣咁恰到好處，蛋都係。平時食碟頭我會形容係捱，今次真係可以叫得上係一餐唔錯嘅晚飯。雖然冇套餐，加嘢飲要十蚊以上，但食物質素令我覺得都算合理。再平啲太多人就會坐得冇咁舒服🫣可以改善嘅位係，清潔可以再做好啲，櫈有水滴💦同地下都唔太乾淨🤧

唔想煮飯 所以落左街食*羅宋湯牛丸飯* ：啲牛丸彈到好似充滿彈力球咁，羅宋湯酸酸甜甜，好啱開胃。 *叉燒煎蛋飯* ：叉燒甜而不膩，煎蛋黃金熟度，但白飯就想佢再香啲就完美啦。 *Pizza* ：雖然喺中餐menu出現有啲出乎意料，但食咗之後意外地夾，一個字：正！ *菠蘿包* ：表面脆卜卜，內裡鬆軟軟，食咗都覺得心情甜甜地。 *環境* ：地方唔算大，較逼*消費* ：兩人$127，實惠得嚟飽到扶牆，絕對值回票價。 總括嚟講，呢度細細間，但有咁濃嘅人情味同美味，絕對值得再返嚟！下次約朋友一齊嚟分Pizza啦！_ 😄

在外賣平台嗌咗兩個餐外賣， 送到來成杯檸茶倒瀉曬落膠袋內， 全部食品濕曬。打電話去餐廳， 職員態度惡劣， 現在咁嘅服務態度， 又點叫人在香港消費。而食物 份量叉燒蕃茄通-得一舊叉燒$67蕃茄牛肉湯-好啲 兩細塊$67個人 在這餐廳堂食，

外賣就起勢做，堂食嗰d叫左半個鐘都未有得食(常餐only, 唔係咩特別野)食乜質素真係麻麻地，茄牛麵d 麵淋到好似煮完擺底成個鐘頭再拎出黎咁。下次真係唔會再揀呢間。

蝦仁燒賣的鮮味不足，蝦仁和豬肉不夠新鮮，建議選用新鮮豬肉提高食物質素。糯米雞的餡料有雞肉、香菇和臘腸等食材，糯米吸收了雞肉和香菇的鮮味。糯米的口感黏糯且有彈性，雞肉嫩滑，香菇和臘腸增添了豐富的口感層次。

黎食個普通常餐通粉ok，但餐肉有啲燶，但方包正常但建議唔好慳少少牛油，太少油真係會好dry🙃重點係個奶茶，好鬼澀🧐明明我以前食都無話咁澀，今次飲我忍唔住落比平時多好多糖

呢位收銀員姐姐理解能力低以態度又差！每次打電話落去叫柯打，佢都趕頭趕命收線，永遠唔會問你還有無其他柯打，又唔會覆你一次落柯打，今日我打電話叫左一份餐肉蛋多士，熱咖啡，菠蘿包，攞到返屋企見到多左件多士，我再睇吓張單，佢就打多左一件多士$17😤原本我都想算當食多件，但我再睇張單，我叫份雙拼多士都係$19，還有四件面包，嗰一件多士收$17咩都冇点會叫咁笨！備註：係一件方包切開三角形再合埋就叫一件咁就多謝$17呢份多士都幾貴！有時叫麵餐加埋錢轉花生醬多士，試過好幾次都係無加花生醬！食物選擇經已不多，還要常常出錯！無生意都唔使問点解！

{枝竹蓮藕腩肉飯 - $51}😡呢一間係一間被餐具毀咗嘅餐廳! 真係食到本麻甩火都黎埋! 哥我年中都因為呢個問題BLACK LIST唔少餐廳，就係因為餐具有濃濃嘅漂白水味！真係痴筋架，其實用強力清潔劑洗碗真係明嘅，有時D食物漬同油真係唔易清嘅，不過過水過清D丫，會中毒架大佬!!明明個枝竹蓮藕腩肉飯好好味，入面每一樣食材都係本麻甩好喜歡的，而且廚師煮得好好，味道適中，腩肉又炆到好腍，而且肥瘦適中，配埋D汁用黎撈飯一流!! 不過實在係受唔到果陣濃濃嘅漂白水味! 愈食到落底愈濃烈! 嬲到我食左半碟就放棄!明明係一碟好味嘅食物，結果俾D杯碟毀咗，有無諗過用心煮碟餸嘅廚師? 有無尊重過真心愛食物嘅食客呀? 嬲到我丫!!🤬美味程度：😋😋😋環境指數：🎇番食機會：📍 #民華餐廳 (柴灣)柴灣環翠道11號興華廣場1樓101-102號舖

三月中，早餐時間入咗餐廳，有一位阿姐表示會比電腦條碼我，之後唔見人，直至等到另一位阿姐才取得電腦條碼紙，所以都等咗相當時間。其實服務不嬲都差。之後嚟嘅多士火腿和炒蛋，都係凍嘅，牛油多士不嬲係佢哋重點推薦，只係當天嘅多士只係焗咗一半。薑絲牛肉通只有幾條薑絲，湯底又鹹。奶茶就係正常，不過冇乜特別。埋單$40。

拜山經過見到民華餐廳多人食，見咁岩有位就入去食，以前我食過其他分店，但估唔到呢間連鎖式餐廳+預制食品既舖頭竟然會咁差。餐廳菜單大概可分為常餐/蒸飯（套餐可加飲品，免費熱飲，凍飲+$3）、點心（散嗌）及碟頭飯（散嗌，熱飲+$10，凍飲+$13）椒鹽豬扒飯飯量都幾多，而且米飯唔會太淋，豬扒雖然有骨但夠味都還可以。凍奶茶正常港式飲品，味道偏甜，欠缺茶味。燒賣用瓦碟上枱既燒賣，碟底仲有好多油/水，如冇估錯係一路長期蒸所引致，而呢攤液體令到粒燒賣濕晒，唔好食。重點係當我拎起張單想埋單，發現有d蒸飯配熱飲＋$10，亦有d常餐配凍飲+$13，理所當然叫待應黎幫手了解。一位操國語的女待應以國語回覆無問題，無收多錢，並以廣東話指示要我自行計算。我無理解錯係食客黎餐廳食飯，要自行計算銀碼有冇問題，你係咪傻L咗？跟住呢位國語女待應叫另一位女職員到場，我見到新加入的女店員，職級為副經理。佢就逐項解釋返收費，同埋餐廳系統唔會按順序咁計數，但最終銀碼係正確。另一個問題係你個餐飲系統令到食客誤會，係咪應該叫人處理，或者寫定提示通知客人呢？註：我本來唔打算寫食評，但為免有人覺得我唔係現場而亂講，所以放返張影枱面既相。

今天第一次去柴湾民華餐廳，叫了一個番茄通常餐，番茄通看似簡單，要有煮得好味又要有恰到好處酸甜適中的番茄，而其通粉則要吸满番茄汁液才算是好品質，在茶餐廰很難找到，而民華的番茄通不算是十分好，却已接近。其炒蛋滑嫩不腻，算是物有所值，多士則少少熱外皮微微脆還可以，奶茶方面仍有進步空間。總的看，40幾元的常餐算是物有所值。

2點幾去買外賣返屋企食，諗住食個蒸飯 之前堂食食過一次 果次已經食咗個蒸到個飯淋到俾呀婆食嘅咁 換咗之後係好好食岩岩買外賣又見到個飯好濕 就佢換咗去 唔肯換你咪話唔換得 你又要扮聽唔到 俾錢又要dum張單 全個過程都好唔想做你生意咁！如果附近有其他蒸飯 我絕對唔會光顧佢平時堂食味道都係不過不失 不過今次令到我以後都唔會想再光顧喱間餐廳🥲

4個人去食 安排一陣比2人座大少少嘅卡位其他卡位都係2個人坐(有部分1個人霸哂4個人位)之前叫左個招牌叉燒煎蛋飯 午餐嚟講份量少啲飯勁淋  勁難食淨飯47蚊 如果飲野就套餐 57凍飲再+3蚊

呢間餐廳都算係我食過算係好食嘅沙嗲牛肉麵👍🏻平時去餐廳食通常都會叫常餐嘅沙嗲牛肉麵，但都唔係好多有咁香既沙嗲醬☺️所以我都好推薦呢間嘅沙爹牛肉麵大家可以試吓🥰同埋佢呢度嘅咖啡同奶茶都好滑同好濃！連埋多士一齊食正呀🤤