段純貞牛肉麵 (如心廣場一期)

營業中

休息中

呢日同媽咪嚟咗荃灣行街，行到攰攰地見到呢一間過江龍嘅台灣菜就入咗去試吓，都相當有驚喜🥳招牌紅燒腱心牛肉麵餐廳嘅麵有兩款可以選擇，我哋揀咗較厚身嘅手工麵🍜 質感唔算係好煙靭嗰種，但係佢幾厚身，同牛肉湯底好夾。特別鍾意佢嘅腱心牛肉，係滷得好軟腍，牛筋喺個嘴度化開，但係牛肉依然有佢嘅質感，非常推介大家試呢個牛肉🐮青花椒香手撕雞乾拌麵呢個乾拌麵preset咗係幼麵，果然有佢嘅道理，因為幼面更加掛汁🥰 呢一個乾拌麵食落口非常惹味，有青花椒嘅香味，加埋脆口嘅花生碎，同埋一絲絲嘅手撕雞，撈勻一齊嚟食味道唔錯👍🏻滷豬大腸呢個滷水味道帶點甜甜地，豬大腸完全冇內臟嘅味道，每件都幾厚身，但係又唔會有好厚嘅肥膏🐷 側邊仲有啲鹹酸菜、滷水花生同埋油麥菜，滷水花生都滷得好腍🥜三星蔥肉鍋餅呢個上碟時非常熱辣辣，用上台灣出名嘅三星蔥，蔥味非常突出😛 個人認為原汁原味，唔使點隔離嘅醬都已經好好食😋蒜醬青菜我哋揀咗油麥菜，係加咗啲調味嘅油麥菜，但係唔會好鹹🥬太極厚奶就咁聽個名，其實唔知係啲乜嘢😂 店員話太極係指入面嘅配料有蒟蒻晶球同埋珍珠，飲落口真係幾有質感，而且呢個厚奶嘅奶茶底口感比較Rich。黑糖珍珠鮮奶甜度同埋冰度

近日好掛住台灣牛肉麵，所以揀咗呢間牛肉麵過江龍店，主打用23香等藥材，再以18個鐘先可以熬出一個湯底究竟係咩味？❤️招牌紅燒腱心牛肉麵 $86果然湯頭非常之濃郁，仲有少少藥膳嘅味道，湯底嘅種辣好輕微，要食到後面先會有嗆喉感覺！可以選擇幼麵面同手工面，本身我都比較鍾意食闊身嘅，手工面勁厚同粗身，如果鍾意食口感嘅朋友應該都會鍾意，因為好煙靭有口感！🐃牛肉選用牛腱嘅部位，烹調時間用咗好耐，所以質地勁腍，難得中間部位仍然保持肉絲口感，調味亦啱啱好，超級美味！(*´▽`*)除咗牛肉麵，都要試吓台式小食啦！🤎🍚台式肉燥飯 $78食台灣嘢一定要食滷肉飯，呢隻飯似足台灣嘅味道，味道層次豐富，免治豬肉加入肥膏帶出口感，如果滷肉飯醬汁同埋鹹味多少少，一定更加好食，🧡🍳🥚糖心蛋煮得啱啱好啱，配合飯食唔錯！🐖蒜粒古早台灣腸 $58台灣腸亦都非常美味，肉腸餡料肥膏部份偏多，咬入口香濃可口，單食亦都唔會過鹹！🐔藥膳雞翼 $48藥膳雞翼個湯底好濃郁啊！聞落去亦都超級香，入面仲有杞子、紅棗，雞翼超級滑溜，啖啖肉，飲完湯覺得好滋補！另外仲可以點台式飲品，台式飲品配牛肉麵，簡直一流配搭啊！🧋黑糖珍珠鮮奶 $35充滿香甜嘅黑

來到如心廣場的段純貞食台灣菜，鍾意呢度個牛肉麵湯底，食過返尋😋是晚客人不算多，選了店內邊的一張卡位坐，點了至愛的牛肉麵，仲加咗小食同飲品，同朋友一邊傾偈一邊等上菜。⭐招牌紅燒腱心牛肉麵點了招牌紅燒牛肉麵，個湯底好濃鬱，鹹中帶甜仲微微辣，好啱口味😋牛肉大大件，厚切，炆得軟腍入味，麵條有嚼勁，吸飽湯汁好正㗎。⭐青花椒香手撕雞乾拌麵另外仲點咗花椒乾拌麵，揀咗手撕雞口味嘅，除咗手撕雞，仲有大量蔥花、花生、炸蒜等，而拌麵嘅醬汁麻麻辣辣有花椒香，越食越開胃🤤⭐蒜醬油麥菜最近少食蔬菜就加咗碟油麥菜，原來油麥菜嘅英文叫Indian lettuce，唔留意張單都唔識呀，長知識了😆⭐麻油素麵筋椒麻皮蛋又點咗個皮蛋，呢度個皮蛋係同麵筋混埋一齊，賣相雖然不佳，但幾香幾好食，麵筋彈下彈下好似海綿咁😆⭐三星蔥肉鍋餅最後就係朋友揀嘅蔥肉鍋餅，食落其實似蔥油餅，但入面仲夾啲肉沫，啲蔥好香，煎得香脆，幾好食呀。⭐哈密瓜布丁西瓜奶茶 & ⭐烤茶拿鐵食台灣嘢就係唔少得台式特飲，餐牌選擇甚多，一眼就畀呢個布丁西瓜奶茶吸引住，咁特別梗係要試下啦😆哈密瓜好味嘅布甸q彈軟滑，西瓜奶茶又香又甜，勁好飲😍朋友點左烤茶拿鐵，有茶香但味道

段純貞以牛肉麵為招徠，湯底以牛大骨慢火熬煮，打造一碗濃湯的紅燒腱心牛肉麵。餐館還提供多款台式美食: 滷味、藥膳雞、台灣腸、台式特飲，讓你重温古早風滋味。招牌紅燒腱心牛肉麵 $86深啡色的湯底，香郁細膩，散發醇厚的牛骨精華。牛腱肉鮮嫩，入口軟腍，彈牙的粗麵條，厚薄不均，掛汁力十足，帶來滿滿的滿足感，美味吸引。濃湯燉雞麵 $88金黃色的燉雞湯，湯汁濃稠鮮美，慢慢品嚐雞湯，十分暖笠笠。雞腿肉肥美、滑溜，柔軟的細麵條，沾上濃湯，讓人感受到家的溫暖。鹵水鴨舌 $68鹵水鴨舌柔嫰，醬香味濃，啖啖滷水甜香，欲罷不能。藥膳雞翼 $48藥膳雞翼加入枸杞、大棗及薑絲，十分暖胃。綿軟的雞翼，外表滑嫩多汁，加上薑絲提鮮，滋補暖身。 黑糖珍珠鮮奶 $39黑糖珍奶甜而不膩，拌勻後吸啜一口，洋溢黑糖的甜香，珍珠Q彈軟糯，是嗜甜者的摯愛。荔枝優格QQ $36荔枝優格清新爽口，散發荔枝香，優格酸甜可口，QQ的椰果增添口感，十分消暑解渴。

段純貞牛肉麵今次要介紹一間喺荃灣愉景新城一期有一間台灣菜麵店餐廳叫「段純貞牛肉麵」，入到呢間餐廳都算好寬闊，好適合輪椅人士入去食牛肉麵！1.招牌紅燒腱心牛肉細麵$86（8.5/10）呢碗招牌紅燒腱心牛肉細麵有少少辣辣地，入面有3大舊牛肉，牛肉肉質有少少韌，湯底係以牛大骨熬製，經過數小時慢火細燉，靜置一晚凝聚風味，湯底飲落非常濃加有少少苦，麵可以揀手工麵或細麵，我揀咗細麵，細麵容易吸入湯汁，其他配菜仲有油麥菜，整體呢換招牌牛肉細麵如果湯底無苦味嘅話，我會再比更高分！2.濃湯燉雞細麵$88（10/10）呢碗濃湯燉雞細麵隻雞係比咗雞髀，雞肉肉質真係非常嫩滑，濃湯非常濃郁，再加埋我揀咗細麵，細麵容易吸入湯汁，其他配菜仲有油麥菜，呢碗燉雞麵真係必叫之選！3.鴨舌$68（10/10）呢碟鴨舌唔會太濃味，一碟大約有12舊鴨舌，炆得好淋，筋位唔算多，其他配料仲有花生、油麥菜同酸菜！4.鹽酥雞$48（8/10）呢碟鹽酥雞一共有6舊，炸雞炸得有少少過咗火，雞肉肉質有少少乾同硬！5.麻辣鴨血冬粉$88（9.5/10）呢碗麻辣鴨血冬粉有少少麻麻辣辣，有5舊鴨血，冬粉夠淋，吸哂麻辣湯底，辣得幾過癮，好味！6.滷

今日就同朋友去左段純貞牛肉麵有唔小地道台灣味道食物選擇蒜醬青菜蒜醬的味道濃郁, 油麥菜爽甜滷味鴨舌炆得好入味, 鴨舌口感滑嫩三星蔥肉鍋餅外層煎得香脆, 中間夾住好香既肉餡, 葱味濃郁招牌紅燒腱心牛肉麵牛肉炆得好入味好腍身, 湯底好濃藥膳香味, 咸中帶甜帶微辣, 麵質彈牙青花椒香手撕雞乾拌麵面頭鋪左嫩滑手撕雞, 淋上濃郁既雞湯提味, 食到咁上下, 個麻味係口腔入面徘徊哈密瓜布丁西瓜奶茶味道香甜, 哈密瓜布丁份量多，口感滑溜荔枝優格 QQ味道酸酸甜甜, 飲好開胃, 有好多椰果同埋QQ係底, 層次豐富

🍜台灣過江龍牛肉麵🍜.呢晚終於來朝聖！香港有幾間分店，台灣地道口味，必試招牌牛肉麵！裝修好有格調走中國典雅風，好有feel🥰.🍜 招牌紅燒腱心牛肉麵湯底用上牛油、香蔥、薑、蒜、豆瓣與23種中藥材，慢火拌炒8-9小時後加入牛骨高湯中熬煮，搭配上各種手工調配的香料及醬料，其過程費時、耗工，好有誠意👍🏻味道濃郁，油而不膩😋牛腱心肉花紋狀的油脂分布均勻，豐富膠質和半筋半肉，口感軟熟Q彈，厚肉牛味濃！揀左細麵 ，入口軟身，吸哂湯汁好入味☺️.🍚 台式肉燥飯台灣菜另一必點主食，肉燥豬肉好大粒😍味道正宗，拌以蔥花溫泉蛋酸菜超好味😋.小食同樣高質，滷水豬耳相當入味，好大條又脆口👍🏻 鹽酥雞好大件😍啖啖肉椒鹽口味太滿足🥰再飲杯珍奶🧋好似去完一轉台灣✈️

段純貞牛肉麵之前已經多次到訪，食得出呢度的牛肉麵真係有台灣的水準。呢度環境幾舒服，座位之間有足夠距離，坐得自在。餐提供好多經典嘅台灣美食。我哋叫咗蒜醬油麥菜，清爽嘅口感加上蒜香醬油，幾開胃。滷味鴨舌的滷汁入味，鴨舌軟嫩，好容易食，而且仲配埋滷花生，有驚喜。鹽酥雞係現做嘅，熱辣辣上枱，表皮酥脆，內裡多汁，加埋炸九層塔，十分有風味。招牌紅燒腱心牛肉麵一定要試。湯底微辣，有層次，飲落去好香。牛肉塊大，肉質軟腍，配埋彈牙嘅麵條，真係好正。清燉牛肉麵用咗牛𦟌切片，湯頭清淡但唔失牛肉的鮮味，牛展片厚切，啱晒鍾意清爽口味嘅人。飲品方面，我哋試咗凍綠茶拿鐵同牛奶仙草。凍綠茶拿鐵清新解渴，茶香同奶香融合得好好。牛奶仙草係甜品嘅驚喜，仙草滑溜，口感細膩，份量多，食完好滿足。餐廳食物用心制作，出品全部都好有誠意，值得推介俾大家。

✦ 荃灣隱藏台式食堂｜穿越巷弄的台灣滋味 🇹🇼✨ 周末喺如心廣場一期發現呢間高質台灣菜——「段純貞牛肉麵」！由裝潢到食物都充滿寶島風情，木系餐桌配暖黃燈光，侍應笑容超親切，仲貼心推介招牌菜～ 🍜【必點推薦】 ▫️ 濃湯燉雞麵｜雞湯熬到奶白色，每一啖都係膠質精華 ▫️ 滷大腸三拼｜大腸滷得軟嫩入味，配秘製辣醬超惹味 ▫️ 台式脆皮腸x鹽酥雞｜雙重邪惡小食！脆皮腸爆汁，鹽酥雞撒滿台式椒鹽粉 ▫️ 黑糖珍珠鮮奶｜掛壁虎紋超IG-able！珍珠Q彈度滿分 ▫️ 芒果優格｜驚喜隱藏款！新鮮芒果肉mix酸甜乳酪 🍚 主食控要試肉燥飯！肥瘦勻稱嘅肉燥撈飯，默默哋食完一碗...（罪惡又滿足😌） 📸 環境小筆記： 座位闊落夠chill，牆身仲有復古裝飾，啱晒同閨蜜打卡～店長仲會主動問食物意見，服務真係💯！ 📍段純貞牛肉麵 地址：如心商場一期1樓107號舖（港鐵荃灣西站A出口直達） P.S. 晚市好旺場！想試招牌牛三寶麵建議早少少去啊～ 🇹🇼💛 #荃灣美食 #台灣菜 #珍珠鮮奶

招牌紅燒腱心牛肉麵湯底精心熬製夠晒濃郁，有淡淡藥材清香！牛肉燉煮軟腍，而且夠晒入味～十分推介手工面，麵質夠晒筋道又咬口👍🏻清燉牛肉麵（牛𦟌切片）湯底鮮甜清爽，牛𦟌肉口感鮮嫩，如果想食清清地係好唔錯嘅選擇👍🏻三星蔥肉鍋餅外皮黃金香脆，內層餡料份量十足，蔥味濃郁蒜粒古早台灣腸正宗台灣香腸，加埋蒜頭一齊食正台式滷菜豆乾、杏鮑菇、娃娃菜、花生、麵根全部吸滿滷汁，味道濃郁段純貞牛肉麵 (如心廣場一期) (荃灣)荃灣楊屋道8號如心廣場一期1樓105-107號舖

門面就以書法字體寫上段純貞，也選用木質做成的窗戶和桌椅，坐得舒服，顯出中式的懷舊感。蒜醬油麥菜油麥菜帶有微微蒜香和醬油，口感爽脆清甜。滷味豬耳花生酸菜有鹹香的小吃風味，滷味豬耳夠入味，豬耳軟骨咬落還有點微脆。三星蔥肉鍋餅煎香嘅鍋餅，係薄脆口感，夾入三星葱，又香又脆亦唔油膩。濃湯燉雞麵湯底唔油雞湯清甜，每條幼麵索到雞湯的精華，雞髀肉口感滑溜。青花椒香手撕雞乾拌麵拌勻麵條入口就感覺有麻辣香味，麻辣味啱啱好，唔會過辣，雞肉嫩嫩，花生碎香脆連同流心嘅溏心蛋，滿足晒味蕾又好味。芒果QQ芒果味夠香，珍珠同椰果煙韌咬口，甜度適中。荔枝紅茶荔枝香味同紅茶調教平均，紅茶不會蓋過荔枝味，比較清香，飲落舒服。

想喺香港搵到地道嘅台灣味道，咁你一定要去荃灣嘅段純貞牛肉麵試吓！呢間來自台灣新竹市嘅知名牛肉麵店，已經喺香港開咗幾間分店！一入到店，我哋首先點咗兩款地道台灣小食——麻辣鴨血冬粉同鹽酥雞。麻辣鴨血冬粉嘅辣度係小辣，啱晒唔係好食得辣但又想試吓嘅朋友。鴨血口感Q彈順滑，冬粉吸滿咗麻辣湯汁，食落非常過癮！至於鹽酥雞，外皮香脆，內裡肉質juicy，完全唔會乾柴，係台灣夜市嘅經典味道！當然，嚟到段純貞，點可以唔試吓佢哋嘅招牌紅燒腱心牛肉麵呢？湯底用牛骨熬煮足足8小時，香氣濃郁，湯頭厚實，每一啖都充滿住牛肉嘅鮮味。麵底可以揀手工麵或者細麵，我個人就特別鍾意佢哋嘅手工麵，煙煙靭靭，口感十足！腱心牛肉煮得軟腍入味，入口即化，真係令人回味無窮。另外，我哋仲試咗胡椒湯酸菜豬腳麵。呢款麵只可以揀細麵，酸菜味較濃，湯底帶有微微嘅胡椒香氣，豬腳煮得軟腍，膠質豐富，麵質Q彈，食落非常滿足。如果你鍾意酸菜嘅味道，呢款麵絕對係你嘅不二之選！當然要飲返杯台式飲品啦！我哋點咗仙草鮮奶同太極厚奶奶茶。仙草鮮奶入面有勁多仙草，口感滑溜，鮮奶香濃，係消暑解膩嘅好選擇。而太極厚奶奶茶則係茶香奶醇，口感綿密，飲落非常順滑，絕對係台式

呢間台灣餐廳出名食牛肉麵，除咗牛肉麵其他菜式都唔錯👍🏻午市去食坐得唔錯，而且餐牌都好多選擇！我哋叫咗小食同埋主食一齊食～～首先滷水鴨舌，肉質香嫩。加上耐心熬煮出嚟嘅滷汁，好入味。藥膳雞翼一份3隻，肉質幾嫩，每一口都感受到藥材嘅清香，好養生～～至於佢哋嘅招牌菜色，紅燒腱心牛肉麵配料十足。牛肉既鮮嫩又柔軟，麵條Q彈～～滿滿嘅牛肉香氣。胡椒湯酸菜豬腳麵就清香可口，豬腳嫩嫩，配合酸爽嘅酸菜，好開胃～～

台灣過江龍《段純貞》在香港已開了多間分店，隨時隨地都可以吃到一碗正宗台灣牛肉麵🥢招牌紅燒腱心牛肉麵選用筋肉比例完美嘅牛腱心，口感軟腍，配上精心熬製嘅牛肉湯底，甜而不膩，湯濃味厚，而麵條就有手工麵和細麵選擇🥢青花椒香手撕雞乾拌麵乾拌麵只可配細麵，但因為麵條氣孔多，容易沾滿醬汁，椒香味十足，配料有手撕雞、溏心蛋和花生碎等，份量豐富🥢鹽酥雞炸到金黃酥脆，大大嚿雞肉，嫩滑多汁，做得頗出色的一道台灣經典小食🥢三星蔥肉鍋餅外皮金黃脆甜，蔥香滿溢，餡料雖不多，但簡簡單單已經好好味🥢蒜醬西生菜 想食得健康也可以，這裡有蒜醬油麥菜或西生菜選擇🧋抹茶拿鐵入口濃醇，澀味恰好，口感還算順滑🧋黑糖珍珠鮮奶黑糖珍珠煙煙韌韌，黑糖味香濃，甜度恰好，推介！

📍段純貞牛肉麵@荃灣如心廣場一期小編好掛住台灣牛肉麵的味道，咁啱行過如心廣場見到，就入去試一試☺️星期六6pm入座，不用等位，店舖環境舒適，座位寬敞，坐得舒服👍🏻三寶麵（腱心、牛肚、牛筋）濃郁的湯底，充滿牛肉的香氣，份量足夠。牛腱心有口感，肉質嫩滑；牛肚爽口；牛筋有咬口但唔韌。手工麵，粗切條，煙煙韌韌，第一次試呢種麵，口感幾特別！⭐️⭐️⭐️⭐️（4/5⭐️）招牌紅燒腱心牛肉麵⭐️⭐️⭐️⭐️（⭐️4/5）涼拌小黃瓜+季節醬炒青菜涼拌小黃瓜入口清涼，爽口；炒菜配以醬汁好入味。但兩樣份量略嫌較少！⭐️⭐️⭐️⭐️（⭐️4/5）荔枝紅茶+仙草奶茶兩款飲品配合濃郁湯底的牛肉麵，好開胃，好fresh☺️⭐️⭐️⭐️⭐️（4/5⭐️）總括而言，呢一間會回頭再吃的牛肉麵，大家可以一試！