歷山餐廳

營業中

休息中

早排歷山餐廳惡評如潮 不過最近聽聞質素已改善 趁著有時間及生日慶祝 就同朋友去試下semi lunch buffet. 係官網買做緊75折 ，仲可以簡要前菜加甜品 或者加埋主菜。 本身細食既我倆簡左前者，折左連加一都係$236.3 。歷山位置都相當方便 出左炮台山地鐵站 過左條天橋就到 ，午餐時間係12-14:30 。 搭電梯落一層 就到餐廳。 一落到去，歐洲宮廷奢華風即刻映入眼簾， 正因為依個風格 所以都岩哂一啲愛好童話風既女生到場打卡 一扮公主😆😆。 如果去大堂就需要穿過餐廳而過。 當日去到先知 嗰日有一班旅行團 都相當多人 。 職員安排左我地坐係另一邊 真係完全遠離哂人群😅😅，相當靜 岩哂傾偈同慶祝😂。 食物方面， 以semi buffet黎講都算多， 沙律冷盤有4-6款，海鮮方面有2-3款，如青口、蜆等， 刺身方面有三文魚、鯛魚等，仲有兩款湯（cream soup,同中湯） 。 最多人食應該就係焗蠔， 見到分別係刺身檔附近同湯附近都分別擺左2碟， 都好快俾人清哂🤣🤣食物都不過不失。 除此之外， 個人最中意就係甜品 甜品方面都有7-8款，仲有一款糖水 都有即製corner係即製窩

今次staycation包了二人花膠鮑魚海鮮餐，套餐的菜式幾啱我地胃口，有足料的蟲草花螺頭燉雞湯；原隻鮑魚扣花膠（鮑魚有口感、花膠夠淋、汁調味啱啱好）；百花炸蟹鉗熱辣辣、蟹肉爽口兼美味；星洲胡椒蝦蝦皮炸到卜卜脆，也非常惹味；蒜香鴨肝牛柳就最令人失望（鴨肝正常水準，但牛柳無牛味）；魚湯浸杞子上湯娃娃菜就非常出色，魚湯好味，菜軟硬度適中；海皇西施泡飯主要有蝦肉、帶子肉同菜粒，幾開胃；蛋白杏仁茶就普普通通啦！餐廳知我老公生日就送上蛋糕，職員態度服務優良，在舒舒服服冇乜人嘅環境下嘆晚餐都相當不錯👍

古怪的酒店入口再加上金碧輝煌的設計（雖然其實係娘到爆）,不過都唔影響食評，主要都要睇食物質素。魚生：雖然好厚切，但完全係淡而無味。切魚生/煮麵的廚師是同一位阿姐，睇到我眼突就係佢用同一對手套切完魚生再過隔離煮麵，然後再返回魚生岡位。有無攪錯！蟹腳：都係淡而無味，而且都係痴殼的！涷蝦： 細細隻全部附送黑黑的蝦腸！燒牛肉：呢個算係正常，不過裝汁醬嘅煲蓋熱到炳手。基本上我已經無信心去再試佢其他冷盤。無可選擇情況下只好食專兩片燒牛肉。。全場最好食的是movenpick/haagen daxs杯裝雪糕！！！咁嘅質素都收$6xx，完全不合理！

晚上同🤴🏻食咗一個非常滿意嘅晚餐😍😍，今朝試埋佢嘅半自助早餐先😁😁呢個package包括嘅早餐係半自助早餐，起初以為係一份指定早餐，再俾你出去夾一些輕食、飲品為之半自助早餐，但原來又唔係咁樣😄😄我同🤴🏻都覺得跟本就係自助早餐，俾你隨便出去夾食物，中西款式、乳酪生果、奄列煎蛋🍳、麵包、通粉等等，認真款式其實就唔算多，好多酒店早餐都食得到嘅味道，但食物質素都算高質，以下係最有記憶點食物🤣🤣～～～中式炒麵～～～我同🤴🏻都覺得全場最好味就係炒麵，炒得唔油，有香香嘅豉油味😊😊驚喜丫🥰🥰～～～雞絲菇絲粥～～～有好香雞味嘅粥，唔會過鹹😙😙港式有味粥！正👍🏻👍🏻～～～牛肉燒賣～～～中粒size，肉質飽滿🙂🙂但可能蒸太耐比較淋身～～～各色水果～～～第一次食橙唔使自己搣皮😂😂，其他水果都香甜☺️☺️好似中式嘅好食啲😝😝而西式方面就比較普通

今次同🤴🏻嘅staycation係歷山酒店，價錢為$1218當中包括套餐晚餐，半自助早餐及甜品加白酒，套餐晚餐我哋就揀咗 ‘ 花膠鮑魚海鮮餐 ’ 😊😊～～～蟲草花螺頭燉雞🐥湯～～～好香好香嘅螺頭肉，滲出晒喺個湯，飲得出花咗好多時間熬出嘅湯，雞🐥肉同蟲草花Keep住有彈性，但小心雞🐥肉有細骨😗😗～～～原隻鮑魚扣花膠～～～有厚度嘅鮑魚仔，燉得好入味☺️☺️！花膠有半隻手掌大小，可能花膠唔算厚肉，使花膠沒了黏口感覺，清脆嘅口感😚😚～～～百花炸蟹🦀鉗～～～一粒炸蟹🦀鉗，炸衣好薄肉厚，酒樓飲宴嘅質素，要點甜酸醬先好食🙂🙂～～～星洲胡椒蝦🦐～～～本身蝦🦐肉冇乜胡椒味，食嘅時候配埋一兩粒胡椒入口反而有驚喜，肉質略為老咗少少🤏🏻🤏🏻～～～蒜香鴨🦆肝牛🐂柳～～～蒜片極度香脆好似食緊薯片咁😆😆，但唔好一次食咁多會有苦味😅😅牛🐂柳嫩滑有彈性冇根😁😁，鴨🦆肝質地似軟軟地嘅芋頭粒😋😋，配埋青蔥一齊食會冇咁油膩🥰🥰～～～魚湯浸杞子上湯娃娃菜～～～有魚香味娃娃湯菜，解去之前菜式嘅油膩感🥳🥳～～～海王西施泡飯～～～內有蝦🦐肉粒、帶子粒、金華火腿細條、菜心粒同米通，湯味就同娃娃菜嘅湯差不多，每款材料都好新鮮，米通帶脆口😘😘

炮台山工作了好幾天，大家都感覺順利。於是，在星期五，老闆就來一個簡單的 team lunch，送舊兼迎新。開心午餐的地點，是公司附近的新酒店 Hotel Anexandra。新地頭，新的港島東地標之一，一切都令我們一行人覺得很新鮮。我們來到酒店同 service apartment 的大門，再按職員指示再落一層，就是 酒店的自助餐廳 Cafe A《歷山餐廳》的門口。我們一行人，就在這兒享用一個半自助午餐。半自助餐，就是前菜同甜品任食。來到，識唔識食都好，海鮮同刺身都是熱門的食品。大量地供應，吃完總是會添吃多幾份才會滿足的。這兒的 cold seafood 的確是不斷地供應，青口，花螺同蝦都好新鮮。而魚生有三文魚，油甘魚，甜蝦同八爪魚四種。開場，就立即來一份新鮮甜美的魚生。我每樣都要了一份，每樣都只是輕輕地點一點醬油就吃。原因就是每一樣魚生都非常之新鮮，魚肉、蝦肉甚至是八爪魚肉本身已經帶甜美。值得去添吃。之後的一碟，就是 cold seafood 同 cold meat。不同種類的火腿，味道一流，青口同螺都鮮味十足。蝦更是鮮甜可口的。不過，最令我開心的其實是中式的東西，麻辣皮蛋又香又夠辣

早幾日同事話請食飯， 目的地係歷山酒店， 聽咗已經打過突， 好多人或者網上嘅評語都係非常一般， 不過我做人比較均真， 唔食過唔好亂畀評語， 去之前已經 有心理準備冇乜要求， 都係嗰句好食米再食唔好食咪冇下次囉， 酒店本身係做到金碧輝煌不過唔係我鍾意嗰類型， 鍾意嘅話打卡係唔錯嘅選擇。好啦入正題， 首先食凍食， 蟹腳冇味， 跟住攞蠔食， 佢係即開嘅一人三隻唔知點解可以咸得咁緊要， 我以為自己熱氣問其他人佢哋都話好咸， 跟住攞魚生食， 我咁大個仔未試過食魚生 要食到lur返出嚟， 嗰嚿應該係立魚，有啲類似泥腥嘅怪味， 跟住熱盤 ，冇乜特別， 牛仔肉 接近食紙皮嘅狀態， 全部一次過冇返兜， 跟住心諗算啦食多啲甜品就收檔啦， 嘩❗️精彩囉酒店嘅甜品可以處理到咁樣， 全部係放題色嘅甜品， 連一個切餅都冇， 4，5款細細舊長方形放題色嘅蛋糕， 三星級嘅酒店都不如， 雖然五百蚊咁嘅價錢但係所有嘢都唔合格， 係我食咁耐自助餐倒數第1 2位， 係咪真係咁差，見仁見智大家可以自己試一試

朋友生日，揀左歷山酒店食半自助午餐，餐廳係宮廷式設計，地方寬敞。除了主菜外，自助區食物選擇雖然不多，但質素非常好，冰鎮海鮮及魚生都很新鮮，甜品亦做得很出色；員工們都很有禮貌，仲幫我們送上生日小蛋糕給壽星女，謝謝你們。

午餐以半自助形式+1份自選主菜，主菜分為西式及中式，各有6款。我和朋友都點了西冷牛扒，份量大而且非常美味。自助食物有刺身、焗蠔、冰鎮海鮮、多款沙律、各式甜品、餐湯、糖水、果汁、咖啡及茶。

歷山餐廳設計金碧輝煌，而且仲有英式下午茶，餐廳仲有位置掛上閃ling ling水晶燈俾顧客影相食完下午茶，記得要走到餐廳附近的酒店走廊影相，你會感覺自己好似置身於貴族宮殿一樣🍰英式下午茶Tea Set一人一個，每個都有3層，最頂層係偏甜，甜到有啲啲漏🧁英式鬆餅係一個Tea Set的靈魂，咬落好鬆脆，焗得岩岩好唔會好濕同淋🥐咸點大致都好好食，韓式雞翼都辣辣地，鮑魚都好香口帶子大大粒好新鮮😍🍦雪糕有Häagen-Dazs雪糕，我地可能食得太晏，食雪糕個時已經好多味都無🍹飲品每人一杯有酒精🍸:紅酒/白酒/氣泡酒一杯無酒精☕皇后茉莉綠茶/蝴蝶夫人綠茶/洋甘菊茶/法式伯爵紅茶/英式早餐紅茶即磨咖啡👅味道:👍🏻👍🏻👍🏻🍔賣相:👍🏻👍🏻👍🏻👍🏻🏝環境:👍🏻👍🏻👍🏻👍🏻🤵🏻服務:👍🏻👍🏻👍🏻📸打卡:👍🏻👍🏻👍🏻👍🏻💵價比:👍🏻👍🏻👍🏻👍🏻💌有好多打卡位，少有的宮廷feel環境環境好舒服，樓底高，地方超大，座位寬躺但食物就比較一般🏠 歷山餐廳 Cafe A 北角城市花園道32號歷山酒店大堂🚇交通: 港鐵炮台山站B出口, 步行約5分鐘☎️38932868

剛剛收到消費卷，當然要去食下Tea set 😄😄今次去比較少人但打卡不錯的地方，未入坐的時候，我已經四處打卡😁😁環境好靚🥰🥰原來包一杯餐前飲品（紅酒/白酒/氣泡酒/橙汁）😁😁,然後才上餐茶（皇后茉莉綠茶、蝴蝶夫人茶、洋甘菊茶、法式伯爵紅茶 、英式早餐紅茶、英式早餐紅茶、coffee or Tea)不久侍應便送上兩set Tea set😁😁,然後就好忙咁不停打卡，原來我的坐位很好，背景剛剛好😁😁食到甜品的時候，已經七成飽😂😂，所以食得好慢好慢，雪糕要推遲到16:00才上🤣

身為香港人 又點少得周圍搵下野食 打下卡咁呢見呢間酒店 新開左冇耐 而且又做緊打卡下午茶 緊係試下啦見佢周圍都係以西式為主打 而且洗手間極為高級， 差啲連垃圾桶都搵唔到..講番正題先，佢地既服務員會幫女士拉櫈 顯得非常高級最上層既甜點 真係用甜到漏黎形容 係放唔入口既甜.. 但係佢既咸點，不過不失。 有好多打卡位既地方比你打下卡，而且冇限時 ， 只要晚市前離席就可以了服務態度唔差，但如果我對食有要求 幫襯過一次就夠了 唔會再回頭

歷山餐廳 (北角)📇地址：北角城市花園道32號歷山酒店大堂樓層🕐營業時間：星期一至五12:00 - 22:00，星期六、日及公眾假期11:30 - 22:00（每日14:30-15:00及17:00-18:30為休息時間）💸人均消費：～$201-400/人👏🏻抵讚位：打卡一流嘅酒店餐廳，啲閃令令位同酒店一樣，都係行宮廷式design。樓底夠高，坐得舒服，坐得耐都唔會覺得焗促。staff好有禮貌同埋service都十分好，唔會夠鐘就趕人走😆 我地個日去到其實都已經係就黎埋尾，但啲野食都仲有refill，唔會就黎完個section而唔再fill野🍴Food QC：有生蠔食，細細隻，但都有鮮味。啲牛扒切出黎3-5成熟，但唔會un到𡁻香口膠咁，同埋有牛味。欣賞佢個拿破崙，放耐左個酥皮都仲脆卜卜同埋啲吉士唔會好甜，正🫶🏻👍🏻 其他啲野食中規中矩，無話特別難食😂😯有待改善位：好似都無🙈😼私心回應區：之前都有睇過話歷山餐廳嘅buffet好伏嘅comment，食落我又覺得唔錯。上網睇啲comment話對比起啱啱開嘅時候好食左嘅，好在無揀錯時候黎😂

近年太多奶黃月餅，但靜靜就想吃傳統月餅，所以就去換購一盒來吃吧。在 Trip.com 用優惠價 HKD$338，比原價便宜 HKD$60。去取月餅順道在酒店打卡一下😆，酒店真的很美有很多打卡位。-▪︎金箔白蓮蓉蛋黃月餅禮盒 原價 HK$398金光閃閃的包裝賣相吸引，一盒有六件月餅。面頭金箔所以挺美的，原本期望不太大的，但這個味道挺有驚喜。金箔只是裝飾所以是沒有味道的🤣。月餅皮酥香微咸，白蓮蓉味道不會太甜。蛋黃雖然不是漏油，但咸香味十足。-

賣相差味道更差呢塊芝士成塊膠布牛扒五成變七成漢堡內啲牛扒好靭黎到呢度相當失望真係賣景靚Feel 正可一不可再服務質素一般甜品選擇有啲少味道一般不要抱太大期望冇諗到一間酒店食物質素劣質去café 質素都好過佢🫠