正斗粥麵專家 (新城市廣場一期)

營業中

休息中

這一日，有某含著金鎖匙出世，從小便衣食無憂的所謂城中名人大言不慚地以雲吞麵多好吃也不及米芝蓮餐廳的食物好吃的錯誤比喻來質疑「十年」因何能奪得今屆的香港電影金像獎最佳電影。可這一夜，我就在這間源出於米芝蓮推介中榜上有名的唯一一間雲吞麵店「何洪記」的「正斗」，吃了一碗「雲吞麵」，覺得味道並不比米芝蓮的出品遜色。這晚的「正斗鮮蝦雲吞麵」，湯清味好，麵條爽口，雲吞也小巧正宗，小小的一碗，已是美味。同樣有水準的有「南乳豬手」。南乳味香濃，泛著油光的豬手皮滑肉嫩，骨膠原豐富極了。「銀芽肉絲炒麵」也不錯，雖然麵條稍嫌不夠脆身，但整碟炒麵味道適中，茨汁不會過份濃稠，整體水準令人滿意。「蝦子柚皮」十分出色，索滿汁的柚皮極為軟腍，味道也好，超正！最後還有吃飯呢！是二人份量的「自選百搭煲仔飯」，食客可在指定的八款配料中任揀三款，我與友人結果揀了北菇滑雞、膶腸和鮮田雞做這煲仔飯的配料，既足料，又熱暖的煲仔飯，吃上一碗，既飽且暖。誰說「雲吞麵」不好吃？我這等一介蟻民，沒有一個懂得賺大錢供自己讀書吃喝玩樂揮霍金錢一擲千金的父親，米芝蓮名店只能偶一為之試試，一碗正斗的「雲吞麵」已覺得很好味了。

睇番小弟晌沙田區嘅搵食足跡，原來大部分嚟嚟去去都喺晌新城市廣場嘅多，都喺多得老友就我唔使要我周圍搵，新城市廣場確喺挺方便。今晚，同朋友嚟食飯嘅地方又喺位處新城市廣場。「正斗」非第一次幫襯，所以，環境、服務都知道非一般粉麵檔咁「街坊」，但定價亦非一般街坊價，哈哈！原來打算食吓粥麵，不過，見有版小菜推介嘅小炒，內裡仲有好耐未食過嘅田雞，二話不說就想點嚟試試；另外，加多一客炒飯先。XO醬爆田雞 $125比預期細份量喎，不過，感覺好似幾惹味！先試件田雞脾，惹味就惹味喇，可惜炒得過火咗些少，所以，肉質未至好嫩滑，而且，鹹咗少少；反而，啲蜜糖豆清甜好味。希望佢哋會對證下藥，調校一下個味道，唔好嘥咗啲田雞啫。蛋白野菌炒飯 $108個炒飯唔錯喎，因為，飯粒炒得乾身唔油，配蛋白及雜菌，幾足料，又幾健康。如果加少少黑松露醬提升一下份幽香感，相信仲吸引。陳年金桔蜜 $22小弟要咗杯金桔蜜潤一潤，皆因有輕微喉嚨痛。嚟到時，金桔已經篤到蓉晒溝勻咗蜜糖，飲落金桔味好濃香，果然夠陳年，哈哈，就算未知功效點，起碼入口都潤晒。清潤雪耳燉木瓜 $50友人就仲潤，餐後要碗清燉糖水，我就黐少少試試。雪耳好爽脆，木瓜夠熟，味道

雲吞麵湯頭唔得麵唔彈，雲吞算合格正宗(正宗係因為好細粒唔係味道)。粥無味，裏面d豬腰「啤」水「啤」到無哂味，肉丸ok。炸兩d皮薄到零米味，入面油炸鬼返炸有d硬。真係三樣都唔好食偏偏夠膽收人$179，想大家食之前三思，新城市好多選擇唔需要幫佢交租，留返佢自己慢慢呃遊客

全城看＜十年＞之前，提早到沙田先吃少少東西「暖胃」商場內的中式選擇不太多，正斗裝修「企理」想吃清淡一點，是晚挑選了廣東粥 : 有時只想在被消失之前捉緊簡單真摯味道，足料、沒有味精、「本地」、粥底即使稱不上太綿，整體仍算「無得彈」；用廣東話形容永遠都最傳神 –Peachy.foodie rating: ✮✮✮✮☆(4/5)另外，還叫了一杯「陳年柑桔蜜」外賣。甘味有驚喜，喝罷喉嚨舒暢

事隔一星期，又去正斗叫返一樣嘅野食。細蓉+艇仔粥食過唔同鋪頭嘅雲吞麵正斗嘅麵係最彈牙，蝦夠爽口，係湯底唔覺有蝦籽味。我一直都唔鐘意食艇仔粥的，但係正斗令我鐘意左食。粥底黏調度適中，有好多料！包括生菜、咸瘦肉、海哲、魷魚、魚片、花生，每種料份量都唔少，唔會過熟剛剛好！真係好正！服務都唔錯！環境幾乾淨！好滿意！

早前已想到這裡食, 今天見不太人多等候, 同爸爸一同在這店午膳, 我吔食咗艇仔粥, 好綿, 但料太少, 也沒有傳統的味道; 福州炒米不太油, 而米粉也炒得適中, 不會太霖, 但酸D會更好; 淨雲吞皮薄料足, 上湯也好清甜; 蟹籽綿花雞D魚肚好入味, 雞肉也蒸得滑, 有蟹籽在冬菇上, 食落更鮮味。最欣賞是服務, 由等位到埋單這裡的服務員也很熱誠招待。

啊媽話想食中菜，沙田中式菜少之又少，所以是但去左正斗食，貪佢有粥麵。 我叫左個咖喱牛腩飯，一個好普通既飯都要差唔多一舊水，真係好貴。 但同時我都明白一分錢一分貨既道理😂佢既咖哩真係好好味，辣得黎好香椰奶味，真係用汁撈飯已經好正。牛腩相當淋，唔會話太肥，都有小小牛根，係幾正既。最重要既係配角-薯仔，師父好聰明地將佢細切，所以係相當入味，而且都好淋，very nice。食完都gur哂😬😬

由於是下午茶，食客不多環境乾淨,餐桌之間稍逼，但可以理解叫了稜魚球粥及叉燒腸粥好快上，可惜吃了幾口，已成水若如皇府相比，至少人家是綿密最令人失望的是面上的花生有油溢味，又唔脆😓😓反而叉燒腸，皮薄嫩滑，吃到一片片好薄的叉燒，正！不像有上用下欄叉燒，😋😋見隔離兩枱都叫乾炒牛河，油光不太多，連我也聞到香味，下次一定要試！

之前有光顧IFC的正斗幾次，感覺地方舒適，座位與座位之間寬鬆，侍應醒目，所以對沙田這間新開幕的分店滿有期望。用新城市的apps取票，去到剛好有位唔駛等。2個人叫左叉燒包、蝦餃、冬菇滑雞粥、牛筋腩麵和裹蒸糭。侍應加茶都算勤快，但那個圓大的熱水壺，來回如此窄的地方加水，十分危險，如此熱燙的水壺面很易碰到客人。茶是太平茶即是一大個水壺開的，通常用普洱，但這裡的不夠香濃。食物上得快，叉燒包皮薄餡唔會膩。蝦餃皮薄，蝦肉算彈牙，但size偏細唔夠喉。冬菇滑雞粥一貫的軟綿，雞肉滑無雪味。牛筋腩麵，麵質彈牙，但分量太少了，5囗就無曬，牛筋腩入味但未算好淋。裹蒸糭size唔細，餡料亦唔少，唔會有一大舊肥豬肉。食物質素ok，可惜環境太迫同趕，唔適合慢慢嘆茶。

七一.係屋企開左個新城市apps拎飛去到剛剛好有位 所以不太怎樣等位肉絲炒麵麵底少少脆多多不過可惜的是不夠脆味道剛剛好 不會太咸食肉絲炒麵點埋辣椒醬 一流啊而且都係即叫即整 熱度可以吧及弟粥其實都算多花生的材料都算多 粥底都算綿的但吃起來的感覺 好似在外面一間店舖都食得到沒有太大的驚喜喔下次有機會要試下點心聽聞這裡的點心都不錯吧有點期待喔.

今天與家人一行五人到沙田逛街，剛巧看到著名的正斗新店開張，便帶父親嚐嚐。之前已光顧其他分店不下數十次，都是信心保證與價錢成正比。但沙田分店卻令我有感失望。首先，上桌的是原汁柱候炆牛腩，肉質頗軟入味，有濃厚的果皮香，但略嫌牛腩偏碎，湯汁亦太多而口感偏稀，建議應將這味小菜，改名為＂水煮柱候牛腩＂感覺更對味。潮州蒸粉果，份量迷你，餡料不足，沒有芹菜的香味，外皮亦不煙韌，味道完全有別於以往在其他分店吃過的，說實，這個點心是我最期待要吃的，為什麼變成偏偏是我最失望的。羅漢齋春卷，外皮不是金黃酥脆，而是橙啡還算酥脆，入口濃厚油膩感，建議改名為＂陳年油封羅漢齋春卷＂咸水角，一個字＂油＂，過份糊口，餡料少，亦是炸物，故改名為＂陳年油炸咸水角＂蝦米腸，普通，腸粉口感亦算爽口彈牙，但蝦米實在稀少。肉絲炒麵，麵底香脆，配料豐富，但整體味道偏淡。鳳城鮮蝦水餃味道最佳，每顆水餃都有一隻蝦，而且十分彈牙，感覺新鮮，配合雲耳，口感爽脆，湯底有淡淡的大地魚味，湯清味甜。值得一讚是，這裡店員服務態度良好，座位舒適，裝潢時尚華麗，但最重要的食物質素實在有待改善。

今日放假經過新城市...見到正斗已經開咗，於是乎就埋去攞位。坐低見到啲裝飾幾好，都算整潔，檯與檯之間空間合理，唔迫。環境都攞8/10分嘅。侍應招呼都算有禮貌，主動幫我們添茶很多次。叫了食物...雲吞麵(大)，炸鯪魚球及干炒牛河。雲吞麵最先到達。所謂大嘅雲吞麵，Size亦只係普通，有六粒雲吞，一啖一隻嘅大小，每隻雲吞有一隻蝦。先講味道，聞起嚟的確好香，麵亦夠爽口。可惜唔夠味道，無論係個湯底同埋個雲吞，我真的覺得好淡添。至於炸鯪魚球，上檯時係熱辣辣的...味道尚算可以！值得一試。到干炒牛河，又係唔得。今次係太油，上菜時已經見到碟上很多油，食嘅時候已經嘴唇沾滿油，而牛肉亦唔夠嫰滑。總括嚟講，食物質素仍有待改善，希望過一排會好啲啦！