正斗粥麵專家 (新城市廣場一期)

2025年8月18日，我第一次喺正斗粥麵店買粥，令我驚喜的是我叫的外賣粥很有味道，簡直是太好吃了，強烈推介住沙田的朋友去試一試，店員態度很好，點餐時間亦很快，推介…查看更多

本身細個成日都嚟食正斗都覺得佢啲雲吞麵同粥幾好食，同埋配上一杯豆漿，其實都係近滿分嘅一個餐廳。跟住今日無啦啦嚟再食吓⋯⋯1）牛腩撈麵🍜：一開始個侍應俾咗碗牛腩湯麵，跟住就話唔啱啦當然。你返碗啱嘅撈麵返嚟嗰時就發現點解好似顏色有啲分別嘅？撈麵嘅麵份量已經比湯麵多，就發現其實佢哋將啱啱湯麵嗰兜麵，再加上一扠乾嘅麵擺埋同一個碟就話係撈麵。用眼睇個色差真係好明顯，食落去咁梗係有好大嘅分別啦，口感欠佳😞。2）蝦米腸粉：賣相相當不錯，但係一嘗試去夾腸粉，勁快就爛咗😨。唔知係咪轉咗粉漿配方定係今日個廚師唔知想點，但係食落去都係黐立立都唔係滑嘅😒。（唔知OpenRice痴痴哋加唔到相🙇🏻‍♀️🙇🏻‍♀️🙇🏻‍♀️，但係你都諗吓濕嘅麵同乾嘅麵色差有幾大）…查看更多

正斗裝修完之後第一次食，兩大一小去食有卡位坐，坐得很舒服😃今次食咗菜遠牛肉炒河、煎蘿蔔糕、炸兩同豬潤肉丸生滾粥🤭菜遠牛肉炒河：很好味，牛肉很腍，食得出有鑊氣。我哋每人食咗一碗先記得影相😆煎蘿蔔糕：煎到外面很脆，每件蘿蔔糕都很足料👍🏻炸兩：將豉油同醬汁分開上，味道自己調教。炸兩入面油炸鬼都脆卜卜，食得出不是用隔夜油炸鬼。非常香口👏🏻豬潤肉丸生滾粥：米芝連推介的粥品冇得輸，豬潤煮得剛剛好，粥底很綿，粥入面有蔥絲同薑絲，食完很暖胃🥰…查看更多

正斗不愧為美芝蓮推介美食簡直是粵式美食天花板！廣東人最愛的粥粉麵飯這裡都可吃到而且食物水準非常高環境衛生，坐得舒服，服務周到也是我喜歡這店的原因☺️價錢是對得起質素的二人套餐經濟實惠包括雙拼粥（可自選配料）牛肉和魚片夠滑溜粥底綿密細膩點心拼盤想不到這裡可以吃到點心呢！燒賣飽滿菜苗餃晶凝剔透珍珠雞帶荷葉蒸出來的香氣楊洲炒飯炒飯粒粒分明卻不油膩每粒米也沾有蛋汁少一點功架也不行！很久沒吃到這麼出色的楊洲炒飯最後還有油菜一客廣東菜多以澱粉作主食吸收多一點纖維平衡飲食是必須的正斗最馳名必數雲吞麵如果有海外的朋友問有什麼香港美食推介就推介正斗的雲吞麵吧一定不會失望的！雲吞不算大顆，卻包含完美比例的鮮蝦和豬肉湯底極富大地魚香，絲毫不油膩蛋麵彈牙煙韌吃得一滴也不剩！…查看更多

星期六下去左沙田新城市廣場間正斗雲吞麵有醶水味但彈牙魚湯係大地魚但唔鮮甜光炒牛河無左果陣香味 食到牛肉有蘇打粉味豬膶麵豬膶過熟 所以硬反而個鮑魚雞粥有點雞味 但粥唔似用米煮出來 似磨粉煮滾粉果同羅白糕叉燒包無特點全部野光速三分鐘內全部送上明顯為清客量全部預制加熱即上真心想試細容可以去其他店試…查看更多

星期日晏晝食外賣點心，唔使同人迫，電話落order，外賣仲有九折優惠。現場見到有好多人排隊等候，而外賣都有兩三單，等咗大概半個鐘頭左右先至攞到外賣點心拎返屋企開餐。豉椒鳳爪微辣味重，鹹咗啲啲，雞腳偏瘦唔夠肥大，缺乏口感。豉椒排骨炒河河粉夠挺身冇腍啤啤，好食又唔太鹹，味道啱啱好，獻汁做得唔會太糊口，但係排骨就比較韌，要啲力水去咬。蒜茸蒸排骨夠腍而味道濃郁，香蒜味道啱啱好，值得一試。蒸牛肉球有果皮香味，仲有馬蹄咬落去有咬口兼shortshort聲，肉味濃郁而調校味道配合得好，但係嗰位執馬大哥唔記得比喼汁入外賣盒，如果有埋喼汁咁就e支接班啦！鹹水角炸得夠乾身，一啲都冇油淋淋，味道合格，但係個皮就太厚，餡料唔足夠，一口咬落去成嘴都係外皮料。叉燒酥皮薄餡料飽滿，微微帶甜，好可能因為叫外賣關係個皮有少少腍咗啲。食到有少少怪怪嘅味道，好似係油益嘅味道，下次可以唔使再試！馬拉糕就留返俾老人家第二日朝早做早餐，我就有得睇冇得食！不過睇落去都是是正正。…查看更多

話說有一日係沙田做完野既時候自己一個人唔知食咩好，就係沙田新城市廣場一期周圍睇下有咩食，跟住就叫到正斗，膽粗粗就自己入去食碗雲吞面，果然有驚喜😋碗面既份量對我黎講剛剛好，面質彈牙，雲吞入味，蝦都係爽既。服務員態度都不錯，當我話一個人既時候好快就安排到位比我。環境舒適，坐得舒服。下次如果自己一個係沙田食野，呢間係不二之選…查看更多

今日午市堂食點左個棉花雞，距離落時間已經有30分鐘，於是同樓面反映想跟下張單，因為同時點既全部食物都食曬，然後另一個企門口既黑衫員工(應該係聽到對講機追單)就行埋黎問咩事，咁我就覆述一次話想追單因為個點心已經30分鐘，佢就一句彈埋黎話: 係啊，棉花雞係即叫即蒸30分鐘係正常。我當堂火都嚟，我唔係責怪嘅態度去追問，但居然係咁樣答我。首先，一個棉花雞既點心要蒸30分鐘根本無可能。第二，如果你作為公關你係過嚟處理問題，你連本連基本知識都無，就唔好衝出黎柒，仲要反指食客應耐心等待，我都明白做餐飲漏單係好正常，所以想知道如果係未整就取消，正斗食物質素絕對保持水準，但係午市只係開枱時有一杯茶，其後都冇人斟過茶，作為一個算中高端既連鎖品牌，對於服務呢方面真係有待改善…查看更多

本身諗住食鼎泰豐，等位嘅時候周圍行吓經過見到啲嘢食選擇幾多同埋好多人等緊位，又有我最鍾意嘅粥食 選擇亦都好多所以諗住喺度排吓隊都得！可能暑假關係都排咗半個鐘呢個海蜇超級差！賣$92但係得超少嘅份量味道算正常，但係夾埋應該一個細飯碗都唔夠叉燒包，反而係食到最後嗌 先叫做正常，因為前面嗰啲太難食 但係個皮都唔鬆軟本身好想食螺頭燉湯， $105諗住佢足料啲，但係原來都令人失望，螺頭食得出係下價質素都好青龍嘅，飲到底會覺得鹹，不過真係好少材料，而且啲材料又唔係貴 酒樓嗌燉湯，而且係高級嗰啲仲抵食㖭啊 人哋足料超多腸粉嘅腸皮都普通叫做合格呢個係我最想食嘅及第粥 但係竟然好差好差！個粥好淡味，豬潤超級薄，而且有一個神奇嘅蛋口口感 好唔正常嘅口感😇好似咬落去好彈用啲力切斷 感覺好奇異而且材料份量超小每樣都係鼻屎咁大兩件質素對返佢價錢，雞幾鮮味紮實口感，魚肚都OK ！不過好多油唔知點解 睇張相都睇到成層油🧐補充一句佢呢度啲點心基本上都係$50起，係高級餐廳買嘢價錢！食完之後計一計，其實佢仲貴過鼎泰豐，而佢份量同質素都比較少真係好難得食到咁差超級唔明白，點解呢間會咁多人等位？順帶一提，環境普通，如果唔係坐卡位就會好擠迫同隔籬枱而且呢度唔知點解係回音好大超嘈服務質素都麻麻哋，飲茶係要問佢加水，唔會有一壺茶係枱面，而且佢係唔會幫你主動㗎，有陣時想搵人加都好難叫到人😇😇😇😇😇…查看更多

今次買外賣，本身堂食也很差，衞生也很差，想不到閒日來食買外賣咁差，在外賣平台百幾蚊買，已經不是預早拿，係等平台call話完成先拿，咁我show 個編號，冇回覆冇交流，感覺給好似點解要嗌外賣咁，味道一般，咁樣服務不會再買，沙田好多選擇大家三思…查看更多

幾次外賣都唔照單做，攞返屋企打開一睇，嗰心情真係想問候佢xx，唔係一次兩次，呢次係第三次啦真係勁差，打電話落去講多都哂氣，大家唔好去食，貴得嚟又冇服務，當個客係羊牯，真係嬲…查看更多

正斗這個品牌，不嬲都冇得輸，新裝修後首次來到。同行4人星期一12點入座，等了10分鐘左右。沙田這間未裝修前不用等位，裝修後旺了，這正好證明香港經濟好起來。由於在等候時間我哋已經決定食乜嘢，入座叫服務員落order ，服務員好似新來的，重複三次才落到order，最後又漏單一樣餸，因為點得多咗食物所以冇追返單。正斗一向出品食物質素保持一定程度沒有得彈，我們4人點了乾炒牛河、牛腩河、淨水餃、炸雲吞、叉燒包，還點了兩杯凍奶茶，兩杯熱奶茶奶茶，奶茶真係冇得輸，爸爸很喜歡不停讚。唯一彈吓就是不只一個服務員是新來的。同冷氣唔夠，一路食一路出汗，再熱啲都唔知點算，沙田新城市真係要改善下，人哋比咁多租你，冇冷氣俾人，真係沙田新城市嘅問題，唔關正斗事。下次應該唔會幫襯新城市這間店，會去第二間正斗。…查看更多

屋企人聽我話想食水餃，就帶左我黎呢間正斗麵店。７點未到，門口已經企滿哂人，閒日且時間尚早，所以等左１陣就入坐。我點左個水餃麵，麵身爽口彈牙，湯底無咩鹼水味， 好啱我呢D唔太好重鹼水既食客，水餃大大粒，材料比例適中，口感豐富，麵既份量足夠一般女生既食量，如果是男生，相信要加大。牛腩好夠火候，炆得好淋。因為唔見有牛腩麵加底，所以加了１碟炸兩，炸兩個腸粉皮夠薄，油炸鬼少少脆，豉油也好味，美中不足是上檯唔夠熱，失分。楊州炒飯，蛋汁包裹每１飯粒，炒得好乾身，軟硬適中。唔錯…查看更多

平時喺沙田，想食雲吞麵，又想坐得舒服啲都係去正斗，之前裝修，今日第一次去。今日星期日，睇落好多人，以為要等耐啲，但可能裝修多咗位，唔洗等好耐就入得。內部裝修比之前靚咗，隱蔽啲，仲有卡位望住玻璃。我叫咗雲吞河同陳皮牛肉球。雲吞好似細過以前，但味道保持水準，蝦米味重；河粉少淋，可以接受；牛肉球喺我食完雲吞麫上枱，時間啱啱好，有陳皮味，但無諗過會無牛肉味，少少失望。裝修後整體服務好咗，人手快咗，茶夠熱，如果無牛肉球，呢餐滿意。…查看更多

由一九四六年以何洪記起家的街邊檔, 一直秉承父業將老字號改名為“正斗粥麵專家”, 勞力不懈將店鋪發揚光大, 至今在不同商場內都見到蔽店蹤跡 👍🏻餐廳半開放形式設計, 由於它是在外圍位置, 相對私隱度比較高, 怕被外人看到也不用太介懷 😊 餐廳內用一個個圓型及橢圓形火花球吊燈, 添上一點氣派。炸兩 $54油炸鬼炸得非常鬆脆, 一咬會發出“卡擦”聲音, 絕對是我吃過最脆的炸兩 😋 腸粉皮薄且滑, 雖然有一層油, 但不會有油膩感。雲吞麵 (細) $50正斗始終是雲吞世家, 雲吞麵絕對是其中一道出色菜式, 雲吞蝦肉大大粒, 爽口彈牙, 湯底並沒有一般雲吞麵會出現的鹼水味, 這一點很讚 👍🏻叉燒包 $44與一般酒樓差不多, 叉燒醬再均勻一點會更理想。蝦餃 $48蝦肉跟上面雲吞麵一樣, 不多說明, 只是蝦餃皮粘性太高, 而且也非晶瑩剔透, 並不是我喜歡的口感 😅流沙包 $42雖然一咬都把奶黃流出來, 可是最先流出來的是一堆油, 一流入口已急不及待吐出來 🤮 從未試過有這種效果, 也不明白箇中原因 😑 菜遠濕炒牛河 $118味道上還可以, 但芡汁太多, 明白芡汁多容易處理, 不易“痴鑊”, 但芡汁也太多了 🫣每一枱並沒有送上一壺茶, 但侍應又不是經常去替客人倒茶 🥲 以這個價錢換來這個食物及服務質素就有點不值得。…查看更多