正宗山西刀削麵皇

營業中

休息中

Angel 今天同媽媽出門，去荃灣Sopping。平常媽媽因為比較喜歡中午時段去飲茶，但是今天她竟然，很興奮跟我說帶我去食麵。在我的記憶中，好像沒有發生過這樣的事情。難得她主動提出就去🥰Angel 出動了🥰🥰🥰來到山西刀削麵皇真的是人山人海，我們排隊20分鐘到先可以入去食。招牌麵套餐$49（單拼） $52 （雙拼）刀削麵，麵囗感比較滑身同粗的，比較Q彈，我媽媽比較喜歡食有口感的麵，也怪不得她喜歡，配菜方面點了金錢肚同黑木耳，份量都算多。價錢方面中等也不算貴，我本人一般，主要我媽媽喜歡食就得啦！

兩年幾冇食呢間了，同埋知道重新裝修左，所以都想過來再試試，發覺位置都好逼，重點係麵湯超級甜，落左超級多味精，食得好難受，以後再唔會過來食啦，希望大家都小心視呢間。

荃灣嘅食街都真係好多選擇，但見佢平日嘅晚市都有人排隊，好好奇想試試係咪真係咁正宗。一人叫左一個麵，我嗌左熱拌麵配豬軟骨，佢嘅熱拌麵都係配炸醬，啲炸醬嘅蒜味好濃，唔辣，不過就好香，配左拉麵，好幼身，好彈牙，好味，而且份量夠晒，食到飽一飽。不過豬軟骨嘅骨都唔軟，一啲都唔淋，好硬。另外嗌左嘅口水雞冷伴麵，口水雞食落真係幾辣，唔食後辣嘅人建議唔好嗌，不過刀削麵就有啲硬，唔係咁易嗌開。不過雞絲都好多，麵又好夠，總刮份量夠晒。豆漿都唔會好甜嗰種。會再黎。

通常黎開荃灣首選都會食呢間刀削麵，其實係佢未出名之前都唔使點排隊，但係出咗名之後而家基本上每次都要等，雖然都唔係等好耐，而且我都覺得值得。每次嚟食都會叫麻辣，之前就食開麻辣手撕雞湯刀削麵，今次轉下口味食麻辣豬頸肉湯刀削麵，兩者都一樣出色。感覺上麻辣豬頸肉無麻辣手撕雞咁辣，可能因為無咁索味。豬頸肉都有啲脆口，但唔會太乾，再配埋蒜頭粒同麻辣醬好惹味。坐係餐廳可以望到廚房係即叫即削啲麵，麵條有咬口，唔會太厚或者太薄，煙煙韌韌幾好食，價錢唔貴夠晒地道又飽肚，行開來荃灣嘅可以來呢度朝聖！

🌶麻辣豬頸肉刀削麵🍜有日同媽咪去開荃灣 平時好少去唔知有咩好食唔打唔撞見到呢間刀削麵就去咗食後尾先知原來幾岀名同多人推介 仲有2間分店我地等咗一陣就入咗去 但之後都幾多人等位望入廚房真係見到師傅用刀削緊麵😍🌶麻辣豬頸肉刀削麵$52 / 跟豆漿麵質好彈牙 好有口感 好厚實👍🏻同埋真係超大碗 咁厚實嘅麵真係好飽肚女仔實食唔哂咁大碗😂我竟然無食哂個麻辣豬頸肉我叫咗中辣 都唔係太辣有超級多蒜頭😍正阿 而個湯就無辣味 係清湯要自己撈辣落去所以就更加唔夠辣了🤔不過豬頸肉味道唔錯又夠脆口👍🏻🌶麻辣豬耳刀削麵$52 / 跟豆漿呢個就真心好失望 豬耳太淋而且係無味的😐雖然有撈麻辣醬 但豬耳完全無咸味 豬耳無事先醃製過 唔推介😐-📍正宗山西刀削麵皇 (荃灣)荃灣荃興徑15號地下#linggfoodie

呢度都幾多選擇, 叫左醉雞刀削麵+紅油抄手醉雞刀削麵: 醉雞 酒味都幾香, 但D 雞太肥喇, 一半都係肥糕..............刀削麵煙煙UN UN咁,幾好食, 份量正常。遠處都見到廚師在「片」刀削麵,幾得意。湯底就無特別, 偏咸GE 醬油湯底LAW。紅油抄手: 好似有6粒, 大小適中, 皮薄, 餡菜肉各半, 上面撒左炸蒜, 幾香口, 但都幾辣下, 我5食得辣,食到標眼水。不過呢度好似貴左, 要50 UP 先食到一碗麵。

自問係荃灣都食盡窿窿啦啦 搵野食 去荃灣路德圍就基本啦 今次要推薦呢間刀削麵 熟荃灣嘅人都知呢間刀削麵歷史悠久午餐有湯麵 熱撈 冷撈 等等 價錢係荃灣區午餐黎講其實算貴 我叫左豬肚牛腩湯刀削麵 豬肚以絲上 深色既係牛腩 見到每樣野份量都好多而主角當然係刀削麵本人啦 麵條每條長度不一 相信真係手切 但每一條都好厚身 唔會煮到林哂 口感一流不得不提呢度既牛腩 係非常出色同茶餐廳既牛腩唔同 呢度既牛腩帶甜味 煮得好林好入味 好易咀嚼另外 中意食辣既話一定要食佢個辣椒油 加左幾滴 已經好辣好香

平時好少黎荃灣 不過都知道呢度附近有好多好嘢食今日朋友帶我嚟咗呢間山西刀削麵 好彩我哋去嘅時候大約下午兩點 冇乜人排隊 但我知道平時食飯時間都好多人因為我唔係食得好辣 所以就叫咗個自選 我叫咗滷水雞翼同埋牛𦟌 牛展有成十幾塊 滷水雞翼就有兩隻 雞翼好冧同埋好入味而朋友就叫咗個麻辣牛肚 唔好上面有好多辣椒醬同埋蒜 我都試過小小 好香口因為我哋坐個位對住廚房 見到師傅係抓住好大個麵團即製刀削麵 每一條麵都好煙韌好好味 而且個湯都好好味 唔似係味精湯而且仲送嘢飲 我哋叫凍熱豆漿都冇加錢

呢間店只可以話食之無味，棄之可惜。以前嚟食真係唔差㗎，但自從愈來愈多旅行，質素已經保持唔到今次嗌咗麻辣大腸刀削麵同埋麻辣牛肚刀削麵。刀削麵湯底無乜驚喜，正正常常啦，麻辣大腸都係無特別，最驚喜反而係個麻辣牛肚，因為佢出錯咗豬肚，問我哋要唔要換我同男朋友都算喇，費事換，就係咁就一餐啦下次見到門口排滿喼都係轉身走算喇

荃灣的山西刀削麵，我都唔係第一次聽，每次經過荃灣都有想去試下。呢日去完南豐紗廠之後餓餓地，行到去路德圍覓食。終於試到刀削麵。望一望個餐牌，都唔算便宜，湯嘅四十幾～五十幾蚊碗，冷撈都要都要60蚊，仲未包嘢飲。我叫咗碗口水手撕雞冷刀削麵| $60 |，而叫冷刀削麵嘅原因係湯嘅成日食，冷嘅未試過，但老實講，好後悔冇叫湯麵，我之後再講原因。呢碗冷刀削麵賣相未算太吸引，好彩個面頭灑咗花生，白色雞肉和刀削麵就變得冇咁單調，不過唔怪得佢，因為本身有青瓜，係我走咗姐。等我撈好個麵，一啖入口，GG，心知唔行平常路就註定中伏，麵好似有D煮嘅時間唔夠耐，所以口感好似食緊橡皮。而至於味道上，麵其實落咗好多口水汁，個汁酸酸甜甜又帶辣，係非常開胃嘅。但真係好可惜，敗在刀削麵真係煮唔夠時間，扣咗好多分。而至於男朋友就嗌咗麻辣豬頸肉 |$52| ，好明顯，同我嗰兜真係兩個唔同嘅境界，視覺效果吸引好多。感覺幾貼心嘅就係餸同湯麵係另上嘅，而據男友話，豬頸肉食落去好脆口，蒜蓉同麻辣醬配搭得好好，味道有層次，如果鍾意食重口味都會非常合適。而至於個麵，湯底是樸素清淡的清甜，同配菜嘅豬頸肉係截然相反嘅味道。最重要係，我試咗啖，嗰

近期想試中式嘅菜式，喺網上面見到呢一間食刀削麵嘅餐廳有好多好評咁就梗係去試一試啦，入到餐廳order左一份豬軟骨刀削麵加一杯豆漿刀削麵麵條每一條都好分明唔會黐埋一舊，呢樣嘢做得10分好，至於湯底方面小篇就覺得有少少偏鹹，第一啖啜落好似有一種即食麵湯底嘅感覺，豬軟骨方面食落就覺得仲未完全煮到淋晒，咬落就會覺得好硬，不過呢間餐廳嘅精髓就係佢哋都答所售賣嘅刀削麵呢一點佢哋的確做得幾好，豆漿就正正常常，整體黎講，可以一試的。

坐底唔夠3分鐘餐牌都未睇完就係咁問你食咩 之後同佢講睇睇先 佢過一分鐘又行埋黎企喺你隔離等你落單 😔😔 個餐牌所謂嘅麻辣豬扒麻辣東坡肉 上到枱完全係一啲辣都冇只係加咗啲麻辣醬同蒜頭喺個面度 如果係咁佢就唔好標榜話係麻辣豬扒同埋麻辣東坡肉啦 佢應該將餐牌轉為炸豬扒同埋東坡肉唔應該加上麻辣兩個字 間舖入面唯一最好就係個刀削麵面仲有少少口感 我本來 落嘅order係要麻辣麵 服務員同我講 麻辣要加四蚊 咁我話ok加四蚊啦 佢問我加落碗麵度定係另上 我話冇所謂啦 點知碗麵嚟到嘅時候 我見到嘅完全係清湯麵一碗 個豬扒同埋東坡肉上面就係有少少麻辣醬同埋蒜頭 開頭我以為就係嗰個麻辣醬另上放左喺面 好在到最後埋單佢都冇將嗰四蚊加咗入張單入面原來係佢落漏單

荃灣呢間刀削麵已經食過好多次，每次介紹朋友過黎呢間食都讚好。隔左好耐無食再同朋友食番，決心要為呢間餐廳好好打篇食評。基本上每一次去到既時候都幾多人，但每次等位都等得唔耐，5-10分鐘左右就有位。刀削麵套餐（菜肉雲吞+豬耳）跟飲品($52)因為皮膚敏感既關係，盡量要戒辣戒重口味，所以叫左個清清地既湯麵黎食。雲吞味道唔錯，但係豬耳味道有D怪怪地，怕出事所以食左兩三啖就無再食。麻辣手撕雞冷刀削麵 跟飲品($60)第二次再食終於叫番平時食開既凍撈，真係好味好多。如果唔係太食得辣既朋友，其實可以試下同佢講走辣，因為佢地個擔擔醬本身已經有D辣好夠味道，撈埋一齊食真係超惹味，食到完全停唔到口。熱拌套餐（菜肉雲吞）跟飲品($60)因為佢地既刀削麵份量真係幾多，就算男仔都未必食得曬，所以如果細食的話，可以叫佢少麵，份量我覺得岩岩好，千祈唔好浪費食物呀。呢間餐廳座位上黎講有D逼，無位可以放袋，同埋一定要記得跟餐飲品要係落單個時一次過講埋，唔係之後講番的話會計正價架！