正宗山西刀削麵皇

營業中

休息中

星期日例牌會出街買嘢，差唔多中午時間嚟到路德圍搵嘢食，唔知食咩好，就求其入咗嚟呢間店食刀削麵。見到廚房真係有師傅削緊一嚿大麵團，我又未食過刀削麵，我哋就叫咗兩個兩餸刀削麵套餐。我揀咗紅燒豬手同豬腸刀削麵，豬手就得兩件唔算太多，反而豬腸就有好多件，豬手同豬腸味道都OK，唔會太重口味，啱晒我。男朋友就揀咗五香牛𦟌同牛肚，份量都真係幾多，牛𦟌有六片，都幾大塊；牛肚都好多條。湯底份量係多嘅，麵條粗得嚟咬落都幾煙靭，但湯底就唔係腩汁嘅味道，似係啲黑蒜味，不過不失。另外套餐係送豆漿，我哋叫咗一熱一凍。

在小食雲集的路德圍 這間店的地理位置的確不錯👍🏻店內位置非常窄小 基本只要大動作就會碰到旁邊冬天衣服厚一點 都有點尷尬😅落單的店員 大概重複2-3次就可以成功下單了懷疑是自己表達有問題？還是她耳朵有問題？！結果發現每一桌都是一樣😆但最後上菜還是錯了😂刀削麵的確Q彈 好味😋但湯都幾好飲不過味精湯 食完碗麵就開始好口渴🙃配料都很惹味 只是這一碗就已經$56 的確不便宜 套餐還有配飲料 見大部分人都是會選豆漿啦🤭仲嗌咗個口水雞 切得好大舊 辣辣地幾好食嘅

以前同朋友食過一次覺得味道唔錯今日行過諗住再食一次點知食到一肚氣一入去嘅時候啲店員係望住你入去但零反應最後係要廚房出聲佢地先話比我哋知坐邊到叫野食嘅時候本身都正正常常 點知落單4杯飲品入面3杯都落錯單明明叫刀削麵就上菜飯仲要態度好差咁話自己無錯原來係因為鋪面啲人全部都係大陸人除咗門口果位之外個個都唔識講廣東話隔離枱話要牛展 佢就落牛肉😮‍💨可唔可以學一學廣東話先出嚟做樓面呀？另外都明鋪頭細 但佢哋啲人係會出聲叫客「不要亂動」完全係一次極唔pleasant嘅晚餐經驗一定唔會再嚟

勁app落單，雙拼套餐$82(牛腩牛肚刀削麵，加自家製凍豆漿）老實講，外賣嘅份量真係有啲細，不過牛腩同牛肚比例上都算多，同埋刀削麵都好明顯係手工制，好有咬口，好好食。湯汁方面係有啲似台式牛肉麵嗰種有少少藥材味嘅湯底，配搭起嚟都非常之唔錯。

夜晚想食清啲就叫咗個外賣刀削麵嚟試下首先見到個手撕雞刀削麵話係人氣之選就緊係叫番個嚟試下啲雞肉嘅份量好多，而且超級多醬，令到每一條麵都掛滿醬汁，正呀🤤🤤🤤除咗麻醬之外，佢仲有一款橙橙地色嘅醬，但我都唔知佢叫咩名，夾埋麻醬一齊食超好味，果然係人氣之選跟住叫咗個雙拼麵個湯底就好濃，如果你係重口味人士應該會好啱你胃口我哋仲叫咗個生煎小籠包，佢有舊蛋係底，個感覺都幾特別🤣🤣🤣蛋個味道就正正常常，而個小籠包就好好食，加埋啲醋更加好食其實成餐嚟講個質素真係唔錯，只係個外賣送咗1.5個鐘都未嚟，搞到啲小籠包同麵凍哂，如果熱食應該就冇得輸

呢間刀削麵我由細食到大，位於最多食店之一嘅路德圍，多年黎味道不變，好推介俾大家食👍👍👍刀削麵配麻辣牛肚呢個食法好鬼正，我會將辣椒同蒜頭全部倒入去刀削麵度，令到佢個湯底變做麻辣湯，去埋味道濃郁嘅牛肚，真係好好味呢間舖頭除咗湯麵之外，亦都有涼拌刀削麵，夏天嘅時候食就一絕喇👍佢其他小菜都好出色，入到荃灣不妨一試

放工同同事嚟咗荃灣，食咗間山西刀削麵，真係好值得推介佢啲麵真係師傅用手削出嚟，唔係機整，唔係批量入貨，條條粗又不一，爽口彈牙。好湯好濃郁，又唔重味精味，搞到忍唔住口飲咗半碗。講到最精彩係佢啲餸。我哋今次嗌咗豬頸肉，同埋燻蹄。豬頸肉一啲都唔嚡口，配埋麻辣汁好香口，而且份量都好夠。燻蹄係超級無敵厚切，好好咬，又唔算好肥，好容易入口，又係大大份。待應都幾好態度，九點幾食都仲見到好多熟客仔入嚟，有啲唔使講待應都知食咩。睇嚟我都要返多幾次轉頭。

其實喺荃灣要搵到食刀削麵都係唔難，因為好多街道都好易搵到👀。而喺荃灣有一條出名美食街就一定係路德圍今次我揀嘅呢間餐廳位置唔偏遠唔難搵，仲要係街道中間位置添🔍而呢間係路德圍已經好多年，可以算係老字號了。✦✦✦✦✦✦✦✦✦✦✦✦✦✦🎈1. 麻辣牛肚刀削麵 $56刀削麵嘅麵身食落有點硬身而大塊，麵粉味就略有些少喇🍜通常食刀削麵配料都會係分開放嘅，牛肚切到一小塊，可以一口牛肚一口麵牛肚上有辣椒油同蒜粒，辣味吊胃又惹味🥰，如果唔太食辣可以叫少辣或少辣啦因為辣度十足，一杯嘢飲都唔夠飲呀🥤刀削麵既份量唔算多，一人份量未必話食到你飽，不過都因人而已嘅😲

嚟到荃灣通常想食麵嗰時，一係食車仔麵，一係就嚟食麻辣刀削麵🍜多數叫麻辣牛肚或者麻辣豬腸刀削麵，佢送冷或者熱豆漿或者熱飲，其他飲品加錢🥤牛肚，豬腸一早鹵到好入味，只係上菜時加大量🧄蒜粒同麻辣汁就係麻辣餸，食完一定好大＂口氣＂🧄🤭，多🧄刀削麵同湯底都正常好味👍🏻👍🏻，個湯好味不過飲完會口渴，刀削麵向

今日特登去荃灣想食刀削麵，之前都有食過好多次，但係對上一次想食就已經係過年嗰陣，去到先發現仲未啟市，結果白行一趟，估唔到下次再有機會嚟食已經係復活節假期。今日去到唔使等位，坐低咗之後嗌咗碗東坡肉刀削麵，先講一講個東坡肉，其實只係一嚿肥肉加咗少少顏色，香氣同味道全部欠奉。我會評價為完全唔值得叫嘅菜式。麵條保持一貫水準，口感唔會過軟或者過硬，保持到麵條嘅彈性。之後仲叫咗麻辣雙拼，今次就叫咗牛肉同埋豬大腸。最鍾意其實就係佢個麻辣，包括佢嘅辣椒同埋蒜頭，尤其是個蒜頭，佢係嗰種專登切得比較粗粒嘅蒜頭，整體嚟講麻辣雙拼都係好出色，其實講真拼咩都冇所謂。

老實講，我咁樣一試刀削麵，就真係愛上佢咗 🤤！今次試嘅手撕雞撈刀削麵，麵條嘅Q彈啱晒我口味，手撕雞煮得啱啱好，肉質嫩滑得嚟又香口，每塊雞肉都籠罩咗一層醬汁，滿滿嘅花生和香芝麻，食到我停唔到口。喊到🥲！至於麻辣豬軟骨刀削麵，未食之前我已經嗅到陣陣蒜香混合麻辣香味，刀削麵就似彈簧咁有勁，豬軟骨嘅肉感夠腍，又有少少嚼勁，卜卜脆嘅蒜片加埋特製辣油，味道真係勁過癮！搞到我而家成日都諗住要去食，呢碗麵，平民之選咁好味，唔食就真係虧大咗！要同大家講，呢間嘅刀削麵真係有殺傷力，搞到你一食再食嘅料！嗌到晒好彩 🍀🌶️🥢！

🦖即叫即削刀削麵 麻辣多蒜重口味🧄我心目中最好食既刀削麵之一，位於荃灣路德圍食街見到師傅真係即叫即削，面質厚身有口感，夠彈牙，刀削麵分量十足，煙煙韌韌🤪麻辣熏蹄/大腸刀削麵（$53）鍾意食麻辣嘅朋友，一定要試下佢嘅麻辣小食配湯麵🌶️麻辣醬夠辣夠香，配埋多蒜，超級重口味豬大腸鹵得好入味，熏蹄肥瘦均勻，好食東坡肉刀削麵（$50）一碗有兩大塊東坡肉，鹵到好入味，肥瘦適中湯底就係濃郁牛骨湯，略嫌有少少咸湯麵套餐附送一杯豆漿或者熱飲刀削麵可以轉年糕、拉麵、米線餐廳唔大，大約有十枱，繁忙時間多數都要搭枱～而且最低消費，每人$30大家要留意返啦❗️

成碗刀削麵，無論湯同埋麵質都做到好Perfect😢湯底係食得出高湯嘅味道，唔會似其他店嗰種好濃嘅味精味，帶出成碗麵嘅鮮味又唔會太鹹🥺麵質更加完美，煙韌得來又唔會太硬，配埋啲湯同埋蔥花放入口真係好幸福🥺唯一不足嘅係可能佢個人口味嘅關係，麻辣豬扒太多蒜，要撥走少少。雖然豆漿冇想像中咁大支，大概350-400mL，不過係免費嘅，加上湯底冇味精嘅關係，食刀削麵都唔會好口渴，好食到會淨係想專注食麵，唔會掛住飲杯豆漿。友人食麻醬冷撈刀削麵，雖然個麵質同湯嘅麵都好好食，但可能冇熱湯浸軟嘅關係，會硬咗少少，同埋食麻醬會好容易膩，所以推介湯刀削麵，有機會一定會回購。

好耐無過荃灣，第一時間衝黎老店食，點左個口水汁撈刀削麵.......係我錯，唔應該試新野，平時個廚放假/落場定跑馬仔，d麵......很硬，咁洗食餸-雞絲，又係硬ge(雞胸絲），食到好頭痛，食埋青瓜花生就走左😭😭😭個麵係64蚊

呢間刀削麵，我食咗好耐。基本上每次嚟都係叫同一樣嘢：牛𦟌拼牛肚刀削麵。刀削麵湯底清甜，飲完唔口渴。牛𦟌燘到好腍，大大塊，好入味。牛肚份量超多，食極都食唔完。配埋杯豆漿真係冇得頂！牛𦟌拼牛肚刀削麵 $55