正宗山西刀削麵皇

營業中

休息中

今日特登去荃灣想食刀削麵，之前都有食過好多次，但係對上一次想食就已經係過年嗰陣，去到先發現仲未啟市，結果白行一趟，估唔到下次再有機會嚟食已經係復活節假期。今日去到唔使等位，坐低咗之後嗌咗碗東坡肉刀削麵，先講一講個東坡肉，其實只係一嚿肥肉加咗少少顏色，香氣同味道全部欠奉。我會評價為完全唔值得叫嘅菜式。麵條保持一貫水準，口感唔會過軟或者過硬，保持到麵條嘅彈性。之後仲叫咗麻辣雙拼，今次就叫咗牛肉同埋豬大腸。最鍾意其實就係佢個麻辣，包括佢嘅辣椒同埋蒜頭，尤其是個蒜頭，佢係嗰種專登切得比較粗粒嘅蒜頭，整體嚟講麻辣雙拼都係好出色，其實講真拼咩都冇所謂。