影片
更多
2019-03-31
580 瀏覽
荃灣的山西刀削麵，我都唔係第一次聽，每次經過荃灣都有想去試下。呢日去完南豐紗廠之後餓餓地，行到去路德圍覓食。終於試到刀削麵。望一望個餐牌，都唔算便宜，湯嘅四十幾～五十幾蚊碗，冷撈都要都要60蚊，仲未包嘢飲。我叫咗碗口水手撕雞冷刀削麵| $60 |，而叫冷刀削麵嘅原因係湯嘅成日食，冷嘅未試過，但老實講，好後悔冇叫湯麵，我之後再講原因。呢碗冷刀削麵賣相未算太吸引，好彩個面頭灑咗花生，白色雞肉和刀削麵就變得冇咁單調，不過唔怪得佢，因為本身有青瓜，係我走咗姐。等我撈好個麵，一啖入口，GG，心知唔行平常路就註定中伏，麵好似有D煮嘅時間唔夠耐，所以口感好似食緊橡皮。而至於味道上，麵其實落咗好多口水汁，個汁酸酸甜甜又帶辣，係非常開胃嘅。但真係好可惜，敗在刀削麵真係煮唔夠時間，扣咗好多分。而至於男朋友就嗌咗麻辣豬頸肉 |$52| ，好明顯，同我嗰兜真係兩個唔同嘅境界，視覺效果吸引好多。感覺幾貼心嘅就係餸同湯麵係另上嘅，而據男友話，豬頸肉食落去好脆口，蒜蓉同麻辣醬配搭得好好，味道有層次，如果鍾意食重口味都會非常合適。而至於個麵，湯底是樸素清淡的清甜，同配菜嘅豬頸肉係截然相反嘅味道。最重要係，我試咗啖，嗰
望一望個餐牌，都唔算便宜，湯嘅四十幾～五十幾蚊碗，冷撈都要都要60蚊，仲未包嘢飲。
我叫咗碗口水手撕雞冷刀削麵| $60 |，而叫冷刀削麵嘅原因係湯嘅成日食，冷嘅未試過，但老實講，好後悔冇叫湯麵，我之後再講原因。呢碗冷刀削麵賣相未算太吸引，好彩個面頭灑咗花生，白色雞肉和刀削麵就變得冇咁單調，不過唔怪得佢，因為本身有青瓜，係我走咗姐。
等我撈好個麵，一啖入口，GG，心知唔行平常路就註定中伏，麵好似有D煮嘅時間唔夠耐，所以口感好似食緊橡皮。而至於味道上，麵其實落咗好多口水汁，個汁酸酸甜甜又帶辣，係非常開胃嘅。但真係好可惜，敗在刀削麵真係煮唔夠時間，扣咗好多分。
而至於男朋友就嗌咗麻辣豬頸肉 |$52| ，好明顯，同我嗰兜真係兩個唔同嘅境界，視覺效果吸引好多。
感覺幾貼心嘅就係餸同湯麵係另上嘅，而據男友話，豬頸肉食落去好脆口，蒜蓉同麻辣醬配搭得好好，味道有層次，如果鍾意食重口味都會非常合適。
而至於個麵，湯底是樸素清淡的清甜，同配菜嘅豬頸肉係截然相反嘅味道。最重要係，我試咗啖，嗰種軟硬度係一碗麵應該要有嘅口感，同我個碗完全唔同。
整體而言，就今日水準而論，呢度嘅刀削麵係以湯麵勝於冷麵。冷麵唔係味道出事，實在係個麵口感唔得。另一個缺點係價錢都認真唔平，就係幾條雞絲加個麵，都要60蚊。如果真係要再幫襯，我一定係食湯麵，絕對唔會食冷撈。但係無論湯又好，冷麵又好，其實味道上都唔算正宗山西刀削麵。
張貼
