櫻田日本餐廳

叫左和牛套餐，未食都想流口水 炒雜菜，蔬菜好新鮮，好有火喉，保持鮮嫩顏色，味清甜 和牛三成熟，切開細細粒，一囗一粒，和牛入口即溶咁，好稔好軟滑，冇筋位，肉質保持水準 大蝦燒完買相吸引，蝦肉爽口彈牙，肉味鮮甜，啖啖蝦肉。鵝肝幼嫰，外面香脆鮮味濃 炒飯入埋其他食物精華，味道香濃，粒粒炒到分明另外味噌湯好清甜整體好滿意

叫佐一Set魚生拼盤，裏邊仲有美味海膽，同非常新鮮嘅鮑魚，每一款刺身都非常甜美，再來一個日式牛肉火鍋，澳洲M9牛+普通美國安格斯牛做主菜，火鍋個湯底非常香口，美味！

突然间星期六八点幾岀新城市食飯無訂位，周圍都係人，甘就黎左依間試下。兩人叫左個一人套餐厚牛，再加個鳕魚同黑豚肉烏冬。首先黎個沙律前菜，本身個沙律面已經有酸酸甜甜嘅汁上面，再跟個醬。沙律菜新鲜，好開胃。再來個鲍鱼同鹅肝，鹅肝肥美，配多士食又肥又脆，一流。鲍鱼新鲜，食落味道鲜甜。主菜a5厚燒和牛，120g有六粒，肥瘦平均，我叫了五成熟，入口香濃，即溶可口。配菜有一件甜著一件茄子。燒鳕魚一食香滑清淡多汁與魚皮質感脆濃形成對比，啖啖肉又無骨，絶對放心食，好昧食到依part已經開始好满足，個炒什菜唔錯。反而個海胆炒飯有d腥，好一般。黑豚肉烏冬味道無咩特别。個湯仲大碗過個飯。

朋友愈食愈豪...特登趕黎hotel為左食鐵板燒…收工趕黎已經2點…2：30就已經係 last call...今次無人爭…可以坐bar 枱…可能係hotel既關係…廚師都比較嚴肅…唔似出面d舖頭...會有d花巧表演…拿拿林落order>>二人餐…好快就有得食…醬汁分左3格…燒肉汁、辣汁、豉油…首先當然係冷盤…沙律+sashimi...沙律新鮮冰凍…加麻醬好好味…sashimi有魚生，甜蝦，墨魚，帶子…好豐富又大件又鮮甜…二人餐原本係燒蝦黎…因為要戒口…所以改左銀雪魚…淡淡牛油香…滑嘟嘟…醬汁仲好甜…但同蝦比較…感覺有d洩底…奈何朋友為左隻鵝同sashimi…點都唔肯叫散餐…鵝肝係朋友至愛…好高膽固醇呢…表皮唔係煎得好脆…加左多士索咁d油都覺得好鬼肥膩…澳洲牛選左厚燒…廚師建議五成熟係最嫩口…唔算血淋淋…加左蒜片…幾香口…廚師留返d肥膏邊位…用黎炒什菜食…咁先算飲食均衡吧…呢碟手打烏冬都幾軟腍腍…有點油…其實鐵板燒好多時都係落牛油炒…不過就唔知係咪健康既植物牛油呢…色水好均勻…但好淡味…唔鍾意食烏冬既話…都可以選炒飯…不過見到炒飯係一早炒定…只是翻熱而已…麵豉湯好多料…清

我對 鐵板燒 TEPPANYAKI 的認識源於 1984年 由 許冠文 自編、自導、自演的一部港產喜劇 「鐵板燒」~ 劇情講述了鐵板燒廚師是如何的在客人面前即席獻技, 又能把用來煎菜的鐵鏟拋來拋去 .... 看過這電影後便向先父要求帶我去吃一頓鐵板燒, 然而先父總是以價格高昂戓是小孩吃了會因燥熱而生病為理由, 不帶我去~ 爸爸不帶, 我去找爺爺! 跟爺爺說了想吃鐵板燒, 第二晚便帶我去吃了, 當時真的很開心~ 今時今日我也開始步入中年, 正宗的鐵板燒餐廳依然不是便宜的食肆, 久不久一兩餐是會舉家去的, 但始終不常吃~當晚我和太座約了兩位要好的朋友到了 沙田 帝都酒店 3樓 的 櫻田日本餐廳 Sakurada Japanese Restaurant 吃鐵板燒慶祝其中一位的生日, 女兒們未能出席, 因為我銘記父親所說的話 "小孩吃了鐵板燒會因燥熱而生病" ~神戶肉流通推進協會認可及指定的神戶和牛銷售商~有機野菜沙律鮮活巨鮑, 睇見雙眼就發光!只需要大廚的手起刀落,靈巧的炒功, 極速的刀功, 吃鐵板燒就是要看這些!炒香後的鮑魚薄片,彈牙、脆口、味道甜鮮, 就是這般簡單~在鐵板燒裏蒸蛋...燒

早前為慶祝 " Big Boss " 的生辰 , 我們夫婦倆與他的 " 公主 " 合力送了份大禮給他 , 就是請他吃了一份大餐 , 是他所喜愛的鐵板燒 , 可以坐在吧檯邊看廚師表演邊吃的鐵板燒。 至於找餐廳、點菜單的準備當然是交給 " 公主 " 去做 , 始終 " 公主 " 才會最知道 " Big Boss " 的心意。 " 公主 " 棄尖沙咀選擇沙田 , 應該是接近他們的居所吧 , 從擺在入口門前的傳單裏看 , 上圖金燦燦的獎座及下圖証書 , 均証明櫻田日本餐廳為神戶肉流通推進協會認可及指定的神戶和牛銷售商。和牛以外屬於海產的食材也有不少 , 可刺身、壽司 , 還有鐵板燒。紅蝦、 鮑魚、 龍蝦 , 全部也生長在清澈的魚缸水中。 餐廳的裝修是簡約中見細緻 , 玻璃窗與天花板上也掛著設計特別的燈飾。" 公主 " 點了兩份價值 $ 1618 的鐵板二人餐 , 餐內有齊 " Big Boss " 最愛的鮑魚、老虎大蝦。 套餐的首度項目是 有機野菜沙律 , 內含慣常吃的沙律菜 , 也有車厘茄、秋葵 , 配涼涼的胡麻醬 , 先開開胃口。 隨即輪到鐵板燒的開始 ......首先是炮製鮑魚的表演 ,

好耐都冇入過沙田食飯！直到見到樓上個post一於約埋班豬朋狗友嚟個happy gathering 😁😁一行6人12點半到都差不多full了😱😱好彩我哋訂咗枱😂😂識食嘅我哋就緊係食龍蝦鮑魚餐啦😁😁大食嘅我哋仲加咗沙律同刺身添😁😁游水龍蝦味鮮甜，個頭緊係攞嚟煲湯啦😍😍甜品我哋仲各自叫咗唔同嘅水果雪葩！椰子、菠蘿、檸檬，仲有蘋果、香桃同柚子！午餐食龍蝦鮑魚，埋單唔駛380！抵到不得了！

上星期同家人係沙田帝都酒店2+2食自助餐, 見到酒店既日本料理櫻田推出龍蝦鮑魚午餐, 好似好抵食, 今日放假, 約左沙田友一齊去試下.第一次去到, 地方不大, 簡約設計, 但就有張頗大既鉄板燒枱, 應該坐到20幾人. 望下隔離, 都係食梗龍蝦, 又見到魚缸好多龍蝦應該靠得住, 就一齊叫左個活乳龍蝦同波士頓龍蝦, 加多$15煮埋龍蝦頭面豉湯, 再加多$75有個刺身一齊食, 活乳龍蝦新鮮美味又彈牙, 波士頓龍蝦係急凍既, 但煮得味道不錯, 龍蝦湯都幾入味, 炒飯好香, 好乾身, 好味, 刺身都好新鮮, 值得下次叫埋肥妹一齊黎食

跟好友M小姐&V小姐相約的飯局，多次因為大家臨時有事而改期，擾攘半年這個遲來的飯局終於能夠成行，實在可喜可賀。這次大家為了遷就我，特地選擇了來到沙田晚餐，而菜式則在西餐及日本菜中選擇了後者，最後飯局選定了在沙田帝都酒店3/F的櫻田日本餐廳。 話說回來，雖然沙田是我最常到的地區之一，可是一直以來亦未曾到過櫻田日本餐廳；平常吃日本菜的話，多數會到尖沙咀或銅鑼灣等日式料理的集中地，這次正好試試櫻田日本餐廳的質素如何？早於飯局前的一星期致電預訂好座位，亦向店員特別要求沙發座位，飯局當日於晚上20:00來到酒店餐廳；由於沙田帝都酒店接連新城市廣場，地點可算頗為方便，加上酒店指示清晰，一點都不難找。店員為我們預留了角落非常舒適的沙發座位，最前方是一列壽司吧座，中間還有一排餐檯座椅，檯與檯之間的空間不多，有點兒擠迫的感覺；週五的晚市時段全場滿座，熱鬧非常，卻令整個用餐環境顯得頗為嘈吵。旁邊是開放式設計的鐵板燒區，大約有廿多個座位，食客可以邊吃邊欣賞師傅烹調鐵板燒的情況；餐廳面積雖然不算很大，但鐵板燒區旁設有私隱度十足的VIP房間，方便進行商務/私人聚餐。餐牌有齊前菜沙律、刺身壽司、爐端燒、天婦羅、炸

從前，沙田的確有很多美食，如雞粥、燒乳鴿及山水豆腐花等等，可惜全都無以為繼，漸漸式微，沙田區在美食天堂中已沈寂了一段時間，幸好現在又再蓬勃起來，不過當中都有異數，帝都酒店內的幾間餐廳就有一定的地位。家人都很喜歡到帝都酒店內的餐廳用膳，以City Art Restaurant為首，其次就是櫻田了，他們是沙田區少有可以嚐到鐵板燒的餐廳，加上質素一向有保證，成為不少沙田區居民的飯堂。一坐下即送來前菜，就是酸酸味味的【水雲漬】，入口爽口，十分開胃。先來【刺身拼盤】，款式多多，新鮮肥美，而且還是厚切。爽口的有原條即切的真鯛刺身，肥美的有拖羅，甘香的有海膽，鮮甜的有甜蝦，總之就是要什麼有什麼，吃得滿足。再來就是【燒牛肉卷】，以和牛薄片代替紫菜包著青瓜卷，以火輕炙表面，帶出油脂甘香，再放上蒜片，不但添味，更令層次豐富起來。終於來到主角鐵板燒食物了，由於我們有四人，放棄坐在鐵板燒枱前，所以錯過了廚師的精湛廚藝。第一道來的就是鮮甜巨大的【燒虎蝦】，火喉剛好，爽口彈牙，而且不要錯過蝦頭內豐腴蝦膏。其實我每次到日本餐廳都很喜歡點燒魚，特別是【照燒銀鱈魚】，肉質保持滑溜，不過略嫌調味甜了一點，輕手一點沒那麼甜

今日雖然打風，但都係同事既生日，老闆請客當然就有大食大啦!因為生日既同事鍾情日本菜，我地就去左帝都酒店入面既櫻田日本餐廳特價既午市定食大約$138左右, 係有老闆既情況下我地緊係會食好d la....4個人叫左2個 "伊勢御膳二人前"1. 雜錦刺身入面有︰三文魚、八爪魚、牡丹蝦、帶子等, 三文魚不是十分肥美但好新鮮，帶子鮮甜，入口溶化，牡丹蝦都好大隻2. 鐵板燒大蝦同帶子, 蝦肉好鮮而且蝦頭部分仲有好多膏，好正呀~3. 美國牛肉，因為我地叫左2個餐所以我地叫左薄燒、厚燒各一客，個人比較喜歡薄燒，薄燒牛肉入面配左蒜同蔥，而且牛肉一d 都唔乾，好juicy, 好正。老闆就比較喜歡厚燒佢話牛味濃d。4.炒飯，黎到既時候仲好熱，配菜唔係好多，但一食就飽晒5. 麵豉湯，味道比較清

上年和家人到訪沖繩旅遊，嚐遍當地特產美食，心思思想舊地重遊之際，得悉帝都酒店的櫻田日本餐廳正在推廣沖繩美食，正好提供一個機會緬懷一番。沖繩料理給予人的感覺是清新健康，菜式很多時會用上時令食材，並以健康簡單的烹調手法煮製，以突出食材的天然味道。今回推廣的沖繩料理，首兩道菜正能帶出當中特色。沙律冷盤沖繩海葡萄秋葵沙律配芝麻汁，亮點當然在於特產海葡萄。一串串晶瑩小巧的海葡萄，是海藻的一種，色澤嫩綠，當中味道雖然清淡，但口感脆彈，營養亦豐富。秋葵是另一營養菜品，味道同樣清清的，口感脆中帶軟，黏黏滑滑。其餘沙律菜亦品質新鮮，配上芝麻汁確能為清淡口味增添一份惹味，建議增加醬汁份量以平衡清新健康與惹味的感覺。第二道清新菜式沖繩黑間八魚薄造配檸檬醋，聽聞黑間八魚是原條由沖繩空運到港，以薄切型式奉上，肉色亮澤通透，口感結實彈牙，魚香鮮甜。一般魚生刺身會配上山葵豉油調味，為增加沖繩風味，大廚改用檸檬醋伴以辣椒蘿蔔蓉作汁料，為刺身添上一份獨特酸辣口味，配搭理想。熱食小品煮沖繩九繪魚伴水雲茨汁，九繪魚是稀有深海魚類，肉質細嫰結實，魚味重。水雲和海葡萄一樣是海藻一類，食味黏滑帶爽。以水雲混入木魚湯慢煮作汁，味道

琴日與大學同學飯聚，大家一邊打邊爐一邊聊個沒完沒了。揀左個以前讀書已經想試既地方，櫻田日本餐廳，見佢係酒店既餐廳以為好貴，所以一直都未試過。入到去環境寬敞，餐廳侍應俾左個menu我地，見到shabu shabu好吸引，可以慢慢食，於是叫左澳洲和牛M7任食喇，我地幾個女仔都唔係食好多肉，所以1.5小時就夠哂。落左order後侍應好快就俾左個爐我地，落左壽喜湯湯底，隨即就俾埋海鮮拼盤同和牛，我都冇留意原來每2個人惠顧就有一客海鮮拼盤送，有帶子、蝦、青口、魚、魷魚等，份量都好夠，我最鍾意食帶子，因為好大隻同好鮮甜，如果可以有多d就好喇。本身個湯底甜甜地，d海鮮我地都唔使加調味品都已經好有味道，清清地仲好味。主角M7和牛，每一件都好大件，雪花比例均一，唔會有d好肥有d好瘦，而且切得薄身，睇到已經忍唔住放入爐內，只需要幾秒鐘就可以放入口進食，每一淡都充滿和牛油脂，可惜我地係女仔食唔到咁多，如果有男士一齊食肯定可以食好多碟。我個人覺得點芝麻醬係最好味既。我地都點左雜菜幫助消化。全部都係任點任食，d菜好入味。我都幾鍾意呢間餐廳d員工，次次我地食完d食物既時候唔使等我地叫，佢地都會主動走過黎問我地使唔

今日好開心呀，可能同媽咪一齊撐枱腳。知道媽咪鍾意食日本野，帶左佢黎酒店既日本餐廳食，平時食放題多，但酒店式既感覺high class好多，難得我地一齊放假，就去食下d好野。 一開始就見到d三文魚刺身好肥好大件，我地梗係唔放過，平時出面單叫都成$40-$50得4-5件，而家可以任食，對我同媽咪只係食刺身都為到本。其他仲有海蝦、吞拿魚，同埋唔同款式既壽司，真係睇到都流口水呀。刺身好新鮮，淨係我一個都食左6碟，一出到頭果2轉黎好快俾人拎哂，我見到d員工係咁refill。成間餐廳都係開放式既，可以俾我見到師傅切魚生剌身，又可以見到鐵板燒師傅既功架。到鐵板燒主菜喇，平時唔係太食到肉既我地，今日專登早餐都唔食就留肚食大餐啦。好多都有叫到，至like既係帶子清酒燒，見到師傅先將帶子肉燒左先，再係上面淋埋清酒，即刻香氣撲鼻，之後仲放返上個帶子穀再俾我地，而且都好大隻，食既時間連埋清酒，果種鮮味真係超讚。又食左和牛粒、安格斯牛肉，一口一件，有d黑椒辣辣地好和味。平目魚d肉好嫩滑，最重要係冇咩骨，加左d醬汁仲好juicy添。食到咁上下，係時候叫返d菜中和下喇，有燒雜菜、雜菌、甘薯、南瓜，份量唔太大，岩岩好

今年復活節假期沒有外遊，選擇留港享受假期，於是想找有刺身的日本餐廳。沙田區內想找一處寧靜及舒適的日本餐廳確實很難，但由於櫻田日本餐廳位於帝都酒店一個不明顯的地方，反而是好處，人流較少，不用等位，也可以在店內靜靜地用餐。在酒店餐廳用膳，食材有一定程度的素質保證，尤其是要新鮮的刺身及魚生類的食物，顧客不用擔心衛生問題，而且服務員的服務也不會太差。是次吃了個刺身定食，有15件刺身，其中帶子和海膽刺身的新鮮程度可以令你以為自己去了日本旅行，帶子肉質厚，味道鮮甜；海膽吃進口時，還充滿海水鮮味,亦不會太腥，怕腥的人都無問題。其他的各類的刺身(三文魚，八爪魚，蝦，等等）都很新鮮，絕對不會有雪櫃冷藏很久的雪藏味道。 下次會試試這餐廳另一主打"鐵板燒"!