樂天經典

營業中

休息中

之前食過樂天皇朝,整體都好有水準今次黎到將軍澳,見到有一間樂天經典,知道係佢既姊姊店,於是就試下店內環境好大, 而且空間感都幾多枱與枱間可走動的位置都幾多, 一點也不迫有少量的2人枱, 多是4人枱起,枱的面積好大就算放左2﹑3款小菜也夠放裝潢style 就帶點懷舊特式感色系以木為主色地板以黑白的磚鋪砌而成餐廳的中央牆身則是一幅幾大的牆畫,是以新加坡的招牌魚尾獅作畫整體帶出餐廳的菜式及名字主題呢一間主要係食廣東菜同新加坡菜所以見到個餐牌都不少係比較溫馨的小菜再加一些著名的新加坡菜,好像喇沙湯面等服務方面, 侍應普遍都幾有禮貌整體幾滿意,因為坐得舒服,而食物水準都是很不錯此外,睇返定價都幾實惠,尤其是以商場的店黎講, 下次路經可以再回頭!➽臘味炒飯(小) $68有大和小的size 選,這個很好,因為我地兩個人選小的岩岩好飯粒每粒都分明, 幾乾身醬油香都包裹住每粒飯,師傅係呢方面功架做到配料主要是有臘腸再加些蛋花﹑蔥粒簡單的炒飯,但味道卻很好喜歡食炒飯既要點➽蒜香紅海蜇頭 $78喜歡酸酸甜甜少辣的,要叫這個海蜇頭用的是海蜇頭,不是一條條狀的,所以比較爽口個汁真係靈魂,好開胃佢鋪底既青瓜切了絲

餐廳在日出康城都好有名既小炒,成日都大排長龍,所以今日就特突早d去食,輕鬆d,佢既小菜真係做得好出色,而且價錢都好親民,所以都好鐘意係度食飯。蝦味魚子蝦球炒飯(小) $78嘩,真心炒得好香、好有水準,而且魚子既口感令整個炒飯生色不少,每一口都有魚子既口感。脆脆咕嚕肉 $98依個真係現場食先食到咁脆既咕嚕肉,外賣就真係另外一回事了,而且佢既配菜都好足料,菠蘿、紅椒、洋蔥都好有心機整既。脆皮蝦醬雞翼 $98依個就真係必點啦,有8隻,而且每隻都炸得好香脆又好味,色香味俱全,係好香濃既蝦醬味道。蒜蓉炒西蘭花 $78家常便飯必有既菜色,完全係媽媽既味道,好正~最後,想讚依度既職員真係好細心,知道我地好想睇人溜冰,特突幫我地推一推張枱近d,真係唔會間間餐廳咁好既。欣賞~

📍 樂天經典 (將軍澳)將軍澳康城路1號The LOHAS康城4樓415A號舖新加坡最出名就係蟹了，今日來到這間新加坡過江龍。蝦味魚子蝦球炒飯，這道菜以口感Q彈的鮮蝦球和滿滿的魚子粒點綴，讓整道菜更加豐富美味。炒飯的米飯口感剛好適中，不過於軟爛，也不過於硬澀，非常好吃。此外，蝦球的口感鮮嫩，並且有著濃郁的蝦味，和魚子的鮮味相輔相成。辣椒螃蟹配炸刀切小饅頭，用新鮮的螃蟹和辣椒調味，配上炸酥的小饅頭，非常美味。螃蟹肉質鮮嫩，且辣椒調味十分入味，吃起來辣辣的非常開胃。而炸刀切小饅頭的酥脆口感和鬆軟內裡，點上醬汁更佳。餐廳還提供其他的蟹，例如胡椒蟹，下次有機會要試下。

樂天皇朝好味就唔駛多講今次第一次食佢嘅姊妹店 #樂天經典 都幾唔錯喎位於 #日出康城 嘅商場 The Lohas 三樓戲院對面主打星馬菜有鑊氣得黎唔會好辣難怪在座好多都係一家大細黎食⭐️蝦味魚子蝦球炒飯炒飯粒粒乾爽分明粒粒都充滿醬料味道而蝦球都有七八粒都幾爽口彈牙而面頭撒滿蟹籽大大份都幾抵食⭐️古早魚香老鼠粉老鼠粉即係銀針粉材料有冬菇、鮮蝦、椰菜花、洋蔥同肉碎食之前將雞蛋同鹹魚蓉柑桔汁加入攪拌鮮味即刻出晒黎淘小姐就最鍾意佢鮮甜濃厚嘅湯底除咗兩個主食另外叫左兩碟小菜一樣都係即叫即炸十分脆口⭐️椒鹽香酥鮮淮山新鮮嘅淮山沾滿炸粉炸至金黃單靠最後撒上嘅椒鹽調味都幾惹味⭐️黃金魚皮淘小姐真係不能抗拒呢款咁邪惡嘅美食脆卜卜嘅魚皮每一個部份都掛滿鹹蛋黃食完再食食極都有真心好抵值得推薦最後就係淘小姐最期待嘅清心丸⭐️清心丸綠豆爽因為清心丸唔係度度有得食所以淘小姐一定唔會錯過清心丸口感軟糯配埋馬蹄片同去衣綠豆粒味道清甜🍽️ 樂天經典 📍 將軍澳康城路1號The LOHAS康城4樓415A號舖

放假同屋企人去康城行吓，行到咁上下就去樂天經典食晚餐。餐廳空間都幾大，而且座位好寬闊，坐得好舒適。食物方面，餐廳主打食新加坡菜，有星洲蟹宴套餐，價錢都實惠，另外都有一啲中式小菜，款式多元化。金牌脆皮燒雞($158/半隻)燒雞都大隻，雞皮香脆唔油膩，肉質幾滑，鹹香夠入味，另外更配有泰式酸辣汁，同燒雞味道都幾夾~雞油飯($16/個)幾香雞油味，個飯夠乾身，食落唔會油膩。沙拉排骨($108)豬扒部份位置仍然保持脆口，肉質都算腍，沙律醬夠多，酸酸甜甜好開胃，好啱送飯。招牌酸甘香茅凍($36)上面有啲碎冰同奇亞籽，下面係香茅凍，口感滑嫩，味道有啲似多咗香茅味既檸檬愛玉，酸甜清爽，食落感覺好舒服，夏天食好消暑~馬來拉茶(優惠加配$12)味道會偏甜少少，茶味幾香濃~星馬白咖啡(優惠加配$12)白咖啡香烘焙既味道，口感順滑~

叫咗兩個外賣，一個係海南雞飯，一個係魚子蝦炒飯，先講海南雞，肉幾滑、但無乜雞味、去骨唔錯，但個汁真係打個突，紅色嗰種汁唔係平時食開嘅汁，一食落就知係中式辣椒醬，即刻扣分，其他嘢都可以，但係佢個汁就真係破壞碟菜，至於個炒飯我唔詳細講，如其他人所講都炒得幾好食。

獅城新加坡是一個多種族、多文化的地方，其多元的美食融合當地飲食文化，演變成多姿多彩、變化萬千的南洋經典菜式。來自新加坡的樂天經典，提供正宗南洋風味菜和經典中菜，菜式並注入了現代的手法，令傳統的南洋地道美食變得更精巧雅致。新加坡海南雞套餐 （$88）被新加坡視為「國菜」的海南雞飯，當然是必吃的首選。嫩滑的雞肉配合一碗油香四溢的油飯，加上三色醬料，和一碗冬瓜雞湯，簡單樸實，不需任何花巧便能帶出其誘人的味道。蝦味魚子蝦球炒飯（$78/例）炒飯加入了特別滲入蝦味的魚子，令炒飯夾雜着濃濃鹹鮮的味道，飯粒炒至粒粒分明，蝦球爽彈。椒鹽香酥准山（$60）金黃色的炸漿包著新鮮的准山片，配合惹味的椒鹽，令本身味道較為清淡的准山成為一道香脆可口的小吃。馬來風光（$78）青通菜用了馬來西亞的參巴辣椒醬同炒，令通菜帶有蒜蓉、蝦米、和辣椒等的味道。楊枝甘露（$48）最後點了一道甜品楊枝甘露作結，芒果、柚子和西米的配搭，清新又清爽。

今次朋友嚟到康城依邊睇戲，喺商場同層見倒依間餐廳吾錯就黎試吓，環境乾淨感覺良好，食飯方面叫左幾款，菜香鐵板豆腐：豆腐以鐵板上碟，食落熱辣辣好香好滑，海鮮馬來麵：麵底系馬來醬汁少辣好開胃，配料有五六隻大蝦好新鮮蝦味魚子蝦球炒飯：炒飯好鹹香，炒得好夠鑊氣，飯粒粒粒分明，加入魚子更有口感幾好味，有大大隻既蝦球，好食之選咕嚕肉：每舊都超多肉有驚喜，酸酸甜甜既汁送飯好正，整體方面，食物質素唔錯，員工服務態度好好

康城都有新加坡菜 @ #樂天經典 #星洲黑胡椒蟹 💙呢度係溜冰場附近，好有歡樂嘅氣氛😗去到見到有一個二人星洲蟹套餐，毫不猶豫叫咗🤤首先有一個🍱星馬特色拼盤：有炸豆腐、炸雞翼、炸魷魚等馬來風光：其實即係馬拉盞炒通菜，熱辣辣都炒得好靚🥗馬來海鮮麵：呢個似係炒拉麵，有蝦，好惹味🍜最後就係主菜 馳名星洲黑胡椒蟹 （450g）：呢個係二人份量既蟹，黑椒味好香，好似星加坡既一樣，蟹有鮮味，有肉、有肉汁 ！😌如果可以好似星加坡咁有饅頭，點埋啲醬汁就好喇！！最後甜品係綠豆爽，一解油膩感😃#將軍澳美食 #hkfood #hkfoodie #hkfoodblogger

今日帶囡囡去康城溜冰， 放低囡囡去上堂後， 約咗媽媽係商場食下野， 我媽媽話未試過樂天經典， 同埋見到出面poster話有d 68 折推介小菜， 好似幾扺， 咁就試吓.D 間餐廳主打星加坡菜力加一些經典小菜， 環境舒適， 坐位寛闊， 約人食飯傾偈都唔錯.特介小菜我哋叫咗個泰式炭燒豬頸肉， 燒得剛剛好， 薄身， 食落肉質嫰.蝦湯大蝦燘米粉： 新出品， 試吓先， 唔錯👍有二隻大蝦， 特制蝦湯用慢火精心熬煮6 小時而成，米粉好入味😋😋海鮮馬來麵： 微辣， 好惹味， 足料， 有多款海鮮清心丸綠豆爽： 唔太甜， 清心丸煙煙靱靭椰汁西米湯圓： 香濃椰计味， 配上大大粒湯圓，重有d 西米， 口感十足

N次到訪呢間南洋中菜館🤩 次次都冇失望，係心目中嘅心水食堂😎 菜式選擇多之外，價錢親民，裝修風格偏中式典雅，座位闊落，去康城食飯嘅不二之選👍🌟家鄉炒麵線$58今次試下炒麵線，鑊氣十足，似豉油王炒麵，但好足料，食落惹味，仲有芽菜口感爽脆，話咁快就見底🤣🌟泰式炭燒豬頸肉$98豬頸肉份量正常，上枱有炭燒味，點埋泰式甜辣醬好夾，水準之作👍🌟砂鍋豆腐蝦$108上枱熱辣辣，明蝦球好大隻，爽甜啖啖肉，豆腐嫩滑有豆味，值得一試🤩🌟阿婆苦瓜炒蛋$68出色嘅苦瓜炒蛋一定要係苦瓜食落唔苦兼回甘，蛋夠香滑，呢度都做得到，廚師功架一流🤩🌟檸檬薏米水（熱）$12/杯自家製健康飲品，健脾去濕，好過自己煲🤭

好多年前係奧海城都有食過樂天經典，覺得好好食，原來喺康城都開左分店，因為朋友未去過康城呢個新商場，所以就決定順便試一試。看見餐牌上有一整頁都是招牌蝦湯，覺得必定要試一試。蝦湯大蝦炆米粉（＄78）米粉正好可以感受到招牌蝦湯嘅魅力，米粉吸收了滿滿的蝦湯，味道非常濃郁，而且炆得非常香口，蝦有兩隻大大隻，爽口彈牙，蝦頭的膏亦非常鮮甜。椒鹽香酥鮮淮山（＄60）椒鹽味很香，炸得很脆，淮山經炸過後依然保留到爽口口感。阿婆苦瓜炒蛋（＄68）苦瓜沒有了苦味，只有甘甜味，切片的苦瓜口感爽脆，吃了比較熱氣的淮山，吃苦瓜清熱非常適合，炒蛋很滑身，配苦瓜很配。藥材燉土雞湯（＄155）這個湯是三至五人份量，我們兩個人也沒問題，每人兩至三碗左右，湯帶有藥材味，亦有雞的鮮甜味，湯味濃郁又清甜，非常高質，一個人飲三碗並不過分，雖然用雞肉煲，不過湯唔會油膩，而且湯渣有雞肉和豬肉可以吃。食到非常飽，都只係400蚊左右，都幾抵食，而且食物份量亦都好多。

🐔金牌脆皮燒雞服務員一放低就有陣陣燒雞香氣，仲有脆脆蝦片作為經典伴碟。雞皮非常薄，無油膩感，肉嫩又多汁，雞髀位更係嫩滑非常。配上特別嘅醬汁，少少酸辣味，十分有東南亞風味。🍚蝦味魚子蝦球炒飯炒飯粒粒分明，鑊氣十足！蝦球大約五、六粒，但勝在大大粒，鮮蝦味十足。炒飯嘅魚子以及其他配料都好均，啖啖惹味，有料到！🍤黃金蝦球 濃濃鹹蛋黃coating，蝦球有先走油，香脆又彈牙，少少鹹嘅蛋黃更顯蝦球鮮甜，咬落滿滿鹹蛋黃香，但食落又唔會覺得肥膩。🇸🇬🇲🇾馬來風光其實係馬拉盞炒通菜，馬拉盞非常香辣惹味，有蝦米、豆瓣醬、薑、蒜和辣椒，樣樣都十分出味相配，加上廚房嘅鑊氣快炒，通菜乾爽唔會出哂水，菜葉沾濃濃嘅馬拉盞醬，菜莖爽脆又翠綠。

上次啱啱開張黎食過個喇沙麵，覺得唔錯，所以諗住今日再黎試下其他菜式晚上約8.30入到去唔算好多人，但普通比杯水/上菜都有啲慢，一開始叫左幾碗白飯，但啲餸黎齊曬，再要等一段時間先有白飯。不過店員嘅服務同禮貌都幾好，問左幾次嘢都好有禮貌回覆菜嘅味道唔錯，但未到好惹味，但份量不如預期中多，應該只夠兩人食，$7x價位黎講性價比唔太高。同樣地，苦瓜炒蛋嘅份量都好少。炒得幾乾身，但整體味道有啲淡，苦瓜都冇乜苦瓜味。豆腐本身應該炸過黎，外皮金黃色嘅（不過唔係脆嘅），味道幾好蝦就麻麻地，甚至有啲雪藏味。醬汁部分幾好味，送飯一流。白飯都好有米香，應該係靚米。整體黎講，味道中挺，但份量太細，性價比唔高。希望水準可以有所提升啦

呢間新加坡菜好好味，而且性價比夠高，朋友/屋企人食飯都好適合🥳我成日同媽媽過嚟食🙉唔可以唔試嘅就係蝦湯大蝦蚊米粉🦐我點呢個係例牌size，先$78🤩有兩大隻蝦！肉質仲要係爽彈🤟🏻碎蛋同米粉索曬濃蝦湯汁，超爆好食😭❤️入邊仲有好多豬肉片，不過就冇咩味🤣佢哋嘅海南雞飯好正，啲雞皮滑到食咗都唔知😂雞肉又嫩💕我鍾意點黑色嘅醬油，配埋雞油飯真係無得頂😍佢有得揀白飯/雞油飯，強烈建議揀雞油飯，食得海南雞點少得油飯🤤油飯係煮得啱啱好，唔會好乾，又唔會好油，同雞一齊食好好味🥺❤️$88包埋湯，foodcourt都就嚟要呢個價🥹小菜試咗兩款，本身嗌咗蒸魚，點知嚟咗炸魚，btw本身兩個都OK所以就冇換🙊一入口omg好好食🥹💕呢款叫油浸碟魚 $128，外脆內嫩嘅魚肉，真係勁嫩滑，推爆‼️👍🏻砂鍋豆腐蝦煲係媽媽指定要點🤣$108好足料，有八隻蝦球，同埋煎過嘅玉子豆腐🤓玉子豆腐好滑溜，配大蝦蚊米粉嗰款出奇地夾🤩🙉整體口味比較清淡，除咗隻蝦比較鹹之外😆