樂天皇朝 (將軍澳中心)

營業中

休息中

今晚想食下經典中菜，所以去咗將軍澳中心嘅樂天皇朝😎。我們點咗招牌嘅皇朝小籠包，沙拉排骨＆木樨肉炒拉麵。有8種顏色嘅皇朝小籠包真係必食推介😆，8款小籠包每款味道都不同，包括原味、鵝肝、黑松露、奶酪、蟹黄🦀、大蒜🧄、韓式泡菜和麻辣風味🌶，可以由淡味食到濃味。蟹黄味好香濃，大蒜好惹味，鵝肝、黑松露、奶酪好特別，我款款都好仲意😍。沙拉排骨肉質好鬆軟🐖，很入味，上面有沙拉醬，咬下去全係肉😋。木樨肉炒拉麵好大份量，有肉絲、雞蛋絲、雲耳、芽菜，好夠鑊氣呀🤤。

星期日去將軍澳探朋友，加上朋友想食小籠包，所以決定去樂天皇朝。小食 $30餐前小食送上花生，味道正常。李白醉雞 $88去骨雞肉滑身，可以食到明顯酒味，但又不會過濃。蒜蓉清炒菠菜 $72出街食飯總想叫至少一樣蔬菜，蒜蓉炒菠菜清清地，味道正正常常。皇朝小籠包(8件) $1428款味道包括原味、蒜香、糟溜絲瓜、鵝肝、川味、芝士、蟹粉、黑松露。一上菜十分吸精，色彩繽紛，同朋友食完，小籠包一如以往皮薄多汁，大家表示除了原味出色，蒜香、川味同黑松露亦十分不錯。鮮蝦雲吞拉麵 $85湯底清，但不會過淡，鮮蝦雲吞皮滑身多餡，加上掛湯拉麵，味道剛好。雪菜咸肉炒年糕 $93味道不錯，有種雪菜肉絲米粉的感覺，但轉了煙韌的年糕，更有咬口。加上咸肉的咸香味，整體味道不錯。不過咸肉比例同菜單圖片有落差，令人有點小失望。雪菜蝦仁炒飯 $98炒飯平平無奇，但十分出色，粒粒分明。彈牙的蝦仁加上雞蛋同雪菜，味道剛剛好，不會過鹹過油。茶位 $10/位食物味道不錯，環境亦闊落舒服，值得一試。

【100】用家感受，不是打手！Walk In 唔駛等，7成滿座。9️⃣5️⃣CP值，2023/6/15/一/14:37，平日下午茶時間，二人埋單HK$248.50(連加一)，平均每人HK$125。去左太多次，但原來重未寫過食評。逢星期一至五14:30-17:00有5折，星期六日假期有6折，基本上我諗唔到想食乜，就會去食樂天，樣樣都啱我口味，地方空間感算大，光猛，坐得舒服，感覺乾淨，最重要係招呼一流，極表揚高廋黑衫估係男經理，招呼好到位。完全係我至愛食堂之一。8️⃣5️⃣蘿蔔絲酥餅$24，至愛，鬆鬆脆脆。8️⃣0️⃣李白醉雞$44，酒味香。7️⃣5️⃣京味炸醬拉麵$36，麵夠爽，醬味個人覺得較甜。8️⃣0️⃣八色小籠包$71，特色食品。白原味綠絲瓜粉鵝肝黑松露黃芝士橙蟹粉灰蒜香紅川味花生$15茶$20

每次去《樂天皇朝》都必食佢主打嘅小籠包，最出色嘅係佢外皮薄，但包住嘅係滿滿湯汁，而且內餡嘅肉清甜唔油膩！除咗叫佢嘅小籠包之外，仲會叫無錫鮮肉鍋貼，一份有3粒，外皮煎得金黃香脆，一啖咬落去爆晒汁🤤肉同樣都係咁鮮甜😋另外我哋每人仲叫咗碗豬骨湯拉麵，味道濃郁而清甜，蒜香排骨外酥肉嫩，鮮蝦豬肉雲吞滿滿蝦肉又爽彈，鮮蝦大大隻口感十足！————⋯╰☆招牌原味小籠包 $72╰☆無錫鮮肉鍋貼$45╰☆蒜香排骨豬骨湯拉麵 $88╰☆鮮蝦豬肉雲吞豬骨湯拉麵 $85—————⋯

間中都有食樂天皇朝，一來近我，二來食物有湯有餃有菜啱晒我地口味🥢招牌原味小籠包$72/6粒新鮮蒸起，夠熱夠多汁，皮又薄，真係招牌菜🥢蘿蔔絲酥餅$48雖然較熱氣但忍唔住都要食，入面好多蘿蔔絲🥟菜肉雲吞豬骨湯$65/6粒餡料多，有菜有肉，湯底都可以飲埋😋🍚揚州炒飯$95呢日竟然想食飯，叉燒粒好襯個炒飯，好食🥣薑茶黑芝麻湯圓$38好鐘意飲薑茶，飲完好舒服，三粒芝麻湯圓都芝麻味十足🚩樂天皇朝 (將軍澳中心) (將軍澳)📍將軍澳唐德街9號將軍澳中心G樓G31號舖

平日放假，姐姐帶我地去樂天皇朝下午茶，用某個app book 位仲有5折添，好抵呀！可以豪叫豪食😹！我哋🐵🐵最鍾意食八色樂天王朝小籠包，1人1籠唔洗爭，八款口味逐粒食，皮薄多汁，建議跟次序黎食，我哋嚟親必食架！仲叫左炸脆鱔，脆卜卜好香口，春卷好好味好香脆，四喜烤麩，味道恰到好處，小食濕花生好好食，好想encore！唔知出邊有冇得買！由於食小籠包已經食到飽飽，今次試住咁多先，下次再試其他菜式！味道環境性價比

位於將軍澳中心的樂天皇朝，原來下午茶時段有大優惠，大部分嘅嘢食都有半價。閒日一至五，點心和麵食餐牌有5折，就連星期六日及公眾假期的下午茶時段都有6折。食上海嘢通常都離不開小籠包，呢間餐廳最出名就係小籠包，除咗原味之外仲有多款口味。難得下午茶有5折優惠，即刻約老公去試下。本身都有啲期望所以就比較失望，個招牌小籠包都係普通野，未去到一吃難忘。整體環境不錯，坐得舒服，店面環境光猛，食物份量足，下午茶半價就比較抵食，性價比較高，否則我淨係只會比三粒星，正價就唔多值啦！

川味凉皮是一道充滿辣味和清爽感的開胃小吃。凉皮的口感細軟滑爽，配上辣椒油、花生碎和蒜泥，增添了豐富的層次感和風味。這道菜既是一種美味的小吃，也是一道道地的川菜代表。接下來，上海油燜筍是我在樂天皇朝的另一個推薦菜品。筍子口感鮮嫩，經過油燜後更加香脆可口。配料中的蔥段和醬汁提供了淡淡的甜味和豐富的口感。這道菜不僅美味，而且給人一種清新的感覺，非常適合夏天的用餐。無錫鮮肉鍋貼是一道經典的中國點心，樂天皇朝的鍋貼不僅外皮酥脆，內餡豐富多汁。口感給人一種滿足感，同時也很好吃。搭配上酸辣醬或者黑醋，更能提升整體的味道。竹炭流沙包是我在這家餐廳中的一個驚喜。這個黑色的包子外形別緻，內餡是流心的奶黃，口感綿密香甜。竹炭的添加不僅讓包子更有特色，還帶來了微妙的風味。這道菜絕對是一個必試的選擇。最後，開洋葱油拌拉麵是我在這家餐廳的主打菜品之一。麵條煮得剛好，彈牙有嚼勁。配料中的洋蔥和香蔥增添了豐富的風味，而油拌醬汁則帶來了一絲絲的辣味。這碗拉麵絕對能滿足那些喜愛辣味和風味豐富的人。

星期五晚同屋企人去將軍澳食樂天皇朝，裝修感覺幾奢華，座位與座位之間寬闊，坐得幾舒服。食物款式方面，有多款上海特色涼菜、點心、小菜、飯麵同甜品等等。🍴川味涼皮($58)涼皮口感非常滑溜👅醬汁酸酸辣辣，大約小辣程度，連埋清爽青瓜絲一齊食🥒係一道唔錯嘅開胃菜😆🍴聞香蔥油餅($40)外皮酥脆，一咬食到一層層嘅口感👄蔥嘅味道夠鹹香，而且幾juicy💦🍴蟹粉餡餅($68)餡餅外層厚薄適中，一咬開有汁流出黎💦有蟹粉既油香，唔錯💁🏻‍♀️🍴皇朝擔擔麵($68)擔擔面嘅湯底濃稠而且辣度適中，香花生味🥜幾惹味😋🍴宮廷驢打滾($48)見驢打滾呢個名幾特別，於是就叫黎試下🤣其實係糯米卷住紅豆蓉，外皮沾滿黃豆粉。糯米皮口感好軟糯煙韌🤤紅豆蓉細滑，唔會過甜，幾值得一食🙌🏻

八 色小籠包有創意好耐冇食小籠包，之前一路bookmark 左呢間，俾佢嘅八色小龍包吸引。今日和朋友去將軍澳試一試1.紅油抄手（$68）紅油抄手皮薄餡靚，醬汁麻麻辣辣甜甜酸酸，份量多，有六件。2.皇朝小籠包(8 pcs)（$142）特色皇朝小籠包的食法八種小籠包有著八種不同的獨特口味，可從原味開始到川味的順序逐一品嚐。原味、絲瓜、鵝肝、黑松露、芝士、蟹粉、蒜香和川味。 小籠包皮薄餡靚，每款嘅味道都有驚喜3.炒年糕（$93）年糕煙煙韌韌，配上特色嘅醬汁，及不同嘅菌類同菜類，非常之惹味，飽肚，滿足。

講起樂天皇朝，相信好多人都會諗起佢嘅八色小籠包～ 吸晴得嚟，又好食！入座後，店員先送上熱茶及前菜，前菜係尖到好淋嘅花生及栗子🌰而且枱面擺放咗多款醬汁，可以用嚟配搭不同的菜式！原味小籠包 新鮮即蒸，熱辣辣😍一籠有6隻，皮薄多汁，肉餡鮮美，夾起都不易穿，配上黑醋及薑絲，真係好好食😋必食！京醬肉絲每一條肉絲都沾滿甜甜嘅京醬汁，口感爽彈，配上煙韌嘅薄餅，每一啖都好滿足😋無錫鮮肉鍋貼新鮮即煎真係好食好多！鍋貼煎到好鬆脆，肉餡鮮甜，肉汁juicy，配上辣辣地嘅豆瓣醬好好食😋開揚蔥汁拌麵好大碗呀，口感彈牙嘅麵條配上乾蔥絲及蔥汁，食落好香，仲配上一碗濃郁嘅雞湯

很長時間沒去吃小籠包, 所以星期日放假專程去吃下午茶, 價錢優惠食物質素又好, 回頭率很高。♡ 招牌原味小籠包小籠包皮很薄, 小小一個夾起來也不會破, 用筷子輕輕弄穿皮, 湯汁即刻湧出來, 湯汁香濃鮮甜, 再點上醋和薑絲一起吃, 肉餡鬆軟鮮嫩。♡ 糟溜絲瓜小籠包在小籠包裡加上絲瓜感覺很健康, 湯汁也因為加上絲瓜而變得清新鮮美, 肉餡滑嫩帶點清新, 一點也不會膩口。♡ 上海生煎包生煎包底部煎得金黃焦脆, 咬下外脆內嫩, 肉餡鮮美而且還伴隨著濃郁的肉汁。咬一口生煎包可以有三種口感, 包上面軟軟的包皮、肉餡和脆脆的底部, 口感很豐富又美味。♡ 紅油炒手紅油炒手的肉餡肉嫩鮮美, 而醬汁麻辣帶酸甜, 加上花椒的香氣, 令人按捺不住一口接一口。 ♡ 花蔬蒸餃蒸餃的內餡有青菜、豆乾、木耳和粉絲, 是由蔬菜組成的健康食物。吃起來麻油味很香, 個人習慣喜歡點醋一起吃, 可以提味。

📸 樂天皇朝屋企樓下無咩好食 行遠少少去咗將軍澳中心發現原來有樂天皇朝好耐無食過八色小籠包🥰🥟$142 8粒價錢唔算貴 性價比唔錯💚皮薄餡靚 仲可以見到師傅即叫即整👉🏻個人心水口味係黑松露同川味味道都幾突出川味直頭似食緊擔擔麵咁 微辣微麻👉🏻中意清淡口味既話 應該中意絲瓜 食落好清新😗🫔 京醬肉絲 $108配薄餅唔好食飯麵咁悶 可以試吓呢款薄餅有成8-10塊 一定夠飽肚肉絲份量多 食極都仲有架調味偏香濃 包埋薄餅 味道啱啱好🍲 酸辣湯 $63位按人數調節份量較有彈性用料足 啖啖都食配料 蝦仁 木耳 豆乾 肉絲注意⚠️ 真係幾辣吓🙈第一次食到咁酸咁辣 好有挑戰性📍 將軍澳唐德街9號將軍澳中心G樓G31號舖除咗將軍澳 港九新界都有分店架#wwh食勻將軍澳 #wwh中餐

地址－樂天皇朝 (將軍澳中心)將軍澳唐德街9號將軍澳中心G樓G31號舖💋原味小籠包 (6個)，自從幾年前去完上海玩後，都好耐冇食過小籠包了，所以今次都叫黎食下先，佢最貼心的地方係將醋同埋薑絲每張枱都放置左，方便客人根據自己的喜好而調較，而佢呢度D小籠包皮幾薄身下，而且餡料非常豐富，湯汁的份量都勁驚人，連埋醋同薑絲呢個完美配搭，正。💋蟹粉餡餅 (3件)，呢個餡餅我地睇相以為好大件，點完後一度擔心會食唔晒，畢竟小妹的胃部空間都唔太大，但出到黎見到都唔算太大，大約2啖已經食得晒， 幾精緻，佢個皮煎得好香脆，厚度十足，而個餡就食得出蟹粉份量勁足料，食落好有鮮味。💋辣子雞丁，一上菜時見到D辣椒已經鋪滿成隻碟大約八九成的位置，睇上去已經令人垂涎三尺，就黎要搵紙巾抹一抹個小咀至得XD，雖然辣椒咁多，但食落唔會話太辣，唔會蓋過雞丁的味道，而且佢處理得唔錯，雞丁數目唔少之外，食落仲幾香滑彈牙，而佢間中仲有D蒜片係附近，我試過連埋一齊食，帶有一陣蒜香味，唔錯。💋上海炒飯，我地睇MENU時諗上海炒飲係咩黎呢??所以我地就叫個黎試下，上到枱後見到碟飯份量好似唔太多咁，但只要攪下就發現原來我地諗法係錯的，都好大

家人好想食上海菜，就叫埋我去將軍澳中心～#樂天皇朝 ，品嘗一下正宗嘅上海菜啊。鋪坐下來店員會送上餐前小食，是炆煮得很淋的花生加栗子，可以食住醫下肚先。川味凉皮，透明滑嘟嘟的涼皮，配合墊底的青瓜絲，滑溜爽口又帶點辣，很開胃的前菜。李白醉雞（雞髀），雞髀醃製得很入味，食到好香嘅花雕酒味，雞肉嫩滑柔軟，雞皮充滿骨膠原。四川抄手拌麵🍜，抄手皮薄足料，有6大粒，辣油唔會好辣，內亦有醋汁，酸辣的拌麵令人食得好開胃。皇朝擔擔拉麵，湯底的花生醬量很適中，拌勻後濃稠度剛好，叫了少辣故辣味適中，拉麵爽口順滑好食😋。價錢唔貴又坐得舒服，食物有質素，真係唔錯啊！