樂天皇朝 (將軍澳中心)

將軍澳中心有好多餐廳，但如果想食好食的上海菜，不可不提「樂天皇朝」。🥟 1. 招牌原味小籠包（6粒）樂天皇朝的鎮店之寶，非「招牌原味小籠包」莫屬。原味小籠包色澤潔白通透，飽滿玲瓏，食時原粒小籠包放入口中，滿滿的肉汁，一口咬下即爆發鮮美肉湯，包皮夠薄但都不易穿。此外，餐廳也有八色小籠包系列，原味以外還包括：蟹粉、芝士、蒜香、人參、黑松露、鵝肝、糟溜絲瓜及川味，適合打卡拍照。第一次來的話，建議先嚐經典原味，下次再試八味。🍲 2. 蝦仁酸辣湯同樣是經典川滬融合菜式，高湯作基礎，調和番茄酸味、胡椒和辣椒的辛香，搭配彈牙蝦仁、豆腐絲、冬菇等豐富配料，每一口都層次分明。對於嗜辣者，這湯款相對溫和，大眾容易接受。🥘 3. 雪菜鹹肉炒年糕年糕帶點厚身、爽滑不黏牙，而且炒得乾身但不油膩。鹹肉鹹香十足，其鹹味浸透於年糕，整體口感煙韌有嚼勁，非常好食。🍡 4. 酒釀芋圓甜品方面，我們叫了酒釀芋圓。以米酒製作的甜湯為底，配合芋圓及桂花點綴，湯底清甜而帶淡淡酒香，芋圓外柔內彈，煙韌不膩。推薦給喜歡中菜、滬菜、小籠包愛好者，樂天皇朝是個好選擇。…查看更多

今日同朋友去咗將軍澳中心嘅樂天皇朝食Lunch，第一次試佢哋的午餐時段，發現個餐單幾抵食，可以用相宜價錢試到多款唔同嘅菜式，我哋兩個人使咗三百幾蚊，竟然可以點到七樣嘢，認真唔錯！主菜叫咗個糖醋魚片配白飯，魚片炸得外脆內嫩，酸甜汁醒胃，送飯一流。我哋跟餐梗係要叫個招牌原味小籠包（3粒），皮薄湯汁足，水準保持到。記得先飲咗啲湯汁先至大啖咬開….跟住點咗個京醬肉絲配薄餅，肉絲醬香味濃，用軟熟嘅薄餅卷住食，係必點之選。追加叫咗個上海媽媽烤麩，大約一碗左右，細細碟夠入味，甜甜哋幾開胃。特別要讚個蒜茸清炒菠菜（半份），雖然係普通小炒，但炒得夠鑊氣，菠菜又腍又綠，蒜蓉落得足，油香豐富得嚟唔會太膩，呢個有驚喜！最後試埋個花蔬蒸餃（2粒），皮薄餡靚，清清哋，蔬菜味都幾甜～當然唔少得甜品香煎豆沙窩餅，煎得香口，豆沙餡唔會過甜，為成餐飯作結。整體嚟講，樂天皇朝嘅午餐性價比高，份量可以因應情況追加半份，靈活性大，好適合想「淺嘗」多款點心小菜嘅朋友。一定會再嚟encore，下次要試埋佢哋大名鼎鼎嘅八色小籠包！…查看更多

樂天皇朝將軍澳分店最近裝修得好靚，朋友話放假齊齊去食下上海菜都係第一次去 樂天皇朝，聽得最多最有名氣就喺八色小籠包入到去安排得好舒服嘅座位，而且店內環境超級舒適侍應服務非常有禮貌，幫手開茶斟茶未點小菜都值得入去幫襯有午市套餐都好抵食 $78蒜香排骨豬骨湯拉麵香脆蒜香排骨3件分開上，炸到非常金黃色，即叫即炸排骨入口鬆化，食到不停豬骨湯底麵味道香甜味道，拉麵份量都多最後仲飲埋個湯底配有蝦仁酸辣湯(小碗)酸辣嘅味道好開胃，有蝦仁、蔥花、豆腐、豬肉絲真材實料味而且味道夠濃微微辣辣，越食越想食蟹粉鍋貼 $63香濃蟹粉肉加上外皮非常脆口皮又薄，入面有鮮肉蟹粉入口鮮香美味京蔥爆美國牛小排 $138一入口已經充滿京蔥氣味加上牛肉嫩滑多汁鑊氣夠又惹味，片片肉質鮮嫩又入味.薑茶黑芝麻湯丸 (熱) $43芝麻湯丸口感好又軟煙韌，薑茶夠薑味樂天皇朝將軍澳唐德街9號將軍澳中心地下G31號舖…查看更多

好耐未食過咁好食嘅砂鍋雲吞雞，特寫此文表一表揚👍沙拉肉排真係啖啖肉，冇乜脂肪夠厚肉，好多肉汁，以佢嘅厚度同埋肉質，估計係係用新鮮豬扒炸成的！炸饅頭，點埋煉奶是必食的上海菜！砂鍋雲吞雞經典菜式有半隻鮮雞喺入邊，令到成個湯都充滿鮮雞味！金華火腿將成個湯嘅鮮味提升！手工雲吞非常好食肉粒好大隻夠鮮味雲吞皮又夠薄！睇住廚師在廚房裏面搓麵粉絕對不是預製件！而且連埋個湯飲都唔覺得口渴！係唔落味精系列！依舊高質的連鎖餐廳，想食上海菜一定諗起佢！…查看更多

到左位於將軍澳中心的樂天皇朝，跟友人聚餐，地點就在將軍澳地鐵站上蓋，很方便啊！招牌李白醉雞（雞髀），雞皮夠晒冰凉又爽口，加錢要了脾位，故肉質幼嫩又滑溜，入口有香濃酒味，作為前菜好正啊！鮮蝦抄手伴面，喜歡抄手的餡料豐富，皮薄足料，入面嘅蝦新鮮爽口，拌面🍜煮得熟度剛剛好，麻味唔會好重，拌勻後酸酸辣辣，開胃又好味😋 。楊州槽榴滑魚片，魚片厚身又雪白，入口夠晒爽滑，配料有紅蘿蔔同木耳，是一道有營健康的菜式。…查看更多

招牌原味小籠包呢款真係唔食唔得！每隻小籠包皮薄餡靚，咬開嗰陣啲湯汁即刻滿口香甜，豬肉餡味道平衡，唔會過鹹，質素非常高。蒜香排骨排骨炸得金黃酥脆，完全唔油膩，加上蒜香味非常濃郁，食落口嗰陣滿足感十足。紅油鮮蝦抄手拌麵，辣油香味好出色，啲抄手皮薄餡靚，蝦肉鮮甜彈牙，麵條口感又煙韌，辣度適中，對鐘意食辣嘅人嚟講非常啱胃口。整體而言，樂天皇朝保持到一貫水準，服務又快又敬業，環境亦舒適，係一個適合家人朋友聚餐嘅好地方。…查看更多

🇭🇰 📍樂天皇朝｜將軍澳中心 👣 今日同朋友去將軍澳中心行街，午餐就揀咗出名小籠包嘅「樂天皇朝」試吓～門口八色小籠包圖片好吸引，不過我朋友堅持要食原味，話最能試出廚師手藝！ 🍽️ 我哋兩人點咗： 📌 招牌原味小籠包（10粒） 📌 陳皮五香牛肉 📌 蒜排骨湯拉麵 📌 菜肉豬骨湯餛飩 🥢 陳皮五香牛肉一上枱就香氣撲鼻，牛展肉質分明，陳皮香＋紹興酒滷味層次豐富，唇齒留香～ 🥟 小籠包皮薄煙靭，一咬爆汁！配店家特製薑絲醋，肉香即時昇華，10粒瞬間清碟！ 🍜 蒜排骨湯拉麵排骨炸到金黃香脆，內裡嫩滑多汁，豬骨湯底濃郁醇厚，拉麵口感順滑～ 🥟 餛飩鹹香鮮嫩，菜香＋豬肉油脂味平衡得好，不過我哋已經飽到唔郁，只能淺嘗～留返下次再慢慢歎！ 🪑 餐廳環境雅致闊落，座位舒服，侍應有禮又專業，整體用餐體驗好滿足！ 📍地址：將軍澳中心（樂天皇朝） 💰人均：約$150 …查看更多

每次去都必叫佢嘅招牌原味小籠包，佢仲有八色小籠包選擇，每隻色都唔同味道👅✨招牌原味小籠包 $78/6， $122/10招牌原味小籠包皮薄爽滑，內餡多汁鮮美，湯汁濃郁豐富，咬開即爆汁，口感超讚！✨無錫鮮肉鍋貼 $48外皮香脆帶微金黃，內餡鮮嫩多汁，肉味濃郁，整體口感脆中帶軟，超吸引！✨紅燒扣肉豬骨湯拉麵 $92豬骨湯底滑順濃厚，扣肉軟嫩入味，肥而不膩，麵條彈牙索滿湯汁，濃郁鮮香，層次豐富超滿足！🍜🥢✨宮廷驢打滾 $52宮廷驢打滾 有3粒，口感軟糯香滑，外層糯米粉帶點細微顆粒感，內餡紅豆甜而不膩，入口Q彈帶嚼勁，係老少咸宜嘅傳統美味！✨✨凍蘋果與荔枝茶 $28凍蘋果與荔枝茶味道清新又甜美，荔枝茶甜中帶點清香，兩者融合好有層次感，飲落超解渴！ #樂天皇朝 #八色小籠包…查看更多

服務態度好，理境乾淨企理小籠包真係要趁熱食，如果係啲皮會黐住個籠底，流晒啲汁出嚟素鴨有驚喜，多汁，鹹鹹哋，腐竹皮好滑蘿蔔絲酥餅好香脆，一啲都唔油，手工點心最重要係星期日5點前落單麵點、點心，涼拌類都有六折…查看更多

最近天氣非常炎熱， 每天變著花樣到唔同嘅餐廳， 突然之間好想食小籠包 ，今天來到樂天皇朝， 晚飯時間都幾多人， 好彩等咗一陣就有位。將軍澳分店服務態度真的很好， 各人都非常有禮貌， 上菜嘅時候都會介紹菜式， 仲會主動幫手添茶。 睇到餐廳推介，最近推出最新沙爹牛肉小籠包， 好特別嘅配搭充滿港式風味。不過我哋就鍾情原味小籠包， 咁多年都係保持高質， 小籠包外皮煙煙靭靭， 湯汁真係非常豐盈， 充滿肉汁香氣， 加埋新鮮 薑絲和醋， 滋味即時大大提升。雪菜鹹肉 炒年糕， 看似簡單但係一啲都唔簡單， 年糕煙煙韌韌， 濕潤度很高 但係又爽身， 雪菜占在每片年糕， 清新的雪菜味道微微的鹹香， 鹹肉 咸鮮剛剛好。 最後來個非常惹味醒胃的， 宮保腰果雞丁， 雞肉好嫩滑， 腰果夠脆 ，辣辣地真係好開胃。…查看更多

將軍澳要揀小籠包一定會去樂天王朝，佢嘅小籠包真係必食，皮薄餡靚而且即叫即蒸，真係超熱上枱嘅，好鍾意佢嘅小籠包肉汁，真係好正今日叫咗雲吞雞湯，非常推薦依個菜式，你有得食雞又有雲吞又有雞湯即係差唔多三個餸，真係食過想再食既感覺擔擔麵就真係好惹味啦，真係會食左一碗既最後食咗個炸饅頭，可能呢個係童年回憶，所以每次嚟到都好想叫嚟食，加埋煉奶，真係一流要欣賞吓依度嘅服務態度，我唔係第一次嚟，基本上每次嘅服務態度都係非常好嘅，又會有一杯暖咗嘅茶，所以真係好推薦呢間，一家人食就真係一流…查看更多

樂天皇朝位於將軍澳中心內位置方便 卡位坐得舒服 平日七點都幾多人 服務幾快手 啲嘢食好味又抵食🏮 沙嗲牛肉小籠包 小籠包最緊要皮薄 沙嗲味好出仲有花生碎 牛肉碎餡囗感鬆軟 湯汁夠香濃👌 李白醉雞 🍗 淡淡花雕酒香 凍食幾清爽😋 蒜茸清炒菠菜 🥬 少油版本真係唔油膩 菠菜翠綠加炸蒜 簡單好味💚 紅油鮮蝦炒手拌麵 🍜 辣油香唔嗆喉 蝦肉雲吞爽彈 幼麵掛汁力強 整體好惹味👌 整體保持水準 醉雞髀同拌麵都好出色 上菜夠快💼 見到隔離枱八色小籠包都好吸引 下次想試💕 …查看更多

餐廳裝修現代中式，開放式廚房，整體感覺奢華不失雅致。🐤李白醉雞嫩滑雞腿肉，以紹興酒滷製，酒香溫潤不嗆，入口帶有枸杞的甘甜。雞皮彈脆，肉質冰鎮後緊實多汁，無腥味。 🐟揚州糟溜滑魚片鱸魚片厚切裹薄漿，外層滑溜，內裡魚肉細嫩無骨。酒糟酒香淡雅，搭配木耳快炒，勾芡輕盈。 🍜紅油鮮蝦抄手拌麵豚肉餡混入整顆蝦仁，紅油以花椒、辣油、黑醋調製，麻而不燥，酸香開胃。手拉麵吸附醬汁，彈牙有嚼勁。🌟餐廳環境寬敞，菜式兼容長幼口味，分店多位於商場交通便利，所以都經常光顧。…查看更多

前日同同事去將軍澳中心嘅樂天皇朝食 lunch，環境整潔舒適，啱晒同事聚餐。食物方面，選擇唔算多但有誠意，我哋揀左以下:🌶 川味涼皮味道偏辣，但辣得來好味味。涼皮唔會太軟爛， 非常爽口，配料如花生碎、黃瓜絲令整人更開胃。🐟 糖醋魚片魚肉炸得鬆脆，醬汁偏甜但不會搶左糖醋咪味。酸酸甜甜，都好開胃🍞 炸饅頭外皮炸得香脆，冇太多油份，配煉奶食甜而不膩。🍪香煎豆沙鍋餅豆沙餡唔會太甜，餅皮煎得香脆，唔油膩。 食落去脆卜卜---…查看更多

每次嚟到都一定會食佢嘅小籠包ღ招牌原味小籠包 $78/6 $122/10我地叫咗6粒份量～我最愛嘅原味小籠包❤️皮薄多汁，肉餡鮮嫩，入口滑順，味道鮮甜ღ紅燒扣肉豬骨湯拉麵 $92湯底香濃，豬骨香氣十足，扣肉軟腍入味，麵條彈牙，整體口感豐富ღ無錫鮮肉鍋貼 $48鍋貼有3粒外皮煎得脆口，內餡多汁鮮美，食落爆晒汁🤩肉香濃郁ღ香煎豆沙鍋餅 $63外層酥脆，內裡豆沙綿密細滑，甜而不膩，豆香十足!食落外脆內軟嘅層次感…查看更多