樂口福酒家

營業中

休息中

這間歷史悠久的潮州菜館巳很久沒有光顧，今次光顧照舊雞湯翅，依然做得好好，雞湯清甜，翅的份量不少，連料頭的雞都好食。炆花膠扒夠淋及夠入味，至於滷水鵝及其他小菜則一般。相信唔係諗住食翅都唔會幫襯。

好少仲有乍菜做小食，通常都係炸花生，呢度既乍菜超正! 爽口得黎唔太咸，微微帶甜~今日唔多人，一早黎左拎位等齊人食飯嘆返杯功夫茶慢慢等，茶味甘香，已經無乜地方有功夫茶飲了今日人少少，亦冇食翅了，叫左3個小菜慢慢食下飯傾下計椒鹽豆腐 - 凍左少少，但仍然外脆內軟，豆味幾香上湯白菜仔 - 做法係金銀蛋浸莧菜既做法，白菜浸得夠腍，香甜軟身，加左炸蒜去煮，特別香口雜菌炒牛肉 - 牛肉份量超大，而且都有一定厚度，食落有口感。茨汁濃淡適中，唔會太粘

早幾日問起長輩邊到有靚翅食，雖然唔環保，但都好想食一次不過呢間野的確幾多人，而且好多都係上年紀既西男仕餐具係傳統中式酒樓既式樣，有點舊年代既feel樂口福係九龍城，九龍城本身都係舊區，睇佢既門面同裝修，都應該有咁上下歷史但佢唔係式粵菜館，係潮州菜館自己本身冇太考究魚翅係邊一度地方既比較出名，黎到都試下雞燉翅一盅二百幾，大盅之餘十分足料，加上芫茜特別香大舊而且一絲絲既魚翅，食落軟硬適中，而且完全吸哂雞湯既雞味原隻雞全翼，燉到又香又腍又滑!!!!! 仲有幾舊瘦肉，翅湯絕對肉香一流!!!!仲要左份川椒雞球，入口麻香十足，超正真正既麻而不辣原來非常惹味呢度比較有特色既係有即沏既功夫茶! 茶香味濃，澀中帶甘，正!!!食完油膩野飲返兩杯夠哂消膩

六七十年代，樂口福與陶芳、金龍及昇平合稱九龍城四大潮州酒家，多部電影或電視劇也到來取景。外國回來的朋友被酒樓的外觀吸引，相約到超過 60年歷史的樂口福食飯，期待傳統潮州美食。先來一碟鵝片拼盤，鹵水味道不重，鵝味不重，或許雪藏鵝肉的確味道偏淡，還好拼盤種類豐富，鵝腸、鵝腎、五花腩、大腸、鹵水蛋、豆腐及主角鵝片，來多兩支啤酒也可。很久沒吃過有質素的酥炸蝦蟹棗，新鮮炸起非常香口，加入馬蹄增加口感，爽口不油膩，吃時配潮州甜醬蘸點更滋味。 坊間比較少潮州菜館供應水瓜，當然要點鮮蝦水瓜烙，煎得香口乾爽，少許菜甫增添風味。香酥芋蓉鴨炸得很酥，芋頭要處理得宜及油溫控制適宜才可以做到蜂巢狀，外皮酥脆，內裡軟滑，難得不覺油膩。 檸檬燉鴨湯，鹹檸檬令鴨湯清新，飲得舒服，醒神開胃。潮州人很喜歡酸甜，用梅羔醬做的潮州梅羔骨，醬汁濃稠，剛好掛上每一件金沙骨。半煎煮馬友，方魚炒芥蘭也做得不錯，但普寧豆醬雞則一般，雞肉嫰滑但沒有雞味。 潮州炒麵線，韭菜芽菜外還有肉絲及鮮魷絲，炒得爽身而不膩。羔燒甜三拼包括芋頭、番薯及白果，正宗做法是用白糖煮至腍身後，用蔥花豬油爆香後灑上芝麻，現在一般也省略豬油，減

琴日行完山，屋企人想夜晚食潮洲菜，最近就係九龍城，上open rice 睇屋企人揀左樂口福試食一去到個鋪面超級懷舊入到去無耐就有位，老闆好識做，即時俾位我地😋坐底無耐就俾左兩碟小食同功夫茶跟住，屋企人好興奮即時睇餐牌有咩食我地叫左個潮汕煎蠔烙、椒鹽九肚魚、鹹菜豬肚湯、鮑魚肉碎粥同福果芋泥蠔烙同平時蠔餅好唔同，好食好多，唔會太燶同脆，味道岩岩好，超好食，仲會配埋魚露第一次食愛上了九肚魚自己本身唔太愛好，但都試左一‘舊’仔，唔會太重口味，無大排檔香脆，但算香口，還可以啦到鹹菜豬肚湯，本身好愛依款湯而個味道好好味，胡椒味岩岩好鹹菜亦唔會過咸，豬肚屋企人食得出係冷藏，無咁爽口，但整體屋企人都大讚個鮑魚粥都好足料可以有好多碗，我地有4個人，起碼每人都有2碗多d🤣到福果芋泥啦屋企人話係潮洲好出名嘅甜品，食第一啖已經覺得好滑好易入口，好好食，原來福果即係代表白果，潮洲最有名係白果屋企人整體都好鐘意依個潮洲菜館，而我都係，有機會都好想再黎過

身為潮州人，細個開始已經成日食傳統潮州菜，港九不少潮州菜館都有同屋企人去過而家間唔中都會去食下潮州菜，因為唔係好多朋友好潮州菜，所以次次去食飯都只有2，3人，叫到3，4樣野食~ 太極素菜羹或甜品就少左機會食啦😩潮州打冷，傳統菜各有風味~ 相比打冷，我比較鐘意食傳統菜式，尤其炆春菜/紹菜，鵝片，蟹棗，荔芋鴨，普寧豆腐，蠔烙都係我嘅常點菜式其中我最鐘意去嘅潮州菜館係樂口福，其次係百樂，傳統嘅野食好啱口味😋 百吃不厭

朋友和太太由加拿大返港探親，本想好好和他們吃一頓晚飯，但由於他們太多飯局，只能安排吃午膳，朋友是潮州人，就提議不如到九龍城吃潮州菜。九龍城的星期六中午，交通非常繁忙，我們很幸運地，找到一個停車位，剛下車一抬頭就見到一間潮州菜館，菜館門外貼上很多剪報，想想也不會太差，便信步進來吃午餐。店內裝修非常傳統，但都乾淨整潔， 員工會和你閒聊，態度也很親切， 我們甫坐下即送上酸菜和潮州功夫茶。我們選了幾個傳統的潮州菜， 由於時間尚早，客人不多，上菜速度也很快。鹹菜豬肚湯湯唔太鹹，胡椒味適中。滷水鵝片 滷水味香濃， 鵝片啖啖肉，很有水準。 潮汕煎蠔烙蠔仔肥美，蠔烙煎得香口而不肥膩，很難得。芥蘭欖菜炒肉碎芥蘭切得太細碎， 欖菜肉碎太鹹，失敗之作。家鄉炒魚麵魚麵做得太硬，肉絲略鞋口，但整體味道不錯。香蔥反沙芋反沙芋加了香蔥有點怪怪的，而且以甜品來說則太大碟了，我們四人勉強可吃完，但如果二人吃則太多了。

我在九龍城區附近工作，超過二十年了。樂口福這間食肆，我也經過了不知多少次，但是，一次也沒有光顧過。因為，九龍城有一些食肆，是只開晚市的，樂口福的門面，從外面看，不知道裏面是不是營業；而且，沒有什麼午市套餐招牌之類；所以，我今天才第一次光顧。裏面的裝修，簡直是四五十年沒有變過的，看看福祿壽裝飾板、收銀處，全是黑白粵語片般的光景，簡直是時光倒流40年！這裏沒有午市套餐，我和Honey就點了肉碎蠔仔粥，是潮州粥底，米剛開；蠔仔雖不算多，但粒粒飽滿，鮮甜。鹵水鵝肉片，肉香；皮不厚，有鵝皮的甘香。潮式糖醋雙面黃，伊麵底有蛋麵香，但是稍嫌煎得不夠香脆，再煎得香脆一點，醮糖醋吃，會更好吃。最後，是Honey喜歡的水晶包，每個水晶包都是小小的，外皮跟外面的潮州館子相比，相對比較煙靭；蓮蓉和豆沙餡，都非常滑，不太甜。最後，配功夫茶，解膩解甜！ 九龍城，從前還不是小泰國時，本來就是潮州人的天地；今天，就來樂口福，品嚐潮州菜。

九龍城個個都知小曼谷，但係其實潮州野都好多，打冷既有，傳統既都有。難得凍返少少，屋企人就提議去食潮州菜，飲啖茶。潮州菜相比粵菜好似冇咁多煮法，但係其實都幾好味。個日六點幾去到，唔洗等位，一坐底就有咸菜同功夫茶(即係濃普洱)，咸菜最啱就送粥，食下食下就好快食晒。其實睇menu佢話就話老店，但係都唔係一成不變，佢有傳統潮州菜，都仲有其他廣東菜，啱晒唔同人口味，難得黎到梗係試潮州野。潮州凍馬友 208元個menu其實冇，但係一入門口右邊已經擺好晒係到，個到賣春菜煲呀鹵水鵝呀凍魚同凍蟹……魚佢就跟重量賣，貴唔貴就見人見智，呢條208 我地四個人share都岩岩好，好多肉又唔多骨，魚本身有咸味，有鮮味同埋d肉唔會散，配埋普寧豆醬就啱啱好。滷水鵝片 68元個到有片有肉有頸，片就最岩我，啖啖都係肉。 鹵水汁固然係佢地命脈，果然冇令人失望，唔會太咸，又唔會太甜，雖然貴d 但是都值得食下。煎蠔餅 78元雖然話蠔餅係潮州菜必食，但是我覺得呢到好一般，d蠔唔夠新鮮，同埋煎得太燶。傳統潮州菜，都推介呢到嘅，菜式有一定水平，但價錢都唔平，不過好多外面搵唔到嘅菜式，佢地都會有。

「買少見少」的傳統潮州菜黎到被稱為「小泰國」之稱既九龍城，點解會食潮州野？其實九龍城除左泰國人多之外，潮州人都好多，九龍城就已經有好多間潮州雜貨店、打冷、甚至滷水....今日就決定黎呢間老字號潮州菜。七月係我呀爺生日，佢又係呢間樂口福既die heart 粉絲，大大話話食左廿幾年，由以前老細到佢個仔接班；由以前行得好地地坐到樓下，到而家要坐樓下。佢去到呢到食既野來來去去個幾味，但係志在有堆「格ge冷」同佢傾下計，或者「隻下爹」（飲茶），食既一份感情，好似舊朋友相見咁。我地一行三個人食左三個送一坐底梗係醒你幾杯功夫茶—一啖一杯，但係小心真係熱飯前同飯後都有（唔夠仲可以叫佢加）但係千其唔好飲太多　唔係就成晚晚眼光光勝瓜加肉碎，太清淡唔係好識欣賞菜脯蛋—潮州菜必食之一，雖然味道真係偏咸，但係配上潮州粥真係好岩味！滷水鵝—潮州菜必食之一，但係滷水鵝都有分唔同部分：鵝肉（肉連骨），鵝片（淡淡肉）同埋鵝頸（係潮州食過）！我地就叫左鵝片，貪佢肉多唔洗煩。滷水汁都係偏甜但係好夾個鵝片；下面用索晒汁既豆腐墊底！好味！

鹵水拼盤好大碟，聽聞鵝片好出名未食已經聞到好香鹵水味，好吸引食落鹵水味道好濃郁好豐富，鹵到所有的食物好入味先吃鵝片，肉鮮嫩，質林滑鹵水味好出，d鹵蛋好入味，切開仲可以保持蛋型不散鵝腸爽口，肥美甘香腩肉又林又係五層花，鹵水味好入味，一點豬臭也沒有

也有一段日子沒有來了，忽然想食潮州凍魚，有水準而離家又比較近的，首選樂口福，可能因為假期關係，到來時非常滿坐，無奈下只有等位及四處看看，牆上掛滿之前報章的剪報，原來這食店搬到九龍城，已是1956年七月二十八日，快將六十年了。等了大約15分鐘，終於可以入座了。看過餐版後，決定了以下食物。火腿炆紹菜（$78）～ 火腿用切絲而不用薄切片的方法，有點偷工減料的感覺，也因份量太少，味道也相應變淡；好在紹菜的芡汁，調配味道出色又煮得淋，挽回不少分數。馬友（$228）～ 記得第一次聽「魚飯」時，心想：點解魚飯得條魚, 冇飯的？ 後來得知解釋，「潮州魚飯」即係潮州凍魚。馬友因為油份較多, 肉質嫩滑，而且又比較有魚味，所以用來做凍魚就最出色，但價錢就會相對比烏頭、黃花等貴，細條$228，大條$248。瑤柱三絲粥（$68）～ 平時都是點蠔仔粥，今次就要點不一樣的吧！三絲係肉絲、東菇絲和尤魚絲，潮州粥一向有點似湯飯，飯粒不會太淋。加入大地魚及芫茜，也令粥㡳增添了不少香味。再加上小許胡椒粉，就更加出色了。看報章有幾味特色小菜，但因假期而沒有供應，看來又係時間，再約朋友來這裡飯聚了。

今晚本來係想飲d湯水，唔知點樣走左去食翅....😅呢間老字號潮州菜係九龍城N年了，出品都有保證的，裝修應該多年來都冇咩改動，很有風味！一坐底，先送來一盤功夫茶！爽！今晚點了紅燒翅，$228 一碗，味道和傑度真係剛剛好👍🏻。 椰青花膠魚翅，清潤！濠仔粥，大大隻濠仔。可惜反而是鵝片又乾又鞋....

今次同食家朋友搞左呢個潮州菜飯局, 其實我都係SEARCH 番之前既食評得知樂口福有好多潮州既手工菜食, 所以決定黎呢度試下佢. 荷葉包鱔真係好好味, 荷葉既香味完全滲哂落鱔入面!竹笙蟠蠬卷, 好特別, 將竹笙包住蝦蟹肉整成, 好考功夫, 味道好清甜!而其它食物例如豉油王中蝦, 蠔餅, 鹵水鵝, 糖醋餅, 反沙芋都係不錯之選,值得再試!

和鄧sir食飯，選吃的地方一定走不了，必然是地道的潮菜館....創發、澄海老四、潮匯館、潮味居....城中有點名聲的潮菜店都有留下我倆的足跡了，今天則來到候王道的幾十年老店"樂口福"。數數手指頭，上次來光顧時已是六至七年前的事吧....店內的老舊裝修一點也沒變，懷舊味十足。另外每次走進來，腦海中總會浮現出電影"鎗火"cool爆的場境...和阿sir食飯，肚子儘會被塞得滿滿的。兩個人叫三個菜，每份也是大大的而且又重囗味，這樣不被塞飽才怪呢....年紀老邁的侍者端來花生及功夫茶，是傳統潮菜店的餐前例牌動作....看到有蠔爽可叫，馬上便點了。這裡還號稱是"家鄉炒"的，吸引力自然就大....蠔仔大大只相當的飽滿，咬入口後感到一嘴的鮮甜而極多汁；蔥粒夠多食起來香氣滿溢。缺點是蠔吃起來是有點碎殼，以及碟底是舖著成吋厚的油....既然已食過蠔，那跟著就不太方便再叫蠔仔烙了.....此時唯有轉來一份水瓜烙....烙看上去呈金黃色的好像很脆口的但其實咬落是偏濕且淰，這和內藏的水瓜粒當然有極大關係；水瓜本身很夠甜但蝦肉則相反沒有甚麼鮮味的；油膩度是沒想像中的重，這個要讚一讚；另外特別的是在烙中吃到有不少的