榮記粉麵

營業中

休息中

𝔽𝕠𝕠𝕕𝕚𝕖 窮食香港🍔🍕🍣🍰🍹長期糧尾都可以有啖好食食得落肚嘅卡路里必須好味‼📍榮記粉麵糖街27號A地下味道 🍽🍽🍽價錢 💵💵💵💵賣相 👀👀👀環境 💒💒服務 🛎🛎喺銅鑼灣食飯又想食平啲? 車仔麵就啱曬 榮記湯底好夠味 餸菜易畀足料 用嚟打卡都唔失禮🤗𝔽𝕠𝕠𝕕𝕚𝕖 窮食香港🍔🍕🍣🍰🍹長期糧尾都可以有啖好食食得落肚嘅卡路里必須好味‼

Lunch 經過銅鑼灣想食車仔麵，有朋友介紹榮記，到門口已經有六七個人排隊，排了一陣，期間都見到有人不耐煩走掉，大概排了5分鐘，一人位就入得，唔算耐。網上評論話豬紅都好食，我最後叫了四餸牛筋，豬紅，墨魚頭，豬大腸 河粉牛筋、豬紅都入味勁淋，豬紅淋到有啲似蒟蒻😂可以啜入口，但我不喜歡，我鍾意有口感啲。墨魚頭 幾大條係連住尤魚鬚，我覺得最好食。豬大腸 厚切而且冇騷味可以再試，整體我覺得都OK，如果唔使點排隊我都會再食。

今日同同事喺銅鑼灣做嘢，佢約咗朋友食飯，但係佢就指住呢間榮記粉麵話俾我聽好好食，話佢嘅車仔麵餸好入味，所以我就一支公去咗試吓啦🤣門口都有大約七八個人等緊，不過都唔算等得太耐，我發現餐廳入面都比較都係一個人自己食嘅😆- 我叫咗個4餸車仔麵，價錢都只係$50，喺銅鑼灣來講真係算好平啦！叫咗牛筋，好淋好入味、豬腸肥瘦適中、仲有平時好少可有得叫嘅粉腸，好淋👍👍同埋叫咗春卷，不過我覺得春卷就比較普通，唔夠煙韌🤣但係整體來講都算係好高質嘅車仔麵

解鎖銅鑼灣車仔麵地圖😚講起車仔麵，我自認係麵尊fans，由上環食到銅鑼灣😛 前幾日有朋友推薦我去糖街嘅老店榮記，一於試吓先～三餸車仔麵 $43推薦配料：墨魚頭、豬大腸、蘿蔔總共試咗6款餸，墨魚頭爽脆彈牙，係好食嘅墨魚頭！❤️ 我夾起啱嚿好似蟹鉗咁🤣 豬大腸同蘿蔔都好入味，蘿蔔重要係無渣超腍，兩款都必嗌！另外重試咗豬紅同豬頸肉，呢兩款反而普通普通，豬紅滑但有啲腥 (本身見好多人推薦先嗌)，豬頸肉少少韌而又無咩味。湯底只有腩汁揀，所以我加咗啲辣油落去，加咗惹味啲，不過辣油超辣，大家慢慢加好喇～

銅鑼灣車仔麵嘅老店！每次食都保持到水準👏🏻🔸三餸車仔麵豬紅 - 嫩滑，鮮嫩程度好似鴨紅！正👍🏻羅白-鮮甜入味，無根又多汁牛根-炆到軟硬適中，香淋每碗都會配牛腩汁，絕對唔會死咸！🔸油菜（通菜）平時一份菜得好少，呢到係一大碗！值得一提，已想不到通菜超級嫩！菜莖細小，完全無揸！總括🔹好多配料都係誠意之作，並唔係攞貨滾熟就算。喜愛車仔麵嘅朋友要試試～不過注意⚠️老店風格，對餐飲服務有要求嘅朋友仔要考慮下😅

滿有期待，失望而歸。湯底真係好無誠意，味道唔三唔四，滷水汁唔似滷水汁，唔知做乜。除左蘿白同雞尖好食少少之外，其餘都係失敗。食完一次，絕對唔會返尋味。未試過嘅話，其實都唔洗試。完！ 以下內容，係為左寫夠二百字，我先可以比個😢，大家可以唔洗睇。為左大家認清事實，我點都會打夠二百字，繼續堅持打到夠字為止。咁難食服務又唔係好，我都唔明點解要排隊，重要有咁多個😋，完全係估佢到咁差。其實二百字都幾多，想比個🥲，其實都唔簡單😅

高質平靚正車仔面🤤🍜🌟蘿蔔+鮮蝦雲吞河粉 $34🌟雀檸 $9雖然呢間小店地方唔大，坐得有小小逼，但係碗車仔面絕對值得一試！order左兩餸車仔麵，蘿蔔很鮮甜，雲吞彈牙爽口，加上佢哋獨特嘅腩汁，係好出色既車仔面😋

榮記車仔麵，以前讀書嗰陣成日會嚟，每次打完波之後就嚟食返個車仔麵先，當時食個三餸麵好似廿幾蚊就得，簡直係學生恩物。不過岀咗嚟做嘢之後就好少食車仔麵，咁啱去銅鑼灣開會，開完三點幾有啲肚餓，不如就去食個下午茶先返公司啦。門口啲相由我仲讀緊書嗰陣掛到而家，大部分已經甩晒色。張餐牌加過好多次價，新嘅價錢貼喺舊嘅上面，而家一個三餸麵要43蚊。今日係嚟食個下午茶所以嗌個雙拼就夠，要咗個魚腐豬頸肉粗麵。榮記個腩汁真係冇得輸，淨係睇色都已經知佢好濃味，雖然濃但食完又唔會好口渴，魚腐吸咗啲腩汁，好好味。冇食咁多年都仲keep到水準，實在係唔錯。

特別推薦大家✅各式粉麵 - 蘿蔔、雞翼尖、豬紅、豬大腸、魷魚鬚《各式粉麵》腩汁湯底好濃，配河粉、米線、米粉、油麵都好食架😋⭐️以下嘅餸我哋都係好推薦1️⃣蘿蔔⚪️，好入味、夠淋，完全冇根2️⃣雞翼尖🐤，滷水炆得勁入味，又冇雞毛3️⃣豬紅🐽，好滑，冇血味4️⃣豬大腸🐷，感覺乾淨、冇腥、唔會韌，痴住d肥膏好食5️⃣魷魚鬚🦑，爽脆、彈牙💰$36 (單/雙拼)💰$43 (三拼)💰$50 (四拼)*每碗車仔麵都會有腩汁做湯底，唔想要記得要講聲🗣**一碟雞翼尖就💰$30(堂食) / 💰$36(外賣），淨菜💰$20 / 💰$25(單食)可以跟腐乳/腩汁，我哋覺得腐乳通菜係幾好食🥬😋***牛筋都好食，不過就有d飄忽😂，一時淋一時偏硬

榮記是我其中一間很愛吃的車仔麵，何時去都要排隊，証明極受食客歡迎。今日點了個三餸油麵，不用等太耐就有得食。未食單看賣相已知好味，湯自動加腩汁，不想加的記得要先揚聲。我喜歡這裡的湯底，味濃而不會太咸，飲埋都無所謂。餸方面有必食豬大腸，肥美厚切沒有「押」味，超正！豬血都很軟滑，推薦！魚腐第一次食，其實很不錯，口感不會覺得油膩，但下次會試食墨魚頭和牛腩，應該會很不錯。而於油麵，沒有鹼水味，麵條比其他車仔麵店幼，不算太彈牙，但也不太差。三餸車仔麵$43，我覺得得抵食，四餸$50，五餸$56。唔想諗可以叫大雜、小雜，樣樣有D都係唔錯嘅選擇，給大家參考。

榮記開左好多年，咁多年黎都食過兩三次，今日經過見佢唔洗等位，就同朋友入左去食。佢既價值都算好公道，由其佢係座落銅鑼灣鬧市內，不過佢碗麵都係相對黎講份量好少，應該一般人都未必夠飽。佢餸既種類都幾多，有一般車仔麵舖都少見既牛肺、魷魚鬚、墨魚頭等等。另外野飲都係加九蚊。叫左碗牛肚牛筋牛肺麵，見倒佢深啡色濃濃既腩汁湯，就覺得好吸引，D餸好入味，而佢既辣椒夠辣之餘亦都好香。響而家物價高企，以佢既質素黎講，抵食又好味。

講到香港地道美食一定唔少得車仔麵，今次已經唔係第一次食「榮記粉麵」，但岩岩開始寫食評既關係，所以今次食完都要寫一次對依間既食評。有去過既其實都知啲位其實都幾逼下，逼到有時要爭啲背貼背咁坐，但為咗美食，坐得逼少少都值得。今次叫左四餸，包括豬皮、鮮蝦雲吞、魷魚鬚、墨魚頭配米粉再加埋辣汁。剩係湯底，一睇就會覺得同出面既車仔麵唔同，加埋腩汁，成碗野好夠味。平時好中意食魷魚/墨魚，所以黎親都唔放過叫曬魷魚鬚同墨魚頭，中意佢夠咬口又大舊。豬皮都入曬味，所以又係必叫既一樣餸👍🏻個人評分（滿分為5）味道：😉😉😉😉環境：😉😉員工友善度：😉😉CP值：😉😉😉😉

去開銅鑼灣，平時都係鍾意食D平價野，呢度有間平價車仔麵既老店，銅鑼灣有兩間分店，經常排晒長龍，佢最出名係個湯底，我坐底叫咗兩餸，兩餸已經夠食，因為每碗麵都加咗通菜係底，必叫既有魚肉春卷，麵底我叫咗米粉，今次有D 甩漏，平時5-10分鐘食物已經到，今次要催咗一次，原來漏咗單。車仔麵到，湯底係香濃既五香牛腩汁，魚肉春卷好冧，紅腸一般，佢另外有出名既滷水雞翼尖&咖喱墨魚頭，滷水好入味，墨魚頭超辣，啱晒鍾意食辣既朋友。雖然有甩漏，但水準依舊，下次仍會幫襯 。

平靚正🤩濃味車仔麵🍲⁡麵尊之外 另一銅鑼灣平靚正車仔麵😋 仲可以食懷舊味🤣⁡粉麵三拼 $37 四拼 $44 🔖4.1/5分- 腩汁湯底較重味 睇顏色都知🟤 雖然濃但唔算鹹 鐘意濃味既朋友應該會滿意😙- 主打有豬頸肉 墨魚頭 蘿蔔- 餸的份量適中 仲會有幾條通菜🥬 口感更好- 以前食左好多次 水準都仲keep住👍🏼⁡🐨 注意 小店座位稍窄📍 榮記粉麵 (銅鑼灣)銅鑼灣糖街27號A地下

​🤍榮記粉麵​​∞ ∞ ∞ ∞ ∞ ∞ ​​◽️三拼車仔麵 9/10 (HKD 43）​​◽️大雜粉麵 9/10 (HKD 50）​​榮記粉麵真係世界第一，稱霸成個車仔麵界，係車仔麵嘅楷模，每次食車仔麵都會不自覺拎佢嚟同榮記比🤣，但暫時真係未有一間可以撼動榮記嘅地位！​​湯底：榮記嘅腩汁湯底真係冇得輸，好香好濃嘅牛腩味，但食完又唔會口渴，超高質！​​辣油：食榮記係唔洗講大中小辣，佢個腩汁係唔辣嫁，咁你想食辣就可以自己落辣油，佢個辣油好香好辣，提提大家落小小先，唔夠再加，因為佢個辣油係超辣嫁，落多左會食唔到！​​麵底：暫時我食過河粉、米線同米粉，我覺得河粉同米線跑出，河粉嫩滑有口感、米線都好掛湯，米粉就普通。​​餸：​豬大腸 - 豬大腸好入味，而且好彈牙同厚實，必叫！​魷魚鬚 - 好香嘅油香味，條條都好足料，超彈牙，必叫！​墨魚丸 - 好濃墨魚味，彈牙而且唔硬，必叫！​冬菇 - 真「平民鮑魚」，冬菇超甜超入味😍，大大舊好有口感，必叫！​蘿蔔 - 蘿蔔舊舊都好嫩，冇渣，都一樣好甜好入味，正，必叫！​​魚蛋 - 唔係陳皮魚蛋，係大大粒嘅白色魚丸，好有鮮味同魚味，彈牙嫩滑！*:･･:*:･ﾟ･:,