榮記粉麵

營業中

休息中

去開銅鑼灣，平時都係鍾意食D平價野，呢度有間平價車仔麵既老店，銅鑼灣有兩間分店，經常排晒長龍，佢最出名係個湯底，我坐底叫咗兩餸，兩餸已經夠食，因為每碗麵都加咗通菜係底，必叫既有魚肉春卷，麵底我叫咗米粉，今次有D 甩漏，平時5-10分鐘食物已經到，今次要催咗一次，原來漏咗單。車仔麵到，湯底係香濃既五香牛腩汁，魚肉春卷好冧，紅腸一般，佢另外有出名既滷水雞翼尖&咖喱墨魚頭，滷水好入味，墨魚頭超辣，啱晒鍾意食辣既朋友。雖然有甩漏，但水準依舊，下次仍會幫襯 。