榮昌茶座

營業中

休息中

本人甚喜按圖索驥，多年前在歐洲也是拿著地圖到處找景點，找到後很有滿足感。今天想來這茶座試試有名的豬扒包，看過地圖也不知正確位置，唯有致電茶座問交通資料，可在上水火車站附近乘小巴去。不消十分鐘，便抵達這有五十年歷史的茶座，地處大路旁，有露天和室內，我們選了露天區。點了近乎必吃的豬扒包 $20，又點了用奶茶做的紅豆冰$24，天氣太炎熱，太座沒有胃口。先來一杯紅豆冰，杯的形狀跟我年幼時在冰室見過的無異，但是用膠做的，不及玻璃杯，少了重量感，喝一口，不算太甜，奶茶味薄弱，紅豆酥而不腍，等了十多分鐘，豬扒包送來了，麵包處理得不錯，暖暖的，軟熟好味，至於豬扒，可能受近來的豬肉價格上升影響，是薄薄的一片，薄的豬扒是吃不到豐腴的感覺，醃料是基本調味，沒有甚麼過人之處，而洋蔥半生熟，不難處理。可能受電視節目吹噓，一個普通豬扒包，說成天下無敵，其實有些基本烹飪知識的人也必定做到。山長水遠，四十四元吃一個包加一杯飲品，未試過心思思，試過了，不外如是，坐了一會，太座急於想離開，因蚊子對其血型甚感興趣，還是早走早著。

中午時分還未用餐，本來預定去深圳吃飯，但臨時想吃一點輕食，朋友建議到近上水哥爾夫球場的榮昌茶座，於是便一鼓作氣的衝了過去。這茶座富有鄉村風格, 建於 1956 年, 店面不特別引人注意， 佈置上則是簡單而樸實。映入眼簾, 門前有一”盪千秋”, 剎時勾起我小時候在奶奶家的回憶，真是懷念呢！喜歡庭園風格的不妨坐在店外用餐，別有一番興味。一片綠意盎然的植物，彷彿初陽從樹林間灑落，寧靜又平和! 沒想到還別有洞天，廚房建於村屋內, 一派住家風, 就像吃到媽媽菜般手藝。店內餐點種類繁多，舉凡菠蘿油、煎雞尾包、豬扒包、煎菠蘿包、公仔麵、彼德包白汁碎旦牛角包、、三文治、漢堡、奶茶、即磨咖啡、紅豆冰及各類飲料等，應有盡有，難怪讓人看得眼花撩亂，難以下決定呢！榮昌茶座對面的上水哥爾夫球場門口車位都泊滿意簡情深, 一個茶座, 維持著一家上下的心熱狗包烤得稍帶焦黃，麵包吃起來口感酥脆, 中間夾有生菜、蕃茄、醬汁調配得宜, 清爽不膩口, 香腸用上外國貨, 口感有嚼勁，非常對味，三兩下就輕鬆解決了，真好吃呢！豬排包: 豬排包是鎮店之寶, 等了十分鐘才上檯, 硬豬包熱辣辣, 吃起來十足的香脆， 薄薄的豬排沒有梳打粉

與家人一行十二人, 離開雲泉仙館後,我們去了粉錦公路的榮昌茶座食下午茶~這間食肆來過好多次的了,雖然山長水又遠,但...值既~我們分別叫了...以下既餐 (平均每個下午茶餐都係$27蚊,凍飲加3蚊)白汁碎旦牛角包 x 5 --->>碎旦及旦黃醬配上香軟鬆脆既牛角包,好味到無朋友.繽紛彼德包 x 1 -->> 有煙肉,蕃茄及生菜,蔬菜新鮮,健康又有益.煎菠蘿包 x 3 -->> 本來想叫最好食既煎雞尾包的,可惜賣哂,唯有叫呢款頂替,但...呢款冇人吼,因為,好難食.牛仔骨公仔麵 x1 -->大姐夫讚不絕口的牛仔骨,佢話冇筋,而且,醃得好入味~牛肉烏冬 x 1 -->>呢款唔知乜嘢味,因為,係朋友叫比小朋友吃的,偷不到來試~熱狗 x 1 -->> 旦黃醬加條腸及蕃茄,沒搶過來試味,但...朋友話好好味.雞扒漢堡包+煙肉旦漢堡 各 1 --->> 雞扒炸得剛好,又夠入味,超正 / 煙肉旦漢堡只是一般家庭式口味,因為沒醬汁,

本人平時在市區工作,覺得生活好緊張同好少個人空間.上星期日我第一次去榮昌茶座並出席了同學會,待應好熱情(尤其是老板),佢地介紹咗他們啲鎮山之寶-雪糕紅豆冰同澳門豬扒包.食物真係好正,雪糕紅豆冰令我諗返起童年回憶=D豬扒包令我想打包返工食!環境都好舒服,真係有種大自然親親我嘅感覺!!我同學並在臨行前買了一卉花!原來香港仲有呢D咁有特色原始味嘅茶座ga!我有機會一定會再返來

真正既下午茶，好食、好飲、好hea..... 不過，係遠左d。好多都知道，八鄉榮昌，電視有次阿蘇都有介紹過。好食既，係豬排一丁，乳鴒，鹵水雞亦好飲既，係即磨咖啡，紅豆冰好hea，主人家種下花，客人放下狗如果搭車去，記住佢其實係粉嶺Golf Club 附近

上次星期日來,多人到要派籌！個紅豆冰真係好好食,紅豆好大粒！食過翻尋味,今日帶爸媽來食晏。豬扒真係煎o既,唔係坊間炸的.好軟,媽媽都話juicy!牛腩夠冧,咖哩就似葡汁多d,連d飯都好好食!奶茶就一般啦！地方吊腳。附近有地盤,連閒日都好好生意啊...

星期六,放工之後,bf話之前睇到呢間野食評唔錯,所以揸車帶我黎試吓.山長水遠咁入到去,由於我本身有d唔舒服,所以無緣食佢個紅豆冰.我叫個女職員俾杯熱水我,佢好出奇咁話: 吓! 水呀? 我話係呀! (咁大間餐廳,要杯水都唔俾!?)之後佢俾左杯唔熱既水我, ok, 算!咁我同bf都即刻落單啦! 點左煎雞尾包,佢話無晒, ok, 算!咁我地就點第二樣啦! 叫菠蘿油、豬扒包、牛腩+牛筋、熱奶茶.好快咁黎左菠蘿油,味道都ok! 我bf話杯熱奶茶都ok,無咩特別!之後黎埋牛腩+牛筋,一食落去,凍既!!! 仲要係最貴果樣喎. ok, 算! (好肯定係煮好晒,就咁撈返出黎,又唔返熱!!! 超無heart囉!!!)最後黎埋個豬扒包,個包熱熱地,幾脆,都ok! 但塊豬扒就唔掂! 好乾!!! 又唔juice!!! ok, 算!所以總括黎講, 呢間野只係浪得虛名, 並唔係食評所講既好味! 我同bf都唔會再黎!!!!! >.<

看了很多食評都讚煎雞尾包，今天終於約朋友剛試了，駛車到步已經很多人，門口車位都泊滿了，不過什入少許還有停車場，只是多走幾步沒問題。坐下來伙計已經來招呼，介紹下午茶=>煎雞尾包+熱飲$15，真的不算貴於是和朋友各ORDER了一份，我的是熱奶茶，朋友是凍奶茶+2，飲品很快來了，奶茶味道還好。煎雞尾包大約5-10分鐘左右來了，是一個壓扁了煎熱了的雞尾包，跟麵包店新鮮出爐的差不多，但多了一份香、脆的感覺。未試過不妨來試一下，價錢不貴，我下次會試一下豬扒麵或者其他。今次係我第一次記得用手機拍下相片的，質素不好請大家多多包涵。

很久前來過，經常心癢癢的想再來食過煎雞尾包，終於都成事了。星期日下午一點多，家庭日當然是旺場的。坐下，餐牌都不用看就叫了煎雞尾包及紅豆冰。雞尾包即煎，也不介意制作需時，久一點也沒所謂。其實此物絕對其貌不揚，黑黑乾乾遍遍的，但就是喜歡。包煎過，外皮香脆，餡料也分佈平均，由頭到尾都會吃到有餡料的，很好。解了一個心癮也很滿足。市面上有些紅豆冰竟然用大粒方冰製作的，一見到就嬲，大粒方冰怎會吃得過癮？榮昌此處當然是用碎冰，不用擔心。更值得一讚的是紅豆都大大粒，加上是綿綿的，用粗飲管把碎冰花奶紅豆一次過吮入口中，成件事就完美了。在幹掉了我的煎雞尾及紅豆冰之際，竟見阿姐端著一樣賣相好靚的甜品出來，當然立刻拿餐牌看看此為可物… 原來叫甜心窩，是雪糕載在成窩形的酥皮內，就來一客嚐嚐看。酥皮應該也是即焗的，因為也等了十多分鐘才到。雪糕是藍莓味，大大球，興熱辣辣的酥皮混著吃，頗滋味的。但可能雪糕的質地太凍太硬了，總不能與酥皮和諧共融，是有點貌合神離的感覺。

去完農場食甜品，番朋友屋企坐咗一陣之後又開始肚餓。朋友就帶我地去榮昌茶座。唔講唔知，原來阿蘇介紹過。叫咗菠蘿油、豬扒米、紅豆冰。 環境分內外，我地坐裡面，唔洗熱。等咗五分鐘左右就有野食。紅豆冰先來，賣相幾好，勁多豆，不過亦勁多碎冰，一啜就俾豆同冰塞住，好難啜。幸好唔係太甜，適中。隔一陣，菠蘿油來了，不過我無試。過多陣，豬扒米來了。米粉就像福字牌，不用多講。反而豬扒就真係好正，新鮮煎起！熱辣辣，煎得十分香口惹味，不算肥膩，骨位仲好食。推介！

到達時,外邊所有的地方都是小狗跟主人,好像是狗展一樣,有夠利害!好餓的關係,先叫了豬排一丁,還有就是煎菠蘿包,還有就是咖啡。先來的是咖啡,的確是即磨的喎!味道還蠻好的,我連點點糖也沒下。再來就是菠蘿包,壓得扁扁的,還有醬汁在下,估他不到。包是熱的當然好吃,而且還是邪惡的菠蘿包喎!很難難吃的吧?!醬汁不太合我,放棄了它!豬排一丁等了又等才上來,豬排有點太油,幸味道可以,沒有雪味,也不鞋口。大概是沒位的關係,小狗跟主人都坐進內邊,有鼻敏感的我乞嚏過不停...。

於很久前 也嚐過那時沒有太多人 環境也較好 紅豆冰 很多的紅豆 不是太甜 很好而且我個人認為此冰比廣成的較好 哈!豬扒是最有名氣的 多得蘇施介紹 令豬扒質量 越來越下降了 是太多人吃 做不來 還是 ?現在想在中午在這裡Hea 下 太難了 太多人 .....下次來可能要於大雨 沒有蚊 沒有太多人 之時

兩年多前搬往村屋居住後, 多了駕車出入, 所以看過以前"蘇絲黃"在有線的介紹, 亦慕名而來之後亦都來過榮昌好多次.我個人比較喜歡他們的自家醃製的豬扒, 不論豬扒包, 或豬扒麵都是值得推介紅豆冰, 紅豆大大粒, 亦是水準之作. 煎鷄尾包就一般, 賣gimmick囉 不過熱哄哄的麵包, 也不賴了他們這裡亦好在有大量停車位置提供不用煩惱車停在哪裡最可狠的是這兒近山邊, 很多蚊子, 每次如準備不足, 譬如忘記穿長褲便出事!!! 所以建議榮昌多注意衛生及滅蚊, 便perfect 囉!!

駕車郊遊到處食，向來就係我屋企人指定嘅家庭日活動，有得食有得玩，人生幾咁美好。鄉郊BB鴿$32，香甜卜卜脆，一人半隻，咁嘅下午茶超爽。時菜柱侯牛根腩$35，入味夠焾唔太濃太咸，有椰菜薦底，好家庭式感覺。冬菇豆卜通粉$17，都清甜可口，最緊要係啲通粉夠爽身最怕焾bat bat。熱奶茶菠蘿油煎雞尾包，有幾好食，其他食評講咗啦！

一行5人嚟食late lunch，勁肚餓，食食食食......1) 香煎雞尾包 ($8)一坐低見隔離位仁兄食緊，即刻唔執輸，要番件先。真係幾得bor......又唔會太多油，正！2) 香煎菠蘿包 ($8)3) 冰鎮鮑魚 (大 - $40)嘩！成隻刺身船，賣相咁靚，唔捨得食tim......好有咬口，煙堙韌韌，唔錯！4) 雲吞丁麵 ($24)佢哋個個食豬扒丁麵，我就試吓雲吞先！都好好味，啲蝦夠彈牙，個麵好香，麵質又好！唔會好似出面咁琳pat pat 5) 豬扒丁麵必食推介6) 滷水雞翼都唔錯，好入味！阿姐狂推介好多嘢食，但食唔到咁多，唯有下次再試喇！