榮昌茶座

營業中

休息中

到這家店後, 想起中學時讀的一課書....竹林深處人家!! 還記得有一句 "柳暗花明又一村, ....." 然後作者看見炊煙, 便走到別人家作客, 吃到一些好吃的竹筍什麼什麼!!雖然這家榮昌茶座沒有這篇文章內寫得那麼美, 但在香港找到這餐廳是十分難得!而且食物也十分好吃!!我們五個人吃了......豬排飽, 乳鴿, 煎菠蘿飽, 煎雞尾飽, 綠茶紅豆冰, 通粉, 牛肉飯等....大部份都好吃, 唯獨煎菠蘿飽, 煎雞尾飽不好吃, 怪怪的, 也很硬, 很甜....我最欣賞乳鴿, 綠茶紅豆冰... 乳鴿肉很滑, 味道好...紅豆大大的很香!! 而且有很大的綠茶雪糕在上面對!店有露天的桌子, 可以帶狗狗一起進餐!! 絕對是假日的好去處~~~

d野都唔係話好好食，全部野食一律無野飲跟，+OT 等飲品就要+$12個豬扒包又無去骨D curry飯都ok，不過我覺得唔夠辣，個飯大小一般，大食d一定唔夠食，由其係食curry，不過唔都有無得+飯不過有一樣不滿的係，好多烏蠅

平時食早餐 我同family 除左好鐘意飲茶之外我地都好鍾意去呢間榮昌茶座不過我唔係因為阿 SO而慕名而來係我老豆有次揸車經過時發現呢間茶座呢間野其實都幾多人幫襯 …. 多數人都係自己揸車過黎我就唔sure 有冇巴士/ 小巴會停響附近啦 ….今次食o既都係去皮煎雞扒丁… .因為呢個雞扒面真係太太太好食啦一個雞扒丁要 $26 唔連野飲, 其實都唔算平但勝左個雞扒丁分開上 塊雞扒唔會比d湯浸到稔哂而且d 雞扒冇雪味, 又大塊…. 食落口熱辣辣 真係好正啊 …. 另外整多杯茶走, 水滾茶靚, 好似 $12 一杯左右其實呢度食野係有得跟餐o既不過大部份都係跟d牛角包, 熱狗果dp.s# 呢度 lunch o既碟頭飯 同 乳鴒都好好食牛角包, 熱狗 果d都熱辣辣 一d都唔欺場…. 大家有機會都可以去試下 美中不足係 果度都幾多煙民同好多食客都有狗隻隨行怕o既話可以入去有冷氣o既地方坐

菠蘿油: 老公點了劉華也非常喜愛的菠蘿油, 請我吃了一口, 嗚~ 從未吃過如此鬆軟的麵包, 加上脆脆的酥皮和厚厚的牛油, 多膩也不顧了~ ~雞尾包: 我則點了原始基本步的雞尾包, 可不要看它樣子怪怪的, 其實它是香煎雞尾包, 餡料是滿滿的椰絲豬排包: 最後老公追加了一個鎮店之寶 - 豬排包, 等了十分鐘才上檯的豬排包果真是熱騰騰的, 脆脆的包, 薄薄的豬排, 半熟的洋蔥, 晤... 我想大家以後不用長途拔涉到澳門吃豬排包咯~酸梅冰, 紅豆冰: 配角酸梅冰和紅豆冰也毫不失禮, 更有錦上添花之感呢~ ~

好多人覺得阿蘇寫食評有偏見，好多阿蘇話好食嘅食肆其實不外如是。不過筆者認為凡牽涉個人意見唔多唔少都會有偏見，純粹作為參考已可，不需要太認真對待。關於此半露天茶座，阿蘇唔止一次話呢度嘅菠蘿包好味，所以筆者是日親身體驗一下。筆者除咗叫咗菠蘿油之外，還叫咗一個白汁蛋碎牛角包茶餐。令外，一齊嚟嘅同事叫了香煎豬扒出前一丁。以筆者嘅記憶，此店出產嘅菠蘿包係最香的了，不但甜酥皮十分鬆軟，而且如阿蘇所講唔界口之餘，亦唔會輕易脫落。未入口，一陣又一陣嘅麵包香氣及酥皮香甜氣味直撲入鼻。相反，筆者完全感受唔到牛油味，有兩個可能，一是用嘅唔係牛油而係margarine；其次牛油份量不足。但不大要緊，單是菠蘿包已經係一件極品。同事嘅豬扒望落有點油膩，偷吃一小塊，發覺肉質鬆軟，沒有梳打粉嘅痕跡；至於白汁蛋碎牛角包，只是普通貨色而已。茶餐一份廿四蚊，豬扒出前一丁廿六蚊(福字麵可以慳兩蚊)；菠蘿油六蚊一個，雖比一般嘅貴，但筆者斷言絕對值得呢個價錢。

好耐之前，試過嚟食下午茶，今次嚟食早餐。我試咗柴魚花生排骨粥餐，配炒麵再加鐵觀音一壺 ($24)個粥好綿，勁多柴魚，好味！炒麵係即炒，熱辣辣，落多啲芝麻，超正！聽講喱度啲豬扒麵($24)好出名，不過冇套餐，要另外叫飲品。煎得幾香bor......

認識榮昌, 唔係靠呀蘇, 係我睇飲食男女篇稿。介紹呀金。是日一家四口睡至日上三竿, 於是帶埋2隻小牧遠行一下, 是日不是假日, 但餐廳則的車位都爆滿, 只好泊餐廳後的停車位。入座率都係7成滿, 但是日路口修路掘地, 好嘈, 巳經有少少炆, 再加上露天茶座, 前後左右隔離都係煙民一族, 對於一聞到煙味就頭痛既我自然係苦不堪言。食物叫左1) 吉列豬扒烏冬 - 吉列豬扒好ok, 夠乾身2) 豬扒包 - 一貫中上水準3) 豬扒公仔麵 - 亦係水準之作, 但少d油更好4) 涼粉冰 - 我冇試, 但睇落應唔錯5) 薑茶 - 好, 不甜, 有薑味, 岩口味!6) 瓜粒湯飯 - 一貫茶餐廳水準7) 熱啡 - 極失敗之作, 好"火農", 好苦! 真係要改善!希望下次去巳經修好路啦!

上星期日去過一次，但食唔到.....因為亞蘇效應，個日實在多人到等位都等死呀！結果，買左個菠蘿油行街就算啦！上到車食覺得都好食，但唔熱，凍冰冰既！我以為係外賣，所以冇整熱！算佢啦~~今日，係閒日，我諗應該會小d人，所以再駕車去多次。今次真係小好多人啦！仲有位泊車添！我同男朋友兩個人，叫左一個菠蘿包、一個豬扒包、一碗餐蛋麵、一杯紅豆冰同埋一杯涼粉冰。逐樣講啦~~~~~~~~菠蘿包：今日坐低食，但原來佢地都係唔會整熱既，算好食，但真係唔係好食到好似亞蘇 個樣咁啦！我個人覺得，旺角好出名個開好食d豬扒包：個包軟熟，件豬扒都好味！仲有幾條洋蔥係入面吊下味，good~餐蛋麵：非常求其，如果唔係咁肚餓，唔好叫！紅豆冰：最好係呢個，d紅豆真係好大粒，口感一流呀！而且唔會太甜，好味！涼粉冰：都算好味，唔太甜！總而言之，可以的話，唔好假期黎呀！豬扒包係假期既日子要等超過半個鐘架！

　去完群記，順便試下阿蘇介紹過既呢間茶室　！　去呢度，　揸車比較好，因為好偏僻．打左兩次去問榮昌條路點行哈哈． 想講左先：　實在太滿足　！！！菠蘿油　：　咬落去好鬆軟, d 菠蘿皮鬆脆唔硬, 金華同榮昌, 我會揀榮昌. 豬扒包　：　好明顯, 豬扒冇用鬆肉粉, 咬落去唔散, 有鮮豬肉味, 好有纖維, 個包好軟熟煎鷄尾包　：　一般紅豆冰　：　粒粒大紅豆, 唔似一般出面飲食地方, 紅豆沙扮紅豆冰.不過無咩奶味熱奶茶　：　可接受(因為食物d既質素好, 所以可接受o個杯熱奶茶係一般水平)環境　：　清優, 因為試食當日落緊少少雨粉, 有幾陣涼風, 好舒服好relax. 煩惱都少d,慢慢發下夢,靜落來望下對面哥爾夫球場都唔覺無聊 . 好平靜 ! 所以o係呢個point 加左好多分價錢　：　略貴

天氣好就自然想喺outdoor嘆個tea諗起阿蘇喺節目度介紹上水有室外茶座於是即刻去，茶座隔離有得免費泊車一坐低即叫個菠蘿油，熱辣辣好鬆軟再嚟個 椰汁涼粉冰，甜度適中，正!雖則話豬扖飽出名，但唔想食咁多飽，於是只叫左豬扖麵個豬扖果真OK，又香又夠"林"個麵就一般水準啦不過放假喺呢D環境"hae"下就最正~下次嚟要試下阿蘇推介嘅煎雞尾包